金園粉麵店

營業中

休息中

細個冇咩錢就會過嚟食麵，今次嚟果陣發現老細已經唔同咗(唔知喺咪比咗個仔做)。鋪頭環境同我之前嚟冇咩分別，負責收銀個姐姐就仍然都喺佢，我去果陣都見到應該喺熟客幫襯梗，因為員工有直接同熟客講今日咩平時食開果啲冇曬。我自己今次嚟食嘅喺情懷，但認真佢嘅牛腩粉確實幾入味，個湯好濃味，但啲牛腩脂肪比例又唔會太多，喺啱啱好！ 我通常會加多碟菜，喺13蚊左右，但記得食完牛腩河先食菜會好啲！因為個菜嘅醬會影響咗牛腩嘅味道同埋個層次。

心癮發作， 久唔久就想再去 這間其貌不揚的牛雜麵專門店，再食一次這碗非常入味的牛雜河粉配香葱， 再配腐乳醬通菜一碟， 再另加炸魚皮一碟。簡直係人間美食，亦是香港獨有風味味道依然冇變， 但係份量明顯減少， 牛雜份量縮了水， 明白百物騰貴 ，唔加價， 已經好好， 亦都會繼續支持

呢間金園由我讀黃克競ive開始食，到琴晚幫襯，大大話話都10年了。普通的粉麵鋪，但佢嘅牛腩牛雜、雲吞非常有水準，最緊要唔貴埋單好似$40左右，如果加埋油菜好似$50左右，通菜、菜心同芥蘭我以前食過，唔錯的叫左牛腩撈粗麵，有4舊明顯靚啲，半肥瘦牛腩，底下4舊相對冇咁靚，下價牛腩，瘦腩，但係肉味喺返度，食得出煮得剛好佢碗清湯真係飲得，唔口渴有埋菜俾你，要腩汁唔要蠔油，因為蠔油會太鹹辣椒油梗係唔少得啦，惹味好多凍茶一杯

豬豬價格狂升，部份豬肉食品價比牛肉更貴。部份牛肉食物更親民。我的心水牛腩店是在此。絕對隱世，樸實無華。簡陋小店，數檯子，無語說十年歷史，無語爭一日長短。腩汁濃湯化不開。我寧可不要青菜，要多汁，讓腩腩浸潤在汁液之中，盪漾在口腔之中。外賣是我的選擇，是晚餐的佐料。70和80元兩價的份量分別不大，價錢等同一大塊生豬骨而已。我愛肥的。如义燒，買時怕肥，食時怕瘦。酥軟味腴，令我饞涎欲滴。那份牛味迂迴盪漾，歷久不散，酣暢淋漓，與涮牛火鍋不同。回家自製撈麵更滋味。堂食28元的牛腩麵亦感滋味無窮。不同凡香，令人齒頰留香。

依日係金圓粉麵店食左碗雲吞麵，超級小機會黎長沙灣，唔知邊度有好野食，行行下見到依間餐廳，諗住依d麵店都唔會難食得去邊，食左一次，覺得都幾抵食呀！主要原因係D雲吞，有成五粒，而且粒粒都好大粒，勁足料，成個乒乓波咁大。皮薄餡靚，內餡有豬肉同蝦，D蝦好彈牙，夠實心，睇得出係自己店入面自己包，好好食。湯底方面整得夠入味，同雲吞食一流。麵就揀左幼麵，食落好彈牙，無鹼水味，不過d麵就少左d，份量多返小小更好。

試過全港九嘅牛雜麵店，是太淡，又是太咸，又或食唔飽。始终只有這間在長沙灣區的牛雜老店，最啱小女子口味。不只份量多，而且價錢實惠，真心要畀個like一間普通的麵店，簡單装修，全起眼，但內裹的牛雜味香，一碗牛雜河的份量一定食得飽你，而且牛雜份量也非常足料入味。食得出用多種香料去淆製，入口全是香料的味道，會终極用豉油調味，得個咸字。而且每次落單後，食物神速上枱。勁套餐只售$38，抵牛雜河牛腸，牛肚， 牛肺 ，牛榜，都咁好味蠔油芥蘭

再一次本着「有幾遠行幾遠」的心態，然後又看見這間麵店，反正時間不多，又未吃過，進去一試。進去之後，有人立即關了門，但是其實店內環境都比較侷促，因此如果行得太快可能很熱。隨便點一個牛腩米線，不算等得太久。這碗麵條來，有點兒蔥花，有點兒冬菜，彌補其湯底比較清的不足。米線非常之林，但是份量不少，可能是＄30以下，份量最多的米線。相反，牛腩就非常矜貴，可能因為這碗米線只需＄26 ，因此牛腩只有五件。但牛腩的質素非常高，每一件都有肥有瘦，中間夾些筋肉，質素非常高。湯底味道一般，比較清，加點辣椒油會比較好。總括來說，以這價錢，份量挺多；如果比較長沙灣附近麵店，這間金園肯定好過君好。

練完波10點幾，正正係醫肚既時候。沿住元州街行，都有幾間食店開得好夜，見到尼間平平地既粉麵店就一於殺佢。坐低叫左碗牛腩河，油菜。吾洗2分鐘就上枱。食食下先發現加1蚊就可以轉套餐加杯野飲，於是叫多杯熱檸茶。河粉吾太大碗，但夠食。牛腩半肥瘦，好入味。但湯底就味精味多過腩汁。杯檸茶都好澀。評價一般，但真係抵食。套餐36蚊，凍飲加1蚊。

是日，我和老公到訪金園吃東西，吃後感到有點失望。我們點了雲吞麵'牛什粉，油菜和涷奶茶，感覺味道如下： 雲吞麵：麵條沒有梘水味，但是雲吞卻一點都不覺得好吃，可能餡料唔夠新鮮，而湯也沒有'地仔'味。牛什粉：牛什唔夠淋。油菜：普通。涷奶茶：茶味及奶味唔夠，麻麻地。