金子半之助 (利東街)

營業中

休息中

金子半之助喺灣仔、葵芳同東涌都有分店。最出名就係所有天婦羅都係用胡麻油炸，聞到已經覺得好香😍今次我地Weekend去灣仔食Lunch。由於店舖座位有限，我地都等左30分鐘先可以入座。喺出面排隊等候時可以睇到廚師即埸炸天婦羅，店舖通風設施做得好好，等待時都冇聞到任何油煙味👍🏻🌟江戶前天丼配Suntory Premium Malt啤酒呢個係Wine & Dine Special 嘅套餐，天婦羅有︰穴子(野生星鰻)、蝦、魷魚海鮮天婦羅餅(小干貝+魷魚)、莢豌豆、半熟蛋、炸海苔。同行友人見到天丼時就講左句 " 咁大隻碗，咁少飯，會唔會唔夠飽架？" 答案係好夠飽架！不過講返D飯餸先！醬汁味道甜甜地，味道有少少似饅魚汁🤪醬汁主要集中喺飯底，食前要先撈好。穴子Size好巨型，厚身實肉。魷魚海鮮天婦羅餅食時好有驚喜，本身都擔心會似魚餅會有麵糰嘅口感，原來入面真係有粒粒海鮮🦑少粉漿，全餐飯最愛呢個海鮮餅🤩 炸蝦🍤就有啲失望啦😪明顯地過熟鞋口😧 睇嚟時間掌控得唔係太好。其他食材水準都發揮不錯👍🏻🌟迷你天丼&稻庭烏冬(溫)店員送上熱烏冬時遞上一個大木盒，原來入面有天婦羅炸衣碎、鰹魚花，蔥花同海藻，可按個人口

同朋友做完Gym行到呢頭搵野食，其中一位老友推介食呢間天丼，我地三個人一人嗌一份天丼。一食之下發覺水準真的是高- 整體味道、外層鬆脆的口感、海鮮的鮮味都是天婦羅的高水準，再配埋白飯同醬油汁調味，整件事也是幸福感滿滿。推薦～

員工服務好有禮，環境裝修好日式和風手機下單夠方便清晰環保，而我地因為係用Wine & Dine 嘅品味卷所以另外有張Menu，問問店員就會有提供有壺茶放低可以自己倒，而杯入面仲會有幾粒黑豆Wine & Dine嘅食物其實都係得兩款，一個係以下「江戶前天丼配Suntory Premium Malt啤酒」，真係超豐富，好多天婦羅同飯，真係第一次見第一次食一條穴子，即係海鰻；兩隻海老；一件小貝柱魷魚天婦羅餅；一隻炸温泉蛋；一塊海苔同一塊莢豌豆炸得好靚，金黃色又脆卜卜，尤其穴子，真係好大條好厚肉另一個係「什錦天婦羅稻庭烏冬」，呢個有兩隻海老，一件炸菇菌同一件小貝柱魷魚天婦羅餅，質素一樣咁好仲會有隻温泉蛋加幾款配料比你自己加落烏冬食，月個特製木箱裝住有青蔥，昆布，木魚，同埋炸乾蔥咁嘅脆脆，真係大開眼界其實室內真係唔係太多位，我地12：10左右到，都要排隊等30分鐘先可以入座，到我地食完都一樣仲排緊隊，可想而知佢出名又高質，相信大家食完會再返頭，一定好過壽X郎背後嘅大櫻花樹好靚

Menu 入面選擇唔多2頁紙 食材大致一樣一係飯  一係 稻庭烏冬 (凍食 / 熱湯) 但每次經過個區 都想返去食個天丼今次食湯烏冬配 迷你天丼 (比正常少 50% 份量嘅)適合女士 又或者  我呢類  花心嘅朋友  個set一次過  有飯  又有烏冬 😆 稻庭烏冬  可配合個人口味自己  加添  鏗魚花 / 天婦羅碎 / 葱花 / 海藻 侍應會送上 一個大木盒子自助形式  任加可以貪心地 狂加 自己喜愛的配料 整體味道  好好味炸物  新鮮即炸  熱騰騰上檯  飯係珍珠米  正常味道湯烏冬 扁身 滑滑的  湯底  清淡但有d魚味道 (唔太肯定)  食完感覺  有去了一轉日本一樣嘅滿足以晚餐嘅價錢  大約 $130 (連同加一) 算抵食

