影片
以上資料只供參考, 請與餐廳確認詳情
真心想去轉旅行。從來唔太鍾意去旅行，但當你無得去時，你又會恨喎。但係無得發情況下，唯有去轉九龍城啦！呢間細細間，真係路過見到佢個金邊粉，我最愛，所以入左去食。除左炒金邊粉，另一泰菜不二之選，就係泰式海南雞飯。個海南雞飯係欠缺左3色醬，但個油飯唔錯，有雞油味得黎唔太林，最唔錯意D嘢“林之之”，個雞夠滑，份量又唔差，真心唔錯。呢個炒金邊粉，雞及其他料量都唔錯，夠味，完全有泰國風味，真係好似去左旅行咁，超級唔錯。係個泰式奶茶淡左少少，不過都係正宗泰式泰茶。 連打卡，個地痞感覺都好地道風味，泰式街邊小店無得輸，想去轉泰國，你地識選擇啦！
繼續閱讀
封左關咁耐 已經好耐無食過真正既泰國味今日經開九龍城 男朋友推介食呢間～外表普通 位置亦都唔係特別多！大約3-4張枱今次我地叫左青咖哩雞飯、炒牛肉金邊粉、泰式炒通菜同埋泰式奶茶！第一樣黎既就係青咖哩～ 撈埋落個白飯到真係極好味！！而且十分足料～ 平時麻麻地青咖喱既我 都好似食湯飯咁不左半碗汁黎食撈飯～ 然後到左炒金邊粉！已經好耐無食過炒金邊粉～ 呢個勁濃味 而家多料！樣樣送都即叫即炒 食到一半都仲熱辣辣 出緊煙最後就係呢個炒通菜～ 雖然佢唔係炒到好林！但佢惹味得黎唔會太咸！！又係好讚呢個泰國菜媲美好多出名既泰茶餐廳～ 佢既野都好出色而且店裡面個姐姐都係泰國人～ 又多左份泰味
繼續閱讀