3
2
0
港鐵灣仔站 B2 出口, 步行約6分鐘
繼續閱讀
營業時間
星期一至六
11:30 - 15:30
17:30 - 23:30
星期日
10:30 - 15:30
17:30 - 00:00
以上資料只供參考, 請與餐廳確認詳情
其實真系好好食，由舊年年尾開始，我和男友差不多每個月都去一次。因為會好掛住㗎！😋😋😂🌟🌟🌟算是我們最喜愛的中菜餐廳啦。（相片只作參考，這幾張是我分別去了幾次拍的，因為我不是一個次次都記得相機食先的人哈哈😅😅😅 剛好在手機找到這幾張。😌）❤️食物❤️質素真的很好，不用刻意提醒少油少鹽，味道就是很好，小炒一流，食材新鮮，推介種類：雞、蝦、牛、就算蔬菜都好味！絕不會後悔的😇😇😇甜品更好味，有麥米粥、另外有個甜糕好好食但忘了名字😅、仲有楊枝甘露，真系好食過好多甜品店整的。🤤🤤 👍🏻👍🏻👍🏻❤️份量❤️亦很合理，有時候不是大件才抵食，份量太多也會令本身好食都變唔好食，份量太少又唔夠食亦令人覺得唔抵食，總之呢度系合理。👍🏻👍🏻👍🏻 (btw, 蔬菜份量如果可以多少少就perfect池🌟）❤️環境❤️乎合我和男友的口味，靜靜地，兩個人，傾下計，食下野，很有空間感，基本上不會聽到隔離枱講乜，除非佢地好大聲。最近換了新椅子，感覺幾好坐。👍🏻👍🏻👍🏻❤️服務❤️很到位👍🏻👍🏻👍🏻我們其實都很簡單，就是不太多，不太少。（我們覺得不用下下過來執嘢，又問食完未，因為食飯會傾計，執嘢其實有機會會打斷客人之間對話，令人感到煩厭。）但他們很知道節奏，這一點要讚！👍🏻👍🏻👍🏻👍🏻👍🏻 亦會偶爾替客人加添下熱茶/熱水。而且店員聲音很正常，不會特別大聲叫、沒有遠處大叫同事整物整乜，執拾聲音又沒有很嘈。而且差不多食到尾，又會問你要不要吃糖水？（通常是送我們的，這一點也很謝謝他們！💞所以我們也很樂意給多點小費😊 總之大家開心就好啦！☺️）❤️價錢❤️都算合理，一道菜大概百零二百蚊起。覺得合理是因為都代表埋味道和份量嘛。😇😇😇坦白講，對於這餐廳，我想不到缺點。😌😌😂如果硬要說，唯一希望可以再改善一點的是，營業時間😅 因為這裡通常8:45-9pm已經開始收工了。實在太早了，店內的氣氛是近乎關店模式，每次我們都不好意思再坐多陣，免得阻住人收工。🙊🙊🙊但我們又不想再另找地方坐，因為我們都吃飽了，個胃根本再沒空間食其他野😂😂 而且我們不喝酒，只是喜歡喝杯茶🤗 希望可以坐到10pm就埋單走人去散步回家，可是通常也是9pm便要埋單走人嚕。🙈🙈然後不知可以去哪兒～～～🤣希望我推薦完，仲會book到位啦。（不是因為我是誰，而是因為佢地本身好少枱。😂）多謝收看❣️❣️❣️❣️❣️❣️
繼續閱讀
6579 瀏覽
昔日「采蝶軒」在金鐘太古廣場結束了20年的歷史之後，老闆的女兒曾經以「小䗋」名字令餐廳重生；但只是短短兩年光景，「小䗋」又結業了。估唔到再兩年後的今日，「采蝶軒」以原名在灣仔重生。雖然廚房班底應該已經面目全非，但憑藉往昔名氣（並不代表味道特別出色），仍然有值得捧場的理由，今晚與舊同學飯聚，就選址重生後的「采蝶軒」。餐廳面積比金鐘舊店細了很多，裝修也變得簡樸，整體感覺及不上金鐘舊店的級數。雖然餐廳細間了，仍然設有兩間小包廂，迎合不同客人的要求。【江南四小碟】雲耳拍青瓜味道一般，只有醋酸、欠缺蒜香。雲耳爽口、但未夠脆；青瓜仔的瓜囊處理得未夠徹底；整體質素與普通餐館出品差不多。蒜香牛柳粒煎得表面焦香，肉質亦鬆軟，不過牛味一般。酥炸蠔仔粒表面的脆漿太厚，唔夠鬆脆；味道亦唔夠香口；幸好蠔味鮮甜。虎皮椒皮蛋所選用食材雖然並非適合每一個人的口味，但在四道前菜之中卻比較為出色；虎皮椒夠香辣爽甜，皮蛋亦相當不錯，只可惜不適合採用溏心皮蛋。【淮山杞子螺頭燉雞湯】一人一盅，清澈唔肥膩，足料原味。今晚的最佳菜式之一。【牛肝菌醬爆星斑球】翠玉瓜爽甜，星班球爽滑味鮮。不過完全唔覺得加了牛肝菌醬，菌香太淡薄；如果可以改為直接用牛肝菌爆炒，肯定會更加好味。【鹹蛋黃大蝦球】膽固醇超高的菜式，雖然非常邪惡，但同時又可以非常可口惹味；如果烹調技巧夠好，可以用天使與魔鬼的混合體去形容。