那個ㄋㄚˋ ㄍㄜ (利奧坊)

營業中

休息中

大角咀台灣菜「那個」爆紅長龍小店，主打台式便當，包括滷排骨便當、古早味滷肉便當、鹽酥排骨便當，趁放假去左幫襯。那佪滷香鷄球便當一份滷雞球有五六件，採用先滷後炸既做法，唔會好「鞋」！葱燒豬頸肉便當油香四溢嘅蔥油撈飯，配上脆香厚身豬頸肉同啖啖肉，真係諗起都流曬口水啊！花枝丸料多實在，花枝的Q彈和滿滿的新鮮海味，完全滿足味蕾!燜好的雞翼軟腍入味，帶出陣陣雞肉的鮮香!最突出係甜品系列，玉文芒丸子愛玉凍各款仙草凍仲可以加仙草沙冰、椰子、芒果、西瓜冰露等等，完全透心涼!松義總匯仙草涷係經典甜品款式，仙草甜度適中，配仙草冰沙，三色手工芋圓、波霸、綠豆及爆椰Q。

🙋🏻‍♂️餓底探員去咗大角咀調查呢間台灣菜，餐廳喺大角咀起家，由小店去到現時全港有6間分店，早前曾因租約問題要闊別大角咀，最近原區重開，新店同樣走木系風格，座位闊落咗，更設有卡位，餐點仲多咗麵類選擇🍱古早味手工滷肉便當 $64🙋🏻‍♂️表示個滷肉便配上粉絲，炒蛋等配料，滷肉切底粒狀，份量超多，肉質軟腍，食落好有口感，味道香甜又有脂香🍲臺灣手工丸湯麵 $62🙋🏻‍♂️表示個麵底用上鮮關廟麵，係台南嘅特色麵條，經手工日曬，麵質軟滑Q彈，配上貢丸同花枝丸，啲丸手工製，口感爽彈，鮮甜多汁，湯頭係紅燒牛湯，味道香濃惹味🍗香酥脆雞 $28（跟餐加配）🙋🏻‍♂️表示個脆雞拳頭咁大嚿，炸到好酥脆，肉質嫩滑，仲有三種調味粉可以自行加配，餓底最愛秘製鹽酥粉，食落香口又提鮮🦐香酥臺南蝦卷 $18（跟餐加配）🙋🏻‍♂️表示個蝦卷炸到焦脆，食落口感彈牙，味道好鮮甜🍯阿里山蜜香烏龍（跟餐配）🧋黑糖波霸牛乳 $18（跟餐加配）🙋🏻‍♂️表示杯蜜香烏龍茶味甘香，飲落香甜，每啖都充滿芳香，杯牛乳同維記聯乘合作，用咗維記鮮牛奶配上黑糖同波霸珍珠，飲落充滿奶香，加上香濃嘅黑糖同粒粒波霸，口感層次豐富🥭芒果丸子愛玉凍 $47🟢夜市燒麻糬

呢間那個前個幾年已經出左名好食, 最近知道搬左入商場, 店大左同埋位都舒服左唔洗點排就已經入到去食手工滷肉雞翅便當呢份滷水雞翼超入味, 而且一個字嫩! 除左有飯之外仲有粉絲同炒蛋, 滷肉既味道香濃但又不會過咸, 撈埋飯食一流玖香啤酒豬軟骨湯麵呢個必食推介!! 豬軟骨係超淋滑超入味, 一共有4大舊, 湯底都比較特別, 啤酒味其實唔係好食得出, 但係有少少藥材味, 味道同豬軟骨好夾!!黑糖仙草牛乳呢個應該係期間限定, 同維記牛奶合作, 牛乳味會重一點, 仙草用幼管都吸到, 就知係幾嫩滑啦夜市雞皮卷呢個小食雖然得一條, 但係台式食物入面都係第一次食, 個皮做到少少脆口加上入面係雞肉加軟骨, 口感特別而且好味

