醉和里

營業中

休息中

黃大仙。一個舊區，仍然保留了不少懷舊店鋪—-冬菇亭今晚相約了男朋友到黃大仙區覓食，因為有朋友推介黃大仙一個好味既大排檔，朋友話佢由細食到大。讚👍🏻甘今晚就一於去試下，店舖好容易搵，一出黃大仙站，行5分鐘已到，一入去有2間，我地要去既係第2間，大家吾好入錯門口喔😊一入去，我地坐左中間位置既2人枱，店舖外面也有大量座位。我覺得入面舒服啲，至少吾洗吸入煙味🚬。餐廳好旺場，食客不斷。餐房亦有好多選擇，有選擇恐懼症既我如何是好🤔最後揀左10分鐘，決定了食以下3道菜✌🏻鵝片拼墨魚（$168）：因為朋友推薦呢間既鹵水食物，甘當然要試下。鵝片厚薄適中，用左腩位，好好食😍墨魚就較碎，還好。小菜底墊了豆腐，豆腐夠滑。鹵水汁好味，不油不鹹不太甜，個人覺得好食，值得一試👍🏻韮菜豬紅（$45):份量有一大碗，我諗有15件，豬紅無臭無腥味，好食。韮菜都好食，個醬汁不太重味，好味！琵琶豆腐（$68）:呢個男朋友話一定要食，我第一次食，真係好特別，原來係豆腐加魚肉拌勻再整成一粒粒炸。真係好好食，一啲都不覺得好油，口感好，味道好夾！愛上了這道小菜😋我地再加左白飯同啤酒，埋單$317。價錢有少少偏貴吧，但好食。男朋友話好

昨天看完阿爺廚房煮辣酒煮花螺今日便蠢蠢欲動來醉和里一坐下馬上問下有無東風螺好在是日有螺返馬上點了辣酒花螺: 上台時已嗅到麻辣既味道,食落則先食到辣味然後海鮮既鮮甜味就湧上來。真係好食得令我一星期食左2次。大腸拼墨魚: 大腸非常淋及入味,墨魚有咬口加埋店內既辣油真係無得輸。琵琶豆腐: 豆腐內有魚肉小小蠔肉及香葱味道非常好再加埋個茨汁真係單點黎個菜都可以送2碗飯。已幫襯左十幾年,黎度從來都無失手。如區外客經過附近真係可以入去試下。

已經食過好多次，每次離一定會點椒鹽九吐魚，但今日離到竟然賣曬，好失望不過都仲有我覺得好正嘅餸: 蒜蓉粉絲開邊蝦同XO醬青瓜炒豬頸肉次次點開邊蝦都有一種睇落唔太大蝶但可以令你食好耐嘅感覺，$148一碟，價格合理，蝦者算大隻，而且幾新鮮，蒜蓉同粉絲都落足料，正!XO醬青瓜炒豬勁肉夠曬鑊氣,青瓜同豬勁肉又夠曬爽口椒絲腐乳炒通菜，一上菜仲以為好細碟，點知原來係厨師擺得啲菜太結實，其實有好多菜腐乳份量落得啱啱好，唔會令到啲菜太鹹，好食

係附近睇完戲順便食埋飯先返屋企啦，行過大排擋周圍都好多人等位，先呢間有位是但食啦，沿途行見人地食魚香茄子煲同乳鴿都好正咁，坐低就叫呢兩樣啦，叫多個炒飯抵過食白飯😝，於是叫生炒牛肉飯都係$43魚香茄子炒得幾靚，食落有魚香，又唔太鹹，真係幾好味，我好鐘意食魚香茄子，雖然係好普通嘅菜式，但就真係唔係度度整得好食。至於乳鴿...侍應一放低，我見到隻鴿咁奀都有啲😰⋯⋯估佢唔到食落竟然幾juicy好嫩皮脆入味，好好味😋，就係奀左啲囉，不過$35好抵啦。生炒牛肉飯夠獲氣，飯係一粒粒乾身，夠大碟。叫左三樣野都好味👍

在領展攪攪震下，香港的屋邨冬菇亭愈來愈少，因此好欣賞黃大仙下邨入面那個仍然充滿活力，更是24小時運作的冬菇亭。尤其是對於我們這些半夜才收工的人來說，這無疑是香港版的深夜食堂，夠晒市井風情。昨日半夜與很久沒見的老朋友在冬菇亭其中一間「醉和里」飲啤酒，叫個鵝片拼香腸墨魚及小炒王送酒。那個小炒王加入魚乾又夠香口，很下酒。期間看見半開放式廚房內的點心師傅正忙碌中，原來這裏早上兩點半便有早茶，下次到來和友人長談的話，倒可由半夜食到早上。

a great traditional tak pai tung with delicious food usually gather with fds there

