邁爵斯 (福華街)

營業中

休息中

今天又要冇一個口罩了，沒有辦法，要應一個朋友較早前的邀約😅以前出黎吹下水，食個飯，會好開心，但依家膽戰心驚黎食，真係心情都差d🤦🏻‍♂不過今次我非常多謝我朋友，因為佢介紹了一間不錯的餐廳給我👍🏻今次光顧了一間西式小店，有不同的意粉、墨西哥捲餅、法式牛角酥及小食供選擇，價錢便宜，份量多，而且也很美味，性價比高🤩1. 香辣海鮮意粉 $47這個意粉的材料有蜆肉和魷魚，份量與意粉都同樣很多，看上去很像一座山😂味道不會很辣，而且有很濃的蒜香味，正😋2. 碎蛋沙律牛角酥 $23，另加薯角 $16牛角酥是熱的，很鬆脆，中間夾了很多碎蛋，加了沙律醬，甜甜的味道，很好食🤤薯角是剛剛炸起，外脆內軟，因為薯角外層有糖漿的關係，不用蘸茄汁已經好好食😋

是日到深水埗陪友人買一些手工材料，她帶我來到這間餐廳，她向我介紹這所餐廳食物份量超級多，意粉可以二人share.食物來到眼前，真的嚇了一跳，餐廳的食物份量就似不計成本，給予客人的份量超多。那天我與友人的肚餓字數是十個肚餓，所以就點了這三樣:1. 羅勒茄意粉     意粉份量足以二人share, 意粉醬汁酸甜度適中，配以煙肉和羅勒的香氣，意粉也不會炒得過份乾身，吃每一口都感到滿足，但吃至中途，發現有幾條意粉焦黑了，應該是因為炒意粉時太貼近鑊邊。2.吞拿魚牛角酥 牛角酥烤至香脆，吞拿魚蛋沙律的配搭必定好吃，配上的薯角加了蜜糖，又甜又香脆，我有再加配上茄汁，覺得份外好吃。3.芝心薯波薯波是是用了很多薯仔搓成鮮炸的，所以是十分香脆，不會麵粉比重多過薯仔的那種，稍嫌薯波內的芝心不算很多。整體對這間餐廳的評價就是性價比超高，兩人去食平均只花了大約$55。 每樣主食份量賣點都是大碟又抵食，食物製作又不馬虎，值得再去多幾次幫襯。

lunch time時間,黎到呢間位於深水埗,太子交界嘅西餐廳_邁爵斯,早有耳聞呢間意粉屋大份夾抵食,今次特燈上門探知一下真偽🧐門口一睇,同整條街頭格格不入,鄰鋪多係一些五金鋪,突然有間裝修簡潔,帶點西方風味嘅餐廳,好易揾到入到鋪內,裝修風格都相當簡潔,環境舒適,但座位頗為緊密,如果兩個人黎,需要與其他客人搭檯😔幸好,當日人流唔算多,可以同👫兩人一齊坐bar檯,唔洗同人搭檯趣味薯角($22)_真係大大份,CP值極高,薯角熱辣辣,新鮮炸出黎,外層仲有層焦糖,同熱辣辣嘅薯角好夾,超級有驚喜😍同埋茄汁同芝士粉係自由拎白酒蜆意粉($35)_真係名副其實意粉山,35蚊嘅價錢食到大大盤,接近滿瀉嘅意粉,真係超抵食,但味道就一般般,意粉太軟淋,同埋蜆肉無咩白酒味,不過口感起碼唔會霉,同埋白汁味道都正正常常🤗呢個價錢食到呢種分量同質素嘅意粉,性價比真係極高熱紅豆薏米水($20)_清清淡淡,不過不失,呢排食得熱氣野多,飲翻杯都幾好😋不過,味道就真係偏淡嘅,同埋飲之前一定要搞渾,唔係會好多渣😂整體黎講,追求味道嘅朋友就唔好抱有甘高期望黎呢度,不過性價比就極高,係係香港好難揾到一間與此相比嘅意粉餐廳🤟😁

之前已經同朋友食過一次之前食已經覺得勁抵食但好怕食唔哂 會好浪費😢😢所以今次同兩個朋友 share兩碟！睇到個Menu真係覺得平到傻咗🤪🤪意粉都只係三十幾$40所以決定同朋友叫一個意粉同埋一個包，仲有各自叫嘢飲😛普通嘅卡邦尼意粉但係碟意粉成座山咁高真係要三個朋友一齊食先食得晒😂😂😂仲有好大浸蒜蓉味，鍾意食蒜蓉嘅朋友記得要叫啦🤤呢個真係要大大推介！水牛芝士牛角酥熱辣辣食啲薯角真係好正好似食薯仔牛柳粒嗰種醬汁咁佢有加蜜糖落去炸，好鬆脆，就算凍咗都仲幾好食！不過個牛角酥就普通咗啲，可能我哋食嘅時候已經凍咗就覺得一般，芝士味唔算太重🧐🧐但係佢啲薯角真係好多，又係要三個人一齊先食得晒🤣🤣🤣最後又係每人叫咗杯嘢飲佢嘅份量應該大過500 CC蜜桃有啲甜，不過佢真係有果肉㗎！我朋友個杯就有茶膽，真材實料！加埋蜜桃都覺得幾夾㗎🥰🥰———整體來講三個人食，份量十分之夠，仲要每個人只係50幾蚊，抵到爛！糧尾嘅朋友可以嚟試一試不過真係要衡量下係咪食得晒先叫，因為佢啲份量真係幾大🧐🧐希望大家唔好浪費啦！

