那個ㄋㄚˋ ㄍㄜ (東寶大廈)

營業中

休息中

近日相約朋友於北角午餐小聚，附近有間人氣台式便當「那個」，總店則位於大角咀，主打台式鐵路便當；而北角分店以台灣復古鐵路為主題 🚋 不論是座位、窗戶或是店門都以台灣的鐵路站為藍本，餐廳的椅子和餐枱以深色木系作為主調，靠近落地大玻璃的座位更有如舊式台灣鐵路站的候車室般，增添多一份「古早味」。其中招牌滷排骨便當 HKD68 🍱 以激巨大份量聞名，上枱一刻的確名不虛傳～排骨份量蓋過整個飯碗，超級大份！可惜滷排骨味道令人大感失望，色澤深但卻淡而無味。便當配料非常豐富有炒粉絲、紅燒茄子、玉子等。另一份紅燒牛魔全席麵 HKD86 🍜 頭湯藥材味重，味道偏甜；厚切牛腱牛味還可以；貢丸爽口彈牙，麵條最為失色，口感一般。午市套餐可以優惠價加配小食，台灣腸 HKD12 大概是全枱最好吃的東西 🤭 ，香酥炸雞兩件 HKD28 微暖而且味道一般；而餐飲另加 HKD16 黑糖仙草牛乳 和 HKD12 檸檬冬瓜愛玉。餐廳標明人齊入座，午市亦特別多人排隊等候，雖然入座時間有限，但仍然等候了半小時；等待的心和期望值的心成正比 😄 可惜食物質素一般，而且定價偏貴，整體性價比低！

今日去左北角，一定要去呢間人氣滿滿的「那個」試一試台灣嘢了，甘啱有下午茶，所以好扺食，嗌左個𠧧肉雞飯，又有小食，加個嘢飲先36元，真係又抵又好食，都有嗌左個招牌炸雞，好酥脆又入味，又大大舊，d小食都好好食，下次再來過

食食吓舊炸雞入邊有塊藍色膠😓 仲要融融地😓同個店員講又0反應😓 張枱附近又有勁多蚊😓雖然味道都ok 但係個品質唔知想點😓 建議大家慎重考慮去唔去食 如果唔係食食吓中毒😓

d面煮完都完全都未散開就當搞掂上菜俾客。求奇到極點，hea做到極點。至於味道就一般般，正正常常無特別。但伴菜係完全無味唯一優勢係飯超多，好大碗飯眼見好多人都食唔晒d飯價錢偏貴，性價比低。至於扮high tech要用scan qr code落單但個system就好q慢，load到天荒地老，好難用但職員唔肯人手落單上菜速度無定向一個餐好快到，但另一個餐特左20mins都未到！追極都只話整緊又話慢煮完全係hea答...圓形既2人枱既枱面都偏細...唔太夠位放晒所有野...唔好坐！名過於實唔會再幫襯！btw, 只收現金

Never expect to visit Taiwanese restaurants twice in a roll, especially I am not a big Taiwanese cuisine fan. Staff was friendly and welcoming. Allowing customers to choose wherever they wish to sit. Ordering via QR code which served variety options. Even from their pictures for reference, portion looked enormous. My deep fried porkchop noodle definitely a big wow when served. Porkchop size was indescribably big. Longer than the receipt placing beside, bigger than my palm. Really a big wow. Pork

脆薯起司蛋餅偶爾發現咗一間台灣食店，位於大商場北角匯背後成坤廣場對面，炸雞香腸奶茶全部都齊，下午茶有幾大類，平均價錢都唔貴，不過有規矩就係每人要購買一份餐。我點咗起司蛋餅，佢哋嘅芝士和雞蛋味道濃郁又香脆，十分可口，但奶茶減糖少冰後味道就一般。下午茶開始轉晚飯時段，客人開始增多，由原來只有一半慢慢開放其他座位，餐廳只收現金眼見收銀員有啲踢腳，見到仲招聘擴充緊，餐廳設計特別照顧外賣，下次再嚟試佢哋其他果啲套餐。

