醬堡 (已結業)

今日經過大角咀，見到一間小店叫juicy burger, 於是抱住試下既心態入去，點知有驚喜小店面積吾大，裝修都係以簡約為主，不過都吾少人幫襯，好期待小店內燈光光猛，見到廚師們都十分用心咁整緊野食，未食已經聞到香味了仲有d可愛既擺設當然吾少得最重要既點餐環節，真係樣樣都好吸引，選擇困難的我最後簡左兩款招牌醬堡等左一陣，熱辣辣既川式麻辣醬堡就食得啦，大大個份量十足!用左澳洲嚴選草飼牛肉，食落果然係吾同d, 好有牛味，而且一d都吾會韌，再加上川式麻辣醬，成個包好惹味，果種麻辣既香味係口入面揮之不去，再加上蕃茄同靑瓜，成個口感十分豐富跟餐叫左意大利檸檬梳打同鮮果盒。檸檬梳打入口酸酸地，可以解膩。食下鮮果又可以保持健康呢個和風柚子照燒醬堡亦係驚喜之作，用左一隻蒙特利積芝士，仲有柚子照燒醬，呢個包既口感比較清新，同川味麻辣醬堡有一個好強烈既對比，但兩款我都好鐘意粗薯條幾時都係咁吸引，仲要係即炸，十分香口小店出品果然有驚喜，食得出係用心制作，值得繼續支持

估唔到係舊式既街道 發現一間新開既小店店舖唔算大 大約只有7個位左右 用左白色簡潔既裝修 簡單乾淨 另外值得一讚既係店內抽氣系統做得好好完全冇油煙味 唔怕食完成身有陣味雖然係間小店 但都有好多野食 估唔到既係餐牌上會有新鮮水果盒 好少係漢堡包店會見到既野 我覺得呢樣做得幾好 食完個Burger可以食番個水果盒中和番叫左一個S3同一個C4餐 分別係牛油果醬堡配洋蔥圈加水果盒同BBQ醬牛堡加血橙梳打配水果盒 而家有星級優惠 套餐+$5就可以升級做血橙/檸檬梳打 呢2樣都係比較少見 所以就加埋黎試BBQ醬牛堡真係好好食! 首先麵包會先用牛油烘過 在加上入面既牛堡有好多肉汁 十分有味同juicy 真係冇改錯名 加埋其他配料 真係好好食! 而另一個 包 牛油果醬可以令到成個包無咁流 兩個都好味 雖然好多汁 但包裝得好好 唔會邊食邊流出黎 整污糟 洋蔥圈就炸得非常脆口 但又唔會食落好乾個隻 唔錯 另外個血橙梳打好好飲 一飲落去好有血橙味 好開胃 最後食埋個水果盒 水果都好新鮮同十分甜整體黎講呢間漢堡十分高質 店員好有禮貌 即叫即整 雖然係小店但坐係到食都絕對唔會有油煙味 加上有唔同特色既漢堡

一行入呢間裝修簡潔嘅小店，就見到誘人嘅裝飾Haha 即刻睇吓有咩食～食物選擇唔係好多，不過都有啲特別嘅嘢！我哋今晚要咗一個川味麻辣漢堡，一個煙肉芝士牛堡。60幾蚊嘅套餐已經包一個漢堡+一個水果盒+飲品，性價比好高！飲品選擇都唔少㗎！如果驚唔夠食仲可以加錢要甜品～我哋外賣返屋企食，包裝得好妥當。開餐開餐其中一個餐我哋冇叫飲品，加咗$10要洋蔥圈，炸得幾好食喎，洋蔥都好甜！漢堡份量足，中間嘅漢堡扒牛味濃郁，好香好好味麻辣漢堡都幾辣，中西合璧，味道好特別 食完啲咁肥膩嘅嘢梗係要食啲水果，一人一份生果啱啱好

