金公館 (康怡廣場北座)

營業中

休息中

今晚同屋企人慶祝生日，媽咪話好耐無食北京市烤鴨！一於試下先！餐廳裝潢都幾有型，而座位大部分都係卡位，坐得舒服又夠寬敞。<香葱雞蛋豆干粒>味道好特別，好似食緊滷水蛋咁，好香雞蛋味！而且無諗過份量係咁多。<蒜泥白肉>推介！！辣得好好好刺激呀！中意食辣就要叫呢個喇！個面係舖滿哂蒜泥架！白肉入面卷住大大舊青瓜，減少咗油膩感。愈食愈刺激！<京城金粟南瓜羹>呢個羹係非常足料，啖啖都有南瓜同粟米粒，好正！我飲完都有dd飽👀到主角喇！<烤北京田鴨>!!我地叫咗半隻，餐廳好貼心，有好多款醬料同配菜，特別中意桂花糖漿同哈密瓜，夾住一食幾清新，唔錯！總括來講，餐廳環境舒適，食物價錢性價比高，服務都唔錯，下次再黎食先！

廢話唔多講今日6點幾去到，見無乜人，又想食片皮鴨，所以入去試下。叫左幾味餸，如下：1.半隻片皮鴨2.椒鹽九肚魚3.賽螃蟹4.熱情果籠仔蝦球5.四季豆叫完餸，侍應姐姐話會上左片皮鴨先，因為熱辣辣食先好食，食完先再上其他野俾我地，咁我都心諗幾好喎，招呼都幾周到。點知講完過左一分鐘，就上左個九肚魚俾我地先，我地呆左，不過心諗無所謂啦，咪食下九肚魚先，無問題啦。個九肚魚炸得幾好既，熱辣辣又夠脆，香口好味。跟住終於上片皮鴨，個賣相都不錯，但係點知包完皮一食，個皮同個鴨都係凍既。。又話熱辣辣先好食既？😵食左3份2，就叫佢可以開始上埋其他餸，黎左個四季豆先，四季豆都熱辣辣既，係普通水準，不過不失。之後黎左個熱情果蝦球，熱情果就係炸蝦球上面嗰啲醬，酸酸甜甜配埋個蝦球幾開胃既，佢地炸物係還不錯的。最後黎左個賽螃蟹，真心好大獲，圖文不符依啲真係預左，細細盤如果好食都無所謂，點知一食入口，凍既，都唔緊要，最緊要係個蛋白既質感，好似係啲蛋白加左好多生粉？定落左啲咩令到啲蛋白凝固啲咁😨總之就唔係賽螃蟹啲蛋白既質感，而且係無味既，我真係。。唔知自己食緊咩😅總括黎講，炸既野ok，四季豆正常水準，片皮鴨失望，賽螃蟹係

今晚放工想在附近吃晚飯，從太古城走到康怡廣場的這家金公館，看見有片皮鴨套餐，就來一試水準。餐廳門口雖小，但內在乾坤，有多張卡位及有屏風的圓枱，私隱度極高，可以舒適放心傾計吃飯。餐牌選擇各式各樣，亦有不少優惠套餐組合，價錢適中，現在更有時令的清蒸大閘蟹，今晚叫了一個片皮鴨套餐、另外再加點兩個小菜。手拍青瓜先來一份開胃涼菜，手拍青瓜清香脆嫩，加上酸爽惹味的醬汁，十分開胃。青城山杏汁白肺湯滋潤豐美的杏汁白肺湯，豬肺無腥氣，喝一口馬上感到潤燥滋補，杏汁香甜鮮美，香滑腴潤絕非一般中餐廳可比。烤北京填鴨鴨皮不帶肉的「一口酥」，一咬酥脆，油香豐腴，而鵝肉嫩滑，鵝皮香脆而味道豐厚濃郁，以餅皮包裹不同的配料同吃，，特別醇厚和味，吃來有齒頰留香之妙，而配料特別有哈蜜瓜及桂花蜜，兩者配撘可以減低油膩的感覺。老乾媽雞丁嫩滑的雞丁以偏湖南的做法，有別香港常見的乾煸辣子雞，用上綠色的湖南辣椒，味道更香同時辣度不減，醬香味濃，惹味非常。薑汁炒芥蘭爽脆的芥蘭 ，油而不膩，賣相亮麗，色香味質盡皆佳妙。套餐還包兩碗白飯，正好配上雞丁，十分下飯。椒鹽九肚魚另外加點的椒鹽九肚魚，九肚魚外皮香脆，炸漿厚薄得宜，而內裡的九肚魚厚

