酒泉日本料理 (已結業)

原來就諗住去酒泉堂食既，但因為家人要返工，怕堂食會太蚊水，所以我地就打電話嗌外賣自取。4個人嗌左HK$510野，嗌完外賣就準備出車去拎野食。去到岩岩好有得拎 食左幾件之後，發現唔對路，原來d飯大舊左，但我唔中意咁大舊飯。加州反卷無以前咁多餸，感覺味道差左。玉子壽司，跟以前一樣好吃。腐皮船，d餸好似多左咁，甜甜的。蟹子壽司，OMG!! 勁多蟹子，多到瀉左出黎! 正彷蟹棒壽司，打孖上既彷蟹棒，味道同口質都岩岩好。PS:圖中見到其他的壽司/刺身我都冇食到，就唔評了。

酒泉我同男友幫襯左超過7年嫁喇!!黎到酒泉我最既必食(1)既係蟹子壽司，因為真係勁多蟹子吞拿魚壽司就一般般了，因此有d乾。必食(2)蟹子沙津腐皮船，腐皮船d飯好甜，食落去感覺好幸福!三文魚壽司，大大片三文魚，男友最中意食。必食(3)玉子壽司，玉子甜得黎又唔乾身，燒三文魚腩，燒到好香口，又唔會油膩~唔記得係咩反卷lu，只記得好食。(平時我係食開加州反卷嫁，推介!!)必必必必食(4)鰻魚壽司，真係一定要食，送到埋黎條鰻魚重熱嫁! (好似係即燒)重好多鰻魚汁，贊!

又入到元朗食晚飯，第一次到酒泉，晚飯時間居然不用等位，店員安排了剛近門口的二人枱，以我們二人的食量來講一張二人枱絕對不夠給我們用來放食物，我見到最入有一張四人枱便要求店員要坐入面，店員好不願意安排入座，點了餐廳推介有吉列炸下飯卷，一客四件，剛好用上一隻炸下份量，咬落脆卜卜，飯卷外層佈滿蟹子，配沙律醬吃，口感正，蟹子沙律，青瓜很新鮮，亦是有很多蟹子，沙律醬卻小了小小，兩件鰻魚壽司和四件三文魚壽司，兩款都用了長長的鰻魚和三文魚，甜甜鰻魚壽司配埋豉油wasabi，兩款都真係好好味，兩客三文魚腩共十件，只能用肥美形容，一客只售38元，非常底食，燒牛舌一串，肉厚唔乾，燒茄子一串，無特別，燒海虎蝦兩隻，略為細隻，冇乜味，韓式海鮮燒餅，餅面擦了日式燒餅醬和木魚絲，唔加好似好味些，天婦羅湯烏冬，我揀了豬骨湯底手打烏冬，天婦羅有兩隻炸蝦，兩件南瓜，兩件蕃薯，一件茄子，一件冬姑，一小碗白蘿蔔蓉汁，共八件炸物加一碗冬都係58元，放凍了還很脆口，呢個真係底食又好味

以往曾晚上到焰拉麵等位，發現此店更多人等位，故同事午間一說起酒泉，我已有點兒印象。點了個最為吸引的刺身定食珍珠飯餐。前菜：一小碗雞肉蘿蔔，兩小粒雞肉，兩小粒蘿蔔，濃汁。三文魚，魚，甜蝦，魷魚，北寄貝，配珍珠飯。魷魚不韌，三薄片，以往每每吃到的魷魚都太韌，韌得咬不開，鮮味還好。北寄貝一樣是薄薄的，夠鮮夠嫩。甜蝦三件則較少，就像平日吃放題，甜蝦十隻，也可以在十秒內清掉，那這樣三只甜蝦，也要相當省著吃方可。魚有整整六片，相信是較便宜吧，但也夠鮮，而且是長長的，不小。三文魚鮮甜無筋，美味，比爭鮮的厚得多，而且長條。珍珠飯亦相當大碗。果物即是半個橙子切開四份，再放得美美的，但不美味，還有渣的，寧可吃一顆啫哩。還可選擇麵豉湯或西湯那對我來說只是兩害取其輕，而我認為麵豉湯，當然是較可取的，因當天的西湯是南瓜湯。服務極佳($50以內服務態度良好不是夢)，即使本人不慎出示了一個人民幣一元，收銀女士還是以禮貌彬彬的態度，查問我有沒另一個一元。下次試試其他看似較頹的餐，看看會否有驚喜。