今日係大角咀見到間新開嘅餐廳。最近好鍾意去試新嘢，人生咁短，要俾味蕾新嘗試。呢間餐廳係我鍾意嘅格調。燈光夠光，好新穎嘅感覺。餐廳唔大，但入到去感覺好舒服。叫左個川式麻辣漢堡。係我鍾意食嘅麵包。上邊甜甜地嘅漢堡麵包，睇落去已經好吸引。咬落去，食到四川麻辣嘅味道。唔會好辣，香味同味道夠濃郁。有青瓜係入邊，所以綜合左個辣度，同埋青瓜嘅口感可以俾到爽口同有juicy嘅感覺，配搭得好好。鍾意個漢堡肉，葉得好夠味。厚厚嘅漢堡肉，食得滿足。仲叫左個生果盒。好少漢堡店有生果拼盤可以揀。食返個健康生果，好好嘅平衡。飲埋個soda，gur晒。叫左個和風柚子照燒醬堡。好鍾意呢個配搭。食左一啖，口腔已經大爆炸。好多味道，好豐富，同埋係所有嘢都夾。見到厚厚嘅芝士鋪係漢堡肉上邊。已經好邪惡。和風味道同柚子香，加埋漢堡鮮甜味。成個漢堡都好juicy好好味。食落又有洋蔥甜味。呢個配搭真係好好食。估唔到和風柚子汁可以整到咁好味咁夾嘅漢堡。叫埋洋蔥圈。啱啱炸出黎，熱辣辣，好邪惡。口感脆，香甜！飲埋個made in italy嘅檸檬梳打，好fresh好正！唔錯嘅小店，下次再黎！

這天到大角咀客人那邊傾點事情，傾完下來原來已3點多，正好是下午茶時間，舉頭四處張望有什麼好地方，竟被我發現這家跟這區與別不同的小店。走近看看貼在門口的餐牌，原來是主打食漢堡包的，原來漢堡包都可以有這麼多食法。走進店內，還有各式各樣介紹主打食品，坐位不多，主要做外賣的店員亦是這裡的廚師，由於是開放式，可即場看到製作過程，更覺安心。由於離我家不太遠，決定外賣二份回家和家人分享。我叫了一果煙肉芝士牛堡套餐，包括薯條和水果盒也只是$68元，非常超值，那個煙堡包更是非常味美，用料十足。而另一個漢堡包我單點了蘑菇芝士牛堡，除了也是用料十足外，也十分切合這店的招牌名，非常juicy.另外也叫了這推介的血橙和檸檬梳打，跟餐只加$5元，非常化算！總的來說，這個價錢能有這個美味下午茶，食得我和家人都飽飽的。

前幾天去了這間醬堡 Juicy Burger 🍔 小店只有大約7個位，簡約白色裝修，環境舒服。餐牌：最後叫左套裝，漢堡+小食招牌醬堡－沙爹醬蝦堡這間餐廳叫做「醬堡」，當然要試試它的招牌醬堡，一共有五款，三種是牛，兩種是蝦。平時吃burger都是選牛肉的，今次見有蝦那麼特別，一於試下，於是選了沙爹醬蝦堡。平時牛肉部分，它用了蝦膠，厚厚的，像一塊很大很厚的蝦餅。還有生菜、青瓜、蕃茄，感覺清新；麵包稍為烘煎過，脆脆的，不錯。這個burger最特別吸引我的是沙爹醬，真是第一次食配沙爹醬的burger，它是平時食串燒沙爹時點的沙爹醬，出奇地配合，真的沒有想過這種沙爹醬配burger或蝦餅。洋蔥圈新鮮炸出來的洋蔥圈，熱辣辣，好香好吸引。外皮炸得好脆，有一點像fish&chips那種魚的脆漿的感覺。而入面的洋蔥還很新鮮juicy，不是那些炸到很乾那種。很好吃，值得加$10配這個洋蔥圈。鮮果盒食burger一般都是配汽水，這裏套餐很flexible，可以隨意選兩項，配鮮果盒也不需加錢，而且本人不太喜歡汽水，於是就選鮮果盒，感覺也健康些。其實本來都沒甚麼期望，但是當中的提子和蜜瓜都很甜很多汁，比平時一般

