金喜花園 (已結業)

朋友說這裡的BBQ環境非常好，就今日同一大班朋友GATHERING就來試一試。現場氣氛十分唔錯，園林靚景的BBQ樂園， 有露天園林，仲有泰式茅屋, 去個日係HALLOWEEN , D 佈置好有心思 !講真, 平時既燒烤場又細, 又逼, 呢度有大大個草地, 一家大細黎最岩,燒烤仲可以享受郊遊樂，真係好開心, 食物水準很高, 特別係雞翼最後要提係佢地D服務態度好好, 下次會再去.PS : 記住要帶蚊怕水....白花油都OK

之前一直想搵自助燒烤場 -- 要有海鮮menu因為好忙, search到呢個最接近心目中水準o既, 打咗幾次去問清楚啲menu可唔可以改就決定咗book呢度先彈一下啦:地點確係隔涉 -- 唔係人多都費事山長水遠 -- 大坑的士去到門口, 要60-70蚊, 就算去到閘口都唔知入唔入得去嗰隻...場大就夠大... 乾淨企理夠活動空間, 但冇冷氣o架... 一行近個火就汗如雨下... 冇咁捱得嗰啲唔好諗... 等秋天啦... 唯一有冷氣地方 -- 係厠所menu幫我哋咗好多海鮮, 不過種類可以再多啲... 比如我request但冇咗影o既鮑魚仔扺讚o既地方實在又真係好多:自助 -- 真係好自由, 我哋仲帶咗嘢去燒, 佢冇話唔得, 又唔會看實你, 更唔會規矩多多垃圾筒夠用 -- 呢個好緊要, 但又唔會阻定, 企企理理爐set得pro -- 一睇啲炭就知佢真係食呢行飯, 透爐極速地方夠大, 有賣點 -- 嗰度好spacious, 雖然係淡季我哋八人包場咁, 但佢真係大到呢... 可以踩單車 -- 放風箏應該唔得, 有電塔. 好多懷舊場景 (的確係片場隔嚟, 有諗頭), 大片草地, 有瓦遮頭落雨都

金喜花園其實我同d朋友都黎過幾次,第一次係同公司,之後就同朋友,幾次搞生日都會選擇金喜,我覺得金喜俾我地個feel都幾好,而且有好多好有特色既獨立位置,我地好鍾意佢地果條園野火橋,真係好靚,不過就細左d~食物同環境都好好,我最鍾意食佢地既金沙骨,呢排d食物款式多左好多,有好多菜類食物,我覺得我去咁多次都無遇過以上其他人既情況,我覺得佢地既服務態度都好好,好多要求佢都盡量做到,有時仲會過黎傾下計,有講有笑~可能係自助燒烤人地唔慣啦,其實去到選擇左位置,開左爐都已經係自己玩自己開心,都無咩服務要做啦~至於價錢方面,$138我覺得好抵,有次試過佢地$238果個meau都幾好,不過真係唔係成日負擔得起,最好減d啦,經濟唔好丫^^另外人地o係個網頁都寫到明碳係每爐送一包,另外買都只係十蚊一包,每一夾一蚊都十蚊啦,出黎玩計埋d小數目邊度玩得開心嫁,金喜花園o係香港既燒烤場黎講都算係高級,但係消費又唔算高,真係值得再去~p.s.有免費車位溫馨提示:真係要自備防蚊措施

食身質素唔錯~~基本bbq要有o既野都有齊!! 同埋d 雞排~豬排雞翼都唔錯!! 唔係好似d人咁講得菜燒咁誇張!另外係佢地o既服務態度都好好!!冇話唔睬人而且仲好nice,有問必答, 有禮貌~~唔知o個d話服務態度差o既人~係唔係expect 自動bbq係好似去一般餐廳咁有侍應生招待~原本我同朋友係book左先黎open rice睇食評,未去之前睇到d人寫到咁差,我地都灰左~不過o個時已經落訂! 但去完之後~~~覺得唔係咁o既一回事!! 值得一試!個場環境好靚!! 有戶外都有有蓋o既~~好o岩集體活動!! 雖然地點唔係西貢市中心~我地來回都有搭的士, 都算方便 。總結: 環境一流!!!!~~~~靚!! 食物唔錯!!! 服務態度都好好!溫馨提示: 要自備驅蚊產品 (始終係郊外)

想為金喜花園o既服務態度同埋食物味道作出平反~~~都唔係好似人地咁講到咁差o者~ d 野食雖然款式唔係話好多~ 企基本bbq要有o既野食都有齊, 味道仲要唔錯tim! 特別係d排同雞翼~~唔會好似d人講到得菜燒咁誇lor!!!我去之前上黎睇到初初都嚇親!d人o既服務態度都好好!! 都冇話唔睬人lor,而且好友善~~~ 可能係自助形式啦~ 唔知d 人話態度差, 係唔係因為佢地expect有餐廳待應招待...總括~環境一流,服務好! 食物ok溫馨提示: 要帶防蚊貼/蚊怕水 , 始終都係郊外地方^^

招牌菜 海鮮餐、乳豬 $328 個D PLAN 先有囉.....$138個D....食自己啦!!其他資料 營業時間： 星期一至日:12:30-23:30 座位數目： 2000 冇可能....明吹水~泊車資料：場內設有停車場指示唔清楚, 根本唔知邊個先係佢地個停車場!!!訂檯資料：設有訂檯付款方式： 現金提供酒精飲品：有加錢換囉..... =.=收費: $128.00-$218, 3-8歲半價, 任食4小時及包汽水一罐. D 芝士腸食完之後勁頸渴!!! 真係估佢唔到......P.S. 比$138, 但係佢個個度實在太多野食囉!!多到想喊!!!! 完全同網頁寫既係2回事!!!想比人搵笨就去啦, 講完!!

