野玩田店 (已搬遷) 新店位置

食<野玩田店>之前我以經食過灣仔間<野玩山店>，野玩山店都以經覺得不錯，員工又服務好加上嘢食好好，所以試埋依間。但竟然去到野玩田店，第一感覺都真係超符合主題，好舒服光猛。我同朋友都叫了五樣野食，都非常好味波蘿黃金樹 $78杯嘢其實係沙冰咁，飲落有好重波蘿味既好清甜夏天飲真係一流👍🏽焗芝士日本温泉蛋大啡菇 $103真係好大隻菇既，我平時都唔太喜歡吃蛋黃汁但焗完再加芝士真係不錯👍🏽但大家想點既最好一個人一口吃，因為一切點蛋汁流得好快😂墨西哥餅依個餅佢有三個獻俾你點，但我覺得不用點都以經好好味😋咬落去都仲有脆脆地咁意大利芝士菠菜手造雲吞 $148雲吞好大隻既，但本人覺得佢個汁係非常特別同好味既，一開始望落以為好似忌廉咁味，但其實有d好似芝士加菠菜味，正既👍🏽

之前係灣仔食過野玩山店今次試埋野玩田店地點係K11 勁就腳不過搵間餐廳就搵左一陣...去到先發現dinner 係冇salad 吧>< 點完餐例排送上餐包好鬆軟 我中意😋😋1. 田園南瓜伴海蝦意大利粉 $168其實食落冇咩南瓜味粘度剛好 唔會"漏"~都好食既2. 烤雞味道普通啦 肉唔太嫩唔會再encore!3. 海鮮pizza 賣相就唔多吸引既滿滿既千島醬都幾好味 不過海鮮就食唔出啦😅😅4. Hazelnut berry寫明Healthy drink 一於飲得健康d呢杯幾好飲 ! 藍莓加蜂蜜都唔會太甜！

有日經過K11行街，發現呢間餐廳裝修都比較Muji風，就俾佢吸引左，之後再望下佢餐牌，發現原來佢主打輕食同埋比較健康嘅菜式。二話不說，就即刻約男朋友第二日黎會一會佢啦！原來呢間餐廳下晝係提供semi-buffet. 某啲沙律、蔬菜、少量熱食、同埋甜品係自助任攞，對於我來講就已經好夠食，原來再加多幾廿蚊仲可以嗌多個main course添。個餐包好軟熟，好好味，晤落牛油更加可以食到麵包嘅香味，但可惜只能refill一次沙律吧提供好多唔同種類嘅健康蔬菜，有令人驚喜嘅羽衣甘藍、估佢晤到有紅菜頭、藜麥、西抽肉、雲耳、蕃茄等等...由於就嚟要去旅行大吃大喝，所以就更加要攝取多啲蔬菜同膳食纖維，減低罪惡感呀嘛。其實就咁食佢個沙律吧都已經好夠飽，所以主菜就留返下次搵個夜晚黎試啦！雖然冇食到主菜但都影低比自己第日參考吓估唔到食食吓，侍應竟然為我地送上甜品。原來係件抹茶紅豆蛋糕，說實話對呢個蛋糕冇乜大期望，正正常常啦！再另外加錢飲咗杯紫薯牛奶，但咁大間餐廳竟然冇脫脂奶或半脂奶揀，有啲失望，但嘢飲送到埋枱時，原來都幾好味，值得一試！總括來說，呢間餐廳值得encore，久不久食下菜，清下腸胃其實都幾適合而家

本人最近晚上首次光顧，點選了蟹肉忌廉寬條麵及帶子海膽汁意大利飯。餐後有以下評價:1.餐前麵包連牛油: 味道不錯，但稍嫌不夠熱。2.蟹肉忌廉寬條麵$178: 醬汁味道好但份量奇少，尤其是蟹肉，只有兩小條。3.帶子海膽汁意大利飯$208: 帶子體積夠大但飯味偏酸，海膽汁要閉上眼去嗅及專心細味才有丁點海膽味。4.蟹餅$108: 大小/價錢/味道及熱度中規中矩。在沒點選飲品情形下，連加一盛惠$543，相比晚市自助餐，我實在不得不承認自己的錢包被強姦之感>_<以此價錢，外間實在有更多更佳選擇。

跟很久沒見的朋友見面，提議玩玩新意思，都K11的野玩田店嚐嚐。一入店便見傳說中自家培植的香草和迷你草，（據說上枱前一刻才收割，新鮮感十足）帶子海膽汁意大利飯飯粒軟硬適中，汁稠度亦剛好菠蘿黃金樹初飲下時有菠蘿沙冰之感，雖無果肉在中間，菠蘿味卻十足墨西哥tapas充滿驚喜之作，香港食到的Tapas 一般都稍辣或太濃味，但此處的Tapas 卻調至適合港人口味👍🏻

比第一次來的頭盤食物選擇和味道有很大差別，甜品也從自助形式變成一年綠茶紅豆蛋糕，十分失望😞主菜還可以，份量剛剛好，環境空間也變得很擠，比之前多了一些桌子，應該不會再來了。

