都好燒臘粉麵飯茶餐廳 (已結業)

“老土” “地道” “邋遢”各花入各眼，對街坊茶餐廳的見解，這只是見仁見智，這家我就十分喜歡，它距家只幾分鐘腳程 ，菜式夠香港，夠鑊氣，經濟，連wifi、電視都有，這樣的街坊茶餐廳，對於也挺麻甩的我，首選！跟一般茶餐廳一樣，它早午晚餐都有哪些ABCD餐，午餐和晚餐每天都會改動，當天有什麼新鮮食材就做那些，還有其他小菜，也經常更改的，蠻有心！這晚我倆點了1個套餐1個小菜，“豉汁蒸魚雲”和“西蘭花炒牛肉”，即炒即蒸， 足料、足味、夠鑊氣，有飯有咖啡茶，才125元，街坊價錢，冇理由要投訴！要挑剔的當然很多，但它就腳，夠經濟，雖然我家娘娘和格格其實也很討厭在這裏吃飯，但外賣郤沒問題，也覺得它其實很好味，所以大家如果有公主病的便不要堂食，街坊的，外賣吧。

等咗5分鐘都無人行埋蒞落單，叫咗三、四次先有人施施然過蒞。叫份鹹牛蛋治，鹹牛只係其中一邊，鹹牛一路食一路跌出蒞，蛋多油到可以炒多碟飯，建議想增肥人士可以多多幫襯。

諗住晚餐近近地食屋企附近既茶餐廳所以就去佐呢間叫外賣叫佐3個餸叫佐菠蘿生炒骨，可能天氣熱既問題，D菠蘿味道縮佐啫啫雞煲，雞得幾舊，唔好食蠔豉餅，好腥，入唔落口冇飲品冇湯份量好少，飯要另外叫埋單2百幾蚊，冇下次！

荃西星期日晚，沒有"唔想肥"女友同朋友仔相伴，一條粉皮，九點幾唔想食飯，走左去香車街同海霸街，福來邨附近。其實都去過呢間店，上次打邊邊，記得佢話係粉麵專家，等我呢個外行人"小小肥"試下先。點知姐姐話，七點無開粉麵，都有麵食嘅，由於行到唔想行關係...😪😪😪鼓椒排骨炒麵，叫師父濕炒少少。等左三個字，黎到個樣幾好，汁量同味道適中，骨同肉比例平均。伴碟不錯吃！麵條較為"林"，不過都不錯。黎呢啲茶記食，感受到係對人好，人地都會尊重你同你講下笑，人情味加分。又有電視睇同冷氣嘆，我仲喺手機睇傅家俊決賽，樂也！最後飲埋杯熱0水，沖洗下個口氣，有精神做埋啲freelance去。(頭先用地圖功能搵呢間都好，唔見？！原來係位置錯左！煩請代為更正。)

羅漢齋炒麵$42跟例湯或飲品揀左例湯 好味精水完全唔收貨不過個羅漢齋炒麵好得睇得出的新鮮熱辣即製唔係整左好耐放係度果D用料都靚同新鮮餸有白菜仔、冬菇、腐竹、雲耳、豆腐全部料都煮得恰到好處唔係一鑊熟亂炒埋一碟我特別喜歡滑滑的冬菇同埋比較少食到的腐竹呢個素好食又健康麵就一半脆一半淋我反而喜歡食淋的 吸晒D汁好好味脆既就會熱氣少少麵既汁料由蠔油調製味道剛好 夠杰身容易掛在麵食不過比起之前細碟左唔少雖然好食但無咁抵食了

今日係屋企附近果間都好燒腊茶餐廳食野，呢間餐廳星州炒米幾好味，米粉Q弹爽滑入味，咖喱味好香濃，咖喱配米粉一起炒味美鮮香恰到好處，食材新鮮份量好足，可感香香辣辣多食唔腻。

听朋友讲附近有间茶餐廳D野幾正，今日决定一個人黎試試，到左餐廳門口比我想象中大很多，我叫左個星洲炒米同埋一杯冻柠檬茶，没多久我就闻到好香的味道，原來是我點的星洲炒米黎左，米粉热辣辣食起來咖喱味好香浓，米粉十分有韧度好入味，味道剛剛好材料很足食的好饱，下次再黎試埋其它D野。

今日心情普通，下班後便去了荃灣吃晚飯，近排都會去福來村附近較街坊的店食飯。到了這家不太多人的茶餐廳，又是一個選擇多到眼花繚亂的餐牌，最後點了一個好耐冇食的夏天食物：鴨腿湯飯（沒有飲品：42元，好像有點貴）上菜了，幸好沒有漏單，不用等太久，值得一讚夠哂熱，好港式，但我嫌配料較少，如多些白菜就夠完美，鴨腿較細隻，但好在不太油。其實食緊途中都有不少人下班來食，都不太算一間好伏的茶記。

昨天放完假...工作未完, 計劃書初稿完成, 原本想去香車街找找看, 可惜, 人不多, 又食煙, 行下行下, 去到呢度...鋪好舊, 但未試過....曾說過一日試一間荃灣食肆都有排試, 今晚搵老公一齊做白老鼠....試試吧!今晚本想蕃茄紅衫魚 + 白飯 + 例湯/茶, $37, 奶茶跟美倫一樣, 茶味較重, 跟奶不太溶和, 蕃茄幾多, 但品質不好, 草青味, 紅衫魚細細條, 肉質好霉, 只有甜味既茄汁底, 白飯大大碗!上湯浸蒜子什菜煲 + 白飯 + 例湯/茶, $37, 什菜份量多, 西蘭花, 白菜仔, 生菜, 芽菜, 菜心...全部都好腍, 係過腍!地下好滑, 埋單時欠些趺倒, 價錢不是特別平, 食物不用講, 但老公卻食得津津有味(第時打仗...一定唔會餓襯), 留番機會俾下一間吧!