金子半之助 (東薈城名店倉)

營業中

休息中

放假同朋友去咗大嶼山行山，行完之後就去咗東薈城揾食，依家東薈城擴建完之後大咗好多，好多唔同既商鋪同食肆都紛紛進駐，同朋友行咗一陣就決定食日本野。😋如果係東涌人同機場員工重有九折添。👍🏻餐廳用上櫻花牆紙感覺幾舒服。餐牌得三款丼選擇，難得第一次食呢間，當然要食最貴果嗰 😋 叫咗江户前天丼配日本啤酒。餐廳幾貼心，有個餐牌教顧客點樣食丼飯，加埋侍應亦會主動問顧客洗唔洗講解。👍🏻江户前天丼 ($138) : 同張相一樣好大碗呀 😱 嚇死我，每款丼都會跟漬物同味噌湯，天婦羅炸物有流心蛋、海苔、豌豆、魷魚粒、海老、穴子 ; 漬物就係醃蘿蔔同子薑，味噌湯內有豆腐同海帶。米飯煮得粒粒分明有咬口，而且均勻吸收了醬汁既精華 👍🏻 天婦羅炸物炸得幾好，口感酥脆可口，海老同魷魚粒肉質彈牙，穴子超大條而且重好厚肉。🤤果然係神泡啤酒，真係好多泡。😝

🍤🍤🍤🍚哈哈冇錯，個份量真係咁多！餸飯三比一到，抵食😌一坐低就有真。黑豆茶，解膩 😁 裝修靚，姐姐服務態度超好。江戶前天丼 $138穴子（鰻魚）、海老（蝦）、小柱魷魚天婦羅餅、溫泉蛋、海苔、莢豌豆✨鰻魚天婦羅好特別😍 係第一次食！✨新鮮，炸漿都有調味，咸咸地，加埋啲天婦羅汁勁好送飯。✨魷魚天婦羅餅好有咬口，成塊都好有鮮味，炸漿包住唔係一件，而係粒粒魷魚🦑都幾特別 ✨海苔天婦羅香脆，咁薄都唔會炸到好厚粉 😎上天丼 $118鱚魚、海老（蝦）、小柱魷魚天婦羅餅、溫泉蛋、海苔、莢豌豆原來鱚魚日文係kisu 同kiss發音相似所以被認為同愛情有關😌 同男朋友來不錯哦，浪漫套餐有味噌湯同漬物漬物有牛蒡同蘿蔔，酸酸地好開胃。Suntory beer $28食日本嘢當然唔少得日本啤酒。Suntory有Premium malt beer ，日本啤黎講，味道甘醇又唔苦，男女都岩飲 😋

已經bookmark左呢間日本過江龍天婦羅好耐喇～之前一直聽人講要排隊，所以一直都冇的起心肝去試🤣今次咁岩嚟到東涌，見到冇咩人排隊，終於有機會嚟朝聖啦🤩menu好簡單只有三款唔同嘅天婦羅丼飯，有一種餐廳係想好專注做好食物，所以先冇咁多選擇嘅感覺～最欣賞呢度係開放式廚房，可以望到師傅嘅製作過程。而入到去店員又會用日文歡迎你，真係好似去咗日本食嘢咁，勁有feel✨整體來講，食完你就會明白點解呢度嘅天婦羅係日本第一天丼🤩.bookmarked this japanese tempura place for ages now 🤤 a very simple menu with 3 different tempura dons 😋 loved the fact that its an open kitchen so you can see the entire cooking process 😊 after trying their don, i understand why it has won so many different awards 🤩 definitely a must try!

