醉和里

營業中

休息中

今晚落左去黃大仙中心隔離冬菇亭食宵夜, 即係有間七十一嗰邊呢個大排檔環境都算ok, 有冷氣, 又有電視, 雖然只係播無線, 但大排檔有如此設備都算係咁食物方面, 叫左碟鹵水拚盆同一碟菜心炒帶子, 鹵水拚盆都幾豐富, 有墨魚, 鵝腸, 紅腸, 大腸, 豆干同大豆芽菜, 份量勁多, 不過味道只係一般, 鹵水汁的味道不香, 真正好味的鹵水汁應該有少少甜味, 就好似李錦記的鹵水汁都好味過佢, 鵝腸好粗身的, 但又幾爽, 不過都係嗰句, 唔夠味菜心炒帶子就好食好多, 夠鑊氣, 帶子雖然係雪的, 但大大隻, 點少少蠔油食, 鮮甜爽口, 叫左碗白粥嚟送, wonderful呢間大排檔的水準, 算是中規中距, ok啦!

話說上週六開完ole 西班牙局散水後，太公即趁返工前僅餘的時間，shopping去也；不過可惜，shop得過份興奮，於街上行得過於忘形，結果輕微中暑，晚上怎也提不起胃口。不過，當晚男友的胃口卻剛剛相反，巨如暴龍；結果，就求其去了醉和里，要個湯吃些菜，其餘任暴龍消滅好了！時菜(白菜)豆腐魚雲湯 - 其實很少在大排檔點湯, 因為這都只是「滾湯」，始終不及老火湯的鮮美；這個魚雲湯亦然，但以「滾湯」的標準來說，這碗湯汲收了魚鮮，算鮮甜了；最重要是沒有添加甚麼搶喉作料，教人喝起來很舒服。而豆腐和白菜汲收了這魚的鮮甜，更見美味。椒絲腐乳炒通菜 – 通菜用莖部較粗的水通菜，口感沒有幼身的佳；雖然腐乳味欠奉，不過炒得夠火候又香，尚算不錯。鮮魷蒸肉餅 – 雖然胃口欠佳，但見其上桌時賣相甚不錯，也吃了幾口；唔，肉香四溢，加上魷魚的鮮甜味中和肉的濃香，平衝得宜, 可惜胃口不佳，否則叫多碗飯，送這鮮魷肉餅，定當美味之至！呼！餸菜份量相當大，兩個人三個餸，只是今天男友有暴龍食量，方能清碟。加多支啤酒，埋單每人才六十多元...呼！醉和里的質素已屬不俗，猶記得上次光顧鄰店利豐，更覺驚艷....真羡慕住在這附近的街坊

星期四晚同朋友打完波落左去食, 味道唔差, 不過返嚟寫食評, 先知無人俾笑臉餐廳係打冷形式, 我地食左炒蜆, 鹵水拚盆, 西蘭花炒帶子, 筍蝦同四碗白粥, 味道唔算差, 只係個鹵水拚盆係唔太入味, 但係好大碟, 又有鵝腸, 墨魚, 紅腸, 生腸, 牙菜, 豆干好豐富, 都幾抵食!炒蜆好大隻, 豉椒味野味, 好好食, 西蘭花炒帶子都唔錯吖, 起碼好夠鑊氣, 帶子邊位都有少少燶有冷氣又有電視睇, 服務都唔錯, 都食得過播

昨晚一行四人, 在摩士打完波之後, 黎呢度食野。一黎度有個阿姐介紹d菜俾我地, 其中一樣係蒸青斑, 原價128, 果阿姐話計我地0.5, 乘0.5俾我地, 我地仲叫左豉椒炒聖子, 什菜煲,蒸青斑 - 等左好耐, 食野d野都未黎, 而且有點兒腥豉椒炒聖子 - 好多穀無咩肉, 味道ok什菜煲 - 好普通埋單果陣, 至發覺無計折俾我地, 個阿姐仲笑笑口話同左老闆娘講架, 佢唔肯俾折都無法, @#%# , 咁做生意, 真係好唔老實, 以後唔會再黎, d野又唔平又唔好食。我地叫左3個菜, 4杯檸茶, 2碗粥, 一共293蚊

黎E到唔建議食炒公仔麵or烏冬...因為要等好耐...上次黎到...叫左個豬頸肉炒公仔麵..等左耐..差唔多成半個鐘都未到..要叫佢好多次同埋等左好耐先黎...味道...一般..咸左小小..份量ok..夠飽...不過食過之後好想飲野..重味精...價錢就麻麻..成33蚊冇野飲..都幾貴...今次食楊洲炒飯...份量唔算多...唔夠飽...味道就OK...有蝦有火腿...有菜個D...不過唔掂既係個肉絲炒麵...D麵唔夠脆...好多都軟..味道就真係唔掂好難食..又等得耐...上幾次食都OK...E幾次真係唔掂..又唔係平..

以前會來食醉和里的炒蜆, 不過炒得越來越鹹及獻汁好杰, 且晚上好嘈, 可能係大排檔的特色吧, 有些一大圍枱的人一邊飲啤酒一邊大大聲講野.故晚飯都唔會再來這兒食今次試下早餐$19 鮮牛肉湯意, 牛油麵包, 火腿腸仔, 熱啡 沒有沙爹汁的鮮牛反而突出到牛肉的鮮味, 不過太多咬不斷的筋 湯意好食, 意粉淥得剛剛好 腸仔雖然煎過, 不過是凍的 白麵包較乾較硬 熱啡香濃, 不會苦澀, 故不加糖都好好飲

過左差唔多2個禮拜所以都唔太記得-0-I'M SORRY/_______\一坐低大家毫不猶疑就叫左個韮菜豬紅|好惹味但辣左少少就真既!北菇鴨掌扒生菜個汁勁咸生菜冇事!點解?因為明顯地佢係烚完個菜然後將D菜鋪係底度!吸汁的時間冇咁長所以冇事-0-依個菜真係NO GOOD豉椒鵝腸做嘜事呀-0-個汁又係咸左DD喎!之前都有黎依度食過但果陣未做OPENRICE會員果陣D汁唔係咁架喎-0-個大廚今日可能失憶唔知自己落左幾多鹽蟹肉扒西蘭花好正常既一個*食送*鹵水鵝反而最鍾意佢墊底既花生XD因為入晒味!價錢唔太記得LU.............屋企人仲飲左好多啤酒

搬到“黃大仙”一年多至最近才發現這間人氣旺盛的“醉和里”大排檔式食肆今晚叫的都是街坊小菜：梅菜蒸扣肉：入口溶化但略嫌扣肉從雪櫃那出來解凍時間不足XO醬藕片炒豬頸肉：藕片夠爽略嫌豬頸肉不夠香及XO醬未算濃蝦醬通菜：水準穩定、不過不失椒鹽蝦干炸豆腐：今晚最好的一道菜，蝦干有水份不太韌炸豆腐香口不太干以“大排檔”形式招來算不錯，加上室內室外可供選擇，兩種風味確不同，整體感官不錯！除了無加一其實價錢不算便宜！