金城餐廳 (已搬遷) 新店位置

昨天看見門口有蘇絲黃推介的焗豬扒飯，今天便上來食個下午茶試試。沒有叫到推介的焗豬扒飯，兩個人叫了荼餐同ＱＱ餐；我的整份ＱＱ餐來到，食完後，女友的茶餐卻久久未到，問了好多次侍應他們都只是敷衍地回應好快便來。後來見到遲來的食客卻被我們快先一步，便心心不憤想理論。剛好茶餐來了，便開始吃；可是在隔鄰的收銀卻向我們二人呻，說廚房都是跟單的，又說他們不會知道先後次序，有單就煮．．．後來還跟她嘈。最後女友說句"我們是客，請你收聲"才告終。是次食了一次，亦是最後的一次。這樣的服務態度，再吃多好的焗豬扒飯，也是徒然。＊　＊　＊　＊　＊　＊　＊　＊　＊　＊　＊　＊　＊　最後也需要品評一下食店內的食物。兩個茶餐水準都是一般茶餐廳的貨色，慳同少。ＱＱ餐的多士是半塊多士加些牛油罷了；羅宋湯扭紋通粉算是這樣，不過和自己開罐頭來煮也差不多；瑞士腸加雞翼奀奀的，好明顯係減成本之作。而茶餐，以為難得有粗全蛋麵，叫來一試；點知麵條起了一舊舊的麵餅，好明顯製作馬虎．．．＊　＊　＊　＊　＊　＊　＊　＊　＊　＊　＊　＊　＊　餐茶杯具破口的，地面也不是很乾淨。侍應敷衍，收銀臭寸。最後結論係：東大街還有很多其他更好的食肆．．．

睇完阿蘇0既介紹，星期日專登黎幫襯。試左話推介0既焗豬扒飯同豆腐班腩煲。焗豬扒飯都幾唔得，唔夠熱，汁得面頭那些，飯又少。唯一可取是豬扒有切開，方便同人分同食。都係大家樂好食好多！豆腐班腩煲都係麻麻，好多骨。同埋服務態度幾差，由其是個阿姐，問佢野好求其答，叫完野佢又唔記得我地叫左咩。講真，都唔係平架！仲要唔好食。d"食送"同焗豬扒飯都好細碟。攪到我俾人鬧我成日信埋d食評同電視！好無辜！早知食其他好過。

我第一次食飯途中餐廳停電，拿起手提，立即變了燭光晚餐。隔鄰枱的食客說這兒收工前常常都停電...講番食物，吃了個晚餐，牛扒班塊飯，茶餐聽水準，有餐湯餐飲，環境一般，服務一般。

睇完亞蘇後, 去左試下焗豬扒飯, 豬扒好大塊but 飯不夠而且比較硬, 總括來說味道ok喇! 焗豬扒飯始終都係大家樂好味d.

金城十年前叫興發以前對面是馬會投注站,所以金城順理成章成為馬迷飯堂,每逢賽馬日必定人頭湧湧,煙霧彌漫。後來投注站搬走，以上情景成為絕響。但由於食物質素OK，加上有熟客，所以生意依然興隆。金城的好東西：奶茶、波羅油、早餐c(沙牛面)、小炒。小炒火喉十足，夠鑊氣，大份。伙計(登哥)十分風趣，手字仲正。金城的壞東西：愈來愈貴