大角咀最近真係好多新嘅小店, 今日就嚟到呢間Juicy Burger!! 有和牛burger同homemade style burger!! 我地就叫左個C1 set ($68). 入面有手打和牛漢堡肉再加上bacon, 啖啖肉係好jeng jeng!! 而且漢堡肉好juicy, 肉味好濃! 而個bun仲係好soft個種~另一個叫左流沙蝦堡($88). 用左大量本地蝦膠, 咬落去好彈牙!!入面仲有黃金流沙醬, 好濃的咸蛋黃味, 而且有D花生香, 個人好中意!! 小食跟set可以有2款的, 我都有2個set就有4款啦! 薯條係粗薯來的, 薯味特濃!! 又唔會好油~ 番薯條仲正, 食落係好清新的番薯味, 仲又脆卜卜咁!! 另外仲加左onion ring同水果盒~ 生果可以解下膩ar!!

一提起漢堡包一定會第一時間諗起連鎖快餐店，又平又方便，填飽個肚又一餐，今日正正係放假，一定要錫下自己，好好享受人生。今日就同朋友去左一間大角咀新開嘅漢堡小店，係由幾個青年人一齊經營，有好多街坊都黎食，漢堡、小食全部都係即叫即做，特別新鮮。我地揀左兩款餐廳推介嘅漢堡，轉為套餐，包含兩款自選配搭。套餐升級飲品(本週精選優惠)+ $5 意大利血橙梳打味道酸酸甜甜，好開胃，仲有好濃郁嘅血橙香味，可以一試!+ $13 Inko’s 蜂蜜檸檬白茶唔知點解入口覺得有少少薑味，幾特別又醒胃，先有微甜蜂蜜味，再有白茶清香，檸檬味唔算太突出，淡淡地，但咁樣反而令三隻味都齊全，味道唔會好甜，幾好飲。牛油果醬堡（限量製作）套餐$78+$2升級番薯條麵包都係有加熱過，所以做出外脆內軟嘅效果，漢堡扒係以澳洲草飼牛肉製成，牛味十分濃郁，食落係分別好多肉汁，漢堡有多種配料，非常豐富，內有芝士、番茄、生菜、洋蔥、鮮牛油果片同秘製牛油果醬，半溶芝士配搭多種蔬果，味道清新又新鮮。我地升級左番薯條，比較特別同健康啲~番薯條即炸熱辣辣，食落甜甜地，有新鮮番薯嘅清香，外脆內煙韌有口感，加$2升級係非常之抵。雙層芝士牛堡 套餐$8

上星期日如常約左朋友係大角咀一帶搵嘢食， 被呢間白色裝潢嘅小店吸引住， 裏面嘅裝修十分簡潔，主要係食漢堡為主，地方唔算大但係顏色配搭令人有種 十分舒服嘅感覺。我們坐嘅位置對正廚師，可以一邊欣賞佢用心炮製每個漢堡包，感覺有啲似日式鐵板燒！裏面抽氣做得唔錯， 完全沒有油煙味，只會隱約聞到一些漢堡牛扒嘅味道！漢堡包有用牛油烘過夠晒香脆，出面嘅burger 一般都係用普通生菜假錢平好多，呢度用羅馬生菜咬落嗦嗦聲，蔬菜清甜有助中和肉汁油膩!牛肉冇筋仲要呢個價錢食到好豐富牛肉味，如果要挑剔就肉唔夠厚，但呢個價錢出面手工漢堡單點價，而家有埋個餐， 真係好有誠意！

