金坊泰國美食

營業中

休息中

以前係荃灣返工，午餐成日都會去鱟地坊度食野，而呢間泰國菜個陣都成日去食，因為抵食夾大份~今日去荃灣，夜晚就去呢度重遊舊地~我地叫左兩個餸～酸辣明爐烏頭烏頭連爐一齊上，烏頭好大條，上面鋪滿雜菜~好貼心仲有一碗酸辣湯比你自己加汁~烏頭燒到好香脆~點一點熱辣辣既汁，十分醒胃～最鐘意滾下滾下咁食~香葉炒蟶子王香葉炒蟶子王有６隻蟶子，碟頭都好大~蟶子新鮮爽口彈牙~完全無沙~仲有好多配菜，好似青椒、洋蔥等等最後，餐廳仲會送上甜品桂花糕，清清甜甜~

發生疫情後好少同朋友出外食飯，而且唔同餐廳有唔同人數限制今日4個人食久違嘅泰國菜......叫炸豬手，我地其實係想要泰式豬手，我地叫錯咗白癡咗......炸豬手有D鹹，重口味青咖哩炒飯，安全!泰式粉絲雜菜煲，泰式肉碎生菜包最後仲有椰汁大菜糕奉送，yeah呢間泰國野開咗好多年，我地幫襯咗好多年，味道唔錯環境裝修過，而家光孟好多今日除咗炸豬手鹹咗少少之外，其他野都正常無伏，好味SAFE!

咖喱軟殼蟹咖喱味濃郁，辣度屬微辣，軟殼蟹方炸至金黃色又酥脆，外脆內軟，外面掛上咖喱汁十分惹味，撈飯或配搭蒜蓉包條令人回味！ 蒜蓉包條蒜蓉包條係用厚多士切條製成的，成個包都佈滿住蒜蓉，四邊均勻地沾上蒜蓉醬，外層脆卜卜，入面仍然鬆軟，推介要配咖喱一齊食！一定不會失望！馬拉盞雞肉炒粉絲第一次試馬拉盞炒粉絲，估唔到咁好味，非常有驚喜，首先鑊氣十足，馬拉盞好香! 炒菜食得多，原來炒粉絲仲好味！有好多雞肉而且嫩滑，配有大量洋蔥及三色椒，真心好味！

晚餐時段 行過見到最多人等位就係呢間心唸一定好食 所以拎飛等位派飛啊姐好多野講，咁ok既唸住佢都係搞笑下，但企左陣聽住佢同其他客既對話 就知原來佢真係無禮貌聽到有幾個客人表示朋友訂左枱，想知佢坐係邊枱，但啊姐就話「我唔知啊 你地自己入去睇喇」派飛啊姐把口係無停過，但問親佢野，都答你唔到場面混亂最後等左大半個鐘先入去，其實香港地晚飯時間等一個鐘都可以接受既，但面對住態度差既員工，就唔係太想2個人叫左一個炒金邊粉同蟹肉炒飯食過咁多次金邊粉 都一定有粒青檸咁我見無就問待應，因為成碟粉真係差個青檸先好食佢竟然答我無曬，咁青檸梳打又有得賣？食物份量算多，味道一般蟹肉炒飯d蟹肉好「梅」同場聽到隔離枱客點左a沙律，但比左b沙律佢客人唔知食左，後尾得知後，待應無換過，只係講左句唔好意思食完等甜品，叫佢上 ，第一次叫，無隔十分鐘再叫，再等之後我再叫，順便叫埋單全場待應得一個，落單，送菜，執枱，埋單都係佢我明係好忙，但更應該分先後次序到呢到，我終於明白點解d人食完繼續坐好耐因為埋單都等左好耐咁大間野 得一個樓面真係做死人咩加上待應太忙，常有錯漏結論 下次唔會再簡呢間

1) 食pad thai想要個青檸都話無曬，泰國餐廳無青檸咁搞笑？2) 食完主菜，like完fb, show比店員睇 想換甜品，諗住食埋就走，讓個位出黎。叫左個樓面幾次上甜品加埋單，佢都係一直上菜比其他台，無視我地大約15分鐘，拎個甜品 好快姐，食埋唔洗10分鐘就讓張台出黎啦，唔怪得等位等成半個鐘咁耐啦，先後次序都唔識分，完全無效率3) 反映意見係社交平台會block你acc, 不知所謂本來諗住你跟進返就算，依家煮埋上openrice比人知

