金利來小廚 (已結業)

說真的，要不是同事介紹也不會找到它！位置的確的點偏僻，而附近的全是車行！就只有它一間食店！它地點雖低調，但卻不失禮！［豬手］食得豬手既，通常都會到德國餐廳，比較有信心吧！但見到隔泥台食，樣子很不錯，所以就叫了！果然係有驚喜！勁大件的豬手，肥膏同肉的比例平均！很濃的豬味，充滿骨膠原！可說是色香味俱全！加了芫荽同椒絲！一個很中國style 的豬手！喜歡豬手的朋友，這不會令你失望！［啫啫咸魚介籣］啫啫煲本來已經是很香，再加上粗粗的介籣，野味的咸魚！比例剛好，不太咸！送飯一流！好食程度也不用說明！一上台只不過係數分鐘，就已全清！總結來說，價錢合理！我地還試了咸旦肉餅，蠔仔粥！味道不過不失，並沒有太出色！可以的話，點菜前可看一看隔泥台點的菜，以作參考吧！

星期五夜晚, 唔一定要食得豪, 先叫做食得好, 係呢度食啲鑊氣小炒一樣唔錯:一路歎住啤酒, 一路食住豬大腸, 真係人間一大樂事。豬大腸外脆內軟, 亦處理得好乾淨, 加少少甜醬入口, 都教人回味無窮!呢碟咸豬手亦都好啱送酒, 肉身咸咸香香, 有啲似食風乾火腿嘅感覺!「咋咋聲」嘅芥蘭煲夠香, 亦煮得好軟硬適中, 口感一流! 大排檔肉餅, 有魷魚、咸蛋, 配上好靚嘅豬肉, 亦無蒸得過火, 用黎送飯就最啱!!

聽同事講呢到有間豬手好出色嘅大排檔，所以係觀塘打個的黎一試，落車後先發現地理位置黎講吾算偏遠，不過平日應該有D難發現到佢。坐低等同事發板，我靜靜等食好啦。第一道，一定要講隻豬手！吾好睇佢細細隻，其實都幾多肉，燒焗嘅關係無咩油，加埋一個芥末醬，配埋黎食加杯啤酒真係無得頂！跟住黎個啫啫芥蘭，夠火喉之餘吾起渣先係重點，仲有D蝦乾仔，食落都有小小啫啫雞Feel最後送飯必備，魚香茄子。呢到嘅煲仔餸火喉夠之餘，味道都偏濃味，呢個茄子小辣咸魚味一般，不過配飯一流！

位於九龍灣嘅金利來，最大特色係開24時小，早午晚都有得食，但小弟就只試過晚餐。今日同同事OT到11點幾，二話不說飛的過去金利來。佢小菜做得唔錯，今日就叫左啫啫芥蘭、炸豬手、吹水墨魚咀、芝麻雞同豆腐火腩煲。當中最出色嘅一定係吹水墨魚咀同炸豬手，前者惹味脆口，送啤酒一流，後者肥瘦適中而且D皮極脆，加埋秘製醬汁又唔會太膩。

屋企人食飯，細佬推薦依間，於是打的黎，因為位置有啲偏，佢係喺九龍灣工業區入面。去到好多人，地方都幾大，原來大部人黎都有訂枱的，不過我們walk in 都有位。聽聞依間金利來係好出名的，由十三坐搬過黎。我們五個人叫左炒油麥菜，椒鹽鮮魷，炒花甲，粉絲蒜蓉開邊蝦，炒東風螺，秘製話梅排骨。炒油麥菜，超油，用啲飯黎吸油，味道正常，無特別。開邊蝦好正，但好細隻，仲要海鮮價，差吾多十蚊一隻，吾抵。東風螺炒得好un,要咬好耐，雖然辣，但感覺吾入味。花甲，炒得太熟，而且成碟得十隻，好吾抵。最成係椒鹽鮮魷同梅排骨。鮮魷好脆，而且啲漿好薄，所以食落好好味，出面啲舖頭好多都好厚皮;另外個梅排骨好正，酸酸地好開胃，但有啲吾熟，食到有血5個人食700蚊，六碟菜，四碗飯，二支生力。有漏單情況，我們三催四請啲野食先齊，但伙記ok nice,有禮貌，地方狹窄，大排檔的衛生情度。應該吾會再黎嗽，因為俾佢好而抵食過佢的大有人在。