影片
佢D雞翼雖然係一大一細..........但味道唔差..........而d米線都ok.......
繼續閱讀
我o既"深水步長沙灣麻辣米線之旅", 第二間要試o既就係隔長沙灣"譚仔" 三條街o既"重慶麻辣米線".年初二晚本來想去食長發街o既"四川麻辣米線", 點知放緊新年假. 行多幾步過隔離興華街, 見到呢間有開到. 年初二都有舖頭開門, 真係少有.<呢度前面就係蘇屋村, 相信做o既都係街坊生意為主, 行到去門口時有個街坊阿伯見我有o的猶疑, 就話"呢度o的米線好正o架, 入去試o下啦!" 就係咁我入就o左o黎試o下. 叫o左"麻辣雞肉黑柏葉米線" 同"麻辣烤雞中翼""麻辣雞肉黑柏葉米線" (大辣; 加一送加3蚊, 麻辣湯底加3蚊; total係21蚊) - 大大碗上. 賣相同風格都同"譚仔" o既雲南式麻辣米線好相似, 相信佢地係模仿"譚仔" o既製法(佢地係唔係"譚仔" o既徒弟我就唔清楚). 米線唔淋, 相當爽口, 但一o的都唔索味, 好似湯還湯, 米線還米線, 感覺完全格格不入. 個麻辣湯底望落似模似樣, 但食落就好似o的麻辣料鑑硬加落個清湯底度, 唔多夾咁.碗米線最大o既問題係出o係o的送料上. 同"四川麻辣米線" 一樣, 呢度o的雞肉唔係雞柳而係雞胸, 煮到過晒火, 好似爛柴皮咁, 爛容容揩圾圾非常難食! >_< 而黑柏葉亦唔好得去邊, 好韌, 一o的都唔爽口, 係咁多間同區o既麻辣米線舖之中做得最差o既, 連隔離街"四川" o既水準都達唔到, 呢度o的米線唔合格! "麻辣烤雞中翼" (18蚊6隻) - o的雞中翼一隻大一隻細, 麻辣粉搽得又少又媽夫, 鹹味仲重過麻辣味, 同個米線一樣, 都係失敗之作. 埋單39蚊, 點平都無用, 呢間係咁多間同區o既麻辣米線舖之中最令人失望o既一間, 唔建議大家去食.諗番起o個個街坊阿伯o既說話, 心諗佢多數都係個足不出戶o既人, 如果唔係, 佢點會唔知隔離街就係"四川", 再過兩條街就係"譚仔" ?
繼續閱讀