Intro: 呢一晚就去到北角搵食，就去到「那個」食台灣菜，而北角就係最近嘅分店；那個最出名嘅係佢地香酥排骨便當，但就覺得太熱氣，今次就轉左試蝦卷便當，再加百香果特飲；而晚市最低消費要加配台式野飲，所以埋單都要一百蚊左右～___________________🍽 那個蝦卷便當（海苔粉）💰 68 ⭐️ 8/10✍🏻 蝦卷好長又大舊，仲有三大條；✍🏻 裡面嘅蝦肉成份高，仲好彈牙，而外皮就有海苔粉增添色彩同味道；✍🏻 滷底下嘅配菜都好豐富，有粉絲、椰菜花、鹹鹹地嘅薯仔絲，都幾開胃，但如果多啲飯就最好。🍹百香果烏龍茶💰晚餐加配$28 （大杯）⭐️ 6/10✍🏻 今次就揀左三分糖嘅選擇，雖然用左係新鮮嘅百香果果肉，但真係太酸；✍🏻 茶底都比百香果搶左焦點，飲唔出茶味，呢一杯嘅質素真係好睇百香果嘅質素。___________________🏠 那個ㄋㄚˋ ㄍㄜ˙📍 北角英皇道483-497號東寶大廈地下C-D號舖。⭐️ 7/10___________________

哈囉！今日我要同大家分享一個絕對令人垂涎三尺嘅美食。呢個真係一個令人回味無窮嘅經典菜式，每次食都令我感受到一種幸福感，唔忍心唔同大家分享啊！炸豬扒麵用到彈牙嘅油麵，麵條煮熟之後，咬落去有種嚼勁，非常適合喺湯底入面吸收口感。而湯底就係重點啦，一般炸豬扒麵嘅湯底都會濃郁香濃，用到大量豬骨熬煮而成，令人食指大動。炸豬扒超級大份，表面酥脆，入口後嘅肉質鮮嫩多汁，配合湯底一齊食，味道更加豐富。價錢：$ 100分數：8/10地址：北角英皇道483-497號東寶大廈地下C-D號舖

那個台灣小食店💕呢間分店由開張到而家都係長期排隊店，店內都算多位，但午市同晚市都例牌要等位，座位唔太迫，都坐得舒服今次早左少少未夠12點黎食午餐唔駛等，坐左近門位望下外面，到十二點零就開始等位，人齊先可以入那個滷排骨便當 $68呢個便當都算大大份，有配菜有粉絲，排骨好大塊，外面炸得脆脆，裏面又仲保留到juicy唔乾唔柴，味道都唔錯，幾好食另外，好似加左$16要左杯黑糖波霸牛乳，珍珠都有嚼勁有黑糖味，都唔錯

那個既食物質素真係唔簡單，每次lunch路過都見到長長人龍，今日咁啱有啲雨少左人排隊就趁機會試下。我自己就點左呢個《那個滷排骨便當》，上枱果陣真係嘩一聲，真係好大塊，而且炸得好香，佢配埋個滷汁，令到整體唔會太乾又唔會太過熱氣。而且排骨吸收左滷汁，超級入味。飲埋杯南投烘焙烏龍，味道十分香濃，真係好解渴解膩，令到口腔非常清新。坐我對面既朋友就叫左個《雙腸滷肉便當》，果2條腸都非常大條同粗，入口相當解甜多汁，外職脆皮。而滷肉亦相當入味多汁，十分好送飯。

那個喺港島終於有分店，今晚同男朋友喺港島行街特登過咗去食，食完非常滿足😋小速龍雞腿便當$73雞脾好大隻，好香滷水味，肉偏粉紅，因為係慢煮嘅，所以非常嫩滑，餐廳好細心，俾左隻膠手套我食個雞脾。香酥排骨便當$75香酥排骨好大塊，醃得好入味，配菜好足料，有粉絲、半隻蛋、玉子榨菜、椰菜、黑椒粟米等配菜。蜂蜜麻糬白玉奶茶$36推介，奶茶加左蜂蜜好好味，奶茶入面仲有好多麻糬，飲完真係好滿足。那杯特調鮮果茶盛$48-$10杯果茶味道清新，而且仲唔會太甜，啲水果仲要係食得嘅，非常新鮮，解膩一流📍那個ㄋㄚˋ ㄍㄜ˙ (東寶大廈)北角英皇道483-497號東寶大廈地下C-D號舖

