醋娘子 (已結業)

這幾天在附近工作, 第一次到這間餐廳午飯. 由於是接近兩點的時間, 剛好餐廳有位子不用等候. 坐下後侍應都很用心介紹餐廳的食物, 因為天氣比較熱, 我點了小食的手拍青瓜, 還有醉雞冷麵. 然後也叫了麻辣雞翼來平衡一下口感.手拍青瓜比較爽口, 醋汁混和了香蒜也是十分醒胃. 再來是麻辣雞翼, 我覺得這個是十分冶味的. 雞翼炸得很脆皮之餘又不會油膩. 侍應介紹說可以選大中小和 BB 辣, 我吃的是中辣, 味道剛好. 如果是能承受辣味的人不妨可以點大辣. 等了一陣, 醉雞冷麵也來了. 醉雞肉很入味, 而且入口也很鬆軟. 至於冷面, 由於有醋汁的關係, 十分易入口, 不知不覺之間也比自己平時的食量多吃了.整體來說, 這裡的食物很不錯, 地方十分企理, 職員的招呼也好周到呢.

為左要令人知呢間野幾差幾不負責任，而寫第一個食評！已經食過無數次，初頭覺得呢間嘅麻辣牛展麵唔錯，最主要近office，都時不時幫襯...直至上次堂食，再食同一個麵，已經覺得就算幾方便幾近都好，都唔想再幫襯，因為食物質素真係差左好多。麻辣還麻辣，牛展還牛展，麵還麵，味精湯還味精湯，全部野係食之無味，棄之唔可惜！今次打算外賣自取，本身就係貪快貪近，點知店員話要等20分鐘，話預備好就call我。8:10落order，直至到而家我食完另一間嘅外賣，佢都冇打返黎。期間打左去不下廿次，都係busy line....點解一間餐廳可以ignore人order，不如索性唔好開門做生意！！

香港人的OT文化盛行，我I也不能獨善其身，唯有工作過後，找些有趣的餐館品嚐品嚐。一入到餐館，叫左幾款自己鍾愛的小吃，想不到味道令我十分驚喜首先是普通的木耳和青瓜，想不到醃料的酸度十分適中，成為兩道可口的開胃小菜🌶至於之後的醉雞撈麵，把雞肉卷成條狀在切開，同一時間能夠融入雞肉中，至於有面上的花生醬味道不會太濃，配合那個醉雞，成為一個普通配搭但好吃的撈麵👍🏻可惜略嫌份量太多，遠超於一個人可以吃到的份量...但值得改善的地方是面上的配菜略嫌簡單，而且味道太淡⋯

川滬菜我一直都少食，因為煮得好既地方真係唔多，但今日行開上環依頭，無意中搵到依間醋娘子，真係有驚喜我同友人兩個人，叫左以下既嘢食：佢既牛𦟌多肉少筋，適合鐘意有咬口既人，每塊都幾大塊下，佢既醬汁亦好入味，係不錯既。值得一讚既係，餐廳大部份辣嘅食物都有分大辣、中辣、小辣同埋BB辣，依個擔擔麵我地叫左小辣，味道剛好唔會蓋過本身有嘅花生醬味至於上海小籠包，個皮唔算簿，你見我直接夾起個包身都得，內裡湯汁都算唔少，而且湯味濃，都算唔錯。我地都叫左碟菜試下，依味娃娃菜都幾新鮮，奶油味都濃，岩晒想食菜得黎又怕味淡淡既人食整體而言，餐廳食物質素唔錯，服務友善，上菜十分迅速，價錢合理，黎開依頭想食川滬菜既可以試下

簡單特色小店出現在上環，冇誇張華麗嘅裝修，反而引起左我既注意。主菜前先食個前菜，叫娘子三小碟⋯⋯有青瓜，木耳同豬耳。青瓜爽脆，蒜味好香濃吖，木耳幾清新又酸酸辣辣，豬耳爽囗仲有濃香嘅麻油味。最鐘意食辣野。lunch 叫個大辣重慶酸辣薯粉最正。酸辣粉有炸蒜，窄菜，花生，豬肉，芽菜。d粉入味彈牙，個湯好香酸酸嘅，辣味十足，撈埋d炸蒜勁香，窄菜又爽又酸甜好鬼好食，花生一d都唔淋，好香口，豬肉碎好入味，芽菜都新鮮，大大碗麺一下食完。再嘆埋個凍咖啡，完美。

