金坊泰國美食

營業中

休息中

🥘金坊泰囯美食📌荃灣荃興徑13號朋友帶我去吃泰菜，我問有什麼推介，佢話甜品啦，未吃菜先吃甜點？他說稍後啦。🥘海南雞飯（$68）雞比較大隻，黃油雞皮比較厚身，冇骨的雞肉都算滑和爽口，加上他們的秘製醬汁伴以青瓜片及黃飯，抵食。還送上一碗美味雞湯。🥬馬拉盞炒椰菜苗（$88）這個菜有點貴，但係椰菜苗真的好好吃，開邊的椰菜苗吸收馬拉盞和辣椒的香味，好夠鑊氣。🥘咖喱炒大蜆（$98)咖喱汁裏充滿洋蔥、芹菜、咖喱醬、紅黃椒、加上蜆肉的鮮甜，好惹味。叫了一客蒜蓉包條（$38）伴吃，最佳搭檔。最後是甜品環節，原來晚市會送甜品，朋友就是喜歡和期待送上什麼甜品，今日是椰汁糕，味道不錯。

去荃灣路德圍覓食，豆腐花店仍有好多人排隊，先找吃正餐的，見到金坊泰國美食的Menu都幾吸引，種類多而且價錢合理便試一下。菠蘿海鮮炒飯係我食泰菜時必點，因為好惹味，金坊的也不錯，海鮮有鮮魷、大蝦等， 飯粒好爽加埋腰果同肉鬆非常惹味。咖喱炒軟殼蟹+蒜蓉包條包條整條脆脆的，立體長方形四面都香脆，配上咖喱汁一齊吃，咖喱汁中的洋蔥和中國芹菜添香味，軟殼蟹都好大隻，炸得好酥脆。還有免費甜品供應，今日係椰汁紅豆糕共有四件，好香椰汁味。

🐻荃灣糧食🐻菠蘿海鮮炒飯🍍炒飯一上枱，一啲都唔熱🥲暖（？）都唔知有冇，平時都會有半個菠蘿裝住，至少都有個樣望下。冇菠蘿睇都算，仲要係一碟唔熱既炒飯，好明顯就係炒定左一堆，都放到凍曬嚕😮‍💨😮‍💨有啲失望添，話晒都係荃灣比較出名嘅泰國菜。蒜蓉炒通菜🥬今次就好啲，起碼上枱嘅時候碟菜都係熱！蒜蓉味好香，真係會想食完再食！果然喺餐廳食炒菜都係夠鑊氣過屋企炒，加返啲分俾你啦！希望佢每一個小炒都會新鮮即煮啦。📍 金坊泰國美食 (荃灣)荃灣荃興徑13號地舖味道😋:🌕🌕🌕🌑🌑性價比💰:💵💵回訪度🤤:🥴🥴

金坊位於荃興徑，近通往南豐與荃灣西既天橋口，非常方便。餐廳很大間，有多個四人卡座及大圓桌，無論是朋友親戚聚餐也很合適。當日餐廳人氣旺盛，食客們飲象啤食串燒吹水非常熱鬧。優惠燒海鮮：超抵食！（特價每隻$18，每位限兩隻）燒蠔連殼燒及上菜，儀式感十足。🦪蠔新鮮，很大隻亦很肥美，配上酸汁食，五個讚👍燒蟶子—蟶子新鮮彈牙，加了香蔥及獨家醬味道不錯✌️抵食二人餐滷水無骨豬手（蛋+菜伴底）豬手滷得超級入味，肉質又冧身軟滑，配埋酸菜絲大大提升口感！🍴半打串燒（雞、牛、豬）串燒燒至外皮脆香，沙嗲汁惹味濃郁。三款中我最鍾意雞串，嫩滑juicy。馬拉盞炒椰菜苗—健康之選，軟硬度剛好，而且汁不會太鹹。🥣菠蘿炒飯：份量很大，夠幾個人share。炒飯唔乾身，配海鮮粒及粟米粒炒口感豐富。🥤飲品買一送一：珍多冰椰汁不會太甜，配埋三色條條一齊飲口感清新！

今日嚟到位於路德圍嘅金坊泰國美食。嚟到嘅時候都差唔多3點。三點呢個時候梗係去食返個下午茶先啦😝。⭐️40蚊就食到一碗麵加小食，再加多$3仲可以飲多杯凍飲添！超抵！⭐️每一款主食都會免費送一款小食🎉⭐️如果唔夠飽嘅話呢，仲可以追加小食！而且第一份小食仲要半價添！啱晒我呢啲大胃王啊！⭐️冬陰功海南雞金邊粉：海南雞非常之嫩滑，但係冬陰功湯底就較為失色，似蕃茄湯多啲。⭐️泰式珍珠奶茶：大推薦！！！！！！！泰式奶茶唔會太甜，而且珍珠非常煙靭。