早幾日去太古做野，想坐得舒服同飲下茶，又唔想排隊等位唔知等幾耐，就去依度食野，叫咗好多點心，真♥覺得好食。最好食係牛肉同蝦餃，應該係即叫即做，而且唔係交來，所以要等一陣。個牛肉尤其同出面食既有好大分別，真係正！而最有驚喜係棉花雞，舊魚肚同雞都超正👍雞肉都入晒味，又滑，唔同出面冇味道。中午開始有擔擔麵，之前都有試過，都幾好食，不過份量一人份，可能唔夠我食，加上今次同埋同事去食，所以冇叫。值得一試呀！

好耐無去太古城囉 ! 約了妹妹去食個晏再周圍逛逛在康怡廣場 3 樓見到這間有粵川京菜等不同菜式的金公館 啱哂唔知食咩好的我們 ...食物的選擇很多 有午市自選套餐、二人或四人餐 還有粵式蒸炸點心、也有京川涼菜和小菜 不過我們都是鍾意食點心 ...飲茶必點的 ... 鮮蝦餃皇 (4 隻) 蝦餃飽滿脹卜卜、餃皮軟靭、蝦肉又鮮又爽 ~~碧綠鮮蝦腸粉 (3 條) 腸粉不太厚，入口滑溜溜，包裡大大隻爽口的鮮蝦雞湯小籠包 (4 隻) 小籠包外皮厚薄適中，裡面有很多湯汁，肉餡鮮香美味胡麻鮮淮山 鮮淮山大大粒，入口清脆帶點黏性，配上微酸的胡麻醬，清爽消膩最後，當然要食埋甜品 ... 擂沙湯丸 + 蓮蓉焗西米布甸平時去飲茶很少食蓮蓉焗西米布甸 但是每次點心車經過的時候，都見到其它食客點的蓮蓉焗西米布甸 ... 仲好鬼香 我們都忍不住點了客 ...熱騰騰的西米甸一上枱就聞到蛋香 面層帶點焦香，食落軟滑不太甜，入口有奶香和蛋香，好好吃耶 !!!** 以上分享是以我的口味、喜好和情況作出分享及感受，一試 / 合用與否請自行決定

在康怡廣場北座三樓這家金公館、京川粵精品菜也有，較早前初初開張時來過，感覺不差！今天中午約了多年不見老友茶聚，一盡地主之誼，就選了這裡作東道主！餐廳以臉譜裝飾，配合京川粵主題，卡位座位舒適寬敞而整潔，服務員亦主動而且熱誠，茶水無缺、值得一讚！兩人午膳就點了蝦餃、燒賣、豉椒鳯爪、鮮蝦炸春卷，干炒牛河等等！大大粒蝦餃同蟹籽燒賣，用料同蒸熟的火候到位，蝦肉新鮮，十分可口！鮮蝦春卷上桌仍熱騰騰，炸得香脆，餡料鮮蝦肉用料新鮮，醮些喼汁，食味提升！豉椒鳯爪微辣、調味適中又夠腍夠入味，以荳泡墊底，吸收了醬汁調味，好有口感！乾炒牛河上面放上蔥花和炒旦碎，令到賣相可觀，牛肉腍滑無渣，河粉不油膩，這牛河炒得好有水準！朋友好久不見，自然要碰杯祝賀吓大家身體健康！一頓中午餐就在笑談風月中結束！