路德圍是荃灣出名的美食地帶，今次經過發現一間人氣泰國菜，門外人頭湧湧，決定試下👀大約等位15分鐘便順利入座。 餐廳的環境採用傳統泰國菜館風格，多處放置泰國名勝或泰皇的相片，設計有心思。另外餐牌上的菜式選擇多，包括海鮮、燒烤、小炒、飯麵小食等等。 🦐 炒鮮蝦金邊粉 $92泰國菜必點的炒金邊粉，先把芽菜跟炒好的金邊粉混和後進食，味道剛好，唔會太濕或太乾。而且用料足，鮮蝦大隻彈牙，頗有驚喜。 🐖豬手飯 $68豬手份量多，肥瘦恰到好處，原先濃郁的豬手汁再另上的泰式酸辣醬，口感豐富，而且性價比高。 🍢沙嗲串燒 (雞牛豬)  $98/半打燒烤味十足，少許燶邊食落香口，雞串的肉質嫩滑，豬和牛有咬口而唔會韌，配合沙嗲醬汁，調味適中。

金坊都算係荃灣路德圍既坐標，每次想食泰國菜都一定會諗起佢 酸辣青芒果炸鱸魚沙律一次過滿足兩個願望之選，魚身上鋪滿青芒果沙律酸酸甜甜辣辣，爐魚一早已經切好件再炸，好方便食用，青芒果加埋炸爐魚既配搭好有層次感 大蝦冬蔭功(細)冬陰功偏酸甜，好多菇做配料，蝦得兩隻有d失色 咖哩炒蟶子皇蟶子份量十足，咖喱椰香味濃，有洋蔥，青紅椒等做配料甜甜地。另外叫左薄餅沾咖哩汁食，薄餅略微偏硬唔夠脆 椰皇沙冰好濃椰香味，食落仲有果蓉，加上沙冰好解渴 石榴沙冰酸酸甜甜清新開胃，解油膩感整體食物質素：4 / 5推薦指數：4 / 5

荃灣宵夜時段最好就係去路德圍搵食，今日同朋友去左 ，其實都唔係什麼新鮮事，大大話話都食咗咁多年，今日先叫做記錄下。平時鍾意嚟食下午茶，平丫嘛🤣今次點左青咖喱牛，配蒜蓉包條，我個人鍾意食一條條多啲，外脆內軟，蒜蓉味好香，點咖喱汁剛剛好，青咖喱好微嘅辣，唔食辣嘅我都啱食。另外金邊粉都係必點㗎啦，特登走咗芽菜，因為個人口味，有蝦乾同花生粒增加口感又更加香。仲有兩杯特色飲品，牛油果沙冰同埋斑斕椰汁沙冰，都幾健康丫😂

👉🏽炒鮮蝦金邊粉個金邊粉又係超大份量，蝦仁都好多！仲要食得出唔係急凍蝦，咬落口好爽好彈牙，仲要大大粒，食起上黎超爽😚😚芽菜份量都好多，超like芽菜既我食得好開心，啖啖芽菜咁濟😙😙金邊粉比起平時泰菜既比較濕，但又唔會做到一pat pat！值得一試！👉🏽海南雞飯飯既份量真係十級大份！如果係油飯飯筒見到一定好開心😚😚仲要送埋西芹冬瓜湯！68蚊黎講真係好抵☺️☺️☺️ 啲雞好滑捋捋，多到可以送曬成碟飯！👉🏽沙嗲串燒（半打）友人唔食牛，就淨係揀左豬同雞😙唔係講笑，一上枱啲串燒仲係熱辣辣，好香好吸引☺️☺️整體黎講會覺得雞好食過豬，雞比較juicy同埋冇咁難咬。串燒就算唔沾個花生醬汁都好食，下次會想試埋牛串😙😙👉🏽菠蘿沙冰/青檸沙冰- 菠蘿沙冰係全場最impress我既野！！！！佢係新鮮菠蘿整出黎既沙冰！好夠甜，而冰既比例唔會過多！所以飲到尾都唔覺淡左味！熱死辣辣飲到佢真係好幸福😭😭😭😭菠蘿沙冰100分！！！！- 青檸沙冰都唔係話唔好飲，第一啖飲落口會覺得好酸，但之後條脷都慣左個種酸，反而愈飲愈開胃！食野個陣都食得多左🤤Overall黎講一開始會覺得呢間泰菜價錢偏貴，但份量真係1份夠打2個！其實好抵食！！

啱啱同朋友嚟荃灣食晚飯，揀咗呢間路德圍附近嘅泰國菜。前菜叫咗個酸辣豬頸肉生菜包，豬頸肉好重香料味，超級惹味，而且唔太辣又酸昧昧，好開胃。我地仲叫左個泰式豬手，炆得好淋又入味，重點係冇骨，而且最正係佢個底仲有好多芥蘭，唔怕食唔到菜😄之後仲叫左個船河，遊船海南雞湯河，佢10分足料，料同河粉嘅比例簡直達到一比一，海南雞之外，仲有豬紅、蘿蔔、炸豬皮同通菜！湯底夠鮮得黎唔會死咸，正👍🏻海南雞夠滑，又多件，性價比一流！😆泰式鹹檸七酸昧昧，又夠凍，好開胃😆