又到了週四例會"開會"的日子，每次開會的地點都教幾位資深會員費盡心思，經他們商議後，這星期決定到黃大仙去，為的是重拾寒冬時他們在這兒吃過的羊肉包。跟著他們發來的路線指引從黃大仙地鐵站走出來，只消幾分鐘的路程便到達，才發現是個附建在黃大仙下村旁的熟食中心，醉和里是其中一家食店，原來這兒是昔日俗稱「冬菇亭」的熟食亭。「冬菇亭」是香港公共屋邨昔日的一種設施，正式名稱是熟食亭，是一個四方形、尖頂的小型建築物，屋頂中間有拱形排氣口。因為外形像冬菇，被人們稱為「冬菇亭」。冬菇亭頂部以紙皮石鋪成，達到耐用的效果，也可遮陽擋雨；拱形排氣口讓煮食熱氣上升後向中央排走，較涼快的空氣則由周邊引入，加強空氣對流。「冬菇亭」在1970年代隨公共屋邨建成而出現，最早的冬菇亭是在1974年出現的，是當時房屋署的一位馬來西亞籍建築師所負責。全港首個冬菇亭誕生於九龍愛民邨，冬菇亭在那個年代出現，正正切合往日香港市民習慣光顧街頭小食檔的生活模式。有些屋邨更有超過一個熟食亭。當年這些熟食亭由私人租用，開設廉價食肆，通常以大牌檔形式經營，提供價廉味美的街坊風味小菜，很受市民歡迎。在1990年代起，房屋署的政策是停止興建新的熟

今日打完波，成班波友興致起就話一齊食飯，不過11點幾真係食唔到咁多野，就DEAL左個常餐就算！平時多數會叫叉燒意粉，但今日想食返少少牛，就叫左沙嗲牛面，食落又幾有驚喜，點解會咁好食GA呢？有個侍應好似星爺講左句，係蔥花，加左蔥花，實在太點題！佢個蔥花令到個湯底唔會得個咸字，二來啲牛肉並唔係係咁落鬆肉粉，食落唔會有乜牛味GA啦，不過唔UN其實我都收貨，加埋個多士都OK，大排檔凍檸茶又要講一講，老字號甜度適中，不過太多冰總體嚟講算係唔錯

2人晚反時候刚好行到了俗稱冬姑亭的大排檔，於是见此店較大及顧客較多之下便一試，奌了生炒牛肉反，黑椒牛仔骨反，xo醬炒四季豆，牛肉反的牛肉不少，38元，味道平均，但炒反所求的镬气不夠，較濕;牛仔骨則有根，只有四小件，52元，相对牛肉反較抵食，兩碟头反反量相当多，四季豆反而較出色，有大排档式应有穫气，55元，啤酒25枝，此地方因环境較亍坊，衞生也不讲究，但收費不算便宜。

大排檔、冬菇亭是香港文化之一，好草根，好有實在感，可惜隨著時代變遷，漸漸變成我們的集體回憶，幸存的亦因著時代進步，改建成“餐廳”，但環境變卻心不變，客人無需顧忌，洪亮的聲音大叫一聲:「啤酒半打」伙記應聲高呼一句:「嚟!啤酒半打」粗聲不粗氣。黃大仙下邨醉和里內貼著屋邨的舊面貌，7層高公屋、要樽在長椅上光顧的咖啡檔、小朋友穿白背心短褲、掛滿咸魚的檔攤...邊吃賞味，邊看回味。先來一個胡椒豬手，豬皮爽脆肥肉軟滑，濃郁的胡椒湯，咬一口口水已亂舞再來邪惡炸大腸，大腸炸得外脆內軟，厚厚的一層脂肪，肥已不膩，吃完一口再一口，所有什麼三高減肥都通通拋諸腦後 繼續椒鹽鮮魷，一上枱香氣已由鼻直攻上腦，咸香味相信來自咸蛋黃，酥炸外表內藏鮮滑魷魚，有別於一般椒鹽鮮魷清新的雜菜煲湯清見底但所有菜都入味非常，有夠驚喜重頭戲腰果脆炸蝦乾，用上蝦乾本來已經好犯規，酥炸後更為惹味，這味助酒小吃可為必點之選其餘九菜豬紅、南乳炸雞、黑椒牛仔骨豉汁蒸魚雲亦很不錯，唯獨乳鴿稍為乾身一點。辛勞過後一頓精彩晚飯會是繼續努力工作的推動力，這就是草根的精神。