蝦球夠大隻，肉質亦爽甜彈牙；不過菜式的重點鹹蛋黃就處理得唔夠好。先講味道，唔夠鹹香；口感方面亦未算最好，鹹蛋黃差不多全部結成硬塊，未能做到起沙漏油及鹹蛋黃粒相互混和的效果。【招牌糯米雞】名稱嚴重誤導，其實只不過係炸子雞生炒糯米飯墊底。炸子雞雖然雞皮香脆，但雞肉比較粗鞋，即使是雞髀也不夠嫰滑；肉質亦偏乾、欠缺豐膄肉汁；雞味一般、味道亦偏淡。整體來說，只不過是一個非常普通、剛剛合格的炸子雞。生炒糯米飯同樣失望，同煲糯米飯不同，炒糯米飯可以較為硬身一點，但這一份生炒糯米飯實在過分偏硬，缺少了糯米應有的一些綿糯。另一方面，配料只有蔥花及蛋絲，唔覺得有膶腸及臘肉粒；莫非份量少得可憐，所以完全食唔出？沒有臘味粒的糯米飯就會缺少了一份油香，失去了糯米飯美味的重要元素。【XO 醬爆南美海參】配料有西芹、大葱、洋蔥、秀珍菇等，南美海參切粗條。海參本身味淡，主要靠醬汁提升味道，用XO醬爆炒是相當聰明的做法。南美海參質感腍滑，不過水份似乎太多，膠質唔夠綿密，口感一般而已；及不上澳洲婆參，同日本關東遼參就更加差得遠，勝在抵食【支竹羊腩煲】廚師推介時令菜式本來係雙冬羊腩煲，可能冬筍仲未到季節，所以雙冬缺少其一，配料只有支竹及冬菇。上菜時沒有氣體火爐，唔夠熱辣辣，缺少了燙口羊腩的美味；幸好羊腩炆得夠鬆軟、羊肉香而不羶，加上腍滑的羊皮，彌補不足之處。食到差不多一半，侍應才送上氣體火爐及一籃唐生菜。原因係羊腩煲太大（12人份），唔想太早奉上火爐，將羊腩煲內的湯汁滾得太乾。只不過，始終認為一邊用火爐滾着、一邊食羊腩煲，才是最美味。【姜汁炒芥蘭】夠青綠；薑汁香味亦夠濃郁，辟走芥蘭特有的微微苦澀。不過芥蘭本身質素一般，唔夠爽脆，有少少菜渣。【蜜汁脆麻花】有蛋香，亦夠鬆化；如果可以加多一點糖漿就會更加美味。今晚這一頓飯連加一茶芥每人大約 $400，還有獨立包房；講真唔算貴，但菜式質素只是一般而已，昔日金鐘舊舖時期的出品應該會較佳。
繼續閱讀
好友預祝生日。。。推介呢間食肆。。。屬於小店形式。。走中檔路綫四人叫了燉椰孓湯。。。夠火喉。。。用料足。。。味道略濃但不油。。好味黑胡椒炒蝦球。。。。蝦球爽口但胡椒好似重手左。。有D辣。。都ok好味花膠排骨煲。。又係重口味之選。。。但花膠薄咗D。。冇咬口。。排骨入味。。ok啫啫生菜煲。。。。 煲夠大又夠熱 但生菜太少。。。ok la脆皮糯米雞。。。 菜名有啲取巧。。只係 脆皮炸雞鋪面。。 臘味糯米飯墊底。。但好好味欖菜肉碎豆腐。。。 味道唔算濃。。。 但豆腐非常之滑。。好味中銀銀聯咭有85折。。記得點菜時講咗先
繼續閱讀
釆蝶軒廿幾年前係一間好出名嘅餐廳，可惜太古廣場經營不善大概十年前將佢趕走，舊址就變咗兩間味道同服務非常麻麻嘅日本餐同泰國餐。之後佢搬咗去金朝陽中心，亦都以為佢從此消聲匿跡。近排發現釆蝶軒復活，當然要去試一試佢哋嘅味道入面好細間，真係似私房菜多過似酒樓。以前嘅招牌菜好似炸豆腐粒，注意都唔見晒，換來嘅係價格便宜嘅小菜。當晚就點左一個魚肚排骨，麻婆豆腐同惠州炒飯。麻婆豆腐啲豆腐係滑嘅，但肉粒太細，麻的感覺比辣更加強，味道分布得有少少不平均。排骨煲幾好食，但太鹹。魚肚唔會話脆得太犀利，索左啲排骨汁入去原來幾好食。炒飯亦都太鹹。本座鍾意食好鹹好油嘅食物都覺得有少少過咗，而好多食慣清淡嘅人來講就真係有啲惡頂。食完之後唔覺又口渴，冇肚痾，咁就知道啲食物冇落味精同埋材料尚算新鮮。之後部長竟然請咗我哋去食木瓜糖水，二入面嘅侍應都訓練有素，就知道佢哋嘅準備功夫係十分充足。最驚嚇就係呢間餐廳嘅價錢竟然平過屋村啲大排檔，當然服務，衛生同環境會好過嗰啲地方十萬九千倍。如果係咁我駛乜去大排檔都受氣？可能個位置太衰，所以人流不多。如果大家想記番起以前釆蝶軒嘅味道都可以試吓。
繼續閱讀
老細請食開年飯，附近既中式酒樓都去過晒，冇新意！知道從前在金鐘的采碟軒在garden east重開，就覺得一定要去捧場！格調沒有從前的高雅，地方很細，與鄰檯椅貼椅幸好食物質素比從前更提升了！一行十二人食得飽飽又滿足！
繼續閱讀