重慶洪鼎火鍋 (已結業)

尖沙咀亞士厘道一直都係尖沙咀搵食聖地，今日又同朋友黎搵野食，結果搵到間勁野打邊爐，叫重慶洪鼎火鍋，一聽個名都知係食四川麻辣野入到黎個門面都好裝修得好勁，其實有小小武館感覺入到黎見到個幾個SET ，唔知係PROMOTION 定係咩，超抵今日都幾多人，但好在佢基本全部都係卡位，超闊落舒服，見到好多都係一大班朋友黎食。我地就一行二人，都有卡位坐望下MENU ，都幾多特式湯底，MENU 標價就百幾蚊個，但服務員話而家做緊PROMOTION，20蚊已經可以做雙併，超抵WOR，我地最後揀佐個蘿蔔鴨湯+麻辣湯底，我唔食得辣，但又鐘意麻辣，呢度最好有辣度俾你揀，我地揀佐BB 辣野食方面梗係揀返岩岩見到個堅抵既海鮮併盤啦，"刺身飽魚併" 都係398，另外揀佐個盛肉併盤A餐，一個海鮮一個就肉，最後仲加多個鴨血試下。本來都心知兩個人唔應該點咁多，但價錢真係好抵。眼闊肚窄是常識吧湯底黎啦嘩，一邊火辣辣既麻辣湯，一邊係足半隻鴨既蘿蔔鴨湯，20蚊雙併咁足料，真心有D 擔心係咪真GA，最後CONFIRM 真珠都無咁真最快黎既係鴨血，48蚊大大碟厚切，質感比豬紅實淨，但味道更濃，都唔錯再黎既係盛肉併盤A 餐288蚊真

第一次寫食評...真係好生氣！！！！今日諗住同朋友食生日飯，一早已經訂左檯...起初入坐都幾好，因為鋪頭裡面人不多...到我地開始點野食時，佢話鴨血同餃子都賣晒...(當時係7點幾...),而且鋪內當時人不多...心諗...人咁少就咁快賣晒...佢地都準備得好少喎！！冇左lee 兩樣野都唔緊要..我地可以食其他....有個員工同我地話有個牛肉併盤好抵架...咁我地都叫左一份...大約五百幾...在勁期待之下...等左兩個鐘都未到...吹左四次都話嚟緊...到我地話埋單時都未嚟...我地叫既其他野食，嚟得好慢好慢...頭半個鐘...我地得一碟肉...我去咁多間打邊爐...lee 間都叫做最慢...另外環境...抽氣好差...d 煙大到好似火燭咁...我未試過食一餐打邊爐要四次位...因為d煙吹到...食唔到又勁咳...真係唔會有下一次！！！

火鍋店好特別，燈光暗座位濶，店員較熱情，一坐下，店員先介绍湯底、火鍋及拼盤。先食魚生刺身，好新鮮，魚尾魚頭都會動。店長教我，海鮮可放麻辣湯滾，外辣好似平時點辣椒鼓油咁。中虾大大隻，外辣虾肉就好甜。而鮑魚當然要襯生猛時，立刻放辣邊滾。正如店長講的一樣，面辣肉厚又大隻、真係好味。

I just had an lovely hotpot dinner with some girlfriends. This place is really amazing - high quality food, a wide selection, great atmosphere and gorgeous presentation (very instagramable pics). I love how they have such attention to details: they will give you a recommendation for the ideal cooking time for each dish. Thumbs up! Will definitely come again

If you are looking for a good hotpot in Hong Kong, then Hong Ding is definitely the right place to go. Modern and traditional fusion decoration is quite delicate. Food material is so fresh and presents like art. There are private rooms as well so that you can enjoy the nice food and environment with your family or friends. Highly recommended!