第一次食酒泉，同男朋友坐左係2人枱，一坐底侍應俾左2杯茶我地，見我地有背囊同袋就俾張櫈我地放野，好貼心細既蟹籽沙津比我預期既份量重要多，成坐山咁高～ 甜蝦刺身味道都ok,冇咩特別～ 蟹籽肥牛炒飯，真係好好味，好香，好有鑊氣挪威三文魚同我平時食既三文魚個味道有d分別，有d怪，我又講唔出邊度有問題，總知就唔好味

依到好耐之前黎食過左一次,其實佢既水準都唔差,一開始當然要叫依個蟹籽沙律,印象中佢都幾好味,而且佢都幾足料,不過今次睇落佢既蟹柳絲好像比之前少左D,不過其實都夠份量既,不過黃瓜都夠哂爽口,幾好味嫁都,食完沙律就到依個饅魚迷你壽司: 依個一個十分之炭燒既鏝魚,真係超有炭燒既風味,如果你鍾意炭燒味既依個一定要叫唔可以錯過,但比較搞笑既就係迷你壽司竟然唔係迷你,只係正正常常既壽司大小而且有8件咁多,真係試唔到幾多,之後就係一個雞軟骨肉棒,竟然都係好香既炭燒味,而且成個味道都唔錯,之後要推介既就係依個三文魚巨型壽司,三文魚又長又厚,又夠大件,而且夠哂新鮮,而且個飯都做得唔錯既,成個夾埋都幾好味,不過都係食唔到幾多件。 

酒泉既壽司一向都係我最愛，而且配上下午茶優惠就更加令人心動。不過今次黎食，發現佢既水準已經開始下降喇~壽司舊飯開始越黎越大件，上面既刺身仍然大舊，不過對比番舊飯...帶子刺身，冇鮮味，而且偏咸大蝦天婦羅唔夠熱焗帶子，肉身正常Size，配上芥末味，幾特別。

激死人, 搞到我忍唔住第一次刻意去開個戶口去投訴佢食物差, 員工態度更差, 氣頂到呢今天我叫咗個香菇雜菜炒肥牛, 雖然外表睇落多油, 聞落都算不錯 點知我一食舊肥牛, 就發覺D肥牛係趙極都趙唔斷, 無味得黎又硬又UN, 好似趙緊橡筋咁, 一舊係咁, 兩舊係咁, 本來都無咩野, 我落去要求換比我地, 換食物換錢乜都得, 個肥肥地GEI男服務員話唔可以換傢, 話幫我再炒一炒落重D料就得, 無計啦, 橫點食唔到, 唯有信多佢一次點知重衰, 宜家又鹹又硬又一样趙唔斷, 比人咁馬虎一FAKE條氣唔順再去投訴我話你試下食一舊肥牛, 你吞到我就算數, 點知佢就話唔使試傢啦, 個個客都係咁食, 你唔啱食下GEI以后唔好叫呢個, 問題係你食物質素咁, 人地比意見你又馬虎處理, 我知你一單半單生意唔至在, 但肯定我以后唔會幫親同唔會推介比親友囉

坐下等十分鐘都未有menu，要叫先俾……第一印象已經差左。點了自制吉列豬扒飯$32，焗石斑飯$38，大甜蝦壽司$15（兩隻蝦一舊飯）。食物以呢個價錢十分有六分，可能因為唔使加一，所以服務差d…… 

坐下等十分鐘都未有menu，要叫先俾……第一印象已經差左。點了自制吉列豬扒飯$32，焗石斑飯$38，大甜蝦壽司$15（兩隻蝦一舊飯）。食物以呢個價錢十分有六分，可能因為唔使加一，所以服務差d……

今次叫了16件自選壽司，其中6件選了海膽壽司，老闆說沒有貨，我們便唯有另選其他壽司。我們一向都選那幾款壽司，之前沒有無貨這個問題。直至我們差不多吃完之時，發現隔離比我地遲入坐的客人枱面上有海膽壽司。我們會叫那位疑似老闆過來，問佢:你又話海膽無貨，點解人地叫又有? 佢竟然淡然地答:果個係加拿大海膽。我想話我有食過加拿大海膽，果件絕對係普通海膽，而且自選壽司係無加拿大海膽。佢真係當我地傻，兼且講大話唔眨眼! 我覺得佢如果覺得叫得太多海膽會蝕錢就唔好話自選壽司，紙上又無話同一款壽司最多可叫幾多件，以往我地都係咁叫既。另外食物不新鮮，三文魚籽勁酸。之後我嘔左2次，朋友都肚痛。

價錢大眾化, 兩個人去二百蚊有找,食物質素尚可, 唯壽司欠新鮮, 串燒冰冷的 ... 個人而言, 有選擇的情況下 (在元朗日本餐廳來說)應該不會再去第二次 -3-由於平日加上不是節日, 故不用等位.不過,服務員態度惡劣, 座位安排差, 而且食物不夠新鮮和熱度 (!)

