醬堡 (已結業)

呢間嘅burger我由開張嘅時候就有開始食，因為住得近，一想食burger就會幫襯。最初d burger餡、醬好多，肉都大塊、同埋牛肉幾好食嘅，感覺呢間小店幾有心做，但後期burger愈來愈細份，(以前舊牛差不多大過塊包，而家size得返塊包3分2都冇🙈🙈🙈)而且牛肉愈來愈冇味，好失望……所以再冇下次了，愈做愈差，完全冇左之前水準！Mos性價比仲高過佢好食過佢😮‍💨😮‍💨😮‍💨👎🏿👎🏿👎🏿

行過大角咀見到有間幾特別嘅burger店，價錢正常唔貴，而且好似好大份，於是就試吓啦🤣叫咗個芝士和牛漢堡，同埋蜜糖芥末和牛漢堡，配左薯條同埋水果拼盤。舖頭有位食，不過我就外賣拎咗返屋企。啱啱返到屋企食，都仲好熱辣辣。塊和牛真係好香好足料尤其是佢係大概五成熟好有肉汁而且好軟熟唔會un🤤比想像中更加有驚喜！個人覺得芝士漢堡比較好食，更加能夠帶出肉果🤤如果想試新野，都可以試吓蜜糖芥末，有少少少少辣。薯條真係好好食，係好粗好大條既個種，一啲都唔Hea。另外配左水果，食完burger都冇咁大罪惡感yeahhhh😇😈

今日去大角嘴處理完事務之後，正打算回公司之際的路途，突然被一間白色的店舖吸引，原來是醬堡Juicy burger ..是人氣漢堡其中之一，那麼當然要入去試一試😌醬堡雖然主打外賣，但店內也有幾個座位供堂食，而且裝修以白色為主調，簡潔舒適👍🏻蜜糖芥末醬堡，即叫即整，而且牛肉是店主自家製手打,牛肉味重又多汁🤤配菜有新鮮大蕃茄，洋蔥和滿到漏瀉唧水牛芝士，再加埋秘製嘅蜜糖芥末醬，味道香濃！BBQ醬和牛堡，有新鮮生菜，蕃茄，洋蔥和車打芝士，用和牛作漢堡扒，夠厚度，肉質柔軟…秘製嘅 BBQ醬巧惹味！麵包亦軟熟🤤跟餐揀咗薯條，好大條又厚身，炸得外脆內軟！水果盒有火龍果和哈密瓜，夠fresh 😝血橙梳打和冷泡日式綠茶🥳

是日放假，約咗人喺奧運站交收啲嘢，之後就去左一早Bookmark 左嘅Juicy Burger 醬堡朝聖，我好鍾意食Burger ，好多人介紹呢間既Burger相當唔錯，好多款式可以選擇，同埋最有特色係佢地既秘制醬汁😍，店舖位於大角咀角祥街，響奧運站行過嚟都係5分鐘，方便易搵👍🏻▪️黃金流沙蝦堡套餐 $88轉水果盒+ $18 改飲血橙梳打🍔牛肉漢堡就食得多，黎到梗係試吓啲唔同嘅嘢餐牌上見到有個叫黃金流沙蝦堡，即時心心眼😍漢堡包的麵包好鬆軟，烘到有少少微脆，主角蝦餅好驚喜，好大件好厚身，原來黃金流沙醬係響蝦餅裏面，流沙醬調味好好，微微咸蛋黃香，好好食呀，另外漢堡裏面仲有脆煙肉，青瓜，生菜，好豐富😋😋呢個漢堡真係令我以往覺得食漢堡只可以用牛肉饀完全改觀🍈漢堡包唔一定配薯條，好似我今日唔係好想食薯條，因為之前連續食咗兩日薯條，個人好熱氣，呢度可以有生果盒選擇實在太開心，生果盒嘅蜜瓜同埋火龍果都係好清甜🍹汽水我又係一般般，呢度有好多選擇，有汽水，檸檬茶，冷泡茶，不過今日我揀咗呢隻血橙梳打試吓，好濃既橙味，而且唔甜，有少少氣，好好飲。⚠️