今日去上環接男友放工，落起大雨，就乾脆就近搵間嘢食晚餐算，咁岩見有間醋娘子係專食川滬菜既，都算係我地較少食既菜式，就試一試入到去發現好多菜式都辣既，但佢可以選擇大、中、小、BB辣，甚至走辣都得，值得一讚當然我地都鐘意食小小辣，而且食得川菜最好就食辣，我地就叫晒小辣首先整味前菜先，叫左麻辣皮蛋👇的確辣得黎帶點麻，為味蕾帶來刺激感皮蛋亦好味道我地見佢推介佢既口水雞，又咁岩想食冷麵，就一於叫左味口水雞冷麵👇個麵可以選擇芝麻醬或者陳醋汁，我地揀左芝麻醬，味道好芝麻味濃，而口水雞亦做得出色，辣味掩蓋不了雞味，用埋黎送麵，味道層次增加，推薦最後，見旁邊有食客叫左味鐵板牛肉，香味噴晒出嚟傳到過黎搞到我地都叫左味鐵板老乾媽炒牛肉👇依味真係推介可謂色香味俱全：鐵板令成碟菜香氣四溢，而紅椒青椒同埋洋蔥牛肉既顏色配搭得好，每一塊牛肉亦滲着味濃既醬汁，好味 食咗咁多辣野，梗係叫番啲嘢飲解下辣啦，我就飲凍豆漿，男友就飲藍妹啤酒。最後想講既係，其實餐廳仲有好多其他味菜式，多到真係要分好多次黎食先食得晒

Sure you can find a lot of fancy cafe and restaurant in sheung wan, but Mrs Vinegar is a very affordable Chinese restaurant in town which you shouldn't miss! We had the scrambled eggs with shrimps. It's a very typical and common Chinese dish but the trick is in the scrambled eggs. It has to be smooth enough yet retains the concrete texture. Easy to learn but difficult to master, and Mrs Vinegar has definitely got it right.Egg white fried rice. It was really delicious and personally I liked how w

一直都好鐘意食上海菜所以當朋友話黎醋娘子試下我即刻話好而且呢間餐廳係上環所以對我黎講都好方便每次食親上海菜我覺得一定要叫小籠包冇食小籠包既話我梗係覺得爭d野所以小籠包係必點食品呢度既小籠包價錢相比起出面連鎖式既上海餐廳平26蚊4隻小籠包既皮尚算薄所以唔會話易穿湯汁都夠但又唔會話重味精味我覺得呢度既小籠包唔會輸蝕過其他大型連鎖上海餐廳另外仲點咗個炸銀絲卷銀絲卷我一向都好鐘意食平時係屋企都會蒸黎食但好少炸因為炸實在太麻煩所以出街通常都會食炸rather than蒸通常炸野好難會唔好食所以呢個炸銀絲卷係好食既最後仲叫咗呢個鐵板串串蝦好鐘意食辣但唔食得辣既我都頂得順呢個菜既辣度所以唔算辣但係好惹味d蝦入哂味但又唔會話食唔到蝦既鮮味所以呢個菜整體黎講都好好食最後仲叫咗杯凍豆漿解渴因為香港真係太熱啦呢度既豆漿都好重豆味鐘意食野既時候有野飲就可以叫杯豆漿飲下

記得之前翻工，去左上環搵朋友食一間好出名既車仔麵。去開上環諗住搵翻黎食，但又唔記得名同位置，行行下見到呢間上海野好似不錯就入去食了😸入面係茶記格局但食物款式多好多，有好多上海川茶食，同朋友叫左個飯同菜食，食落好有驚喜😻😻⭕️籠仔蒜蓉蒸蝦飯 $128好大份，呢個飯係夠2個人食！蒜蓉唔會苦，同蔥豉油一齊撈飯一流！飯米米分明，姐係真係成個飯連餸蒸唔似其他餐廳係舀電飯煲既飯落去。蝦有成8隻，可能蒸耐左唔算爽口彈牙，但都ok💁🏻⭕️手撕包菜 少辣 $58自從係大陸食過一次，就念念不忘。不過呢個就冇大陸甘有風味，但都吊到癮☺️炒得濕d同冇麻辣香味，菜亦唔算爽脆偏淋，但份量取勝🤔⭕️豆漿 $12解渴，唔會太甜👍🏻

今天晚上跟我的寶寶在喺上環搵個晚餐吃，在永樂街走走逛逛，看到一間很光猛的食店，就是醋娘子了。醋娘子原來是主打川菜和上海菜的，而我們也非常喜愛這2款菜式。於是肚子餓的我倆二話不說便點起菜來了。第一款上枱的是麻辣牛𦟌拼海蜇，麻辣牛𦟌軟淋淋的，不算過分咸，而且辣味十足，作為開胃前菜，配上爽脆的海蜇，好吃好開胃。然後是1籠4件的小籠包，小籠包子雖然皮較厚但內裏的湯汁鮮美。比較令人驚喜的是流心豬扒，一上枱已經香味四溢，用刀切開便已經看到熱乎乎的芝士正在慢慢的浸出來，豬扒也炸得香口配合芝士也不錯吃，很有驚喜！主菜之一的水煮牛肉則賣相很有誠意，而且辣味十足，充滿水煮式的辣香味，而且肉的分量很夠，於是配上菜飯一起吃，辣得好正斗！賽螃蟹也是餸飯的好配搭，配上水煮牛和菜飯一起吃，非常好味。然後我倆都點了杯豆漿來解解辣，降降溫。這裡雖然地方較小，但簡單整潔，侍應員工有禮貌，也算坐得舒服。

