金凱鮮庭 (已結業)

食過幾次, 都覺得食物方面算唔錯. 以價錢計...最鍾意食法國麵包蟹 , 不過真係要揀大隻 ($198) , 細隻($138), 不過大隻真係O的膏好多 X10000000000!!!!!另外必食翡翠螺 , 算抵食 ($48/6隻) , 不過愈食覺得愈細隻, 係第一次正o的.. 蒜蓉蒸開邊蝦: 蝦係細o的, 唔多肉食, 不過佢煮得幾惹味 , 配個飯真係唔錯芝士焗龍蝦 ($108) : 必食 , 龍蝦肉超彈牙手打烏東: 無論上湯煮 or 燴都好味, 真係彈牙燉湯可以不叫, 無特別瀨尿蝦 : 以價錢計叫抵食, 不過最後選擇 , 唔夠龍蝦好味可以叫埋蒜蓉包配上面o的野食 .檯真係唔多, 門口可泊車 , 不過亦可以買番屋企慢慢嘆~

海鮮種類算係幾多，因為間舖咁細好難有多樣選擇。當晚叫左加拿大蟹、翡翠螺、琵琶蝦、龍蝦。全部都算抵食，但舖面太細坐得唔舒服，一係就坐出街，所以我多數外買返屋企至慢慢食，加意粉、飯之類配菜等。兩個人食就已經好足夠。

今晚約同事數人去北角食這間的靚蟹~原是去海鮮站但裝修中.....結果出事~訂位叫留加菲蟹無貨,問佢地留乜好就叫我選長腳蟹($780)...五個人食太貴無要,晚上八點去到叫中蝦沙律無...叫螺又無...介紹我食潮州凍蟹($238)唔太化算~淨返幾隻麵包蟹,要左隻(OK好味啦!)跟住叫芝士焗龍蝦兩隻開邊(麻麻無乜肉)焗生蠔都係....花膠湯味道都可以~可能因太迫影響食欲(叫乜無乜都好大問題)埋單5個人要700幾(唔多滿足)

　　下午五時許，離上班還有一段時間，路經北角成報大廈附近的一間海鮮店，櫥窗擺放了很多龍蝦與各類螃蟹，包括長腳蟹、水晶蟹、嘉菲蟹、麵包蟹和花蟹等等，亦有瀨尿蝦和螳螂蝦。　　曾看過螳螂蝦的紀錄片，螳螂蝦的形狀和瀨尿蝦很相似，但比瀨尿蝦大隻；覓食方法卻和陸地上的螳螂一樣，同是以有如鐮刀般的一對前臂獵食，出擊快如閃電，還未看清已經將獵物鉗在臂上。瀨尿蝦游水姿態比蝦優美，因為蝦游水時可看見蝦腳的擺動，而瀨尿蝦和螳螂蝦則有如穿了一襲長裙，游水時腳部如同絮步，會有形狀與波浪。　　清蒸或凍食瀨尿蝦有另一番味道，不過還是喜歡椒鹽瀨尿蝦，喜其香口與冶味。對蟹的興趣不大，因為一定要有閑情才可慢慢品嘗蟹的鮮味。剛巧看見店內有供應豉汁清蒸斑頭腩，於是入內一試。　　喜歡斑頭腩多於斑球，正因為是可以試真魚頭的味道，魚肉香滑兼肥美，加上豉汁的濃香，一碟斑頭腩加兩碗白飯，不消十五分鐘已吃清。　　記得以前還有清蒸東星斑，味道和魚的質素更佳，吃起來更鮮甜與嫩滑，只是近年東星斑因捕獲過度，數量大幅減少，供應緊張下只能間中才能有貨，而且還要預訂。

