酥酥 (已結業)

葵涌廣場出名多嘢食💛依間係新開，韓國人氣小食Croffle，即係牛角包口感嘅酥脆窩夫。新開仲有得試食，試食後忍唔住買咗份「焦糖燉蛋酥酥」，佢唔係熱食嘅，食落係攤凍咗，但一啲都唔會好似出面個啲咁淋咗，咬落好酥脆，外脆內軟，焦糖燉蛋比較流質，但唔會太甜，同窩夫十分夾。問返店員，點做到攤凍嘅又有配料嘅，但都咁香口，咁酥脆？原來佢哋面頭會加層焦糖，所以上面有任何配料，都唔會影響到窩夫嘅口感，即使放1-2個鐘，都依然咁好食！

唔好諗多咗，小弟來到葵涌廣場原本是食下炸魚柳薯條，飲杯野就走，點知隔離店的哥哥仔一輪嘴係咁講，又話咩韓國最新，又話咩新方法令外脆內軟，又話。。。我識條鐵咩，我一句回應外賣回家得唔得，哥哥仔話個幾兩個鐘都無問題。好！就憑這句我決定食飽轉頭來買，哥哥仔仲叫我留肚，心諗，您有幾大件呀。。。以上兩件都是我第二日專登再出葵芳買回家孝敬老婆的，前一日是點了榛子朱古力，回家獨食完發覺真·好食，所以第二日翻頭再點其他款。外賣回家都成個鐘，脆就一定唔會好脆，但的確無淋到，香口又帶點煙韌（有選焦糖會脆點），甜度適中，有種食唔停口的感覺。三十幾蚊，雖然份量偏細，但質量補足，有緣要即食一次，相信會更好食。

經過第二次終於忍唔住買咗😛 店員太nice 第二次比我試食🥰雖然係新開 店員話自己開張以黎無負評🧐試食原味已經覺得好好食😚 本身食到好飽 但係仲係覺得好好食😍🧇Creme Brûlée Croffle $38 (9/10)Croffle係用牛角包個dough🥐 夾入窩夫機🧇個口感超級鬆化 好脆 有🥐好多層嘅口感個甜度啱啱好 連男仔都接受到👫個焦糖燉蛋唔係真係燉蛋🍮 而係吉士醬再有燒過嘅焦糖🔥連埋個醬 都唔會太甜 有啲意猶未盡嘅感覺🥰唯一嘅少少扣分位 係唔知係咪影咗幾張相📸個Croffle唔係好夠熱🤓有興趣嘅 可以去試下佢個原味先 $23 only🤗店主好nice 下次會想試佢其他味😝🧇食物質素 9/10🧇整體環境 8/10🧇服務質素 9/10🧇再訪興趣 8/10

葵涌廣場新開嗰間小食店， 開頭只係路過，冇諗住買，點知店員熱情介紹，話呢款新食物酥酥鬆化， 鍾意食牛角包嘅人就要試下，仲要唔客氣咁俾我試食添，咁識做生意，咁就要試下啦我揀咗朱古力味，佢地使用嘅朱古力係特濃朱古力醬，唔係開稀左嘅朱古力醬，入口香濃 。至於餅底酥酥係鬆化嘅，但牛油味唔突出，同牛角包冇得比，不過新口味一試無妨啦

今天到葵廣行街，見到有間新小食店，好似幾特別，停下腳步看看是什麼，睇咗好耐都唔明，什麼是牛角包+格仔餅=酥酥。原來這叫「酥酥」的食物是格仔餅的外型，牛角包的質地。見幾特別，外買咗兩個原味試吓。回到家，仔仔囡囡一見到就話要試。甜甜地和脆脆地的外表，內裏是酥酥地，實在也不是太甜。我哋仲加埋雪糕一起吃，仲好味。仔仔囡囡要求下次去現場要買第二個咪試吓。店員有推介，玉桂蘋果酥、焦糖布丁酥，估計應該都幾好味。

