醋娘子 (已結業)

永樂街食肆不多 剛發現醋娘子新店開張 店子雖小 但選擇也不少 由早餐粢飯豆漿 午餐排骨菜飯套餐 至晚餐四川小菜 今晚4個人食飯 叫左拍青瓜 麻辣口水雞 酸辣湯雲吞 上海排骨粗炒 回鍋肉 生煎包 新張當日老闆送左廚房推介既牛油蒜蓉雞翼 陣陣蒜容香味 正拍青瓜夠大碟賣相吾錯 多酸少辣岩曬我 口水雞係雞脾上 酸辣湯足料冇欺場 菜肉雲吞都幾新鮮 有heart之作 粗炒吾會太咸 排骨幾香口鬆化 回鍋肉味道都幾好 略嫌多油左小小

同班friend打完機，有啲餓，想食啲野先happy hour，諗起醋娘子新開，見連Mr.都特登去食，就去試一試佢。點左幾樣野，味道唔錯，幾條友食份量少左啲，每人夾唔到幾舊食，當試下味，下次同老婆食應該啱啱好。服務態度唔錯，加水幾主動，食完齋飲水吹水都無黑面趕客，加分，希望可以保持。有酒牌，但係未有酒賣，希望快啲有啦。生煎包(無相，一埋枱已ko),豬扒粗炒最好食，豆漿都好好味。必定返飛

見新開張，試新嘢，但真係要付代價。原來對這種小店都有點期待，但........籠包：完全唔得，皮厚無汁，淘大點心好過佢京蔥爆牛肉：好油麻婆豆腐：好咸上海排骨面：性價比不高總結：2個人$2xx, 無下次

今天去, 不用等, 門口有午餐紙, 坐底問佢, 今日假期無午餐, 只有散叫, 商品及說明條例可以適用嗎(說笑吧了)不為幾蚊麻煩, 反正想試下呢間新店一個雪菜面係一碗收你38蚊, 份量很少湯底完全無味道的, 像水一樣, 雪菜少少少, 肉更少少少一個担担面一樣38蚊, 兩個字, 難食面漲既, 湯底又係無味碎肉應該有一咖啡匙的份量短期不考慮再去

最近，我看到 Openrice 新餐廳資料，才得知上環永樂街開了一間新餐廳 <醋娘子>！  恰巧！上星期媽咪跟好幾位老頑童遊武漢及長沙！  既然無飯開，  我打算放工後食完飯才回家！  趁 5:30 準時放工，即管走過來 <醋娘子> 看看有無下午茶餐供應！ 店方下午茶供應時間 : 下午 3:00 ~ 6:00，還來得及！實在太好了！  包括：小食、麵、飲品事不宜遲，即時衝入去！ 店子裝潢簡約舒適！牆身掛上一些裝飾作點綴！  而坐下來之後，店員即時放下餐紙及餐具，給人感覺較衛生及印象良好！  由於，我為了皮膚及健康著想而不敢食煎炸食物；  印象中，上海排骨是豬扒，鎮江骨是口味酸酸的，比較不熱氣！  涼拌小青瓜 (跟餐送) 青瓜粒大小不一！入口清爽又充滿酸香，令人好開胃！ 鎮江骨拉麵 $30 (下午茶)先試湯底，較為清淡，味道似某牌子清雞湯！  鎮江骨酸咪咪好醒胃! 肉質不韌！ 至於拉麵，麵條烹調時不均勻，有部份黏在一起，   外表一般，略為粗糙，  麵質軟硬適中帶點彈性！口感上仍算合格，不過不失！湯底與麵條是湯麵重要的

愛吃小籠包，喜見上海菜小店開張，點知一試就知唔洗回頭。先來涼拌小青瓜，雖然係前菜，但份量小得看來頗似餸頭餸尾。味道過酸，丁點麻油香都沒有。沒關係，反正都係主要想食小籠包，但一夾，就知皮厚，一口咬下，「享受」的是厚厚的皮而不是那丁點爆不出來的肉汁，感覺就像在吃某牌子的叮叮小籠包，非常失望。再來四川肉醬擔擔麵，麵本身係不錯嘅，有咬口，但食完我都以為自己叫錯咗清湯麵。最後上四川麻辣雞翼，本身雞翼都唔係太難煑得唔好食，所以抱有一絲寄望，點知，佢只係炸雞翼上淋D辣油同麻辣粉，雞翼本身完全冇醃😱。嘩！唔係求其都咁呀！其實同區同類小店不多，現在試業其間亦見多外賣客，如食物有質數同誠意係有得做。聽到餃子之類好似係supplier 供應，如果有心做不如快快轉過個供應商啦！

十幾年前，上海麵食小籠包大行其道，至今已經飽和。好多連鎖店都縮減甚至執笠，反而位於上環永樂街嘅醋娘子認為仲有得撈。無他嘅，只要有質素，佢呢個舖位應該做得住嘅。醋娘子新開冇耐，仍然在試業階段。新店人頭湧湧，我索性外賣。一個擔擔麵餐連兩隻小籠包同嘢飲$40，價錢商宜。啲人鍾意食小籠包，所以叫多咗兩籠(一籠四隻$26)。新張係慢啲，等咗大概15分鐘，算ok啦。等緊外賣時，店內飄來陣陣香味，似乎湯底會唔錯。好啦，見真章啦。打開盒麵，湯少，可能係外賣，但係由店到食相隔三分唔會多。肉醬尚算香口，榨菜多，味道功高蓋主，超微辣，麵稔(因為外賣掛)，未至於難食，不過唔似擔擔麵。撈埋花生醬雖然彌補部分不足，都難挽小弟對此麵嘅不滿。反之小籠包都幾好食，皮滑有汁，肉餡唔羶，唔點醋都唔膩，有水準。不過，我叫兩籠加埋套餐果兩隻應該有十隻，點解得八隻，又係忙中有錯掛。唔好意思都要講，如果真係想做落去，啲麵真係要攪攪佢。