看了食評，才來這間食店嘗試的，還帶着外母與媽媽來。非常失望，旦旦麵鹹嘅程度係比平常多了三倍，基本上不能入口。比較出名的酸菜魚，也名不符實，首先魚不夠新鮮，而且最重要一點，廚房的師傅連魚鱗也沒有清潔理好就煮了，我們竟然吃得到魚鱗，再用濃重口味的湯蓋過了本身的味道。$198加一後二百幾蚊一道菜，不價得，非常失望。我本身很少食寫食評的，但係這次只是想將事實講給大家知道，而不是大家贊在這裡的這麼好。

裝修位置一流，lunch time多人有機會要排下隊，服務都係中年女士幾上心，會記得你仲有咩食物未到而主動幫你跟。茶水： 竟然有菊花，好欣賞會提供花茶既茶樓，可以俾客人多一個選擇。小籠包： 呢個似蒸過龍，因為有d乾。overall味道okay, 如果醋有薑絲就好了。蝦餃：好大粒蝦餃，食出蝦好彈牙，皮又靚。 牛百頁： 鍾意厚切同夠薑葱味夫妻肺片： 幾辣下，而個份量好足好惹味呀。乾抄牛河： 呢個碟頭兩個女仔share食都飽哂架喇，有獲氣有足夠配菜。奶凍： 呢個想解辣所以叫，食落好軟綿綿，唔會死甜，有奶香味。覺得食物係新鮮同正，而裝飾見得人。

咁啱係附近見到餐廳做緊晚市半價優惠所以即刻去試吓酸菜魚 味道好入味魚沒有骨🐟 湯底入邊的粉味道都好出擔擔麵唔算好辣適合食到中辣以下嘅人個人唔係好食到辣所以覺得呢個啱啱好蒜泥白肉出色之作賣相好出眾 肉同青瓜嘅比例都好分明扁皮鴨新鮮出爐，即叫即整好脆口👍🏻新鮮熱辣，配菜好正宗個皮好薄唔會好厚，薄身得來唔會好易爛呢樣值得一讚👏🏻口水雞，賣相亦好美觀口感一流辣度剛剛好適合唔同辣度程度嘅人食👍🏻整體一流，都會推薦朋友再去👍🏻

片皮鸭一鴨兩吃，叫了雪菜鴨絲炒年糕！鴨絲竟然是鸭屁股，超騷，難以入口！赛螃蟹味道還可以，但賣相差，一點螃蟹様都沒有，只是一大塊白色蛋白！奇怪食評竟然不差，是我不好彩，遇著今晚厨師失準？！蒜片牛肉粒超咸，只有美極醬油味！全晚只有蒜泥白肉及炒萵筍可以接受，但蒜泥也是偏咸的，但可取的是白肉片切得够薄而且爽口，算是最好的一碟餸!另外一碟椒鹽鮮魷也只是不過不失，脆醬厚而鮮魷就不太鮮，總的來說應該不會再光顧了！

早排去咗太古探屋企人，表哥話金公館唔錯，所以我哋一齊去咗金公館食晚餐(〃∀〃)蒜泥白肉好惹味，每一片既五花腩厚度一致，中間卷住青瓜片，所以口感好豐富，醬汁好開胃，蒜蓉味好香，雖然對我來講有少少辣，但會好想再食～(^_っ^).炸饅頭睇落好普通，但整得好好食ヽ(✿ﾟ▽ﾟ)ノ!!!饅頭外層金黃，咬落去有少少酥脆，但入面仲好軟熟，而且一啲都唔油膩，要點好多煉奶食~~椒鹽鮮魷香脆邪惡，魷魚嘅炸粉幾薄，所以唔怕食到成口粉，魷魚彈牙，味道吸引，咸咸地好滋味，不過怕熱氣，就唔敢食太多喇ε٩(๑> ₃ <)۶з我哋仲叫咗半隻北京烤鴨，烤鴨嘅配料有好多，例如有青瓜條，京蔥絲，蜜瓜條，西芹絲，甜麵醬，冰梅醬，麻醬同桂花醬，可以整出唔同嘅配搭，一定有一款鍾意，北京烤鴨皮香肉嫩，外皮頗脆，味道香濃，加上青瓜就可以解油膩，京蔥絲令味道更濃郁，西芹爽脆，蜜瓜條清新，冰梅醬甜甜酸酸，都可以減去油膩感(✪ω✪)我地另外加左生菜包鴨崧，用西芹、蘿蔔同鴨肉粒粒炒成，用西生菜包住食，口感比感有咬口爽脆，而且都幾香，不過就略嫌油左少少(๑´ㅂ`๑)總括黎講，呢間中菜都唔錯，下次同屋企人可以試其他菜～金公館 地址

