重慶劉一手火鍋店 (已結業)

女兒從美國回來渡假，突發奇想說要去吃川菜，想啊來想去，決定試試開張不久的劉一手四川麻辣鍋，我們叫了鴛鴦鍋，一個麻辣、一個菌菇，麻辣湯底簡直讓人沈迷，食物選擇很多，光牛肉就讓你吃個夠，而且味道好，最喜歡他們的毛肚、鵝腸、份量十足，而且擺盤也精緻，令人很欣喜！

劉一手 2 Mar 2019 晚餐聖誕節去了成都一星期， 回港後一直記掛住成都的火煱。得知劉一手在屯門市開了分店，所以即時約人開飯。 聽朋友講由於店舖新開張，同時亦有又很多吃貨都想去感受一下麻辣火鍋的風味。 所以我們特意在下午6時30分就到達現場。結果不用等位。Yes！先講第一眼的感覺。店內裝修非常有老成都的火鍋店感覺，陣陣濃烈的麻辣味撲鼻而來， 環顧四周的顧客都正在面紅耳赤的品嚐。 我們急不及待的坐了下來 。 翻看餐牌到最終決定了鴛鴦湯底。 雖然是小辣， 但是實質體驗已經是譚仔的大辣。我們點了以下的火鍋配料：1. 美國肉眼牛肉2. 鮮墨魚骨丸3. 川辣牛丸4. 層層疊午餐肉5. 腸灌豬紅6. 蔬菜拼盤1. 美國肉眼牛肉： 牛肉肉質好靚, 厚薄適中，不會有黐牙的情況 ，肥肉脂肪比例非常洽當，再配以適量的醬汁，口感彈牙味道非常好。讚讚讚！2. 鮮墨魚骨丸： 墨魚滑味道跟一般火鍋店吃到的差不多，味道中上左右吧。3. 川辣牛丸 跟墨魚骨的情況大致相同。 由於與其他火鍋店吃到的黑椒牛丸差不多，這裡不作評價。4. 蔬菜拼盤 反而值得一讚， 蔬菜非常新鮮，種類亦多。 方便顧客不用每種蔬菜都要ord

屯門新開中式火鍋店，聽說國內很有名的，下午想吃酸菜魚，於是入內選了吃午餐而非火鍋，當店員安排好，便貼心遞上黑色籃子讓我和朋友擺放袋子。我們同樣點了一碗自選鴛鴦飯麵，酸菜魚小麵 + 京川炒牛肉飯 $68/🍚 一次過試兩款口味，都幾抵👍🏻再附加各$15 ，點了兩客甜品，重慶冰粉 及 紅糖糍粑。🥢酸菜魚小麵 ：湯底酸帶微辣，小麵算彈口不會太淋，魚片滑但都要留意幼骨。整體不錯。🥢京川牛肉飯：味道足夠，但牛肉偏乾，薑汁有點辣。份量都不少。🥣重慶冰粉：即是杞子桂花糖水，配滑粉及碎冰，吃完辣再吃它，立即降溫😅🥢紅糖糍粑 ：外脆內軟鹹中帶甜，口感軟糯，不太甜，不錯👍🏻可以一試。食物整體不錯，唯服務員集中中間火鍋客人，少留意四週環境。店內環境舒適，但進去會聞到很強烈火鍋味，真的重口味呢🤣

屯門都終於有劉一手啦，一直食重慶火鍋都要岀到九龍，終於我地等到啦🤩有全鍋/鴛鴦鍋，任選，黎到梗係要楝重慶辣鍋底，餐廳有份大中小辣，另一邊鍋底不停係酸菜魚同椰子雞來回抉擇，最後都係酸菜魚勝岀咗😂。等待鍋底既途中，已經俾店員帶領之下，去咗調料區，牆面都貼咗好多調料配方，而目調料乾淨企理，一樽樽既香油就放哂喺枱邊同調料櫃上層。揀得黎，鍋底已經預備好嚕，酸菜魚份量充足，不過魚肉一般，酸味唔太濃，旁邊既重慶鍋紅彤彤，雖然只係小辣，但係已經辣到飛起🤧。配料方面：毛肚，店員特別交待大概八秒就可以食得，根據店員既教路，得到完美毛肚，食落口超級爽口，用重慶鍋滾一滾，啲辣油吸哂落毛肚度，爽。豆卜魚腐，超好食，又彈牙，魚肉滿滿；墨魚丸，手打墨丸，物超所值！紅薯粉，用重慶湯煮熟，食落口，辣得好過癮到真係辣到食唔到嘅時候，加啲香油平衡，舒緩下。餐廳仲有WiFi 添👍🏻