新開張，個場好大、好舒適，有好多座位。枱與枱之間有適當空間，適合傾偈。秘製紅燒牛腱湯麵，湯超濃郁、微辣、有藥膳味，會想一口接一口，每一啖麵都想配一口湯。不過個麵稍為煮淋咗少少，偏易爛~但啲牛腱真係冇得頂，大大件、毫不吝嗇！三大件厚切牛腱，十分入味、肉質卻超級嫩那個滷排骨便當，啲排骨又係大份到蓋住成個大碗、個炸皮係薄身。但公道講句，北角嗰間分店嘅排骨，俾呢間出色好多，北角嗰間醃肉醃得更入味，出到嚟個排骨依然脆皮，香氣撲鼻。就連啲粉絲，北角嗰間都好食好多，亦俾得多啲，真係無法取替！話雖如此，佢依然都係好食的！如果未食過北角嗰間，建議要過去試食，比較吓。黑糖冬瓜茶完全係台灣飲到嘅口味

那個係我係香港一直想試既台灣菜，今次的起心肝係旺角行過去食有唔同既味粉比你添加中意試特別嘢嘅我緊係問下期間限定係咩啦無骨豬髀便當🍱用左起骨再滷水 ，因為滷水關係，時間要頗長啲豬髀份量都算多，豬髀同飯之外，旁邊仲有雜菜、炒粉絲同埋蛋滷水過既豬髀入味好食😋黑糖波霸牛乳佢今期嘅牛乳Crossover維記鮮牛奶飲落去更加香，而且珍珠唔會太過韌，加上我叫咗少甜嘅關係唔會好甜而家仲有松義仙草同緊那個聯盛甜品芒果丸子愛玉凍有丸子，芒果，芒果冰同埋愛玉份量都超多，食完飯食埋甜品好滿足

人氣台式小店那個之前係北角分店食過好有驚喜，最近經過大角咀見倒利奧坊有分店當然要試下啦水準都keep倒，以家仲有甜品食架套餐包咗飲品一杯及可以優惠價加購小食一款那個滷香排骨便當 必食招牌菜，塊排骨真係大過塊面，厚身啖啖肉😋 外皮鬆軟肉質又唔會好鞋，炸後加入特製滷水醬汁食落甜甜地😆旁邊仲有配菜、雞蛋同粉絲，值得一試秘製嘉義雞肉便當 $64雞肉經過秘製十分入味，肉質仲係好嫩滑，涼拌效果食落一啲都唔油膩甜不辣口感Q彈扎實，配上辣醬更滋味台南蝦卷外皮香脆，入面加入多種配料，爽彈有咬口花檀茉莉綠茶鐘意綠茶既朋友必試，本身就係無糖，茶香味濃，有助解膩那個招牌濃厚奶茶紅茶底味道香濃，入口順滑，甜度剛剛好另外呢度仲可以食倒佢地甜品副線—松義仙草，今次試左兩款甜品味道都好有驚喜西瓜椰Q愛玉凍夏天必點! 西瓜切粒清新爽甜，配上冰凍又香濃既椰子冰大滿足，仲有爆椰Q同愛玉口感大增芒果甘露好足料，內有芒果、寒天、紅柚及芒果甘露，選用台灣芒果，十分香甜，配上酸甜既紅柚消暑解渴

香脆雞扒外皮金黃酥脆,一整開就見到肉汁直流,肉質鮮嫩多汁。配以特製調味,更添一份香氣四溢。而豬骨濃湯關廟麵,湯頭濃郁鮮甜,滋味十足。麵身QQ有勁,加上蒜泥等配料,口感層次更加豐富。整個set起來,肉質嫩滑、湯汁濃郁,配搭絕配。無論係辦公室打卡餐定係週末朋友聚會,都絕對係一個非常不錯嘅選擇。雖然個個菜式都唔算太複雜,但正正因為一直堅持優質食材同良好工序,所以口味纔會如此出色。

食完埋單既時候（企喺收銀處嘅唔清楚係老闆定員工）個刻可能佢好忙啦，見佢不停入單我企咗喺度成分鐘眼尾冇望過我，亦都冇叫我等等與此同時，有一個客人入黎同佢講左聲：「兩位唔該」而該名職員唔耐煩應咗一句「兩位就等等啦」個客人再問「係唔係依度等都可以？」佢又係眼尾都冇望個客人加上零回應我個心打咗個突。。。明明個客人好好態度😅終於到我嘅時候，佢嘟完張單就話$120我：「$120？套餐加$15飲品係咪會扣返？」佢：「我話俾你聽$120啫，而家再話俾你聽幾多錢囉」咁請問你話俾我知$120原價做咩？咁點解你唔直接話我知扣完飲品嘅價錢？好明顯你就係冇扣我只係正常問返你正確價錢請問你咁樣駁斥我有咩意思？呢位人兄，你情緒冇事呀嘛？😅 如果返工返得咁唔耐煩，衷心建議唔好做服務性行業🙏🏻 我作為客人過嚟食嘢，唔會想無啦啦受你氣