身為一個蟹痴,逢蟹皆愛,逢蟹都食,暫時最恨食係椰子蟹. 當我第一次來這裡,再反反覆覆去海鮮站. (海鮮站老板話呢度係佢呀哥開,佢都係抄佢呀哥)相比之下,金凱鮮庭係好d. (不過,海鮮站個沙律又好d.)所以我對佢既愛已經係標升,最狂係一個月黎4次. 仲介紹過朋友黎,佢又再介紹人黎食.依家平均就1-2個月黎一次.加菲蟹~ 最開心係見到加菲蟹. 飲恨於澳洲,未能一食. 係度見到,梗係要食.屬於肉蟹一種,超好肉,味鮮甜. 不過我最怕見到蟹腳邊的泥跡,點解佢地唔好可以用刷刷下呢? 其實蟹的底部,係好污穢. 如果係屋企,都會用刷,係咁刷.加上西式的煮法,原隻落水煮,就更加應該要洗乾淨d.翡翠螺/清燉螺頭雞腳湯~ 不用多說,正.蒜蓉蒸勝子~ 好味過布袋澳,一食覺得好幸福,咩野煩惱都無晒.芝士焗蠔~ 一般,唔夠味. 如果可以加多d芝士焗就正. 賴尿蝦~ 無咩味,又無羔,肉好削. 唔扺食.豉汁蒸龍躉~ 滑,不過無個白飯黎配,好似dry咗d. 等我再寫番之前黎呢度,其他既食評.串燒鮑魚~ 一串3隻,細細隻,覺得麻麻地. 因為唔係好扺食. 鮑魚~ 逐隻計既,好似差d. 話大隻,唔大隻,試過無妨,唔會番食.

由佢一開舖已經想試, 不過始終都無, 上兩星期終有機會......麵包蟹($208) - 選了最大那種, 打開蓋蟹膏可以用澎湃來形容, 入口甘香不過質感就略嫌唔夠軟滑. 蟹身好飽滿, 蟹肉清甜, 雖然有附上醋汁, 但都係比較喜歡原汁原味

來金凱鮮庭緊系食海鮮，叫了面包蟹，翡翠螺和局龍蝦。蟹和螺都很新鮮，食落好甜。龍蝦則比較麻麻。不算最出色，但又不算貴，想偶爾食嚇海鮮都是不錯的選擇，起碼食到真材實料。

今日和老公同爹地媽咪來吃晚餐，7點半坐低，menu上大部份的蟹都沒有，只有麵包蟹和潮州紅花蟹，焗蠔又沒有....到底咩野先有呀？生意又唔係差又係假期，咁做生意已經令人有d唔高興。我們點了：麵包蟹- ok囉，d膏都唔creamy....翡翠螺- 幾鮮，好食蒸扇貝- 鋪面的蒸蓉粉絲幾好味，個扇貝麻麻地，覺得唔係好新鮮中蝦伊麵- d蝦剝晒殼以為係雪藏貨，好彩一食都知係鮮貨，不過碟麵無乜味。翠華個鮮蝦兩面黃好食十倍。最後埋單約500元，四個人都未飽，不過無mood再叫餸。如果要食同類食物，我會推介同是北角區的海鳳棧。我之前去過果過一次，隻加菲蟹多肉勁甜，隻麵包蟹d膏似橙色的cream!!!但見呢度好評多，所以今晚決定來呢度，依家好後悔

情人節到到都唔抵食,想試呢個好耐,所以去左食左1. 麵包蟹冇咩肉食,但d膏真係超正2. 翡翠螺(一碟6只)ok鮮味3. 芝士焗生蠔(一碟3只)好味,不過d蠔略為殼大肉細4. 半只芝士焗龍蝦伊麵底龍蝦好味,不過d伊麵好難食5. 蒜茸包(一碟3塊)好好味,好味到再嗌多一客不過不失,不過我同男友食完都肚潟,唔知係食唔慣生冷野定點喇