朋友急Call話有間重慶火鍋新開做緊優惠，好似好正咁。為食既小編梗系跟埋佢試下，睇下有乜新花款啦(=ﾟωﾟ)ﾉ！Ps優惠，八點半前離座有七折或者火鍋湯底一蚊一個，雙拼都系加多二十蚊姐。環境好大好寬躺，坐位與坐位之間留有適當空間，坐得好舒服。而每枱旁邊都放有小架子，就吾怕叫得多得制無位放啦。小食六蚊一份，用黎開下胃都吾錯呀！話明重慶火鍋點可以吾試下佢既辣架，但系小編又驚太辣食吾到，所以用優惠叫左小麻辣拼野菌湯。兩者味道各有特色。小麻辣湯吾算辣，辣味系慢慢滲出，亦不斷傳來陣陣既麻辣香，系好適合少食辣或者第一次食重慶麻辣火鍋既朋友仔。至於野菌湯，材料充足，可以見到成鍋都系菇菌，味道清甜濃郁，落料之前當湯飲翻幾啖，真系好鬼正呀٩(˃̶͈̀௰˂̶͈́)و！醬油每位要十二蚊。佢細心之處系系醬油旁邊設多個隔油碟，食落都方便啲啦。盛肉拼盤A(hkd$288) 有安格斯牛小排、安格斯牛板鍵、黑毛豬梅肉及羊肉片，一次過可品嚐四種靚肉。而且價錢實惠，肉每片呈紅色，紋理清晰有條，有質素可見。海鮮拼盤B(hkd$680) 有大元貝、羔蟹、桶豪、海蝦同埋貴妃蚌。餐廳有自設水缸養住啲海鮮，為求上枱比客人食到最新鮮一刻。可以見到

平時去開尖沙咀亞士厘道食飯，都係食茶記，食西餐多，無留意到開左一間叫洪鼎火鍋既鋪頭。呢間火鍋店向地底，要落樓梯先去到，樓到樓梯既一半，已經聞到好香既麻辣湯底味道👍🏻👍🏻 即時食欲大振。入到去立即有店員招待及帶位，店鋪面積算大，而且設有卡位，兩張卡枱一個房位咁，私隱度都幾好👍🏻👍🏻 而且好闊落，坐得好舒服。坐抵後發現手機就快無電，因為不停打機😂😂店鋪貼心到設有充電位置提供，真係估佢吾到，救我一命👍🏻食材新鮮，店鋪裝裝修精美，一個少少既地方已經見到經營者既用心。👍🏻連對筷子都諗過，出色。我同女朋友兩個人，店員熱心介紹我地有咩好食，點食先抵啲。佢地有兩個優惠，8:30前離坐，就可以火鍋配料7折。另一個優惠係$1湯底，其他火鍋配料正價，但呢個優惠可以坐到10:30。我同女朋友想慢慢享受，慢慢食，所以選擇了$1湯底。另外店員都會推介我地有咩抵食，點食先飽同優惠，我地選擇了麻辣湯底及養顏木耳雞湯。聽店員推介點了海鮮拼盤A 及 肉類拼盤A。嘩，個鍋一上，不得之了，啲香味香到呢👍🏻👍🏻 我地等湯熱，即刻飲一碗雞湯，好香雞味，但係又吾太油，好飲。餐廳細心的程度又加分，佢地會準備埋即棄圍巾，同埋濕紙巾，真

打邊爐又點少得麻辣鍋，而家打住麻辣鍋旗號既餐廳好多，但質素真係好參差，見到呢間新開嘅重慶火鍋，位置又幾方便，睇OpenRice食評好似唔錯，所以黎試試裡面既裝修比較中式，坐得都幾舒服坐低之後店員就向我地介紹有咩優惠，第一個優惠就係8點半前埋單有主餐牌有7折，牛肉，海鮮及酒水除外，第二個優惠就係$1鍋底，我地就揀左$1鍋底，雙併加$20，但都好抵！呢度既湯底都比較特別，我地揀左麻辣鍋小辣同埋養顏木耳雞湯唔好以為湯底平就會將貨就價，雞湯入要都有1/4隻雞架，而且個湯好清甜，就咁飲已經好好味個麻辣湯雖然叫左小辣，對於我黎講都稍為辣左少少，建議BB辣就好啦，個湯好濃，淥肉類唔完唔需要點豉油呀，原汁原味！我地叫左個$288既肉類拼盤，分別有羊肉，豬肉同牛肉，岩哂人數唔多又想試多幾款食物既朋友，肉類既質素都幾高，仲清楚標明係邊種肉，唔會食左都唔知係咩由於個麻辣鍋有d辣，所以叫返杯野飲黎解解辣，揀左呢個冰粉，好似食涼粉咁，店員會另外上紅糖客人加入杯冰粉度，味道幾得意之後就再叫左個海鮮拼盤，有一條活魚刺身，8隻蝦，4隻貴妃蚌，4隻鮑魚，老闆話無論肉類同海鮮既選材都非常嚴格，只會用最好既食材，所以全部食