📍 金子半之助 (利東街) (灣仔)金子半之助係2010年東京中心日本橋開設本店後，係當地瞬間爆紅，長期排隊，依家係香港變到周圍都有分店，今日去同弟弟食，點知有驚喜！成間鋪頭都好日系，服務好，又乾淨🥢冷稻庭烏冬&迷你天丼$118有冷烏冬，加細份丼，差不多都是炸素食，再配埋煙un 烏冬，份量都幾多，飽哂🥢江戶前天丼$138呢個必叫，勁大條天婦羅幔魚、天婦羅蝦、天婦羅帶子，大大碗飯🤤勁豐富，雖然勁邪惡，但間中食下都ok 👍🏼地址：灣仔皇后大道東200號利東街地下G16號舖

呢間來自日本過江龍嘅餐廳其實一直都係我嘅口袋名單上面，不過因為佢啱啱黎嗰陣都好多人慕名排隊，所以過咗一段時間之後我就同朋友仔終於嚟呢度試吓啦！佢最出名而且好專一咁樣淨係買唔同種類嘅天丼，即係炸物蓋飯，好似我朋友就叫咗江戶前天丼同埋軟殼蟹天丼，而我自己就叫咗個迷你天丼配稻庭冷烏冬。喺未講佢嘅食品之前，我都想讚揚一下佢嘅茶，佢哋嘅茶係用傳統嘅日本黑豆茶，茶香有一陣陣炒過嘅香味，而且入口好順滑，配合天丼可以解肥膩感，我個人超鍾意! 終於到食物上枱，每一款餐點嘅炸物都排得整整齊齊，而且望落去超級大份，令人食慾大增。我自己最有興趣係佢嘅雞蛋，因為有日本朋友同我講雞蛋絕對係呢個餐點嘅靈魂，估唔到經過油炸嘅雞蛋裏面係流心既，打開嗰刻真係好療癒。其他嘅炸物每一樣都好好食，佢嘅粉漿唔會太厚而且係有經過調味嘅，配合返新鮮嘅食材即時烹調，所以每一口都係好爽脆完全沒有油膩又或者淋左嘅感覺，每一啖都覺得好珍貴。 食天丼除咗講求用料，醬汁都好重要。聽講佢哋嘅醬汁係創辦人家族保存超過300年嘅秘方，難怪醬汁同白飯炸物都融合得天衣無縫，香甜濃郁嘅醬汁絕對唔會蓋過炸物嘅味道，而且仲會更加令你食慾大開，諗起都流口水，大家

前晚見早收工，就同同事去附近既人氣天婦羅店食飯～～一入店就聞到陣陣胡麻油香，炸物一輪接一輪，好期待😍😍🍱江戶前天丼 $138✨炸物包括：穴子、海老、小柱魷魚天婦羅餅、溫泉蛋、海苔同莢碗豆～～炸物堆滿左飯面，整到小山咁，真係好吸引！而且全部都好有水準👍🏻👍🏻招牌穴子長過手掌添啊，足足有成30cm！外層酥脆，裡頭超厚肉，肉質肥美軟滑😋😋海老都炸得啱啱好，食落唔會堅韌，蝦殼仲脆卜卜～～海苔炸出來既口感同味道有少少口似魚皮添🤤🤤同埋餐廳採用日本特製高級胡麻油，胡麻油製成既天婦羅色澤會較深，味道更香！！🍱上天丼 $118✨炸物包括：白身魚、海老、小柱魷魚天婦羅餅、溫泉蛋、海苔同莢碗豆～～白身魚清甜，口感比較稔身❤️❤️小柱魷魚天婦羅餅好特別，魷魚大大粒非常有咬口！！溫泉蛋外脆內軟，咬開用蛋漿點炸物或者拌飯都唔錯🤤🤤如果想食濃味d可以沾上古早秘傳醬汁，體驗下江戶時代風味🎎🎎套餐會附送味噌湯同漬物～～味噌湯唔算太濃味，啱返香港人口味👍🏻👍🏻漬物有醃蘿蔔、酸薑，味道十分清爽！唔錯呢😋😋

Lunch見到條龍好長，照排隊等食起碼都等左有20分鐘，好肚餓我哋4個人一致認同第一次要食個穴子先今日4個都係同一款朋友A小姐話聽到d炸嘢聲，以為出面落大雨證明d油溫都幾高下開放式廚房可以望到出品位條穴子仲長過筷子🥢粉漿炸到好脆野食一上，個個都忍唔住拎起電話打卡依舊炸魷魚粒好好食，好多香口，炸溫泉蛋都係好好食😋平時仲意點沙律醬既我，今次意外地覺得炸品都好夠味，唔洗再點d咩是日4人午餐食黎感：值依個價錢