金子半之助係東涌東薈城名店倉一樓開新店作為住東涌既居民 我同老婆係偶然之下決定黎試一試餐廳裡面裝潢 枱檯主要用木造製成感覺似融入日本居酒屋用餐個種味道店鋪職員見到有幅櫻花樹牆壁 非常漂亮一邊食一邊慢慢欣賞 心境都開始平緩同埋開朗主餐只有三款選擇分別天丼、上天丼、以及江戶前天丼每一款丼飯都有莢碗豆，小柱魷魚，海佬，海苔，溫泉蛋天婦羅這些配料三款都各有不同主角特別見到$138江戶前天丼 有大大條星鰻做主角於是揀呢款丼飯試一試江戶前丼飯一放上枱 大大條星鰻呈現係我面前店員仲好了解每個食材唔同既食法當中枱上面旁邊有個牌圖圖中教你地點食法同埋由邊度食起 於是我都跟住塊牌圖中既次序開始享用 星鰻同埋每一個配料都預備蘸著秘傳醬汁星鰻肉質彈牙而且無骨炸出黎魚汁都無失去 皮脆肉嫩海佬長身肉質結實 蝦味完全無走失小柱魷魚我好鐘意 原本係一小小粒師父特別將小柱魷魚合併埋一齊好似變左魷魚餅 每粒咬開 都依然保留魷魚嘅鮮味如果唔使用埋佢地既醬汁 我相信依然都係咁好味食到一半之後 將炸好既天婦羅溫泉蛋撈埋D飯一齊食 整個飯充滿醬汁與蛋汁既味道非常好食食既途中覺得油膩 每個客都付有一杯黑豆茶黑豆相信經過烤烘 飲落

聽說日本出名的天丼，今晚經過東涌金子半之助終於一試，食完都幾滿足。餐牌上選擇唔多，分別有「江戶前天丼」、「上天丼」和「天丼」得三款好快揀到唔駛用腦，揀左「江戶前天丼」貪佢夠大碗包羅萬有。江戶前天丼 $138賣相吸引相當邪惡，炸物天婦羅一大堆，包括穴子、海老、小柱魷魚、溫泉蛋、海苔、莢豌豆。炸星鰻穴子長得誇張有30公分長，炸粉唔厚外皮鬆脆，魚肉纖細無咩脂肪，食落無一般鰻魚咁油。海老新鮮彈牙，撈下半熟嘅流心蛋汁食好正。魷魚粒狀炸成一條，口感軟身彈牙唔駛點用力嚼。炸海苔幾似炸魚皮的口感脆卜卜。莢豌豆細條薄身炸得唔乾身。飯粒粒分明圓潤飽滿，撈秘製醬汁食都幾好味。大大碗有種食唔晒的感覺，好在碗底高身飯量不算太多，最終可以食到見底。食咁多炸物難免感油膩，而店內所提供的黑豆茶飲一口的確解到油膩，好過飲其他汽水免得太飽肚。

喺日本好出名嘅天婦羅丼近依一年喺香港開咗幾間分店，因為最近武漢肺炎嘅關係所以都少咗出街食飯，就算出街都諗住揀一啲比較小人嘅地方，今次我哋就揀咗東涌一齊行街順便食嘢，依一間分店喺東薈城入面，地點都幾方便餐廳入面都做咗好多消毒殺菌防疫嘅措施，入到去都會覺得好安心，坐低之後因為每一張枱都會有一塊板格住左右兩邊嘅枱，唔會同左右兩邊嘅人有密切嘅接觸講到嘢食，我同朋友每人叫咗一個飯，最多料嘅梗係江戶前天丼啦，因為每一件嘅天婦羅都係師傅即叫即炸所以等候嘅時間都會比較來，但係質素就真係同等候成正比嘅一嚟到已經聞到好香嘅天婦羅味道，而且裝滿晒成碗都係天婦羅真係見到都流晒口水，依一款天婦羅飯有穴子、海老、魷魚、帶子、枝豆、溫泉蛋仲有海，食落去嘅味道真係好豐富，每一件嘅炸天婦羅都係非常之趣口，食落去好香而我最鍾意食嘅就係穴子，大大條好有咬口而且味道好香好甜，每一件嘅食物都好新鮮，配埋天婦羅嘅醬汁真係好夾最後我哋仲叫咗一罐檸檬茶汽水，成碗飯真係好豐富好滿足