啱啱去奧海城行完街喺商場入邊啲連鎖店都食到悶晒我search下附近有咩食點知就發現呢一間漢堡包小店原來行過去只係幾分鐘，我今日就去試吓，店子細細，但純白色嘅裝修令人感到不侷促座位不算多，其實只係得幾個位，但入面整齊清潔，我見都係外賣自取多餐牌上面有套餐價，同埋單售價，飲品選擇都好多，所以揀套餐價會較為化算，平均大約$70左右一個歺，不算太貴，價錢尚算合理芝士和牛堡入面牛肉生菜芝士同蕃茄加埋啲醬汁又幾好食食得佢果醬真係調製過和牛好林，又夠厚肉又不會太肥膩漢堡個麵包皮熱辣辣，夾入芝士令芝士溶入麵包之中和牛汁多厚肉嫩滑，味道就不算太濃，啱晒我口味，而且仲好Juice薯條剛剛炸起，又夠熱，又香脆，分量不算太多，大約有15條左右，但每條都好粗身，仲有一包茄汁，我本身比較鍾意食茄汁，所以唔夠嘅都可以問職員再拎，今日揀咗個BBQ醬和牛漢堡配埋個水果盒，入面有橙同蜜瓜非常新鮮又夠新鮮另外加咗$3試下最新出嘅有氣檸檬茶burger嘅光澤做得相當之靚，軟得來又好鬆，入面雞扒非常Juice配埋生菜蕃茄真係無敵第一次試飲有氣檸檬茶，味道比之前更加舒服加清新，冇平時嘅檸檬茶味咁甜

今日又喺大角咀做嘢，無意中發現呢間小店，佢位置唔係大街，而係內街。喺門口見到餐牌，見到柚子漢堡就比佢吸引住。因為平時食burger可能都係芝士煙肉蕃茄嗰啲，而呢度又有麻辣又有柚子咁，真係幾特別。揀咗好耐，最後就揀左一款招牌醬堡：和風柚子照燒醬堡一款經典漢堡：BBQ醬和牛堡兩個都揀咗套餐，我就揀左鮮果盒同加10蚊揀咗沙律；男朋友揀咗粗薯條同加18蚊飲血橙梳打。和風柚子照燒醬堡一咬就有淡淡柚子香味，好清新，唔會cover左和牛嘅味，仲可以做到中和牛肉嘅膩嘅效果，呢個配搭真係唔錯，連男朋友都覺得好正。仲有一點值得一提嘅係，呢個包份量係啱啱好，食完唔會覺得好滯，冇嗰種好唔舒服嘅感覺，因為平時食完burger一定會有頂胃嘅感覺。粗薯條一定要試吓，佢炸到啱啱好，外脆內軟，超正，鹽味都啱啱好。呢度竟然有水果盒，真係啱曬平時少食生果嘅人。呢間野真係值得大家一試！

大角咀一向都多嘢食，今日返工經過呢區，咁岩比我見到有間抵食嘅burger，所以特登買個外賣返去試吓。門面睇落去好新淨，間舖頭唔係好大，我諗好多人都係叫外賣返去食。佢有個二人套餐，但係因為我自己一個人食，所以就叫咗個普通一人套餐就夠啦。叫咗個和牛芝士漢堡，和牛好厚，咬落去充滿肉汁，配合埋千島醬同埋個蕃茄，好Fresh，呢個餐除咗有個burger同埋嘢飲外，仲有一盒飯後果，食完唔會覺得滯。經過開呢一帶嘅朋友都可以試吓，如果唔想帶走，仲有幾個位可以坐低慢慢食。

晏就在奧運站行左陣，到晚餐時間🕕 突然想食burger，就去左大角咀角祥街，外賣兩個 Burgers 拎番屋企食。小店唔在大街，去到店員即點即整，我等左15分鐘就拎得，兩個burgers，各跟一個水果盒，一個跟可樂，另一個跟沙津，重點就係burgers，打開個紙盒就已經好香，好香既牛肉味撲鼻而黎，即刻流哂口水。牛肉juicy，正如佢地店名一樣（佢地中文名好搞笑，叫「醬堡」，直譯Juicy Burger）；漢堡包餡料都相當豐富，芝士、生菜、洋蔥、醬，不過我相信堂食更加好食（無計🤷🏼‍♀️🤷🏼‍♀️屋企人唔願意踏出等一步出黎😂😂），但小店空間唔大，座位真係好有限，但勝在即叫即做，新鮮，包熱辣辣。我等緊外賣其實有幾個都同我一樣take away，可能預左小店無位啦，不過下次我黎就一定要試下堂食。😉