焦糖燉蛋酥酥 $38即燒焦糖 x 軟滑雲呢拿蛋黃 x 牛角酥窩夫Croffle🧇🥐•呢間好似係近期葵廣新開左嘅小店🤣佢呢度係賣好多唔同款式嘅牛角酥窩夫🥐🧇即係將牛角酥熱壓成窩夫🧇•本來以為會係冰火交融嘅感覺 不過一食落成個甜品係凍食嘅🤣但食落去依然係好酥脆唔會淋左😚再加埋上面用左雲呢拿蛋黃同埋即燒左嘅焦糖😚脆軟脆軟嘅口感都幾正啊🤣但如果焦糖脆皮嘅面積可以大返少少🤭個層次應該會再豐富啲🤣🤤本來以為好似好少醬會好似好dry咁🤭但整體食落唔算好甜反而岩岩好🤤唔會太過heavy👍🏻

葵廣3樓Top世界開咗新嘢呀！佢哋係賣Croffle嘅，即係牛角包crossover窩夫，呢隻甜品而家喺韓國好hit，大家可以去試吓呀😝😋 焦糖燉蛋酥酥 $38呢隻甜品係窩夫咁嘅樣，但就用咗整牛角包嘅料去整，即係好香牛油味嘅酥皮😛 同牛角包一樣係凍食嘅，咁樣食先會脆身啲，同埋拎上手都唔係好油！酥酥上面有一層嘅焦糖燉蛋，有啲似傳統奶黃包嘅奶黃餡 層焦糖燉蛋甜度ok，唔會太甜太膩😄

疫情關係真係少左好多係葵廣掃街,但總要間唔中黎下既,就發現左呢間用牛角酥酥皮整既窩夫😋😋幾特別焦糖燉蛋酥酥*即燒焦糖 × 軟滑雲呢拿奶黃 × 酥酥*個人唔太好咁甜,本身覺得應該會好漏,但夾埋所有野竟然係好夾既一件事*酥酥好似牛角酥咁好鬆脆*奶黃好香,份量岩岩好,加埋焦糖,一啖咬落去,軟硬脆感好豐富,大滿足下次可以試其他味😋

行過葵芳，見到新開張的店舖，所以想試一下😋一看上去，乾淨利索，有個大大嘅牛角酥的招牌，一問之下，原來係用牛角酥的整法來做格仔餅，這樣做的好處是會令到格仔餅變得脆香可口，還有格仔餅的油份都到食物機的底部，格仔餅是比原本的更少油、更健康😍，所以我點了一份朱古力脆😋脆。因為新開張關係，人流較少，沒等多久便可拿到我的脆脆了。一拿回來，只得半個格仔餅😳😳😳😳那......一份的價錢真的有點貴了😳吃的第一口，暖暖的，不是很熱，醬的朱古力味十分濃郁，亦不會太甜，格仔餅脆脆真的脆口😋，我由第一口吃到最尾的一口都是脆的，但是有點硬.... 用一點力咬才有脆的感覺，跟普通的格仔餅的脆度有很大的分別：普通格仔餅（真的脆那種）的脆是有點軟，輕輕一咬就可以了，像餅乾一樣；這個格仔餅脆脆的脆偏硬，有點像曲奇一樣。可以一試，一個挺新奇的玩意。

葵廣又有新食店！行過見到呢間新食店，本來以為係普通waffle, 但店員哥哥仔話呢個其實係好似牛角包酥軟嘅waffle狀酥餅，仲俾咗個試食我。黎開掃街，有新嘢一定要試下！最後選咗個鮮檸酥酥($28)，呢個一定要趁熱即食，因為真係好鬆軟😆即使係有檸檬汁醬喺面，但都食到個牛油香。俾錢嘅時候，店員哥哥好識做咁幫我丟咗之前喺另一間食完嘢嘅吉盒；店員姐姐見我喺度即食個酥，又好識做咁遞張紙巾俾我。可能你覺得呢啲都只係舉手之勞，但呢啲小舉動都係窩心嘅，而且我喺鋪頭側邊一邊食，一邊見佢哋笑住咁介紹自己嘅食物同服務其他客人，喺一條擠滿人，無論係食店staff或者黎買嘢食嘅人都木口木面嘅街，見到呢種笑容，特別想停低黎幫襯。店員哥哥見我係咁影相，話好食就記得tag佢哋，所以我而家就黎tag你哋啦😁下次，我再黎試個肉桂蘋果😃...#FoodieS #葵廣美食 #葵廣 #葵廣掃街 #chouchouhk