講到荃灣泰國菜，不能不提呢間人氣泰菜餐廳，今次係平日去，仍然滿座，Menu選擇多，好有驚喜!今次叫左兩款即燒燒烤，熱辣辣調味剛剛好燒聖子 $18燒大頭蝦 $28聖子味道鮮甜，口感爽彈，大頭蝦蝦肉彈牙，入面仲有滿滿蝦膏，香口惹味金坊精選2人套餐 $228青木瓜絲沙律經典泰菜之一，青木瓜爽口，食落酸甜開胃燒烏頭濃濃香草味，魚肉燒後仍然保留肉汁，嫰滑鮮甜青咖喱配印度薄餅食泰國菜又點可以唔食咖喱，有青/黃/紅咖喱選擇，肉可選牛/豬/雞，青咖喱辣辣地帶椰香，印度薄餅外皮酥脆幾惹味泰式蝦餅蝦餅外皮香脆口感彈牙，配上酸酸甜甜的泰式醬汁，大滿足叫左二人餐叫正價飲品可以買1送1 ，今次叫左杯龍眼冰，入面真係有好多粒龍眼，味道清甜有助解膩最後姐姐仲送左碟椰汁糕比我地，椰汁味濃有助解膩🥥下次會再黎

落單後生男仔態度超級差,可一不可再,又落錯單,明明講一又落左二,食物質素又唔好,唔好比正評呃左黎食,真係我食過態度同質素最差既一間泰國菜,大家可以謹慎選取餐廳。

《不負責任食評 — 金坊泰國美食》評分：🌕🌕🌕🌕🌗總評：雖然餐廳全部都係卡位，但環境比較逼狹，張枱都幾細，我地3個人叫左6-7樣野都擺唔落，要東拼西湊先迫到啲位，呢方面有少少扣分😣但上菜速度快、價錢相宜、味道唔錯（偏重口味，清淡人士未必適合），最後職員仲送左幾件芒果椰汁糕比我地，仲要無加一（變左每位$3茶水）埋單人均$250左右，整個消費體驗好唔錯～可以翻兜👍當中咖哩軟殼蟹配蒜蓉包、燒蟶子、燒蠔呢幾樣都係星期一至日都有既特價商品咖哩軟殼蟹：醬汁好濃厚，基本上唔會辣，食落甜甜地帶椰香，食唔到辣既人都岩食，軟殼蟹都唔會炸得好乾好老，一齊食好惹味😋蒜蓉包味道都ok但我覺得可以再烤得脆身啲～燒蠔、燒蟶子：唔會好細隻，$18黎講真係抵到爛，蟶子食落爽口清甜，搭配帶金不換既蒜蓉醬幾驚喜喎🤭燒蠔都算幾飽滿，本身隻蠔唔會好重海水味，可以點啲泰式醬汁一齊食就更香口啦～生菜肉碎包：唔好比佢外表咁清淡就呃左，佢其實好酸好辣，份量好足，可以包到大大舊咁食，好滿足！！冬蔭功海鮮湯（大）：配料都幾足，湯頭係比較多椰汁、濃厚啲既口味，食落唔算好酸好辣，都幾岩香港人口味，但個人唔算好中意食魚，可能叫番大蝦冬蔭功會岩我

平時同屋企人都好鐘意食金坊,間唔時同同事都會嚟食下 lunch! 又大碟又抵食！因為就生日就約左朋友去路德圍店得！平日晚去都唔洗點等位 lucky!!! 晚市有特價$18燒蠔同$18燒聖子😍😍又大隻又好食！值得一贊係上菜上得好快手呀！而且仲有晚市優惠$88燒烏頭,又大條又好香🤤🤤糯米雞翼 $98意外地勁好食,唔會唔夾之餘份量都好多！沙爹串燒(半份) $88咁嘅價錢有6串,牛、豬、雞各二。肉質唔錯而且個汁勁入味🤤🤤馬拉盞炒通菜 $78勁香勁大份,而且好有泰國風味！炒鮮蝦金邊粉 $88嚟到泰國餐廳當時要叫份 Pad Thai!!! 超愛食呢到嘅金邊粉, lunch嚟食成日叫🤣蝦又多,又炒得勁入味,好好食！最後食淨左啲,不過成餐飯真係好完美！仲送埋甜品🤤🤤