大食妹難得去奧運做嘢, 順便係大角咀果頭食個晏今日係食burger嘅mood, 見到呢間人氣嘅漢堡店, 一於就入去試吓醬堡嘅漢堡同一般美式風格嘅漢堡好唔同, 以唔同嘅醬汁, 配搭出獨一無二嘅漢堡口味, 創意滿分醬堡嘅漢堡可以單點, 亦可以嗌套餐, 套餐包括一份自選漢堡、基本配菜, 唔夠飽亦可以加配升級配菜<雙層芝士和牛堡>大食妹超級肚餓, 嗌左份超豐盛嘅雙層芝士和牛堡雙層芝士和牛堡嘅漢堡包煎得好香, 和牛肉濃濃得黎夠juicy, 雙層芝士量亦好有料到, tasty<黃金流沙醬蝦堡>朋友嗌左黃金流沙醬蝦堡黃金流沙醬蝦堡好特別蝦膠部分好彈牙, 咬開裏面嘅咸蛋流心醬會噴出黎, 食到沙沙嘅口感<粗薯條>粗薯條份量唔多, 即叫即炸, 新鮮嘅粗薯條認真無得輸<鮮果盒>怕熱氣嘅朋友亦都可以嗌鮮果盒<冷泡伯爵花茶>嘢飲都好有特色, 自家製嘅冷泡伯爵花茶茶味濃而唔苦澀<維他檸檬茶>亦都有比較常見嘅罐裝飲品平日嘅午市仲有芝士雞堡或雞扒沙律同款買一送一, 非常抵食, 可惜大食妹係weekend過去, 今次就冇得食

佢開嘅地理位置真係唔太好😝，有轉幾條街先去到，但係野食即叫即整，熱辣辣，性價比高。$150食到2個餐（有漢堡包、飲品、小食），而且配搭嘅自由度都好高，唔要野飲要2個小食都仲得。試咗佢地嘅芝士雞堡，都真係幾juicy🤓配埋芝士同蕃茄同大量蘑菇真係一流，係個包有少少甜姐。鹹蛋黃蝦堡都好特別。佢個漢堡扒轉咗做蝦肉打成嘅鮮蝦餅，其實成件事都幾夾。最開心係佢個小食有得揀水果盒😄食完啲漢堡食翻幾舊水果，個口真係好juicy🤣

最近大角嘴開左好多隱世小店，今次我地就黎到呢間裝修簡約既漢堡包店。我同朋友各自點左一份套餐，包括漢堡和配菜。川式麻辣醬堡 我個人比較喜歡吃辣，所以點了舖頭既signature burger！呢個川式麻辣醬係呢間舖頭獨有既醬汁，吃起來痲中帶點辣，還可以吃到一粒粒辣椒粒，十分特別！而且漢堡排煎的非常香，漢堡上還鋪了生菜，青瓜和番茄，食落香而不膩！值得推介BBQ醬和牛堡 呢個漢堡的BBQ醬很濃，和牛煎得啱啱好，再鋪上半溶車打芝士，味道十分juicy。同樣地再配上生菜和番茄，味道香而不膩！沙律盒份量好多，蔬菜新鮮，有青瓜、番茄、洋蔥，仲有各種沙律菜，配上黑醋和橄欖油，食起來酸甜爽口！十分健康！水果盒裡面有哈密瓜和橙，作一個完美總結。

