38
7
4
電話號碼
21173732
營業時間
今日營業
09:00 - 22:00
星期一至日
09:00 - 22:00
付款方式
Visa Master 現金
其他資料
電話訂座
加一服務費
食評 (58)
等級4 2021-12-30
735 瀏覽
海邊勁正風味雞煲😋今日我地一家黎到屯門黃金海岸, 夜晚去左mall嘅”星小宴”食勁有風味嘅炭爐雞煲打邊爐, li個hotpot係室外座位限定架, 以砂鍋黎煮熟d食材, 喺香港唔係咁多地方食得到🤩.🍲花雕醉雞煲(半隻)雖然坐喺空曠嘅室外, 但係個鍋黎到時我地已經聞到好香嘅花雕酒味, 第一時間落哂雞肉先, 由生煮到熟都唔使好長時間, 驚喜店家嘅雞肉非常之嫩滑, 仲要啖啖肉, 而且斬雞又無斬到一口碎雞骨. 除左花雕酒好香之外, 湯底好足料: 大量紅棗令到湯頭味道更甜; 好多條蔘令到成件事無咁燥仲好養生添.🍲手切特級安格斯牛肉靚!!! 一睇就知牛肉高質, 特別之處係牛肉嘅脂肪好適中, 比起一般hotpot店li度嘅牛肉一定算厚切. 淥一淥, 勁嫩滑, 絕對係必食item之一!🍲西洋菜大大碟嘅咁🍲紅薯粉個湯底咁正, 梗係要淥返碟紅薯粉索下d湯嘅精華吧, 原本都驚d紅薯粉索哂d湯會搞到一下子無左好多. 我就嗌店員加定水先, (讚) 原來加嘅都係湯唔係水good👍🏻👍🏻👍🏻.🍲白菜豬肉餃好有溫度嘅餃子, 白菜同豬肉比例均匀, 食落好味之餘d豬肉好香呀, 一碟有8隻足料好味.🍲順德魚腐老公favorite, 外表有d似生根但食落係好香嘅魚腐味道, 佢特別之處係淥完後唔會成舊都一味腍身, 而係外表仲有少少炸完嘅口感, 但又唔油wor.🍲冬天凍冰冰喺li個咁正嘅環境打邊爐真心正!! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-24
605 瀏覽
黃金海岸係一個好浪漫嘅地方,濃厚嘅外國氣氛加上面對住一望無際嘅大海,實在好適合情侶拍拖🥰特別係夜晚嘅時候,加上閃閃燈光嘅加持,再享用埋晚餐,相信各位女友大人都會滿意😂.黃金海岸有多間餐廳,今次特別推薦「星小宴」!最近推出嘅炭爐雞煲,夠哂Gimmick 之餘,價錢合理,即使坐係Outdoor位置,吾會覺得凍,仲可以飽覽夜景添🙊.【餐牌】.【秘製香辣雞煲 半隻 $188】每張枱預設一盤炭爐,乾淨整潔,吾洗驚燒燒下有炭火飛起😎配上砂煲雞煲,以炭火慢火燒製,熱力平均,鎖住水份,愈煮愈入味,好有原始嘅味道🥳雞件肉質鮮嫩而不老,入味濃郁,香辣惹味帶微焦香🙊店員會主動更換煤炭,所以雞煲Keep住暖笠笠~ 食完可以加入濃湯開始ShabuShabu啦🥰.【手切特級安格斯牛肉 小 $238】雖然只係Small Size,但份量竟然大得驚人😂手切鮮安格斯牛,色澤亮澤紅潤,脂肪比例均勻,肉質細嫩緊實,入口醇厚多汁帶嚼勁,掛上湯汁,實在香口!.【巧手韭菜餃 $68】韭菜餃皮薄餡多,綠油油的韭菜,可見好新鮮😎餃餡以韭菜為主,仲有鮮蝦增添鮮味~.【順德魚腐 $48】既有豆卜嘅吸湯力,又有魚腐嘅煙韌帶彈性,配合濃郁嘅湯底,十分推薦呢~.【日式蟹柳 $42】蟹柳根根分明,口感柔軟,味道鮮美,係鍋蝦涮一陣好快食得😆.Remark:。茶位:$13/位。加一服務費 繼續閱讀
(以上食評乃用戶個人意見 , 並不代表OpenRice之觀點。)