幸好趕到六點前入座，大概6:20分 已是長長的人龍。餐廳裝修屬光猛和式風格，使用開放式廚房設計，令餐廳內更有空間感，而且設有吧枱位置，等待同時觀賞廚師用心烹飪的過程。江戶前天丼 $138材料非常豐富有穴子、海老、小柱魷天婦羅餅、溫泉蛋、海苔、夾豌莢 天婦羅採用了日本特製高級胡麻油，令天婦羅色澤較一般的深，胡麻油香芳香撲鼻。古早秘傳醬汁，更能重現江戶時代風味。招牌穴子天婦羅長達30cm，肉身超厚，肥美兼軟滑（穴子即是星鰻）。迷你天丼&稻庭烏冬（泠） 118可以一次過滿足兩個願望，同時可以品嚐天丼及稻庭烏冬。天婦羅有：菇菌、海老、南瓜、海苔、夾豌豆、溫泉蛋。冷烏冬非常爽口，，冷麵汁味道超班。

呢間天婦羅飯的舖頭有其可取之處，首先佢哋提供特別的黑豆茶，食物份量比較大，飯嘅醬汁同烏冬麵都好好食，如果嗌烏冬重有得無限添加配蔥、昆布、柴魚等等。又可以無限添加蘿蔔同薑，溫泉蛋亦都好好食，價錢亦都唔算太貴，最可惜佢嘅天婦羅同埋炸魚係唔好食一睇就知魚同蝦嘅表面炸得太過燶，食落去就發現佢哋所用嘅材料唔新鮮同埋唔係用啲好靚嘅油。尤其是隻蝦有少少霉味，白魚冇味而且入面唔係太熱，完全食唔出有炸過。炸蘑菇係唯一比較好食嘅食物，希望佢可以改善一下佢哋主打嘅食物如果唔係真係冇需要返轉頭

長長穴子，鮮美白身魚，魚類天婦羅尤其出色～～～好耐之前喺日本見過呢間餐廳，但係由於趕飛機嘅關係，冇成功食到。之後佢開咗嚟香港，但成日都有長長嘅人龍，所以又成日都冇機會去。今日放假，四點左右路過，難得見到佢唔使排隊，就入咗嚟試一試😊。～～～我哋首先叫咗一碗江戶前天丼，招牌嘅穴子天婦羅超級長，目測25-35cm左右。貌相吸引，穴子非常厚身，表面香脆，內裏軟滑。除咗穴子之外，其他材料仲有，🦐海老、小柱魷魚天婦羅餅、溫泉蛋、海苔同豌豆等等。～～～佢哋嘅材料全部都用得非常上乘，魷魚天婦羅彈牙非常，海老鮮甜，而海苔則非常脆口，令人忍唔住追加多兩塊。🍽～～～除咗江戶前天丼之外，上天丼亦非常不錯，呢款丼嘅材料同江戶前天丼大同小異，唯一就係佢冇小穴，但係就有白身魚。白身魚非常鮮嫩，令人一試愛上。🐟～～～另外值得一提嘅就係佢哋嘅醬汁，香甜非常，撈落飯度，非常適合。餐廳餐牌上建議個飯食咗一半之後就可以將炸到半熟嘅溫泉蛋戳破，呢個建議確實幾唔錯，咁樣溫泉蛋嘅蛋液就可以包裹住粒粒米飯 ，食落去會更濕潤同有層次感，令人齒頰留下蛋香味。🥚整體感覺值得encore。

今日係平日去開灣仔staycation, 所以去下d排隊店，睇下會唔會少人d。我地1:45pm去到都要排大約45-60min。禁我地叫兩個當丼飯。等左唔夠五分鐘就到左第一個，江戶前天丼便當（$133），條穴子外脆內軟，濃濃的穴子魚味，加埋上面的酸蘿白減減油膩感，真係唔錯，但其他的餸就普普通通。第二個我地就叫左，上天丼便當（$113），同江戶前天丼便當唔同的地方就係條魚由穴子變左做白身魚，白身魚味道較淡，肉質淋口，相比起穴子就失色不少，所以大家如果有機會黎，就可以試下江戶前天丼便當。