年頭在台灣宜蘭吃過的小籠包，鮮甜多汁，味道一直纏繞心頭，揮散不去。還未儲夠盤川，台灣短期内去不了，可心癢了，饞嘴了，想念著小籠包的鮮美，在網上看到這間名字很特別的「醋娘子」，周末拉著男友，心急如焚地來到這裏準備大快朵頤！  這裏的小籠包的價錢意外地便宜，一籠4個才$26。端上來的時候，立刻不客氣地夾住頂部，小口一咬， 細嚼軟身的皮、裏面少量的湯汁和肉餡， 沒有過於驚喜，但以這個平實的價錢來説，味道算是中規中矩。蘸一點醋，酸味調和，留在舌尖，「吃醋了」，就且當那一刻的醋娘子唄！  除了小籠包，餐牌上有很多選擇，既然一場來到，也嘗試其他菜餚吧！流心豬扒是今夜的重頭戲。外面炸得非常酥脆，小心翼翼把它切開，裏面的芝士汁如火山熔岩般破囊而出，趁熱輕咬外層，鬆脆作響，濃稠的芝士纏繞著舌尖，非常滋味！ 麻辣牛展拼海蜇，牛展滷的軟腍，麻辣醬汁充分滲透牛肉裏，雖然還沒辣到頭皮發麻，但吃一口已能刺激味蕾，口水分泌一發不可收拾，越辣越想吃下去。 水煮牛肉的牛肉份量頗多，配料有芽菜，芹菜和蔥，倒是不算太辣，讓一心想讓舌頭辣的發麻的我，感到有點意猶未盡。倒是身旁的男友辣得呼嚕呼嚕似的。  賽螃蟹，相傳

送完親戚去澳門碼頭之後，行過呢頭，見到「醋娘子」，啱哂鍾意食辣嘅我。我特別鍾意食前菜，見到小木耳同海蜇都好吸引，兩樣都想食，所以叫哂兩樣我至愛。麻辣小木耳好爽口，好味，不過真係幾辣。五香牛𦟌拼海蜇，海蜇十分開胃醒神，口感清爽，食落好爽；牛𦟌好入味。點少得叫小籠包，外皮唔厚，而且好多汁，一咬落去，好多湯汁泌出來，好香，中間團肉，調味不錯，令人有想再吃嘅感覺。咸魚鷄粒炒飯，好食口，炒得唔油又唔會黏糊糊，有水準。

今日同屋企人嚟到喺上環嘅一間上海菜館食晚飯餐廳位置十分易搵，出左地鐵站之後轉右直行兩至三分鐘已經到鐵板干爆辣子雞 ＄88落單時無指明辣度，應該default為小辣，但小辣都食到我細佬呱呱嘈，係咁飲水食得辣既我當然覺得小兒科，再食應該會叫大辣走過油既去骨雞肉加上香芹爆炒後再放上鐵板，香氣令人垂涎三尺，麻辣勁十足，十分推薦上海生煎包 ＄26；上海生煎鍋貼 ＄26生煎包既外皮煎得香脆，但又唔會太油膩，肉餡仲非常多汁鍋貼比較細隻，適合一啖一隻，皮有點厚但與此同時煎得十分香口，同樣有豐富肉汁同油香四川擔擔麵 ＄42呢個擔擔麵十分之大碗，兩個人分都覺得多。少許辣，真係只有少許，所以唔食得辣嘅人應該都接受到。但我都係比較鍾意詠藜園個種有花生香嘅擔擔麵，個人不太推薦呢碗呢。花雕浸醉雞 ＄48醉雞，預先起骨再浸落酒到入味，啖啖肉同酒香，份量亦十足附上餐牌供大家參考價錢

還在上環上班的日子，每天收工已經吾早，攰到死晚餐只求快靚正。上環永樂街差不多每天都經過，其中一間店子曾經令我有點迷......「醋娘子」我還以爲它是賣甜醋的地方，後來見到有送外賣的車泊系外面先再細心硏究一下先知道原來是吃上海菜的地方。晚飯小試牛刀，點一些上海菜館基本上不會失手的食物。花雕醉鷄 $48鷄件切得較粗，肉也稱不上嫩口，不過啖啖肉就真，啱晒啲唔識㖮骨嘅人，香醇花雕酒彌補一切缺點。小寵包 $28即叫即蒸，一時心急放入囗，熨口到想吐返出黎。雖則皮有點厚，但肉香和湯汁味濃，廿㡬蚊絕對收貨。菜飯 $12感覺是將白菜絲撈白飯，白菜有啲清草味，又吾夠熱，感覺做得幾求其。我隔離枱的客人在吃小炒，聞到幾香好似幾有鑊氣應該下次可以一試。

公司附近，見到呢間餐廳餐牌好啱我地食，所以決定等位。望下價錢幾抵，兩個人叫咗如下。煎鍋貼，裏面的鮮肉調味不錯，口感亦夠嫩滑，至於塊皮方面，算係薄至中等嘅厚度，唔錯唔錯。而且十分之足料，成隻餃脹卜卜咁，好抵食呀！乾煸四季豆，大碟，炒出黎，清香不油膩，長條形的四季豆爽脆無渣，配合肉碎，欖菜，食味道更加提升了不少。香酥炸大排，味道好，分量十足，都幾好肉，啖啖肉，唔油唔熱氣。兩個人食到好飽，滿意抵食，推介。