🦪🍤🥗餐廳名: 金坊泰國美食地區: 荃灣評語:咖哩炒大蜆 HK$168 - 有成十幾廿隻大蜆 份量唔錯 隻隻蜆都開左口漲爆 咖哩味入唔到蜆 另外食到後尾蜆有少少出水沖淡左咖哩濃度炸蝦餅 HK$92 - 蝦肉唔係舊舊爽口 淋淋地 比較失望馬拉盞炒芥蘭 HK$86 - 正常發揮結論: 傳統泰國餐廳裝潢 食物麻麻地好食 店員服務正常 但整體比較失望環境衛生: 🌕🌕🌕🌑🌑食物味道: 🌕🌕🌗🌑🌑服務態度: 🌕🌕🌕🌑🌑#金坊泰國美食#荃灣美食 #荃灣#咖哩炒大蜆 #炸蝦餅 #馬拉盞炒芥蘭#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #hongkong #hkfoodie

其實之前都食過好多次，諗住今年中秋做節一家人去食，本身都覺得呢間性價比算係咁，食物中規中矩唔係話特別差，除左個金邊粉之外。佢個生蝦都ok同個蒜蓉包都幾好食（但要叫咖哩汁類食品配搭），但今次唔知係咪開始做左幾年，有一定生意多左人排隊食，今次訂左位但到現場可以係無位要等，仲要通知話入左客。最後等左超過9個字都入唔到就算呢間野相信可以唔駛再黎，因為門口有客就俾左人先都可以。最後就係叫你等，又唔確實要等幾耐。（純個人意見分享）

同朋友係愉景新城睇完電影已經晚上10點，商場餐廳都已經關曬，唯有行過路德圍呢頭揾食。見到呢間泰國菜都多人就入黎試試。總共叫左一份大蝦炒金邊粉，燒豬頸肉同芒果雙色糯米飯。去親泰國菜餐廳都會叫金邊粉，呢間金邊粉D粉有D太硬，覺得有D似唔熟，叫師傅再炒下，但返到黎都係比平時食過既硬，味到都一般。反而燒豬頸肉有驚喜，好好食，每一片都切到好薄，有焦香，醬汁惹味，少少辣，我同朋友好快就食曬。芒果糯米飯水準上，係糯米飯我比較喜歡食硬少少。

又到一年一度嘅生日飯，你是同朋友一行10幾日去食泰國菜，就揀咗呢間位於荃灣嘅金坊試下，因為之前有朋友食過呢間泰國菜，話性價比好高，所以呢次我哋就成班試試啦。小食方面，我哋點咗生蝦、拼盤、鳳爪沙律、蒜蓉包條、炸蝦餅呢啲必點既小食。炸蝦餅同蒜蓉包真係整得好好食，強烈推薦大家去呢間時必點之後點咗個咖哩炒軟殼蟹加印度薄餅，成班小朋友幫我哋清晒咁滯。而個海南雞就麻麻哋。生菜包同馬拉盞炒雜菜都係我至愛，都係大讚而個菠蘿海鮮炒飯就略嫌失色了，不過總體嚟講呢間嘢性價比都好高推薦俾大家。

百物騰貴的物價，兩個慳儉小女人在「金坊泰國美食」共享一個泰式下午茶。冰凍特飲珍多冰，因超多冰粒，因此特飲椰奶口感非常薄弱，而且珍多冰特有的綠豆粉條冰結成一個大粉團，我要用羹匙打散開。主食黃咖喱牛肉飯，我很分享一碗白飯都很合適，黃咖喱汁略鹹，牛肉美中不足是有少許筋，有半價優惠可選擇一款小食，我們楝蒜蓉包條，蒜蓉包條尚算香脆，可以蘸黃咖喱汁吃。我們還點選椰汁西米糕甜品，味道尚好，$16有三個，但份量極迷你！共享豐富下午茶，我們人均消費$47。

最近係朋友口中得知荃灣有間泰國嘢好好味，所以今日收工就特登約埋佢一齊嚟食晚飯。餐廳位於荃灣路德圍附近，非常適合揸車人仕，而且餐廳有兩個鋪位，所以晚飯時間都唔使等太耐。🍤 雜錦拼盤 ($138) : 有蝦餅、魚餅、春卷、香茅雞翼，可以滿足曬食泰式小食嘅慾望。🐖 燒豬頸肉 ($108) : 豬頸肉燒得好出色，外皮燒得香脆之餘內裏肉嫩，同朋友都一致讚好。🥬 馬拉盞炒通菜 ($88) : 份量有返咁上下多到成個山咁樣，通菜炒得唔過火，食到爽脆口感。🦐 生蝦 ($128) : 食泰國嘢當然唔少得要食生蝦刺身，呢度啲生蝦勁大隻，口感又爽又彈牙，而且個生蝦汁亦好好味。