縱觀附近的日本料理，大多在下午茶時段休息，而附近有開的只有酒泉和春田。想在晚餐前吃一點東西，看見這裡有下午茶就決定入內。可能因為星期天都有下午茶的關係，店內都坐了六七成客，我於是就入去試一下很久沒有去的日本料理。所謂的特價，其實不是比平日的平很多，只是可以叫少些件數。 用了外賣的款式，很不環保。（或是只是洗碗洗碟就算了！）串燒選擇都不少。可是部份食物紙滿是豉油漬，為免影響到大家的心情，我還是不放豉油食物紙上來了。因為接近晚餐時間，我只點了甜蝦壽司（3隻）、七味墨魚鬚串及加拿大牛肋肉串。店員大大聲說：「淨係叫件甜蝦壽司咋！？」令到附近食客都用不屑的眼光看著我。我唯有很無奈的說：「還有串燒！」。店員說：「串燒要等四五個字！」就揮袖而去。店員除了入了一個「不會笑的城市」外，態度也是劣中之劣。你公司不設最低消費，客人就有權選擇食物的多少，相信一位有敬業精神的廚師，都不想看見客人剩餘自己做的食物在枱上吧！甜蝦壽司的第一感覺是蝦的新鮮程度一般。就在我輕輕的移開蝦頭及蝦尾，夾起的時候，凌亂的甜蝦壽司出現了！  吃下去的感覺，當然是好像卡通片中的小新吃壽司，飯和魚類分開。不會誤會啊！我不是不吃壽司

好耐之前己經好想寫呢篇食評，經過尋晚再度幫襯後，決定真係不吐不快。其實酒泉由佢開業我已經幫襯，當年佢由執隔離「田X」等唔到位嘅客慢慢捱出嚟，見佢食物新鮮，製作用心，所以都成為左佢嘅長期顧客。呢度寫嘅全部事實，大約一年前有次又係三個人去，其中點左一客三文魚刺身，拎到埋嚟我真係O左咀，只係一碟兜亂左嘅三文魚碎，正確形容係頭頭尾尾，同個侍應講呢碟係下欄嘢，佢唔出聲走左去，隔左一陣同我講話：「今次換俾你啦，下次無得㨂部位嫁~」吓？幾時有要求過特別部位? 係人都知刺身嘅標準係點，而且餐牌寫明係'三文魚刺身'唔係'三文魚碎刺身'囉尋日朋友又嚷著要食酒泉，去到男朋友巳經點左壽司，但係啲紫菜又濕又韌，啲飯又凍又硬，好難食……有一兩款啲魚根本又處理得唔好，腥到食唔落，唉......朋友又要左一個關東煮，唉……只係好甜嘅糖水煮魚旦……寫食評嘅目的純粹分享，句句事實，童叟無欺

12點到，我地係第一枱客。好快落好單，叫左2個沙鍋，1個什錦壽司。個女店員話沙鍋要等4個字，OK, 可以等。點知，惡夢開始了。等了4個字，沙鍋未到，不緊要，連壽司及沙律等都未到。催了一次單。來了關東煮鍋。味道一般。(仲要明明係我地落單先，但隔離枱上先。)之後再來日式雞鍋。無咩味，D雞似剛解凍。再等多2個字，再催多次，先之黎什錦壽司。 一D都唔新鮮，玉子壽司包到爛左。什錦壽司本來仲跟一個温存蛋同日式烏冬，但我等到1點，經過我地再三催促，都仲未到，另外，兩個沙鍋本來都跟個果物(其實即係半個橙)，都未到睇睇隔離枱，食物到齊，仲埋埋單。因為有約，我1點走，只係食左2個唔好食的沙鍋，同唔新鮮的壽司就走。屋企人繼續留係到等。PS. 催單時，D店員仲要好無禮貌總之，酒泉，以后無take 2 !!!