重慶四川食府 (已結業)

The food tasted very weird. The host and spicy fish we ordered tastes so bland that I thought they forgot all the seasoning.The most angry thing: the owner forced us two bottles of water when I only asked for one. Of course she also charged for two. When I said I didn't touch this bottle at all (didn't open it) so we should return this bottle she coldly responded: "You should bring this home" and turned away on me, pretending she didn't hear what I was talking about at all. This is honestly the

最近相約幾位朋友到LKF 飲嘢, 8點鐘倒到見有啲肚餓,行吓行吓去到SOHO區, 經過一間四川食府, 本身見佢舖頭咁細唔多有興趣,但我既外籍朋友比佢既裝潢吸引住, 入去一試, 意想不到既驚喜. 我地三個人,兩男一女叫咗 一個川褓滑雞, 脆煆春卷,擔擔麵,干扁四季豆 同埋川燒羊肉.值得推介川褓滑雞: 好特別, 成盆炸雞比好多簦籠椒圍住做陪襯,肉身juicy鬆軟, 完全唔覺油膩,食食吓重有麻辣既感覺.之後就係佢既川燒羊肉, 口感一流,鍾意食羊既朋友必試.

食物水準ok但很不老實, 他們沒有電腦單, 只有手寫單, 要好小心check清楚每一項目, 因為他們會"靜經雞"把一些你沒叫的前菜加在茶位中, 明明茶位是$10但在單上會寫$20, 因為計埋你沒叫過又沒食過的前菜. 另外, 他們不會在單上寫清楚寫出已經加了10%service charge, 好多人就以為不加一, 就給多d tips, 咁不知不覺中又多賺d.去soho食飯的人, 都唔係無知識啦, 做生意要長線d, 咁狡猾仲點會再幫襯呀??!!仲有個環境又細有黑, 裝修到好似"盂蘭節"咁, 好恐佈, 去慶祝halloween就係不錯的選擇.

上個月朋友請吃飯，說這裏是她的朋友有份的，所以帶我和另一友人來捧場。店子確實很小，幸好坐下後都不是太擠迫，唯獨全店燈光是昏紅色的，不舒服。先點了幾個小吃：麻辣青瓜、夫妻肺片都不錯，麻辣適中，材料爽口；還有海蜇，味道較淡，普通。干煸四季豆，豆條非常的爽脆，肉鬆夠味，也不會太乾或太濕，十分驚喜。燒羊肉，有點點羊味但沒羶味，總算外脆內嫩；糖醋排骨頗精緻，略嫌汁料過酸了點。三位女士吃的不多，沒有試主食或甜品。看過大家的食評，對其服務有所戒備，尤幸沒有遇上那位惡女人，只有不諳廣東話的新員工。燈光問題，照片看得不清楚，見諒-http://home-and-garden.webshots.com/album/558856279naSZig

正如之前幾位講，個女人服務態度極度惡劣！我同朋友入到去，坐低成8分鐘，都未有餐牌未有茶。但係個場根本唔滿的。幾經艱辛先叫到個哥哥仔比個餐牌，然後又等唔知幾耐先落到單。中間已經有一pair外籍人士頂唔順走。但係到落完單都仲未比茶，我忍氣吞聲咁請個女人比茶我，點知佢就發脾氣仲比面色我地睇：「你地唔好再叫啦！又唔係唔服侍你！我已經無停過啦！(下刪5,6句).....」然後用最醜陋的咀臉幫我斟茶，仲好大力放低個茶壺！我同朋友都反晒眼！然後我朋友碟又遲過碟飯成20分鐘先到！唉……大家仲去唔去幫襯，自己決定啦。食物味道好濃，我知雖然四川菜係濃味，不過我唔覺得佢整得好有四川特色，唔係特別好味囉。室內又焗又多油煙味，食完出來由頭到腳都一陣味！咁樣受氣地食法，我寧願平民化去旺角食火鍋，就算一頭煙聽粗口，都無咁嬲！

近期灣仔區因世貿的關係變得兵荒馬亂，弄得住在灣仔的我也少了外出吃飯。前兩晚心思思想開支Krug，於是經Soho Delivery叫了此店的外賣以佐酒。網上餐單是全英文的，我點了Fried Frog Legs、Deep Fried Mutton 及Two Livers in Chilli Sauce。不消一句鐘，外賣已送到家中。跟據電腦單，三個餸的中文分別是「四川炒田雞腿」、「蒜香羊肉」及「夫婦肺片」。真奇怪，原來'liver’是「肺」。田雞腿其實是很難煮得不好吃的，四川汁也做得香濃，但可能為了迎合本地或外國人的口味，因此不太辣。而放在外賣盒中的羊肉出奇地仍然香脆可口，加上附上的特制香蒜汁，可以說是絕配。而「夫婦肺片」簡直是「驚喜」，原來「肺片」是牛肚加牛脷(不過可能是我孤陋寡聞)。加了麻辣汁的牛肚和牛脷，辣得來有重重的麻香，層層的麻辣味在舌頭上繾綣，簡直是佐酒的良品。這夜不知不覺間己把整支Krug幹掉。看來不用等到聖誕節，家中半打Krug的存貨將會被我完全喝掉。