Juicy Burger係一間新開一個月左右嘅外賣漢堡包店，入面只有幾個立食位。餐廳裝修以白色簡潔為主，入面有個開放式廚房，可以睇到廚師喺後面煎扒🤩套餐可以揀2款小食或飲品，除左最基本嘅薯條同汽水，仲有其他選擇：蕃薯條、粟米脆片或鮮果盒。食過幾次，佢哋嘅麵包都幾鬆軟～•🥢 每日限量製作之特色漢堡 (22/10) - 洋蔥龍蝦沙律漢堡 $68/set呢個配搭幾特別，因為龍蝦沙律係凍嘅，所以食落又有啲唔似漢堡，似三文治多啲～ 龍蝦沙律嘅龍蝦肉份量唔少，仲有好多洋蔥碎，配搭埋一個微辣類似千島醬嘅秘製醬汁，整體食落好清新😋食普通牛肉漢堡食到悶嘅話真係可以試一試嘅～•🥢 芝士蘑菇雞堡 $63/set雞扒好大塊，而且肉質都幾滑又唔乾；蘑菇好香而且份量幾多～醬汁份量唔少，整體都算幾juicy~•🥢 煙肉芝士牛堡 $68/set除咗名入面寫嘅材料，仲有酸瓜、蕃茄、同埋佢哋嘅秘製醬～煙肉無乜點煎，所以唔太香；牛肉幾juicy，醬汁亦都夠多，所以食落唔會好乾😋•🥢 黃金流沙蝦堡 $88/set蝦膠好彈牙有咬口，好好味，而黃金流沙醬係包咗喺蝦膠中間，味道太甜，比較似流沙奶黃包嘅餡，蛋黃味亦唔夠香，

頭先行行下見到有間新舖開咗, 見佢鋪頭幾簡潔咁就膽粗粗入去試下。 餐牌右手面會係啲 traditional嘅美色burger, 左手邊就係啲新款啲嘅特色burger, 見佢有冬陰功蝦burger 咁搞嘢就點咗個嚟試下。 通常如果有蝦嘅漢堡包出面都會用炸蝦餅， 反而老細就選擇咗用每日新鮮打嘅蝦膠做， 感覺唔油膩之餘仲要非常彈牙清新! 配埋佢呢度好好食嘅sweet potato fries, 用嚟點漏出嚟嘅冬陰功醬一流! 之後大食嘅我忍唔住想試埋佢嘅傳統漢堡包, 就經老闆介紹點咗個煙肉芝士和牛漢堡。 $53咁嘅價錢本來唔會有好大嘅expectation, 但係咬咗第一啖之後, 我絕對覺得佢可以媲美, 甚至超過尖沙咀/中環嗰啲過百蚊嘅和牛burger!食完之後覺得好好味所以即刻返嚟睇返其他comments, 見到有人講到佢哋個burger 點乾點乾，同我啱啱食嗰個好似完全兩回事咁...唔通我啱啱入咗另外一個平行空間? 定係有同行特登寫衰間新舖? 奇怪

LUNCH TIME經過見到呢到🍔新開張，入黎支持下，定價都幾親民。粟米脆片原來係Doritos😲仲要比我見到佢就咁倒出黎😅無乜誠意。薯條又幼又淋，好一般。芝士牛堡 👌🏻真。黑松露，唔係平時點個d醬，真係好搞笑叫醬堡呢個又唔無醬係咩玩法😂香味係有既，但食落唔太出，我會prefer 點黑松露醬多d..食唔到有d乜醬，但咸蛋蝦餅仲要配塊煙肉有d太咸新開張黎講質素好一般，完全無想令我地有返轉頭幫襯既意欲，希望佢地可以改善下啦！另外員工可能都新未必識變通，明明我買2個包，仲話可以follow 哂fb + ig，但因為得我一個人去買，都係只係送一罐飲品。套餐薯條想加$轉黑松露薯條又唔得😅，如果呢方面可以flexible d就好喇。

Juicy burger ? It’s superb dry ! 朋友介紹附近新開左間漢堡包，今朝就打電話外賣自取，叫咗個流沙黃金醬堡，薯條同埋水果盒。 兩個字就係失望，開頭以為係吉列蛋黃🦐，但嗰舊好似魚滑咁嘅蝦肉餅，要咬到中間先有蛋黃，易啲蛋黃係程一粒粒嘅狀態同我預期好有出入，總之整體個包就係好乾，冇乜sauce, 味道好一般，冇乜味。薯條好趣但係好鹹。