「劉一手」全國佔有多間分店，以正宗重慶麻辣火鍋聞名，嗜辣的我這晚終於有幸品嚐及享受正宗的重慶火鍋的滋味。位於屯門市廣場的分店是香港的第三間分店，店內裝修甚有中國風，極具中國民間特色，地方寬敞，環境光猛，坐得舒適自在。調味料吧款式齊全，備有建議調味配搭，另外還有自家調製的香麻油，獨立精緻包裝，用作調味或減辣的功效。火鍋湯底除了正宗重慶麻辣鍋之外，亦有其他選擇，如皮蛋芫荽鍋、椰子滑雞鍋、番茄牛尾鍋、山珍雜菌鍋及滋補豬骨鍋。可以自由配搭兩款半鍋拼成鴛鴦鍋或是選擇全鍋。點了鴛鴦鍋，其中當然必點正宗重慶麻辣鍋，這次點了中辣來挑戰味蕾，另一款拼了滋補豬骨鍋。正宗重慶麻辣鍋的湯底充滿牛油麻辣香，表面滿佈辣椒乾，辣椒油及花椒，這樣鮮紅色的畫面非常震撼，麻、辣、鮮、香，充滿層次感，辣度還可以接受，沒有想像中那麼辣。滋補豬骨鍋的湯底內有豬骨，紅蘿蔔，栗米，杞子，濃濃乳白色的湯底，清香鮮甜。吃火鍋當然要點牛肉，點了一份極尚牛肉拼盤盛(小)$398，當中包有霜降牛肉粒、澳洲和牛小排、美國雪花肥牛，一次可以享受三種牛肉。牛肉拼盤賣相頗為精緻吸引，以冰鎮擺盤保持新鮮，這麼高質的牛肉只需輕灼，顏色帶一點粉嫩就剛好，

劉一手火鍋？我覺得非留一手，火鍋原來都可以好好味環境十分潔整，不竟唔係酒店、會所，只是市中心的一間食店食物：每一樣的味道也超越一般火鍋食材，同一樣既野約提高20%美味價錢：係貴既，比一般火鍋店貴2至3倍服務：ok啦，係忙架，多人試，始終新野，幾個月後服務會提高食神：蔡瀾同滔滔都係我偶像！而蔡瀾都係佢部電視賣廣告....唔好食都難我從少就十分喜歡吃牛柏葉，而這裡的牛柏葉係招牌菜，一定要試，是原色的那種老實講我味食過牛柏葉係自身味道明顯的，多數係要求牛柏葉口感和其湯底而已但此牛柏葉口感十分爽口也很有牛味！我明白蔡生點解會講食餅有餅味了，蔡生果然係食神食具：很精緻經濟許可，應多點來進餐，因為正常點菜最少5百元一位我同女友叫了椰子雞湯、豬骨湯，好好味，唔多覺有味精的感覺，好多雞、椰子（去了皮），椰子雞湯真的很香，豬骨湯好味（但沒有特別，很多店也做到）因為其湯底的料也有很多，因為不浪費的關係，最終點了3款食物，最終也食唔晒湯內的雞，雖然係煲湯雞同椰子（但比人地第到既煲湯雞來得好好味）離開前也食唔晒d雞同椰子....但應該有d食客不會食這些。但我真的不想浪費食物！有一樽樽既油可加入碗，用作點食物，

上網見到屯門新開一間火鍋店（重慶劉一手火鍋店），心思思就決定同男朋友一起去品嚐裝潢十分古色古香，很特別，當天五點幾打電話留座，原本想約七時半，但原來有分時段，最後選擇食八點。湯底可以選擇一個全鍋湯，也可以選擇兩個半鍋，夾成鴛鴦鍋，試新野當然選擇兩個半鍋，一邊是滋潤豬骨湯，另一邊選舉椰子滑雞湯。湯底一流，先試豬骨湯，香濃，有豬骨、杞子、粟米，足料，再試椰子滑雞，更加足料，起碼有半隻雞、蜜棗、椰子肉，香甜，濃郁，兩款湯底都不是味精湯，所以一路食，一路都會飲下湯底。

