影片
電話號碼
26132380
營業時間
今日營業
08:00 - 16:30
18:00 - 22:30
星期一至日
08:00 - 16:30
18:00 - 22:30
以上資料只供參考, 請與餐廳確認詳情
話說今晚早咗收工，我們到了屯門黃金海岸睇吓海景吹下海風散吓步，之後就食晚飯，搵咗一間鄰近黃金海岸商場嘅鑊氣中式小廚，我哋叫咗兩個餸兩碗飯。海皇豆腐煲這道菜以豆腐為主要材料，搭配多種海鮮，其中有帶子，珊瑚蚌，魷魚，以及蔬菜，份量唔算好多，但就咁啦在濃郁的湯汁中燉煮而成，風味獨特，口感豐富，配上熱煱，使食物味道及香氣發得淋漓盡致。中式金錢牛柳牛肉薄片，很軟熟，調味料和配料一起炒製，味道鮮美，口感滑嫩，汁醬酸酸甜甜，十分惹味。
繼續閱讀
平日嘅中午，呢間野明顯比黃金海岸嘅其他食肆多人全場爆滿，一個人被安排坐4拆2嘅枱，所以通道都很窄叫左個乳鴿，排骨腸粉，同2粒蝦餃乳鴿黎食，並且食晒，都未見另又2碟到。隔離枱遲過我入單，都黎左2-3蒸嘅點心。於是問個傳菜嘅職員，或者佢真係只負責傳菜，其他野一概不理。佢指指收銀，話問個收銀，之後就轉頭面向收銀方向，再去做其他野。無可否認，我坐嘅位置離收銀不算太遠，大聲同收銀講，佢應該聽到。當企係收銀旁嘅傳菜同我有眼神接觸時，我就大聲遙遠咁問佢，“係你問，定你叫我問”。佢居然話“你問”。我望一望狹窄嘅通道，我再大聲問佢“你係咪叫我行出黎問佢”，我諗佢個腦開始諗野，自己腳都唔洗郁，轉一轉個頭去問收銀之後另一個員工黎跟進，話蝦餃有落單，黎緊，個腸粉就漏單，問我要唔要其實傳菜呀，我唔知你個職位係咩架，你唔知咪搵個侍應黎招呼我囉。衰啲咪話呢個部問唔係我負責囉，早然你衰到叫我自己行去搵收銀。我當時就話坐得近少少個收銀姐，若果個客坐裡面又點處理呀唔知係咪我個蝦餃蒸得太耐無人理，結果黎左一pat野。我叫隔離枱果啲其實賣相唔錯
繼續閱讀
沒到黃金海岸已一段時間，大部分食肆也沒轉變，這裏大都是西餐，茶餐廳或點心食肆不多，所以今次試吓金功夫點心小廚，雖然這家也算是連鎖食肆，但未有機會試過 ，對於喜歡吃點心的我當然想要品嚐一下點心出品是否有質素 。這家食肆人流不絕，尤其是當天我坐在近門口的位置，一直有食客出出入入，可能價錢不算太貴吧！在疫情後，很多食肆賣點心都可以逐隻點，方便食客，尤其是今次飲茶只有兩人，食得不多但又想試不同的點心，這是不錯的安排 。所以點心紙上有註明每隻的價錢，也由於有多項點心是以每隻計，在點「古法潮州水粉果」不為意地寫了「2」。最後當然是來了兩籠粉果，也怪自己沒看清楚 ！所以這裏扣了不少印象分。點心整體質素不錯，值得推介的是「瑤柱魚湯灌湯餃」，餃子大隻，托底的是大大條的素翅，而價錢可謂相宜，只是$30（另加一服務費）。其他點心方面，蝦餃大大隻，蝦肉爽滑新鮮；蝦腸的蝦也是大大隻；潮州粉果皮薄、餡料爽口 。甜品有三款，今次試了桂花糖燉鮮奶，及香芒冰心糯米糍 。燉鮮奶口感滑溜，桂花糖清新不太甜，只是可能糖水沾上碗上非常黐立 。芒果糯米糍則沒有大驚喜 。
繼續閱讀
黃金海岸中式餐館😌😌今晚無煮飯去左黃金海岸金功夫食飯，有中國茶飲，但茶味偏淡，無乜茶香，我地簡單叫左2個餸同2個白飯就一餐！！中式金錢牛仔柳🫢🫢牛仔柳肉質岩岩好，軟硬適中，有洋蔥香味，單食牛仔柳汁有點咸，送白飯就還可以！份量可以再多d就好啦🫢🫢海皇紅燒豆腐煲🤔🤗豆腐煲有幾種海鮮，有花膠，有蝦仁，有魷魚，有蚌，配上豆腐同小棠菜，味道不錯，有住家飯的感覺！如果再加多一些菜類就好😲😲
繼續閱讀
今日一家四口食午餐，嚟到黃金海岸，發現呢度嘅餐廳食物價錢都偏貴，好彩搵到呢間酒樓，唔使等位，價錢合理。叫咗馬拉糕、新鮮熱辣，非常鬆軟，甜甜地，好好味。香煎蘿蔔糕，比較林，有蝦米、臘腸，好足料。豉椒金錢肚，金錢肚好有趙口，好入味，豉椒汁好香濃，下面仲有白蘿蔔做配菜，同樣吸收晒豉椒汁，好惹味。脆皮叉燒包，係餐包嘅質感，上面有菠蘿包嘅脆皮，入面係叉燒餡，幾特別。春風得意腸粉，香滑嘅腸粉包住脆卜卜嘅油炸鬼，食入口感覺好特別。鳳爪排骨飯，原個煲仔上枱，排骨好滑，加上鼓油汁好正。甜品桂花燉蛋白，蛋白非常香滑，上面加咗桂花同埋糖漿，超好食，非常推介。總結，一家四口連埋茶錢+1，$400有找，食物質素高，性價比高。仲有對住黃金海岸嘅靚景來食，再加分。
繼續閱讀