金二少冰室

營業中

休息中

我最喜歡嘗試新事物，所以金二少推出了一些富有傳統香港特色和創新的菜式，我就一定要去試試！開心果西多士這款甜品選用西多士作為基底，外皮酥脆，內裡柔軟，搭配香濃的開心果醬，風味獨特。每一口都散發著開心果的香氣，甜度適中，特別適合堅果愛好者。黯然銷魂叉燒飯這道叉燒飯的叉燒肉質鮮嫩，醬汁濃厚，米飯完美吸收了肉汁的精華，口感一流。搭配的青菜令整體更顯均衡，讓人吃得心情愉悅。阿華田開心果這道甜品巧妙地結合了阿華田的濃郁巧克力風味和開心果的香脆，口感層次豐富。阿華田的甜味恰到好處，與開心果的搭配帶來新鮮感。開心果奶茶紅豆冰這款冰品完美融合了開心果奶茶和紅豆冰，奶茶的絲滑與紅豆的細膩口感相得益彰。冰涼的感受在炎熱的天氣中尤為清爽，令人陶醉。金二少冰室的菜品確實融合了香港的地道特色與創新元素，讓人感受到熟悉而又新鮮的味道。這種獨特的結合不僅讓人回味無窮，還展現了香港美食的多樣性和創意。喜歡這樣的餐廳，真是個好選擇！如果有機會，不妨多試試他們的其他菜品，肯定會有更多驚喜！總的來說，金二少冰室的菜品創意十足，每道菜都展現了開心果的獨特風味，非常值得一試！

近排好鍾意食開心果系列嘅產品，早前知道呢間餐廳出咗開心果下午茶套餐，於是今日就同朋友試一試😛這個下午茶套餐包括咗兩杯開心果特色飲品以及開心果西多士😋。大大滿足我呢個開心果迷的味蕾。🥞開心果多士早前食過明星效應嘅開心果麵包, 最愛流心效果。今次呢間茶餐廳的開心果餐，估不到也有驚喜。好多開心果及煉奶鋪上西多士上面，入邊又塗滿了開心果醬及花生醬。簡直係邪惡的食物😈但係又極之美味，對於鍾意滿滿醬料嘅我簡直係大驚喜😋🤩🧋開心果奶茶紅豆冰有滿滿的紅豆，啱晒我。雖然吃得出入面放了開心果，但係如果可以再多啲就更加吸引。這杯紅豆冰不太甜，配上甜甜的開心果多士效果很滿意。🍛黯然銷魂叉燒飯叉燒不過不失，最出色反而係鋪在飯上的流心蛋。同時因為吃了甜甜的開心果餐，這碟飯剛好中和了口感。不知不覺吃了一整碟。🍗炸雞翼因為看見對面枱的人點了這碟炸雞翼,吃得津津有味。雖然很飽,但是最後仍然點了這碟香脆可口的炸雞翼。$30/5隻，好抵食。

金二少冰室由茶記老店第二代傳人主理，用新式主意融合傳統港式滋味，帶來不一樣的茶餐廳味道。餐廳裝潢以懷舊為主題，牆上掛有舊式劇院掛畫、黑白攝影照片等，每一個角落都係打咭點。黯然銷魂叉燒飯：叉燒應散發香氣，肉質有咬口，荷包蛋邊煎得香脆，戳穿蛋黃與熱飯、豉油混和，香氣四溢夠惹味。下午茶餐優惠價。開心果多士：即叫即製，西多炸到外脆內軟，面層更撒上滿滿開心果碎，每一啖都有豐富果仁香氣，加了焦糖煉奶味道甜美。阿華田開心果 ：阿華田加入開心果奶，除咗有麥芽甜香，也有開心果獨有的味道及堅果香。開心果奶茶紅豆冰：金二少奶茶茶香、奶滑、醇厚，加入充滿堅果香嘅開心果奶和林甜嘅紅豆，味道層次感極豐富。