醉和里跟對面利興是同一檔的，我坐在利興那一邊室內，等了十多分鐘才有人來收拾上一台的食具．有個叫（鴻）叔的人叫了好幾次來寫單也不來，顧住同水吧打牙骹，傾了十分鐘，我不停叫才有反應。 最近，裝咖啡奶茶的玻璃杯被換成膠的，反映給水吧知，原來明明有玻璃杯不肯給，故意玩野，膠杯裝茶，飲慣都知沒那麼好飲的。 這都算了，日更負責沖茶的叫（斜咩）的高佬沖的茶萬分難飲，奶茶沒奶味，茶也苦的。

星期日訓到2點先起身, 去搵食醫肚.行左去冬姑亭度嘆個常餐.常餐: 沙嗲牛面, 腸仔煎蛋, 牛油多士, 熱奶茶.最正係煎蛋(我order 荷包蛋) 煎到外面脆脆地, 蛋汁流出, nice!沙嗲牛ok~可惜面比較粉身, 建議下次寧加幾蚊轉出前一丁.嘆埋杯熱奶茶感覺好滿足了~

以飲食來將老香港文化無限延伸,已不是第一次,好像灣仔和昌大押,給The Pawn打做成為飲食熱點,船街的鴛鴦飯店,一樣地活得精彩.或許此兩個例子比較高檔,平民一點,就是屋村冬菇亭大翻新,黃大仙下村的"醉和里",是其中一個好例子.此店由早做到晚,早上有粥品,奶茶,甚至點心供應,光顧客人大多是上年紀的一輩.點心ready-to made,即叫即有,除非你有特別要求,有一兩味想預留.點心也有不少選擇,炸點要了芋角,香脆鬆化,包著的芋茸豐富,可惜不是最佳時候吃上,如果是即炸則更加好吃.蝦餃外皮偏薄,但不易散,質感平滑不黐.蝦肉份量頗多,味道甚鮮.微涼的天氣,吃一碗臘味糯米飯吧,如果是期望生炒糯米飯的朋友,一定失望,糯米飯很粘身,而且都幾油.不過做得入味,粒粒煙齦之外,更帶有臘味香.棉花雞除了雞肉,魚肚之外,更有麵筋,與魚肚一樣地索味,但兩者同樣吃出一陣怪味,不知怎說.雖然活在冬菇亭,價錢非想像中便宜.四味點心連茶錢,埋單五十幾銀.比同樣是冬菇亭,愛民村的某個檔口貴.早前曾有人提議,在此安排一次窮鬼局,視察過環境之後,幾圍則有點難度,如果人少少幾個人,圍住來打冷吃小菜,也是不錯的選擇.

呢晚係公司開會搞到十點先走放工同身邊那位黎冬菇亭食飯坐出面其實係有氣氛d架hahaha不過今年冬天早黎左而且好凍!!!呢晚都係17度多而且唔少人食緊煙所以就坐入面佢叫左芺蓉蛋火腿炒飯+凍華田oooooo 我覺得個蛋鹹左dd我既呢~~~~就係雪菜肉絲炆米!好好味呀!!不過食到咁上下見到個底d鼓油就收左手啦hahs點都好, 加杯暖笠笠既好立克...................sweet^u^開工後而家繼續為幸福而努力.............做功課好彩做完功課, 夜晚可以擦返餐halloween前夕飯聚!!!!生活就是如此, 有苦有甜!!!! ENJOY LIFE, ALL DINING LOVER!!!!!!!!!!!!!!!!!!!!!!!!!!!!!!!!

寒風之下 只求一個有瓦庶頭既地方 所以選了這裡只是深宵時份 剛進來之前問了那侍應生有否糖水 ...只得幾種 感覺被騙了後來選了腸粉跟鮮蝦腸嗶 那個腸粉的皮跟我面皮一樣的厚 而且十分易爛那個腸粉是微暖的 加上大量的豉油+油 卻有一種很油膩的感覺原來腸粉也有分好吃 不好吃的...他一定是後者至於鮮蝦腸的蝦是用化學的粉令他變爽口的 那個化學劑的味道仍殘存著........NOT GOOD.........還有送來的時候沒有提供餐具.......是我太挑剔嗎?