小編ø系大年初五去左呢度食晚飯，因為我同母親大人都食唔到太多野所以念住食打邊爐叫少d野食，好過ö系屋企整餐死啦。即日打去BOOK台好彩仲有位，食6點要8點還台，梗系冇問題啦。我地一坐低就叫野食因為小編O系銅鑼灣食過兩次。渠地既墨魚滑油炸鬼同埋墨魚汁面都好好味道。仲有龍躉片都不錯，個SERVER同我地講話只要FACEBOOK比LIKE渠地就送一碟玫瑰牛肉比我地WOR，免費當然唔好錯過啦，小編我唔食肉但母親大人喜歡，但係呢度D SERVER好似睇你唔起甘因為我地嗌得唔多野食又唔食D貴價野.ANY肥，ENCORE指數唔高，就算要食都係去返銅鑼灣好過。費事受氣。如果你地系大豪客食得起貴野小編誠意推薦你地黎呢度。小編真心覺得如果人均350元要受氣的話，其實仲有其他更好選擇。真心唔覺得湯底好得，服務超衰（除左一位男經理友善之外），大家睇餸食飯啦。都有可能系小編唔好彩既，遇著個個服務員都甘衰。（都系ö個句男經理除外）

近年有不少國内的馳名火鍋店進駐本港，讓一眾好辣之徒趨之若鶩，最近趁著天氣開始轉冷，又是我們一班火鍋控出動的時機，來到了一間國内火紅的重慶火鍋店，據資料顯示全球已有過千間分店之多，而單是香港在短短一年内已開了3間分店，筆者當天就選擇了最新開幕的屯門分店，位於屯門市廣場一樓的角落處，人流不算太旺，但始終就是有一班辣粉專誠到來朝聖！店內裝潢簡約中見古典，門口竹枝做的玄關前放了石製磨具改成的流水裝飾，黑色麻石餐枱配上木製櫈子，加上不同的仿中式燈籠燈飾和金色銅茶壼，營造出中國民間小店的風味，亦帶上一點時尚優雅之感，坐得舒適自在。這裡的火鍋配料選擇頗多，除了大路的肥牛丸類，水餃菜蔬之外，亦有和牛海鮮及某些招牌菜如劉毛肚、功夫腰花、嫩滑牛肝及特色丸類水餃，款式多樣，讓人目不暇給。湯底除了正宗重慶麻辣鍋之外，還有椰子滑雞、番茄牛尾、皮蛋芫荽和山珍雜菌鍋，當中亦有幾款新出的特色湯底如酸菜魚、胡椒豬肚雞與毛蟹麵豉鍋，而且可選其中2款拼成鴛鴦鍋，向來多心的筆者當然試齊2款，實行點來中辣的正宗重慶麻辣鍋拼毛蟹麵豉鍋一試。重慶麻辣湯底，沿用傳統方法以牛油起鍋，放上了不同種類的辣椒和花椒香料，一端上來麻香滿溢，面

香港人一年四季都中意打邊爐，哈我都唔例外，仲要凍凍地唔係唔打ma~去到屯門市中心聞到好香打邊爐味，見到佢裝修幾特別，又多人試所以膽粗粗去試試，幾好幾好，唔錯唔錯。雜菌 胡椒豬肚雞湯 湯底打邊爐湯底其實都好重要，最緊要夠味，有好多都打打下好快無晒湯底未，但而到唔會，打到尾都好濃，一上枱忍唔住，飲左幾啖暖下個肚先。精選雜丸拼盤B （有四款野食）手打牛丸：咬開中間會有牛汁*別*出嚟，同一般食開嘅牛丸係有唔同，比普通牛丸更香濃墨汁墨魚丸：粒粒墨魚係中間，夠彈牙薑汁皮蛋丸：最有驚喜好有薑味皮蛋切粒粒有好感，配搭得很好。迷你生煎包：有少少怪怪地，放入湯淋晒水餃足料水餃 有成隻蝦彈牙，原汁原味，每粒都脹卜卜茼蒿每次打邊爐必叫，無得輸。四色水果冰粉 佢用七種新鮮生果唔係罐頭加工糖漿生果再加桂花糖配重慶火鍋必備 既解辣冰粉。呢個配搭健康左又特別，為今餐畫上完美句號。仲有自助醬料，款式多夠新鮮，可以自己配搭自己喜愛的醬汁總括鋪頭乾淨又細心，員工服務好好，不時走過來睇吓你有咩需要，又幫你Tim茶。