本人一直都自詡在朋友堆中挺能食辣，見到新開店鋪以正宗麻辣火鍋為賣點，朋友又大力稱讚，就即管試試啦。店鋪入口古風裝潢頗具心思，美觀又大方。衛生情況好、以為在地下1樓，通風會唔好，點知係相反，入面通風系統佳，食完嘢身上不會有一大浸油煙味。為照顧同行唔太食辣的朋友，我們挑選左鴛鴦湯底。值得一提，麻辣湯底真係貨真價實，放左很多辣椒和香料，刺激味蕾之餘又不會有味精湯既感覺；即使只點了小辣仍辣勁十足，麻味一陣陣咁滲出黎，閣下請自行斟酌辣度挑戰哈哈我們order左盛肉拼盤A（$288）平日嗌嘢食最怕實物與圖片說明不符，但係當食物端上時真係令人喜出望外，食材新鮮、肉片厚薄適中。與menu上的圖片如出一徹，貨真價實！！本人最為驚喜就係黑松露雲吞，果然啖啖濃郁黑松靈香，我們枱encore左一次！其次為鵝腸，質地滑潺潺又十分爽口，而且吸盡湯底精華，正！海蝦十分新鮮生猛，端上枱時仍不時跳動，綜觀食材來貨質素佳。另外我們又點左一瓶黑糖冰粉，記憶中係重慶的特色小食甜品，十分解辣開胃。用針筒唧出黑糖可自行調整甜度。整體來說，本人對呢間間食材十分滿意，對於嚐辣一旅來說是次麻辣火鍋可謂過足辣癮。

之前有個內地客戶來香港旅遊，我梗係盡地主之誼帶佢去周圍去食嘢同去玩，由香港坐電車到坐船去尖沙咀，香港一日遊。 講真真係幾攰又肚餓 我個客問我香港有冇啲食四川野正宗，我即刻諗起我之前喺尖沙咀食過一間，勁正嘅重慶麻辣火鍋 我就同佢一齊去 呢個隔我都係第一次見，隔離有窿個位係俾我哋隔油，隔一隔跟住再點豉油食 其實食完睇返下邊先覺得好好用揀咗個鴛鴦鍋唔使咁單調，我個客鍾意食麻辣所以我同老闆講可以辣啲一邊係麻辣另一邊就係木耳雞，我淨係見到都出汗我哋叫盛肉拼盤A ，佢啲肉質好靚脂肪分布算均勻，我個客話喺係佢個地方要食咁靚質素嘅肉都要幾貴，美國安格斯牛小排最好食 五色火鍋小籠包外皮五顏六色好靚，皮薄料多而且裏面好多汁，有麻辣、黑松露、原味同蟹粉黑毛肚落10秒左右就可以食，好爽口彈牙手打蝦滑十分彈牙，佢裏面嘅蝦肉係大大粒，落足料而且好新鮮我覺得呢間酸梅湯好讚，夠凍同夠酸夠解渴冰粉可以解辣，入邊有枸杞、花生碎，其實冰粉就好似涼粉咁，飲起上嚟都幾清新，我個內地客對我今次嘅介紹好滿意佢話下次我返大陸會帶我食好西

呢餐係必試嘅打邊爐🤤聽人講尖沙咀開左間重慶洪鼎火鍋啲重慶麻辣湯底係不得不試於是就約埋朋友去試試佢新店開張 湯底$1 or menu有7折我地就叫左個麻辣拼野菌未嚐湯底 麻辣椒香已經讓人聞到鼻子癢癢再微呷湯底 由舌尖漸漸填滿口腔麻感後勁十足👅而松茸野菌 仲可以當湯飲 好味👍🏻講返主要嘅兩款打邊爐拼盤盛肉拼盤A餐 ($288) 絕對唔會令你失望拼盤已包牛小排 牛板腱 黑毛豬梅肉同羊肉片一次過可品嘗四款靚肉至於海鮮拼盤B ($680) 絕對係物超所值隻蠔淥完都仲有手板咁大隻啲膏蟹先crazy 勁多膏 岩哂中意食蟹黃嘅我其他全部都勁新鮮 必叫啊！仲有好多正嘅配料 叫咩都咁好食啊😆________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今日陪個外國朋友去尖沙咀shopping ，佢話了想試下麻辣火鍋，記者之前有朋友黎食過讚不絕口，今日一於黎試下先 一去到門口已經俾大大個海報吸引住，有我至愛牛肉做緊優惠，未入去都流口水喇 因為黎得早既關係吾洗等位，成個環境好舒服好整潔，又吾會有焗促既感覺，最緊要既係待應全部好好客好好禮貌，抵讚另外要讚下小小貼心既設計，待應俾左個隔油器我地放係碗到，咁就吾洗怕食到成口油 食重慶火鍋湯底梗係最重要啦，我地叫左一邊麻辣一邊就鴨湯底，一黎到啲麻就已經湧曬埋嚟喇，香到爆，但係又完全吾攻鼻，因為好多麻辣湯底會好攻鼻，我自己就好怕，未食都流口水喇 我地點左個羊豬牛盤，每樣都有註明出產地，全部都好新鮮，特別係羊肉本身我都有啲担心會好so，但係食入口之後完全覺得担心係多餘既，好香羊肉味但係一啲都吾so，無得頂啊牛肉就好嫰口，一啲都吾鞋，放落湯到拖一拖就食得，高水準 依個小籠包真係要一試，淨係賣相都贏曬，食入口啲肉汁好似會爆出嚟咁，待應仲擺左個計時器俾我地4分鐘就食得，貼心到爆 其他所有都好新鮮，特別個菜加埋去鴨湯底原來好正架，我都係第一次試，特別甜咁，最後菜都叫左3款