今日放工同朋友嚟大角咀搵下午茶食，行吓行吓見到呢間賣漢堡包嘅就入左去。入到去就聞到好香嘅煎肉味，原來係個開放式廚房。客人坐嘅位置都算ok，下午茶時間來唔算多人，係到食個包抖下都幾舒服。餐牌有10種包選擇，當中有個包幾特別叫omakase，問過店員係咩來，佢話係每日都唔同，係用當日食材整嘅漢堡。而我今次就叫左2個包，一個係芝士和牛漢堡，另一個係黃金流沙醬蝦堡。佢地嘅漢堡包係即叫即做，所以好新鮮。第一個係芝士和牛漢堡，成個包漲卜卜每一層都好清晰，佢地嘅漢堡扒好濃牛味，煎得岩岩好，漢堡扒香口。第二個係黃金流沙醬蝦堡，呢個超邪惡，煙肉配上蝦扒，睇落好似無醬，原來精萃係個蝦扒，個鹹蛋流心醬係塊扒入面，非常驚喜佢地每個包都係跟餐，可以選擇薯條、汽水、果盒，3選2。食完行去奧運站都幾方便嘅，下次去開附近可以再來食下。

🍔蜂蜜芥末牛肉漢堡呢一款配搭mozzarella，做到拉絲嘅效果，唔會太膩，不過蜂蜜芥末味就唔太出，如果醬料嘅份量可以多少少會比較好🍔牛肉漢堡牛肉有一定厚度，肉汁豐富，不過比較鬆散，如果可以壓得實啲會更加好🤤兩片麵包烘得香脆，味道偏甜少少🥰🥗跟餐沙律沙律配搭左黑醋同埋唔少洋蔥絲蕃茄絲，對我來講就偏酸同埋鹹咗少少，不過整體質素都好新鮮😚想食得健康啲嘅不妨考慮吓配搭沙律🍟炸薯條薯條係粗薯條，炸到金黃香脆，外層乾身，做到外脆內軟嘅效果🤩🍊水果盒水果盒有橙同埋哈密瓜，兩款都好甜🥰

大角咀愈泥愈多美食角祥街中興樓地舖開咗間漢堡包舖頭玻璃窗裝修好處喺不論食客同埋途人經過都睇得廚師準備食物整過過程，廚師會時時刻刻都注重衛生壞處喺廚房嘅油煙比較大漢堡係即叫即煮預返少少等候時間-漢堡套餐$68 粗薯條/鮮果盒/罐裝汽水 任選2款🐮BBQ醬手打和牛漢堡漢堡包好大份，擘大個口一啖食唔晒😆麵包有煎過有脆卜卜嘅口感配料有蕃茄、生菜、洋蔥、芝士和牛味香濃唔太油膩加咗$10要洋蔥圈🧅依個正呀！洋蔥圈🧅新鮮炸起炸到脆卜卜平時唔太好洋蔥圈既我都好鍾意依到既洋蔥圈我諗我唔食漢堡包都會泥買洋蔥圈做小食-📍Juicy Burger🔎大角咀角祥街70-76號中興樓地下1號舖

最近發現原來大角嘴角落開咗間juicy burger，平時食茶餐廳都食得有啲悶，一於今日食下burger啦！麻雀雖小，但burger選擇都幾多，經典牛肉burger又有，fushion啲嘅burger又有。./S1 川式麻辣醬堡套配薯條+日替沙律/平時好少見到burger有麻辣醬所以就膽粗粗試下，估唔到又幾夾！雖然係burger店，但麻辣醬絕對唔係馬虎出品，食落夠晒麻，食多幾啖都真係要飲返啖檸檬茶降下溫。Burger入面除左常見嘅生菜，亦有青瓜，平衡返麻辣感。手打牛肉食落有咬口，但如果可以滑返啲就100分！./C4 BBQ醬和牛堡配水果盒套餐+維他檸檬茶/和牛果然係和牛，食落好嫩滑，肉汁濃郁。和牛配經典嘅生菜、車打芝士、番茄同BBQ醬絕對係唔會令人失望！食完Burger再食返個生果盒同沙律，即刻無晒罪咎感啦🤣雖然啲burger size望落中中等等，但食完成個set都夠晒飽！（千祈唔好眼闊肚窄👀）希望下次黎可以坐到窗口位啦，一路食一路望住啲路人食應該都幾chill!