✨金二少冰室✨ 黯然銷魂叉燒飯 叉燒的味道醇厚，蛋煎得好好，搭配白飯十分入味。叉燒略嫌有少少乾叫左個set 開心果西多士 加兩杯開心果飲品！ 開心果西多士上面超多開心果，然後配搭牛油鹹香。切開仲有開心果的流心！口感獨特，值得推薦！加埋兩杯開心果凍飲都係$55 超推薦開心果飲品x2阿華田開心果味道香濃，帶有淡淡的開心果香氣，令人感到舒適。個人鍾意開心果奶茶紅豆冰，有紅豆咬下。唔係好多奶茶味。 這款飲品結合了奶茶的濃郁與紅豆的甜蜜，口感滑順，十分解渴。劉華西多士下次試下先金二少冰室的試食體驗總體非常滿意，餐點的味道與質感都很出色，尤其是開心果系列的創意搭配，非常驚喜。推薦給喜歡港式美食的朋友們！

知道媽咪鍾意食開心果特登帶媽咪去食好野≡ᐢ⸝⸝⬮ ω ⬮⸝⸝ᐢ≡多士ℋ𝒾𝑔𝒽 𝓉𝑒𝒶 𝖕𝖊𝖗𝖋𝖊𝖈𝖙 一夜暴富劉華多士 $𝟜𝟝裏面係爆漿流心煉奶上面係阿華田脆脆同阿華田粉仲有一隻發財做裝飾好有香港感覺o•ᴗ•o煉奶同阿華田都幾夾仲有啲朱古力脆片增加口感 經典港味 x 堅果革命 ෆ( ⌯'-'⌯)套餐價$𝟝𝟝裏面係爆漿流心開心果上面鋪左勁多開心果碎 令到我媽咪滿心歡喜係肥既 但係開心肥◍˃ᵕ˂◍  開心果阿華田淡淡既開心果味配阿華田⁺ʚ⦁⩊⦁ɞ⁺開心果奶茶紅豆冰紅豆冰係下午茶必點再加埋開心果味道夠晒特別૮ ᴗ͈ˬᴗ͈ෆა

尖沙咀金二少冰室向來以懷舊港式奶茶聞名，最近特別推出多款開心果系列，令不少年輕人趨之若鶩。店內招牌菜「劉華西多士」，以阿華田脆脆片潵在厚切西多士上面，再塗上一層煉奶，外脆內軟，阿華田香濃可口。配上店內新推出的阿華田開心果特飲，開心果的香濃完美襯托阿華田的香甜，層次豐富。黯然銷魂飯的叉燒切片厚薄適中，肥瘦比例恰到好處，醬汁香濃入味，配上油亮的白飯，確實令人「黯然銷魂」。開心果多士則創新地將開心果醬混入厚切多士入邊，再灑上開心果碎，香脆可口。至於開心果奶茶紅豆冰，將傳統奶茶加入開心果醬調味，底層的紅豆綿密，配上細膩的奶茶，一口接一口停不了。整體而言，金二少成功將懷舊與創新完美融合，值得一試。

銷量第一名黯然銷魂叉燒飯+熱華田免費嘢飲。 下午茶外賣55都幾抵。叉燒同飯嘅份量一比一。 隻蛋撈埋啲飯一齊食都幾滿足。 唯一缺點的豉油太多，多到最底啲飯全部浸晒豉油。。夥計話下次嗌外賣如果想多飯可以寫低多飯喎🙂 總的來說做午餐都幾好。

喺環球貿易廣場返工嘅朋友都會有同感，就係圓方嘅商場冇啖好食，一係就好貴，一係就好多人排隊，而且平民食物嘅選擇亦唔多，所以今次行出佐敦搵食，見到金二少個門面企企理理，而且啲座位睇起上嚟都似坐得舒服，所以就入去試吓。午飯時間唔想食得太豐富，都係叫返啲簡單嘢，所以就叫咗個黯然銷魂飯，味道就同出邊一般冰室茶餐廳嘅質素差唔多，呢啲穩陣嘢一般都唔會太中伏。而比較驚喜嘅，就係佢嘅凍奶茶，飲品上面嘅冰竟然係熊仔造型，而且唔係用水雪成嘅冰，而係用奶茶雪成嘅冰，雖然奶茶係提供樽裝嘅奶茶，所以甜度冰度不能夠選擇，但係用熊仔冰嘅造型就非常可愛，當奶茶淋喺杯入邊嘅時候就好似熊仔用奶茶沖涼一樣，非常治癒，都算為一日繁忙的工作打打氣。