今日朋友帶左我去重慶洪鼎去打邊爐。一出地鐵，穿過海防道，落一層樓梯下面就到了。因為預先訂左位，去到就直接可以入到去。點餐方面，佢可以揀一蚊湯底或早鳥優惠，我地㨂了一蚊既湯底，盛肉拼盤同一些配料，很快便送到了，快夾妥，抵讚。鍋底方面，由於我地想吃得清清地，就揀左唔辣既木耳雞湯鍋。佢既湯頭很鮮味，鍋底很足料，有成半隻雞係入面，再加埋木耳等配料，滋味滿分！肉類方面，我地貪樣樣有啲而揀了盛肉併盤A。推介美國安格斯牛小排同牛板腱，比一般美國肥牛更有口感更有肉味更少肥膏更健康。當然佢西班牙黑毛豬梅肉同紐西蘭羊肉片都很不錯的。另外我地示揀了火鍋店中很多人鍾意食既金錢肚同埋鴕鳥肉。份量十足，滋味之選。海鮮方面，推介加拿大桶蠔，六大隻大大盤上枱，隻隻厚厚的，又是真材實料既配料。太多好野食差點食唔晒咁多嘢，下次一定要帶定一大個胃來再大吃一餐！

香港自稱正宗重慶麻辣鍋愈開愈多，我最中意食辣野，最中意周圍試，試盡港九新界麻辣鍋今次試到尖沙咀一間新開張無耐既重慶麻辣鍋，係我近期試過既麻辣鍋做得最出色的，所以要寫番個食評表揚下佢，介紹下比各位麻辣迷中意個碗有得放筷子仲有調味架有陳醋，係食麻辣鍋既最佳醬汁我點左個麻辣/酸蘿蔔鴨湯底店員話呢度既麻辣鍋係麻味偏重同香，辣味較外面既少，所以無出面咁油；如果我覺得唔夠辣，可叫店員加辣。我試左之後，覺得麻同辣比例好好喎完全唔需要加辣，食到麻既香味，亦有辣既層次，而且無成口油既感覺，唔錯。至於酸蘿蔔鴨亦要一讚，酸蘿蔔味夠濃，鴨湯底好入味，頭啖湯真係超清，好好味超貼心奉上小圍裙著白色衫都唔洗驚啦一層層旋轉既彩色小籠包見到都開心～店員教路，淥4分鐘食得！小籠包味道不過不失，咬開啖湯好正美中不足係皮略嫌厚左少少。盛肉拼盆A包括安格斯牛小排，牛板腱，西班牙黑毛豬梅肉，紐西蘭羊肉片。其中牛板腱既牛味濃，嫩滑有口感，我最中意。另外個黑毛豬梅肉都好好味，有油香味又唔韌黃喉～恰一恰就食得，脆嫩無比，口感一流。豬腸～呢度係用鮮豬腸。味道同口感都同加工過既唔同。鮮豬腸仲連住少少脂肪，淥起黎油香味好正，食落口又爽又滑響

第一次食寫食評，請見諒！九時後入座優惠二選一。優惠1，$1湯底 （原價麻辣$160），雙拼$20。優惠2，配料七折。我地選擇左優惠2！因為全日第一餐😅肉類高質新鮮抵食！響鈴新鮮好正！ 酥肉值得一試😋馬生及同事們服務態度好好，對食物要求講究，用心經營。會教你每樣食材用多少秒煮。另外一個細心位係醬油碟係分兩格，一邊落喜愛既醬料，另一邊有個油隔。食完差不多隔左成碗油😳！啤俾塔2L 1664先$118，抵飲！