住屯門的朋友最近發現了一間風景不錯的雞煲店,而且還是用炭火的,問我吃不吃,那我肯定是吃的,而且還沒吃過炭火的就很想試一下,最重要的是這裡雖然有點遠,但坐車不用錢,那就更吸引了!來到看到環境真的非常好,對著海邊,吹著海風,吃火鍋,真的爽!秘制香辣雞煲(半隻)(188元)今天的主角—炭火雞煲,也是我們特意來這裡的原因!看到火紅的木炭配上大大個瓦煲,內裡煮著嫩滑濃香的雞件,吃起來味道香辣,帶點椒麻的感覺,肉質非常嫩滑,就算雞胸也一樣!而且因為木炭溫度很高,所以吃起來會比平常多了一份焦香!不過重點是這個雖然是炭火但價錢跟普通的差不多,那就更加應該吃炭火了!手切特級安格斯牛肉(小)(238元)這個特級安格斯雖說是小份,但想不到份量還是非常大,而且可以看到油花真的非常美,如果跟我說是日本和牛我也可能會信!牛肉下鍋燙10秒左右就可以吃了,吃起來非常嫩滑,而且油香十足,又因為鍋底已經很濃的關係,不用沾調味料就很好吃了!巧手韭菜餃(68元)這個韭菜餃應該是新鮮包的,吃起來非常足料,而且還加了鮮蝦進去,所以吃起來除了韭菜的濃香,又有鮮蝦的鮮甜爽滑!鴨血(48元)這個鴨血吃來爽中帶嫩,而且沒有什麼腥味,而且挺吸湯的,不錯!順德魚腐(48元)這個有點像豆卜的感覺,但吃起來有魚肉的彈性,吸飽湯汁後,吃起來特別過癮! 繼續閱讀
(以上食評乃用戶個人意見 , 並不代表OpenRice之觀點。)
今次同朋友去完黃金海岸沙灘,就係附近搵食啦!商場入面好多餐廳,但我就揀左星小宴,因為有好有特色既炭火醉雞煲呀!仲可以坐outdoor吹住海風,又唔焗唔會成身味,同埋真係好chill!😋花雕醉雞煲 $188(半隻)煲同雞係分開上既,真材實料!花雕酒味好濃,個煲唔會太重口味!而且入面都有好多配料呀!雞唔會太肥,而且本身醃左已經好入味!落煲滾一陣就食得!香雞香酒又嫩口!正!🤣😋手切特級安格斯牛肉 $238(小)呢個必食推介!好靚既油脂分布,而且厚度岩岩好! 食落係好有口感!牛味好出,加埋醉湯底食一流!小份既份量都唔少,兩個人都差啲食唔晒!超抵!😍😋巧手韮菜餃 $68個餃皮好煙韌,而且唔太厚,入面料好足!除左菜,仲有粟米、少少肉, 味道唔錯😆😋鴨血 $48本身好少食鴨血,但呢度既鴨血一啲臭味都冇,好易入口!大細切得岩岩好,快熟得黎又唔會散,好味!😍😋紅薯粉 $20大大碟紅薯粉好飽肚!好煙韌同吸味!食晒所有野再用佢黎索湯既精華就最正!😄😋本地生菜 $44一定要食番啲菜balance番!呢個爽口既生菜!兩個人食岩岩好!仲要洗得好乾淨,正!🥰 繼續閱讀
(以上食評乃用戶個人意見 , 並不代表OpenRice之觀點。)
等級1 2022-05-09
0 瀏覽
昨晚母親節去左屯門黃金海岸的星小宴晚飯, 7:30 入坐, 一坐低就先叫個片皮鴨,已經話售罄。叫左2個前菜+5個小菜, 先來兩個前菜係叉燒同埋燒腩肉仔,味道不過不失,之後來第一個小菜冰鎮咕嚕肉,係無冰鎮的,微暖,像是炒完好耐攤凍後拎出來,大家都體諒係今日母親節,估計廚房應該繁忙所以都唔介意。之後等咗25-30分鐘,侍應走過目無表情講我們之後點的三個小菜冇得供應了,跟住就閃走咗。我們只好再係餐單上再揀,但揀左幾個小菜都係話冇,跟住我就同侍應講不如你地有啲咩話俾我知啦,我哋等咗好耐先話冇,真係好浪費大家時間,估唔到佢覆我一句:我打工嘅咋乜都唔知,跟住就走咗。好不容易叫到部長過嚟,請佢喺Menu上寫返那些小菜有, 邊啲冇,至少等我哋唔使不斷去估估下,點知原來Menu上5-6成嘢都係冇嘅晒,咁我哋就唯有喺餘下仲有嗰啲小菜再揀,再叫侍應過嚟落單,竟然都係冇晒,我就開始同佢理論:我哋已經跟足部長話有既小菜去落單,竟然又無? 佢哋都係覆我一句,真係冇呀,我打工嘅咋,唔好為難我! 最後我哋想叫個菠蘿海鮮炒飯,但求老爺奶奶有淡飯食,唔想母親節要他們餓着個肚回家,點知想要個炒飯都係冇,最後好不容易叫到個鮑魚雞炒飯,味道尚可,但冇溫度可言,完全係唔熱,真係跟炒冷飯係無分別。天啊!我們淨係想食餐飯咋,冇諗過要去為難任何人,開開心心嚟到餐廳,結果乜都冇得食,究竟係邊個為難邊個? 😵‍💫 繼續閱讀
(以上食評乃用戶個人意見 , 並不代表OpenRice之觀點。)