先講結論全港冇咩餐廳可以難食過佢可能仲差過九記叫左個常餐同下午茶，加多碟菜個常餐炒蛋完全係凍，連少少暖都冇唔知放左幾耐你間餐廳又唔係多客，即炒碟炒蛋都做唔到？多士焗唔夠，連牛油都溶唔到講緊多士本身仲係要加錢upgrade但俾啲咁嘅垃圾人最離譜係下午茶個蕃茄米線味道差就預左但碗野又昆蟲又頭髮加錢嘅熊仔檸茶亦異常醜樣成餐除左菜心冇邊樣係食得完就算茶記冰室水準，全區/ 全港都數唔出邊間比佢差分分鐘牛奶冰室都好過佢環境逼、態度差、唔夠冷氣食物同環境都差到癲好處可能係唔洗排隊同唔太貴？難怪澳牛日日排長龍，佢就門可羅雀

看電視介紹，食物吸晴，我們便去食。飯後感，有被電視介紹欺騙的感覺。劉華多士：電視介紹多花生醬、多奶醬流心。现場食沒有多奶多醬，無流心，而且味道同一般茶餐廳西多冇分別，只是表面多咗啲脆脆，咬落去一啲都唔脆，沒有邪惡感。失望之選！！！豬軟骨飯：冇乜豬軟骨，大部分都係芡汁，味道一般。咖哩牛腩飯：味道基本上都可以，當然唔可以同太X餐廳比較啦。雞翼醬爆豆腐卜魚麵：好久沒有吃魚麵，魚麵有咬口湯底都ok，三隻煎雞翼，醬爆豆腐卜，味道可接受。椰奶紅豆冰加了椰子味bear bear 熊，吸晴打卡，唔係太甜多紅豆唔錯。四個人食，平均每人$66。整體：裝修係吸引人打卡，食物一般。

香港人早餐離不開茶餐廳十次總有超過一大半都係去食茶記今日有活動所以去左佐敦果邊搵食見佢門面都企理就試下喇沙嗲牛麵同炸菜肉絲麵（其實我係叫米粉，但落單姐姐落錯單不過都好在佢煮個麵唔難食。。對我黎講硬度適中。最怕一早整定然後淋熱湯的半生麵沙嗲牛發揮正常炸菜肉絲d肉絲唔合格，懷疑某d位置係雪到死實左好硬好干。欣賞條腸仔有即刻煎過。。因為大部分茶記d腸我都不予置評，餐包軟熟。。重點黎喇。茶記最緊要杯茶首先熱奶茶（少奶）：茶味夠濃，杯茶夠熱凍奶茶 ：唔知點解同熱既爭咁遠，茶味完全係跌左80%，加上我唔記得少甜。好似飲緊糖水奶咁總括：茶記黎講都合格（但熱飲會好d）overall 可以再做好d， 雖然姐姐落錯單。但都好有禮貌咁問我接唔接受。服務都可以。

今日入到去諗住堂食，點知好似唔多夠冷氣，都係轉外賣走人…叫咗個海南雞飯，有菜、有湯、有嘢飲，收$68，佐敦呢個價錢差唔多啦。返到去一打開個外賣，啲雞肉眼都睇得出嚡熠熠，再用筷子撩了撩，全部都係啲無乜肉嘅骨位🤦🏼‍♂️，咬落去啲雞仲係凍嘅🥶‼️係咪諗住隻雞已經咁嚡，再翻熱會變擦子膠⁉️算啦，唯有放棄隻雞，食佢個所謂黃薑飯，得個鹹字…，湯飲完口渴嘅😖最離譜係，海南雞嗰碟精髓嘅豉油醬，佢竟然執漏咗，真係錯到離晒大譜‼️