昨天lunch 到這裡，今次很多人，差不多full 了。一位小姐態度很差，點了菜很久，1:30pm 食物還沒有到，見比我們更遲來的人都正在吃，叫那位小姐幫我們跟跟，小姐答我們「盡量啦」!@#$%以前都有到這裡食lunch，環境其實OK，記得洗手間裡有隻龜龜。碗筷都很乾淨，起碼沒有酒樓很多油的感覺。唯獨人很串。點了三個餐：魚香茄子($48)、鮮茄炒蛋($38)、涼瓜炒牛肉($38)，跟一個酸辣湯、兩個粟米湯。牛肉煮得不夠熟，有血的，其餘食物都不錯。

昨天晚上和三個朋友食完Oyster Station的好味生蠔,刺身及小食. 見仲未飽得晒,就到這裡打算再吃點東西當時約九點, 間野有幾鬼佬,過仲有張6人同4人無人坐. 我們入去時門口個女人好似唔係好想俾我地入去咁(可能我地係人唔係鬼) ,不過最後都俾我地係張4人坐下.因為剛才食得差不多的關係, 於是我們商量了一會就決定叫個抜絲香蕉, 酸辣湯同餃子咁,然後開了壺茶. 誰不知叫野食時, 個女人見我地只叫三樣就好不滿咁樣，碌大隻眼望住我地，不屑地話"夠啦,叫碟菜啦", 之後仲"間硬"打開個餐牌叫我們看.我見佢咁,就好有禮貌咁話"唔洗啦,我地係第二間食左野至過黎,咁就得架啦"…佢依然碌大隻眼望住我地, 個樣好不屑…見我地唔睬佢,就悻悻然走開.我們見佢態度咁差,都好嬲! 第一,門口無人等! 第二,間野仲有好多位(此時有2走左,半間鋪無人)! 第三,我地唔係無叫野係度淨飲, 夾埋都成200大元! 不過見都坐低左,諗住算啦,食埋快d走人!...點知過了一會個女人番轉頭, 又"隊"個餐牌埋黎,同我地講"你地不如嗌多個麵或飯啦"…我地十分驚訝咁望住佢,想睇下咩人d面皮可以咁厚,咩人的眼可以咁白鴰…佢依

約左舊拍檔食午飯，去邊度今次由佢話事。佢話呢度的川菜不錯，看門面，其實已先入為主的覺得又是蘇豪區的騙鬼佬中餐，原來吃落也不錯。全場得兩檯五位人客，不知是否一場攔門雨的關係。佈置幾造作的中式，即紅布加高掛的紅燈籠，木檯木椅不特別好坐。可幸是靜靜地，兵傾計夠方便。呢度午市都有好多款套餐，有38蚊的碟頭飯或48蚊的小菜。我們見小菜碟頭也不很大，就兩個人叫了三個菜，分別是麻婆豆腐、夫妻肺片及肉碎四季豆。先來幾碗酸辣湯，雖然是杰杰的，但都算多料，味道都夠，酸同辣兼備，意外地都不算差。麻婆豆腐賣相一般，但吃落不錯。豆腐滑，亦真的有麻有辣，雖然其中辣味佔了多數，已算吃得過。因為最怕吃到紅檔檔又一點不辣的麻婆豆腐的了；夫妻肺片也不錯，是牛肚及雞腎，切片的金錢肚醮了麻辣醬汁，夾著芫茜一起吃，也頗有風味：肉碎四季豆也有水準，肉碎夠味，四季豆條條修長又爽脆，比較之下，是比起前一冕在潮州村吃到的好。這裡小菜份量偏少，男士未必夠飽。但碗飯份量就幾多，這個反而要「扣底」。埋單160蚊找番幾蚊，都唔算貴，不妨一試。

According to the previous comment, the beef is just OK. Food is warm when they served it and portion are small. Easy to follow into sleep in such dark strange environment. Price is expensive.

今日一個人食午飯經過重慶四川食府，見到set lunch又唔貴，38起有飯，有湯再加一個小菜包加一免茶，一於入去試下，有2種選擇38或48 set lunch，叫左蔥爆牛肉set。湯- 酸辣湯ok蔥爆牛肉- 一句正，牛肉非常嫩滑，但係份量不算太多，一個人剛剛好，可能我細食。服務友善，食完後見一位女仕非常細心向食客查詢意見，例如份量是否足夠。埋單48無加一。