星期日中午的熱門選擇是飲茶，小家庭吃吃點心，閒話家常，一樂也。蜜汁义燒包餡料深色，义燒唔多，醬多過料，唔係幾吃得出义燒味。北菇棉花雞，魚肚軟淋又厚件，吸收了蒸雞的味道，相當好昧。懷舊糯米雞，即叫即蒸，糯米熱辣辣，軟淋且依依韌韌有馬蹄、雞翼、冬菇、义燒、臘腸等，材料豐富。鮮蝦餃皇，蝦肉唔多新鮮，麻麻地。雞湯小籠包，屬較厚皮，肉餡汁都多。娥姐素粉果，幾乎全素，爽爽脆脆，清新好味。蓮蓉焗西米布甸，味道太甜了。

屋企人有長輩生日，搵返中式餐廳比較岩口味。見到d人推介金公館，又近近地就過左去試下。一去到已經比佢個門口吸引左，唔洗點搵都知係呢間，見佢好氣派同華麗既裝修，我諗野食都唔差。入到去當然叫左招牌北京片皮鴨試下，4百幾蚊一隻都唔係貴。片皮鴨既肉同鴨皮分離，咬落去仲好juicy,仲有油香添，令人有食完又想食既感覺。另外，最值得讚既係用黎包片皮鴨既皮，每一塊都會有紙隔住，好容易就拎到，唔會痴埋一舊，睇到佢地好貼心!

呢間地方大，坐得幾舒適，服務幾好，上菜速度快👏🏻.烤北京填鴨 $238 半隻半隻夠2-3人食❤️好食呀！唔會好肥膩，配料同醬汁嘅選擇多👍🏻.四川擔擔麵 $42好耐冇食擔擔麵喇，呢個好食！辣度同麵質都好👍🏻好快食完！.蒜泥白肉 $72好邪惡！爆多蒜！😈不過好鹹🤭我狂飲茶😂.孜然芹香爆羊肉 $98一向好鍾意食呢道菜，多數每次食飯見到都會點🧡不過呢間炒得一般🙈好辣！孜然味唔突出，同埋又係鹹咗啲😣.熗炒椰菜 $78炒得惹味🤤👍🏻唔錯！

老竇生日，做仔的當然要同他好好慶祝一番。這天來到了康怡廣場的金公館做生日飯，餐廳有廣東菜、四川菜等選擇，啱晒父母的口味。酸菜桂花魚，湯底酸辣得來很惹味，而桂花魚鮮甜嫩滑又厚肉，裏邊還有軟滑的粉皮，食過一次就令人很回味。瑤柱蛋白炒飯，色澤分明，炒飯夠乾身，每啖都有瑤柱、蛋白，口感非常豐富。杏汁燉白肺湯，打開碗蓋已經聞到杏仁的香味，呷一口湯，清甜順滑，好適合現在天氣乾燥滋潤一下。最後甜品是擂沙湯丸和椰汁西米露，湯圓裏邊是流心黑芝麻，不會太甜。而椰汁西米露汁是很香椰汁味，西米也煮得很腍，清爽又滑溜。金公館的裝修以戲曲為主題，老竇就最喜歡睇大戲，更表示很滿意呢餐生日飯！