✨ 那個ㄋㄚˋ ㄍㄜ˙ ( ू•‧̫•ू⑅)⁡這間小店在大角咀頗有名氣每次去到都大排長龍難得到訪北角時發現新分店沒有人龍一於嘗嘗分店的食物水準⁡🎀 <那個滷香雞球便當>𝚁𝚊𝚝𝚒𝚗𝚐: 𝟾.𝟻/𝟷𝟶⁡雞球外皮酥脆肉質鮮嫩滷汁鹹鹹甜甜把雞球滷得入味搭配飯的一旁有炒蛋，粉絲，椰菜等便當很豐富蔬菜和肉類比例均衡⁡🎀 <香酥脆雞雞雞便當>𝚁𝚊𝚝𝚒𝚗𝚐: 𝟾.𝟻/𝟷𝟶⁡鹽酥雞與滷香雞球一樣炸得出色外皮卜卜脆脆內裡juicy調味粉微辣很香口雞件有四大件份量很多配菜和滷香雞球無異一人吃完真的很飽⁡🎀 <金鳳梨茶王>𝚁𝚊𝚝𝚒𝚗𝚐: 𝟽.𝟻/𝟷𝟶⁡鳳梨甜甜酸酸很解渴水果味味道不太假裡面有粒粒蒟蒻幾驚喜⁡整體評分：😋 味道: 8.5/10💰價錢: 人均約$90*☼*―――*☼*―――*☼*―――*☼*―――*☼* ⁡⁡ ⁡⁡

感想是 飽到飛天😂今日食下台式野試左個椒鹽排骨便當同豬軟骨便當先上左個豬軟骨便當先肉汁好正，豬軟骨都好正配菜有啲蘿蔔粉絲椰菜之類再等咗一陣個排骨便當就到了到咗嘅時候，真係O咗嘴個排骨大塊到不得了囧當然味道都係好香酥脆😛好肚餓，建議直接點呢個招牌排骨飯一定飽XDDDD

份量驚人台式便當，大過塊面嘅滷排骨，超級香脆juicy嘅炸雞😱🔻那個滷排骨便當 💰68 ➡️7/10份便當超級大份，塊豬扒有成塊面咁大。以先炸後滷嘅方式烹飪，仲剩返小小脆而唔會太熱氣，不過豬扒有啲偏肥。個口味又冇傳聞中咁驚艷，同其他餐廳嘅差唔太多，應該係因為大份抵食大家先咁推薦🤔🔻香酥脆雞雞雞便當 💰66 ➡️7.5/10可以選擇唔同口味嘅炸雞，有鹽酥、海苔、香辣。因為檯面會有其他調味粉，其實可以試均曬啲口味。脆雞份量好足，有4大塊，食落去酥脆得黎又超級juicy，好滿足😋便當有好多樣配菜，有溏心蛋、豆腐、粉絲同雜菜，食落去一啲都唔單調☺️套餐包括飲品，免費飲品有南投炭培烏龍，花壇茉莉綠茶，可以價錢升級做其他飲品。個口味同其他台式奶茶店差唔多，唔差唔差☺️如果lunch time黎食嘅話會排曬長龍，一定要早啲黎食❗️👅味道：7.5/10💡抵食：7.5/10📌環境：7/10

店長服務態度非常惡劣排隊時聽到店長叫前面人等得太耐可以幫襯隔離兩間食店， 因為隔離兩間食店無人等位， 可以直入，咁嘅店長都真係第一次見。店長仲成日問排緊隊嘅人齊人未？齊人先可入座。但眼見我前面9位未齊人只得3個人就可以暢通無阻咁直入😅只係見到咁嘅服務態度其實都已經唔想幫襯，但同朋友一場黎到， 同埋見到店長咁寸嘴我地就一於試下係未咁有‘吉士’🤣點知黎到紅燒牛魔全席湯麵，湯底並唔係我想像中濃烈，我個人更不喜歡藥材味湯底，而滷排骨便當排骨滷到仲帶有點苦味🤮 只有份量夠大大份取勝