食物真的不錯吃，另外有免費跟餐飲品，也可以優惠價錢搭配飲料，但大部分選擇都是油炸。食物份量足，價錢親民，百元有找。店內大部分店員服務都OK，儘管也絕對談不上親切。全店美中不足，是一位店員大叔（似乎是經理，不是很確定），有時候負責收銀，對客人態度非常不友善，呼呼喝喝，沒有禮貌，不知道哪來的自信，在猖狂什麼。已經是第二次來，觀察大叔長期保持憤怒狀態（引述新加坡媒體對香港餐飲業的服務描述）。香港服務業果然人手短缺，隨便什麼質素的人都能入行來做，不需要training。客人花錢消費吃飯順便看臉色，難怪港人北上消費。

自從搬左新舖之後都未食過，今次堂食try try舖面大好多，唔洗點等位👍🏻👍🏻👍🏻一樣自己QR Code落單，不過一如既往夜晚好多都賣曬可以選擇既唔多，食左招牌滷排骨便當招牌滷排骨便當🐖🐖超級大份，成寸厚嘅脆口排骨，仲要大過塊面滷完再炸，表面再搽多層甜豉油，味道岩岩好，不過唔夠淋身仲有好多配料，粉絲、粟米、椰菜、蘑菇，全部都好足味，送飯一流🌽🌽飯份量唔多，但食落食曬成碗都好飽🤫🤫

舊舖外賣自取過好多次，經App叫、即場買、打電話叫定都試過，搬新舖後今日諗住去買外賣，入去喺櫃枱前面排隊等，前面嗰位搞咗一輪，終於到我嘅時候，我攞住個餐牌正想落單，隔離有位員工A話堂食好多人要埋單，叫我俾人埋咗單先，收銀嗰位員工B已經收咗排我後面嗰個客嘅單。員工A話出面有外賣自取QR code叫我出去落單，咁我就出咗去啦，原來個code俾佢哋堂食等位條隊遮住咗。終於掃完 code，落完單，發現只係得一個俾錢方法，就係要入櫃枱俾，咁唯有入去再排隊啦，呢個時候員工B竟然又肯處理客嘅外賣單喎，明明後面有人要埋堂食啲單，今次唔知點解又唔趕人。埋多張單之後，原本應該排到我俾錢，員工B又當睇我唔到，想埋後面個客張單，我忍唔住出聲話我等咗好耐，員工B先望過嚟問我係咪落單，我已經俾人玩到唔想再食，我話我唔落喇就走咗。過咗一個鐘，竟然有人打嚟同我講話個外賣整好咗？為免話我浪費食物，個網頁係無得取消訂單嘅。我亦建議打俾我嗰位員工可以考慮自己食啦，慢煮成個鐘一定好好食啦。

"那個"終於喺大角咀利奧坊重開，新餐廳環境比舊舖舒適寬敞，食物嘅種類亦比以前多。 當晚頗夜才到，所以我們不用排隊就可以直接入坐。 不過，好多種食物都售罄了。最終我哋揀咗秘製嘉義雞肉便當，Double香烤豬扒便當。 飲品方面，我哋嗌咗鳳梨冬瓜茶，冬瓜蕎麥露。雞肉絲份量十足，肉質嫩滑，濃郁嘅肉汁滲入白飯內加上惹味嘅配菜如粟米，粉絲，玉子， 椰菜等，更美味可口，層次更豐富。 Double香烤豬扒便當，兩塊大大厚厚嘅豬扒， 賣相不太好，望落去好似好乾，咬一啖才知好Juicy，加上鮮味海苔粉，更惹味。 除咗有椰菜，蘿蔔等配菜外，更意想不到有塊甜不辣， 魚肉味重， QQ嘅感覺，正👍兩款飲品都不太甜，感覺好清潤， 亦可以平衡便當嘅濃郁味，依家每款便當，叫飲品可減$15 ，真不錯😌一點可惜，"那個"嘅便當經常都不夠熱， 如果呢方面作出改善，就更完美了。