一直都想來呢間嘢 @kamyeesiu 試吓，因為佢嘅樽仔奶茶非常之出名，今日就嚟朝聖～下午茶XO醬雞粒炒飯 $45其實佢嘅味道都唔錯，比起唔少嘅XO醬炒飯，佢嘅味道都算香濃，而且雞粒大大嚿，炒飯亦都夠晒熱，不過唔知點解佢嘅飯就係唔夠乾爽，影響口感。味道：7/10熊仔奶茶冰冰 （餐配+$19）佢就係我嚟嘅原因，據說呢間茶餐廳我係曾經嘅金茶王得主有份經營嘅。除咗普通嘅凍結奶茶，佢亦有唔少嘅樽裝茶，並且係使用佢哋嘅得像拼配茶。我不過樽仔奶茶可能都未夠吸睛佢哋退出咗呢個迎合年輕人鍾意打卡嘅熊仔奶茶冰意思係用奶茶整成熊仔型嘅拼可以保持奶茶嘅冰凍，但又唔會影響佢嘅籠度。佢哋嘅奶茶果然名不虛傳，係小編比較鍾意茶味較重嘅嗰種。茶香之餘，亦有回甘，同時唔會太甜。奶嘅比例都啱啱好，可以令奶茶更醇厚。不過因為奶茶本身都夠凍，個熊仔冰其實溶得好慢，甚至飲晒啲奶茶，嚿冰都未用晒，建議各位可以慢慢飲。🤣🤣🤣味道：8.5/10環境：8/10服務：6/10抵食：7/10金二少冰室 (尖沙咀)尖沙咀柯士甸道71號地舖#hkig #hkfood #hkeat #hkfoodie #hkfoodlover #tsimsh

今日Lunch同友人食唔到澳牛(原來逢星期二唔開)，一心想飲杯好味奶茶之下搵到呢間茶餐廳，自聲家傳之味嘅金二少奶茶我叫左一個茶餐，個湯底同叉燒都好鹹，要姐姐比杯熱水加入去沖淡，然後滑蛋鹹到即刻叫姐姐換返走鹽嘅俾我，佢話得煎蛋可走鹽，唯有照食。友人嘅三杯雞飯上到嚟同冬菇炆雞一樣，又係好鹹，好難食。奶茶普通，無特別comment，唔使特登為咗呢杯奶茶嚟。

放工之後，諗住搵間冰室快食晚餐就回家。侍應好有禮貌，親自幫我點餐，仲介紹奶茶加埋隻熊仔可以打吓卡。咁我本身都想試吓佢個奶茶嘅！叫左招牌荷葉土魷肉餅蒸飯， 加埋冰凍熊仔奶茶。首先黎左個冰凍熊仔奶茶，叫晚餐就加$18有樽裝奶茶，加$19就有埋隻熊仔俾你打卡。奶茶入口係濃厚嘅，奶味偏重，甜度適中，隻熊仔打卡係幾靚，半個鐘都未溶哂，有排你影😂晚餐叫左個招牌荷葉土魷肉餅蒸飯10分鐘内就已上菜，本身想叫少飯（以為佢係分開上）， 侍應話唔得，唔係分開，冇得少飯。上菜係原個上，有個籠仔上有塊荷葉，再放蒸飯上有肉餅同埋幾舊土魷。 蒸飯同肉餅係熱嘅，肉餅一入口就溶，味道正常，土魷就常溫啦，不過硬嘅。最厲害係塊荷葉，係凍架🤣因為蒸飯冇乜荷葉味，所以就好奇摸吓塊荷葉😂點知凍嘅，即係落單先執埋一齊啦！咁咪可以少飯囉😂環境唔大，如果你拎住一大袋野就要打橫先行到，唔算寬敞囉。咁平日文晚都唔算多人，可以慢慢坐。另外，一路食一路有2隻蚊定烏蠅飛黎飛去都唔走，咁睇應該唔會有下次啦。附近有好多餐廳可選擇。