迎接暑假來臨，今日跟同學們去了尖沙咀呢間標榜田園風嘅餐廳食lunch。雖然主菜選擇唔多， 只有五款，但味道很好， 份量適中。餐廳另一重要賣點就在他的自助沙律吧，沙律菜夠新鮮，仲有多款cold cuts小食等， 其實如果中午唔想食太飽， 可以單點沙律吧， 我覺得都絕對夠食喇。套餐包括湯，甜品同飲品，今日甜品是brownie cake, 夠朱古力味夠哂濃，但偏甜一定要配咖啡。不過餐廳最令我滿意嘅係佢環境非常舒適，位處商場單邊，盡採自然光，且有數個適合大班人嘅大卡座，好啱一斑朋友相聚傾計度週未的。

呢間啲野食太精緻, 份量細到細食女仔都唔飽, 物非所值。環境一般, 在K 11 裏面, 但幾難搵吓。天使麵的伴菜是苦的, 溫泉蛋菇味道冇蛋香, 好一般。價錢貴夾唔飽兼唔好食, 不會再光顧。

食過太子的「野玩海店」，環境食物都好滿意，今次試食「野玩田店」。初時對佢有點誤會，以為只係食素，所以沒有主動想食。直至有朋友幫襯過後，澄清原來都有肉類茶式選擇，所以就選擇了今日的生日飯去試吓。「巴黎汁焗時蔬」初時好好奇，什麼是巴黎汁？食過後，感覺非常良好，時蔬好新鮮，加埋芝士焗，回味無窮。「羽衣甘藍腸肉 Homemade Pizza」出乎意料之外好味，本身對羽衣甘藍非常有好感，話晒都係現世代Super Food，加上腸仔嘅配搭，冇諗過咁好食。「鮮青檸烤焗海鱸魚配巴黎牛油汁」本人好喜歡吃魚，這個海鱸魚煎得好好味，配菜新鮮又惹味，正！*餐廳有提供BB櫈。

食物可以，環境有些嘈吵，服務員態度非常惡劣，大大聲在背後説還要坐多久才打算點餐，過不夠兩秒（四眼肥仔）直接走過來問可以點餐了嗎？若不是一坐下吃光了他們送上的麵包，一定跟朋友立刻離開

走入K11，看看有甚麽值得一試，見野玩田店，上次因冇位，失了一次機會，今次再偶遇也因仍有很多空枱，故特意一試！食物款式一般，味道沒有獨特之處，帶位小姐可能做得不舒暢，其他的都保持水準。環境舒適，最合適休閑自在的享用方式。價錢畧貴！

午市半自助形式，真的很滿座。自助的有沙律、水江果、cold cut 、幾款肉類。最喜歡是有紅菜頭做沙律很健康。最美味蓮藕涼菜，爽口，微辣，很開胃。主菜有多款，我們選了意粉。卡邦尼的芝士汁很濃香。

同同事去開尖沙嘴，當然約埋一齊食個lunch la,想搵啲特別啲既野，就來左呢到啦！特別在咩？餐廳裝修、位置、新鮮食物同超有客戶服務！我地原先兩位，另有第三位同事來緊，不過我地又叫左野先，侍應問我地來得未，我地猶豫，佢建議來啦，驚要等。之後佢攞左兩碗湯兩個餐包來，同我地：「講重有一份等朋友來先攞比你啦，費是凍晒」，個刻我地已經覺得佢好細心。之後同事到左，放低個袋就出去攞頭盤，我正打算問侍應攞佢份湯同包，點知已經見頭先個位侍應攞緊過來！簡直係暖男，甘細心既服務真係非讚不可

三五好友聚會，因為大家也在市區上班，就揀了K11這個交通方便的地點見面。地點有少少隱密，在二樓的食材店再轉入去。招牌不明顯。不過特點就是充滿田園感覺，好似入左城市綠洲咁。店員的製服是恤衫加牛仔褲，很清新的smart casual 造型。飲品方面，多數是混合的作品，榛子加蜂蜜加藍莓雪🍐，清甜潤喉。食物方面，也用了靚食材，黑毛豬，大烤菇，溫泉蛋。上菜速度也是很快。每位埋單三佰幾蚊也是物有所值。一定要推薦俾大家去食

同朋友吃完晚飯，本身打算去K11食pancake但9點15分已last order，於是在二樓找到這間"野玩田店"行到入去環境很清新，走田園風。其實我們一心想搵間食蛋糕的餐廳來個小慶祝，於是便叫了這一款野玩雪山甜品碟(包括七款甜品)肉桂焗蘋果: 很香，不太甜。焦糖燉蛋: 焦糖層香脆，味道合格。心太軟: 不太甜，朱古力味唔夠香濃，心太軟始終要配雲呢拿雪糕，美中不足。還有藍莓奶凍和兩款蛋糕，其中一款是朱古力蛋糕。這裏的環境不錯，希望下次可以試他們的主菜。