睇左個網頁後比佢呃左...得個景靚...同埋可以放狗....1) 環境 : 完全沒有清楚指示牌...自己driving去都要好似去探險咁.....2) 食物: 得6-7款 只得腸和丸&疏菜多...唔知以為去燒瓜....食物完全冇味....3) 炭 : 勁少一包,用晒要比$10蚊再買....4) 服務: $138蚊一位又冇咩食物又冇服務....以後都不過再去....

1.佢地最近搬左,少左好多特色區域2.位置難搵,又無指示牌,唔係有朋友去過都唔識搵3.泊車後搵個人問下都無,又無人理,都唔知係咪做生意4.我地廿幾人去又係比咁多位置,隔離幾個人又係比咁多位置,仲要廿幾人迫落兩個爐仔5.最平每位$128(4人以上喎),真係食個環境,唔好指意有人理你,數服務態度差,特別係收錢位哥哥仔,態度好似爭佢錢未還咁

事由中秋節很多BBQ場都full, 無奈之下黎了呢到, 地理位置已經難搵, 交通極不方便, 入到去,連一個proper d 既casher/counter 都沒有, 只有3個完全唔識管理既人係度收錢,有D人位又冇,野又冇得食,錢又照扣, 招呼卻不足...

見雜誌介紹，裝修都唔錯，於是黎試下。佢地既食物種類雖然唔算太多，但都已經夠食，１２８既餐包３款特色美色，最欣賞係糯米雞翼，真係好好味呀！個餐包一鑵汽水，另外買都只係７蚊一鑵，都幾抵飲！唔燒野食又可以去玩下球類活動，免費的。由９點幾燒到１２點幾已經好滿足，埋單每人只需１２８，認真抵玩！

上網看見這裡BBQ的環境不錯, 於是一星期前已經book兩位於12月24日晚(當日係我男朋友生日). 我7:30pm到達(老遠的鬼地方, 依照網上附設地圖, 到蠔涌, 打電話問佢地架"專車", 叫我地等,見鬼影都冇隻, 於是自已叫taxi. 上了taxi, 沿途黑漆漆,taxi司机話而家未算古怪一陣見到類似森林的物体, 因剛剛車了一轉才知, 嘩! 終於到了, 司机最後講: 駛唔駛咁遠咁鬼秘呀, BBQ ja! (我心想今次仲比唔到驚喜男朋友!)到了一個操場似的空地放滿bbq爐, 第一時間找reception, 好似是沒有的, 找到個侍應, 我講:'book 兩位性陳, 電話號碼是....', 侍應:'哦!到, 但好似冇比tim(自言自語), 等等幫你check !' (叫我到水吧等)........侍應回來:'裡面冇位你地坐空地!', 我講:'一早book錢又過數, 解冇留位? 有冇攪錯, 求其成咁, 唉, 比番錢我走啦! 離譜!!'(我地又等).....侍應又回來:'真係無辦法!我地退番錢比你!'(我地又等了10分鐘).....我企係水吧不耐煩不滿的, 侍應才同阿姐講, ....終於

想counter-balance下下面果位老實講呢間野地方偏僻上次黎想睇電視(d friend好似話係睇兒歌金曲頒獎禮..)職員話打風果陣入水壞左仲有幾隻似乎有d病既狗仔「狗」視眈眈我地d野食不過d服務都ok有沙律有麵包有一罐汽水送食物都算要乜有乜仲可以叫refill地方又大裝修幾好如果好怕人迫迫但又唔怕狗既朋友呢度會相當好相反如果鐘意人多多有氣氛既就麻麻囉果次聽職員講佢地日頭會接好多旅行團不過夜晚就生意唔多囉果次(即係兒歌金曲果晚)我地六個人係包場!如果自己有車既會方便好多

這是我第一次在這裡提供意見,到這餐廳已是上年10月的事。一行20 人去慶祝朋友生日,野食款式真係好少,最普通的丸啦,雞翼得一隻味,全部野食不多於10款。之前睇雜誌廣告話有得打籃球,卡拉ok,但個負責人話個籃球比個客扔左落山,所以冇得玩。卡拉ok就要比$500先可以唱1個鐘。原因係話佢地個係大銀幕,有個大台,成本好高。仲有..d燒野食的蜜糖溝左好多水,冇味,好欺。真係好令人失望。成本120幾蚊,好心痛。縱然環境佈置不錯,但服無誠意得很。