　　北風呼呼，但打了兩日邊爐，喉嚨開始「病病地」，於是另一半提議到此間餐廳仔嚐新。　　其實此店開業已有年多，但店子地方很細，每次經過都人頭湧湧，而另一半身形屬加大碼，始終提不起興趣同人逼，見今日凍凍地，可能無咁多人食凍，終於一試此特色小店。　　到達後，店員介紹食凍蟹，但本人對羔蟹沒甚興趣，本想試一隻外形奇特的嘉菲蟹，點知最後一隻被另一客人點了，於是改為食加拿大肉蟹，$248一隻，都幾大隻，應有斤半以上，雖說是肉蟹，但蟹蓋內的軟羔都很多，呈金黃色，連不大吃羔的我也忍不住試下，吃了一口，簡直可以用几回味來形容，甘香，軟滑，點了些店員推介的蘋果醋，果然又有另一種令人回味的味道，真的很特別。此蟹的羔好味，但肉就更令我欣賞，蟹味很濃，由於大隻，每隻腳的肉都很豐滿，跟平常食的花蟹又自不同。　　平時出外吃飯，吃到的都是調味料的味道，真正的味道，來自食材本身的味道，我們都漸漸忘卻，但在此店，只有真真正正的鮮味，來自蟹本身的鮮味，每一隻蟹獨一無二的鮮味，而不是千篇一律的「味精」、「麻油」、「蠔油」味道，吃吃，竟然有小小感動。　　除了蟹，還點了翡翠螺（$48六隻），鮮甜，螺味濃郁；豉汁蒸龍躉球（$78），

本人於1月25日晚上6時30分一行六人光顧此店. 我們分別點菜3次, 最後一次點菜時間是7時40分, 此後, 店員用極不禮貌的手法趕客. 本人對此店極為失望.

聞說維園附近有各式美食!於是相約老友記到工商展掃貨順道到維園搵嘢食!話晒老友記同我都係為食鬼。行下行下去到成報大廈附近,被此舖內各色各樣的蟹類所吸引,一向愛好食蟹不如一試。店內座位不多，爆棚，於是店員建議坐在店外，都唔錯，幾有街頭風味喎！店內除蟹外，還有很多熱食提供。我們叫了一隻麵包蟹、翡翠螺、豉汁蟶子，叫了一支細白酒，慢慢歎！麵包蟹超多膏，好好味，加上脆法式蒜蓉包上，蒜蓉惹味，蟹膏香濃，這個組合簡直超配，一客蒜蓉包還不夠，另一個客走蒜蓉，更能食出蟹膏的鮮味，加埋白酒，好外國feel。翡翠螺超爽，勁鮮甜，大大隻好少見，非一般食慣D。豉汁蟶子又幾出色，好鮮甜，但不足地方，略嫌有少少沙！不過個汁好好味，用來送飯應該好味，但實在吃不下了，下次啦！店員還細心向我們介紹不同蟹的名稱及產地。下次要試下其他品種至得。

It was my first time to go to 金凱鮮庭for dinner yesterday with my family. Actually, I am not willing to eat there if my mom didn't say she want to eat seafood that day.The Environment is bad, place is not enough to sit that we had to sit outside, where is dirty and air polluted,also the tablewear is not clean enough.For the food,I don't think it is tasty like the consumer said in openrice.That night,we did order: -芝士焗龍蝦配伊麵底($58)Not fresh enought seems like dead for number of days,too saltly,outlook

聖誕日叫外賣,早上落ORDER,下午去取,要了麵包蟹($248),茄菲蟹(218)及一打翡翠螺($98).麵包蟹紅膏滿溢,一個人真係食唔晒.茄菲蟹肉質鮮甜,翡翠螺亦清爽可人.還會再幫襯的.

平安夜。跟太太決定唔出去同人迫餐死，响屋企自製海鮮大餐...原本只諗住買六隻翡翠螺就算，但見到冰櫃入面個"蟹陣"，實在太吸引，於是忍唔住整多隻麵包蟹拎走...pack到靚一靚，連埋自製vinegar及豉油，差D想偷食tim..再响北角碼頭買兩隻本地龍蝦，再加貴妃蚌及日本帶子，好過响出面食俾人"掠水" la..麵包蟹羔多肉厚。但羔偏硬身，對自己而言，都係大閘蟹及黄油蟹嘅嗰種油性比較重嘅羔比較對口味，但肉真的頗甜頗鮮，連太座呢個咁懶食蟹嘅人都拆得津津有味。再點上微酸帶有少許酒味嘅vinegar，出色...翡翠螺肥大肉厚，no complaint...一口蟹肉，再喝一口香檳，人生一大快事....Merry Christmas...^0^