話說之前友人已經話日本人氣天丼專門店「金子半之助」嘅「天丼」好鬼正😍一定要試啊！好難得日本通又肯就我出到嚟灣仔食😆咁就試吓啦！皆因佢話好食嘅野都唔差嘅…🤣🤣係食之前友人都有聲音導航🧭每款天丼 + 與傳統做法天婦羅有咩唔同😆咁𝚅𝚒𝚎𝚗𝚗都做咗少少功課嘅😮‍💨首先一進店就見到open kitchen,裝潢方面都走簡約日式風格..一坐低店員就端上「黑豆茶」🍵好少餐廳會有..好特別！仲可以解天婦羅🍤嘅膩感！今次𝚅𝚒𝚎𝚗𝚗叫咗🍱招牌「江戶前天丼」+「迷你天丼& 稻庭烏冬」🍜🍤 招牌#江戶前天丼 $138 「穴子」即係星鰻比平時鰻魚肉質較實身厚肉，招牌穴子天婦羅長達30cm 🙀仲勁滿嘅一碗飯🍚相當抵食😆而且仲有🦐海老、小柱魷魚天婦羅餅🦑、炸溫泉蛋、海苔、莢碗豆！真係相當豐富，仲有壽司薑同醃蘿蔔！日本通話「篤穿」炸溫泉蛋先食才是「王道」！咁都認同嘅😆 🍤同埋聽講堅持採用115年歷史的純天然古祖秘方醬汁+ 炸油係用日本特製高胡麻油，追求每件天婦羅都要沾有適量嘅醬汁..👏🏽👏🏽🍤迷你天丼& 稻庭烏冬（溫）♨️ $118呢個迷你天丼1d都唔迷你😂 溫泉蛋、菇菌、海老、南瓜、海苔、莢碗豆，套餐仲有味噌湯！🍤另

利東街啲舖轉得真係快🤭冇喇喇見到我最愛嘅天丼店-「金子半之助」進駐左～我最鍾意食佢總店葵芳個間，不過老老實實個邊座位上冇呢邊座得咁舒服～不過食物質素方面我覺得都係葵芳個間比較好👍🏻「迷你天丼&稻庭烏冬」唔知點解個烏冬質素咁高，係要用個咁鹹嘅湯底去搶佢風頭～就算葵芳個間都係咁，其實淡返少少已經會好好多～本身又可以加唔同配料，自行客製化個人口味～有得加葱花、木魚絲呢類，其實全部都可以提升味道～湯底淡返啲，可以食返出本身食物嘅味道會好好多～個人覺得如果佢可以增加冷烏冬會好啲，至少個鹹度我可以自己平衡，唔洗浪費左個烏冬～到迷你天丼，天婦羅脆皮係有秘製醬油，已經夠味～不過佢呢邊分店未做到好有驚艷嘅感覺～材料質素普普通通，炸到有少少over，稍硬～純粹貫徹一路以嚟嘅調味令到佢拎返分數～「🇯🇵江戶前天丼」唔開心😫個穴子即（星鰻）做唔到外脆內軟之餘仲帶少腥～同埋明顯🍊柚香味不足，其他配菜如🦑魷魚海鮮炸咁都明顯做唔到入面好彈牙個種感覺～整體質素都係比較普通～雖然食物嘅外表間間都好似差唔多～但一食入口就知有分別～下次有機會再去試埋佢東薈城個間先得～

上星期遊走了灣仔的利東街，過往是囍帖街，印喜帖而出名，之後重建變成一個小歐洲，有歐洲風情的特色步行購物街。行到邊食到邊，在利東街選擇了金子半之助的天丼來當作下午茶，日式炸物是我們非常喜歡的。餐廳裝修時尚簡約，感受到日式風格，以開放式設計的廚房，看起來更有空間感。這𥚃設有吧枱，可一邊食一邊觀看師傅的用心製作。餐牌上有3款主打天丼，分別是 、 及 。另有季節限定的軟殻蟹天丼及迷你天丼配烏冬。江戶前天丼    $138這個餐份量十足，材料很豐富，有穴子、海老、小柱魷魚天婦羅餅、溫泉蛋、海苔、莢碗豆，天婦羅是採用日本特製高級胡麻油炸的，芳香撲鼻及色澤會較深。我會把天婦羅沾上古早秘傳醬汁，更可重現江戶時代風味，可以一次過食勻海鮮及蔬菜。我們看到碗裏的穴子天婦羅感覺好震撼，有成30cm咁長，超厚肉身，肥美軟滑，非常美味。海老和魷魚肉質鮮嫩，流心溫泉蛋用來撈飯食都好滋味㗎。海苔同莢碗豆口感爽脆清新，餐附送麵豉湯和漬物，吃完簡直滿足晒呢！上天丼    $118豐富的天婦羅包括白身魚、海老、小柱魷魚天婦羅餅、溫泉蛋、海苔、莢碗豆，餐附送味噌湯和漬物，順喉細緻的味噌湯，而以蔬菜醃製成的漬物，爽脆、開胃又好