同朋友入東涌踩單車踩完去左新開嘅商場食晚飯見到呢間日本過江龍一齊黎試下餐牌好簡單只得三款天婦羅飯分別主要係有無穴子我地揀左無穴子果款有炸蝦，菇類，炸魷魚餅，紫菜份量都唔少我地選擇左share，否則一個人食晒應該都幾膩枱上有指示教食用步驟先食炸物然後食沾上醬汁嘅飯最後就將蛋搞爛，等飯均勻沾上蛋汁炸物唔係好熱嘅不過都香脆炸魷魚餅幾特別，唔係好韌果種係好柔軟嘅質感，完全唔似食魷魚炸紫菜都好味！就咁沾醬汁嘅飯都不錯但沾左蛋汁嘅就更好飯粒圓渾，有咬口！奉上黑豆茶，幾特別

今日難得老公放假 同佢2人撐枱腳去朝聖食天丼未食過之前 天婦羅對我黎講係熱氣又油膩食過之後改變左我嘅睇法我地揀左啲5上5落嘅時間 下午茶食少人啲舒服啲~~~~1間餐廳3款天丼其材料分別係 天丼 主菜係菇菌上天丼 係魚喜魚而江戶前天丼係 穴子其他嘅配菜都1樣 有海老、小柱魷魚天婦羅餅、溫泉蛋、海苔、莢豌豆，隨餐附送味噌湯、漬物。超級愛魚嘅我當然揀左有大大條穴子嘅江戶前落完單之後 先品嘗1下黑豆茶，好香有烤豆味，健康減油膩!呢道環境裝潢置身在賞櫻季節，仲有激昂嘅日本音樂，座位寬敞又舒適個餐黎啦，聽完店員講解1輪正式開動份天丼比我想像中大而且天婦羅多到滿溢天婦羅嘅炸法有別於以往係放題店/日本料理餐廳個種白色嘅炸粉，而係酥脆，蘸左秘製醬汁咸而不膩，入口即化穴子肉厚多汁，無骨嫩滑，第1次食這樣嘅鰻魚，如果5駛燒汁都1樣美味可口海老啖啖肉，新鮮彈牙，爽魷魚鮮爽彈滑，5會過熟過老海苔脆口，漬物解油膩，帶柚子味清新如果5記得食法，餐枱仲有步驟提點客人，食聞其香，再嚐其味，將溫泉蛋撈飯1齊享用，令米飯有多層次口感，而齒頻留香，更別具風味

呢間日本第一名嘅職人天丼專門店，喺香港近排都開咗幾間分店。1⃣ 佢專注淨係賣天婦羅丼，當中嘅醬汁更加係祖傳嘅配方，已經有過百年歷史。⁣😯⁣豐盛華麗之江戶前天丼（$138）［好味度：7.5/10］⁣佢建議嘅獨門進食步驟係先咁就食咗穴子同埋海老一啖，然食咗一半再篤爆佢個蛋，將玉子嘅半熟蛋黃撈埋白飯食，最後再搭配上七味粉同埋柚子片去食。👨🏻‍🍳 其實穴子即係星鰻魚，但係脂肪比較少，炸完之後出嚟就比較酥脆，肉質亦都緊實。🎣 嚴選30cm長嘅穴子，即時炸完之後都係好長，好犀利。🤩 而且食材用料都好新鮮，海老同埋小柱魷魚天婦羅餅都係超有鮮味。😋 而且炸完之後一啲都唔淋，亦都唔會好多粉嘅感覺，真係好高質嘅天婦羅，果然係全日本第一。🇯🇵 再加上佢個醬汁醇厚，小小甜，好配搭到天婦羅飯。😆 再加上半熟嘅流心蛋都可以做到炸過嘅效果，真係外脆內軟嘅極致。😍 而且仲有柚子去中和油膩嘅感覺，真係好配搭。👍🏻 食炸物，在配上日本suntory啤酒真係特別爽。⁣🍺

It seems this shop is very famous in Japan. They have total 3 shops in Hong Kong. I tried basic ten don at Tung chung shop. Basic ten don is rice with fried Shrimp, mushroom, egg and mixed-seafood. Special and premium have more ingredients. The taste is good. Not that salty and oily. Of cause little bit oily because only fried one! But the balance is good. And it's very good with brack bean tea. The shop is located in Tung Chung city gate but it might be hard to find in the mall. If you want to