放工後同朋友來到呢間裝修擺設頗有泰國格調餐廳，聽住泰國風情歌曲，安排沙發位舒適。單張寫住全日免收加一，好抵食。新鮮食材泰國空運，泰國廚師主理。酸辣明爐烏頭：西蘭花、椰菜花、椰菜、紅蘿蔔條、通菜等，貼心的是，仲有額外一碗湯俾我哋去加，防止明爐湯水乾涸問題，亦有額外辣醬迎合好辣人客。第一次食先烤過烏頭，表面香脆，內裡嫰口，魚骨又唔會好多，調味酸酸辣辣，特別開胃，真啱送飯食。明爐座熱冬蔭功蜆湯：入面有不少菇類、蜆隻，亦有蕃茄、香茅粒、辣椒粒、芫茜等，材料豐富。蜆肉非常大隻，新鮮沒有沙。由於香茅切碎粒，所以好重香芧味，湯頭濃郁，夠晒酸辣惹味~ 份量好足，俾4個人飲都得。椰青大菜糕：見到墊枱單張寫店家Like fbpage打卡就有得送精美甜品，最後店員果然送上椰青大菜糕。甜度剛好，有椰青清香，驚喜既係解辣一流！

係荃灣行完街想食泰國菜 就試下呢間 😋叫左個泰式生蝦 都幾大隻👍🏻蠔油煎蛋 好大份 多蠔 大粒 無粉感蒜蓉炒通菜 有穫氣聖子 一般整體不錯 menu好多選擇 下次可能會再試其他菜式👍🏻適合一大班朋友黎食

荃灣路德圍是荃灣人聚腳開飯聖地，亦是餐飲業必爭之地。那裏的餐廳幾經更替，充分體現出汰弱留強，弱肉強食的特性。在路德圍站得住腳的餐廳某程度上可以反映其質素經得起時間和食客考驗。而金坊已在荃灣駐足超過10年，餐廳門面雖然沒有過多裝修，但內籠算是明亮舒適。1. 生蝦刺身推薦：⭐️⭐️⭐️✨生蝦刺身泰國菜經典菜式之一。金坊的生蝦刺身上盤時有墊冰，夠凍夠清爽；蝦身肉質緊緻彈牙不會霉，加上生蒜和特調的酸辣醬汁，十分開胃。缺點就是蝦太細隻，份量亦太少，有點不夠過癮。2. 蒜蓉包條推薦：⭐️⭐️⭐️⭐️蒜蓉包條聽說是金坊必食名物，於是特意叫了一份，果然沒有失望。金坊的蒜蓉包條以厚多士切條製成，由於四邊都有沾上蒜蓉醬，所以十足夠味但又不會過重。口感方面外層帶點脆身，整體十分鬆軟，不會太乾，就算放涼後仍能保持脆身口感。值得留意的是，金坊有分蒜蓉包條和蒜蓉包，是兩個不同的菜式。3. 冬蔭功蝦湯（小）推薦：⭐️⭐️⭐️✨每間泰國餐廳的冬蔭功都有獨特配方，金坊以甜辣為主，先甜後辣；椰香味較重，口感比較順滑。另外有一些菇類和香葉蝦湯，有2隻全蝦，個頭不大，但肉身都算緊實，性價比不高。4. 香葉炒蟶子王推薦：⭐️⭐️⭐️共有4隻蟶子王在其中

第一次寫食評，食完至記得影相， 圖二係借圖一用。 十年前已幫襯， 昨晚外賣炭燒豬頸肉 ，價錢略貴，還好有九折優惠 ，職員服務態度正常。 與職員對外賣單後我便離開，邊行邊檢查下，發現多了一盒四件奶茶大菜糕 ，心諗可能豬頸肉的份量不足才送甜品，抱住少少失望的心態回家。與家人晚餐時才知道豬頸肉的分量絕對正常，賣相，刀工都靚仔， 口感及味道也不錯。 喜歡餐廳的低調，沒有刻意告訴送我奶茶高，而是靜靜的放進外賣袋。 奶茶糕有淡淡奶茶香味，口感滑蛋，甜度適中，食完唔膩，有驚喜。

今日中午黎到這間位於荃灣路德圍的金坊泰國菜館，到店已經是下午2點，所以就可以叫下午茶餐，我點了泰式鴨肉遊船湯河加雞軟骨豬肉餃子和酸辣鳳爪沙律，老婆就點了香葉肉碎配蛋飯加馬拉盞炒通菜，飲品點了青檸梳打和龍眼冰，河粉上菜最快有泰國風味，河粉是寬身短河粉像泰國食一樣，餃子味道不錯，可是食不出有雞軟骨鳳爪有驚喜，好入味而且只是加8蚊抵食，通菜有香濃馬拉盞味還帶試甜香葉肉碎因為即叫即炒所以最遲上，味道一流，配飯岩哂，龍眼冰夠甜，梳打水正常，整體感覺滿足抵食，可以再黎光顧