價錢太貴，離曬地，不會再去...三個人食佐1千1百幾，野食唔多，公仔麵都話18$，真係可一不可再...唯一值得贊的是個湯，朱骨湯好味，麻辣湯夠麻辣，可惜食材太貴，咁嘅價錢，我情願選擇食其他...

最近好多人都講起呢間重慶劉一手麻辣火鍋，又話要book 位先有得食，到左今日我終於可以一試。劉一手既意思原來係係創辦人劉松後生嗰陣因為車禍意外無左一隻手，最終因為自己對家鄉重慶麻辣火鍋既情意結而創立左「劉一手」呢間火鍋店，意思係靠自己剩餘既一隻手打拼餐廳位於商場入面，位置唔算難搵麻辣火鍋店主打既正宗重慶麻辣鍋，可以揀大辣、中辣或者小辣🌶除此之外，仲可以揀半鍋、全鍋或者九格全鍋！配料方面，除左有一般既火鍋料之外，仲有創作料理，睇得出店主都有落足心機飲品又係有好幾款選擇！水果茶、意米水、沙冰都有有各款調味料可以自己混醬不過我就覺得麻辣鍋唔混醬都可以點左幾款配料，牛毛肚、黃喉同竹生都好夾麻辣鍋👍🏻👍🏻牛毛肚同黃喉都好爽口，正雲吞就比較失色建議大家主力叫內臟類配麻辣鍋😍

年初二諗住試親野，食品味道一般，不過咁嘅價格應該要要再好啲。但係服務就好唔得，可能新年人手唔夠，叫落單都叫左好耐，問野又唔答，問幾個人先有個耐心少少解答，侍應完全無笑容😓因為得三個人叫嘅野唔多，不過，腸灌豬紅真係幾好味😋

同家人年初一選擇食飯既地方, 中菜肯定會多人同埋煮得比較求其。聽講呢間野唔錯, 一直都係WISH LIST裡所以下午打黎訂檯帶家人試下....湯底叫左麻辣小辣+莞茜皮蛋 $168 不算貴, 正常價錢招牌劉毛肚 $148 - 好鞋, 好硬, 得幾片牛舌 $88 - 上檯時仲未解凍, 我知係冰鮮但可唔可以俾少少HEART, 解左凍先上檯呀? 硬, 難食, 無味羊肉片 $108 - 上檯時仲未解凍, 連雪一齊上檯! 硬, 難食, 無味鴨舌 $78 - 正常薑汁皮蛋頁貢丸 $68 - 推介爽滑魚蛋 $48 - OK粟米 $38 - 得5舊, 幾甜皇帝菜 $48 - 數過, 得13條 , overpriced 嚴重生煎包 $58 - 難食連埋加一 埋單$957/3位 , 未飽返到屋企要再食野, 因為食物質素太差, 唔想再叫唔會再去, 近排已經好少寫食評,為左佢都要寫

到底有咩會令到一個唔食辣既人走左去一個麻辣火鍋餐廳食飯？係凍啊！！❄️⛄️❄️餐廳裝修都以辣椒為主🌶🌶見到都已經無咁凍😂雖然唔食辣，不過仲有好多選擇！我就迫左朋友同我一齊唔食辣，食椰子雞煲椰子雞煲都好足料架，差唔多有成隻雞，而且又有好多椰子、紅棗、杞子，夠哂味點左幾款招牌配料招牌劉毛肚，即係黑栢葉，佢呢度啲栢葉爽口就不在話下，最正係佢夠哂大塊，而且講明煮10 秒就食得，唔怕唔識煮然後過哂龍功夫豬腰，劃哂花咁，煮完好靚！而且份量都幾多桶蠔，一份5隻，勁大隻！一鍋椰子雞再加啲配料同菜，兩個人食已經夠哂飽！