適逢假期，人潮湧入大澳郊遊，東涌都變得多人，但又因為飲食業限制令，結果東涌餐廳冇預期中咁旺場。假期第3日既晏晝就黎到呢間天婦羅餐廳，場內一個客都無，好多人望完menu就行過，但我同friend本身就係要食呢間，所以好高興包起成個場。叫左最平同最貴既飯，天婦羅款式大致一樣，分別在於平既飯有一款係菇，貴既有一款係穴子，但其實試過覺得穴子無預期咁surprised，下次有機會都係叫最平$98個個得。呢度堂食同外賣都有，但當然要堂食，咁先食到天婦羅岩岩炸起個種溫暖同香脆口感，而且外賣仲要無左隻蛋，要知道能夠炸到一隻蛋入面仲係流心都唔容易，蛋黃撈埋白飯感覺ok阿姐有幫手加大飯量，岩晒啦，咁多舊天婦羅唔夠飯送就會覺得好唔滿足，不過汁可以再落多d，個人喜愛撈汁。漬物都好味，鍾意酸味醃野就一定要試，又係好好送飯，但面豉湯就真係偏咸。值得一提係茶杯本身有炒過既黑豆，一沖茶落去好有味道。另外，阿姐極之盡責，除左去門口拉客，又做足食物介紹，而且主動服務又問要唔要多飯雖然有d鄉音😂

因為疫情的關係，最近都少了出門真的悶到有點發慌。今晚終於按捺不住，決定出去逛一下。其實現在出去人流少了也有一個好處，就是想食的餐廳都少了人排隊，基本上等了一會就可以入座了。這一間天丼專門店一直在收藏的名單，現在有機會可以嚐到了。餐廳只有3款的食品，分別是江戶前天丼，上天丼及天丼，而3款的分別是裡面的主要材料有不一樣，江戶前天丼是有穴子；上天丼則是有鱚魚；天丼便是菇菌，而其他的是一樣的。最後我們選了江戶前天丼及上天丼。下單後食物是立刻制作的，大概5-10分鐘就可以食了。上餐的時候，店員會介紹我們如何去進食天丼。我們便參考了。熱騰騰的天婦羅，即炸但食起來不油膩。其中我們覺得穴子比鱚魚好食，穴子經油炸後也能鎖住水分，而鱚魚比較乾身，口感上略有失色。食到大約一半，再將米飯同溫泉蛋拌勻，蛋漿包住每一粒飯，可以食到蛋香😍。食到最後難免會有小小油膩感，好在店內有黑豆茶提供，能夠解膩，十分不錯，而且又健康！

喺日本好岀名嘅金子半自助終於喺香港開店，今次約咗朋友去東涌東薈城分店食飯，一試究竟。店舖裝潢不錯，好有日本小店風格，好似去咗日本旅行咁。餐牌上嘅選擇唔多，有江户前天丼、上天丼同天丼三款，我同朋友決定一個揀江户前天丼，一個揀上天丼。揀好野食，店員會送上黑豆茶，幫助客人解膩。我自己叫咗江户前天丼，穴子好大條，炸醬唔會落咗好多，食落好香口但又唔會好油膩。其他材料都好好味，值得一試！上菜既時候仲會附上小菜，邊食主菜邊食小菜會幫助解膩！最後再將佢個溫泉蛋溝落飯到一齊食，口感豐富，別具風味！

一向鍾情日本美食，尤其是炸物:🍤天婦羅，看到介紹美食的節目，講到某些店舖，把天婦羅炸得不油不膩，外層粉醬薄薄的包裹著內裡食材，那種令人唾涎欲滴之感，讓我在這疫情嚴峻之際，都去金子半之助一試。我們試了天丼和江戶前天丼套餐，有兩件漬物和一碗味噌湯。先說味噌湯，似乎咸得過火了，另外那些天婦羅，食油不知是否翻炸過多少次，感到很深色和厚脆醬，十分油膩，用來點天婦羅的醬汁又全混入天丼內，滲透入米飯之中，枱面却沒有擺放。最後都是帶着失望而回😓

The outside of the restaurant seems nice; it's got a somewhat Ginza vibe to it. I lived in Japan for quite a while. I've had my fair share of good tempura. This place was absolutely horrible. The best part of the meal was the tea. Everything just tasted of the fryer and was burnt. I actually felt sick after 3 bites. The rice was also done poorly--very mushy.