晚餐就黎挑戰下全港最平最抵食嘅意粉🍝🥐同牛角包一黎咁大碟意粉🍝仲叫埋牛角包🥐+薯角🥔喺度諗自己食唔食得晒呢🤔好彩我本身係大食怪👻最後都清得晒兩碟嘢至於味道🤔意粉唔係唔好食🙄而係落太多蒜蓉😩食得多真係有D想嘔嘅感覺🤮再食牛角包+薯角就中和返味道死喇😫今晚呢餐真係超。。。澱粉質呀🙈🙈🙈睇黎打後幾日要Cut澱粉質嘅美食先得喇🤣🤣下次都係唔挑戰喇🤭最多試下佢個All Day Break

今日係2020年新一年嘅第一日1月1號嘅早上 係全程訓咗所以黎到食呢個早餐 係下晝嘅五點鐘 五點鐘嘅早餐一開始已經諗好想食呢間啦之前黎過一次 覺得佢價錢抵食 份量大碟內在環境一張簡而精嘅餐牌我地最後一人叫咗一碟意粉同埋牛角酥套餐 再加兩杯嘢飲要自己拎餐具同埋要自己出去收銀點嘢食比錢玫瑰荔枝梳打$26我覺得呢杯麻麻地啫但佢真係有玫瑰花味只係覺得麻麻蜜桃烏龍茶 $24呢個比較清淡嘅烏龍茶 可以嘅 都唔錯香辣海鮮意粉 $47佢個意粉真係好大碟 換第二個角度意粉山咁味道ok嘅 有少少辣辣意佢有啲細粒蝦仔同埋多蜆肉嘅但由於佢只係$47我係覺得超級抵食 食唔晒好飽水牛芝士煙肉牛角酥 $45佢有跟埋薯角 唔錯嘅薯角比較硬 但份量都係多牛角包中間放咗兩塊煙肉 煙肉再夾住芝士味道上都唔錯 煙肉同芝士都算幾夾牛角包鬆軟好食簡單黎講：抵呢個價錢食呢個份量係好抵食坐得又舒適所以係食完可以再黎食 平價之最

呢間店舖環境比較細，所以顧客之間坐得比較迫。不過見到碟意粉嘅份量坐得迫都冇乜所謂啦。 香蒜白酒蜆肉炒意粉 $35見到碟意粉起碼夠兩個人，面頭加上蒜蓉同鋪滿超多蜆肉，食落去好香蒜頭味同埋蜆肉加埋啲意粉食真係好飽滿。味道正常啦，不過勝在份量夠多囉！另外，自己可以出去拎芝士粉，黑椒，辣椒仔......等等，調味料加重返個味。 不過呢，可能人手比較少，食物就要等得耐啲先有得食啦。之但係今時今日以咁嘅價錢咁大碟麵真係好抵，啱曬啲貧苦大眾同學生哥。

服務態度很不好，點了外賣，站在店門口外面等了半個多小時，都沒做好，服務員出來就嬉皮笑臉一句說可能漏單了？？我就一直站在門外的，其中的服務員肯定會見到我「幫我下單的服務員」，但是都沒有理會我！這樣都不去看一下，檢查一下的嗎？而且之前去得時候，那個女的服務員，可能是店長吧，態度特別不好，很不情願地招待客人⋯⋯真的在服務態度這方面做的真的不夠好！不可否認，東西是好吃，而且價格很便宜，但是我和我的朋友都絕對不會再光顧這家店！！！

之前食過一次，因為大件夾低食，所以今次再黎幫襯，我地4個人叫左2碟意粉 (卡邦尼亞意粉，羅勒鮮蕃茄煙肉炒意粉) ，酥炸魷魚圈及每人一杯飲品；每碟意粉既份量都好多，多到成座山咁，味道亦相當不錯，性價比高；最後每碟還食剩一半打包拎返屋企。卡邦尼亞意粉 : 意粉和煙肉份量多，意粉彈牙有咬口，我覺得個汁少左d, 唔夠creamy, 但都好好味羅勒鮮蕃茄煙肉炒意粉 : 意粉，煙肉和蕃茄同樣份量十足，蕃茄幾新鮮，個汁酸咪咪，好味又開胃酥炸魷魚圈 : 份量一d都唔少，熱騰騰，外層香脆，肉質不韌，不油膩，好味荔枝玫瑰梳打特飲蜜桃荔枝梳打特飲薄荷青瓜青檸梳打特飲

今晚同媽媽和女朋友出街食 dinner，女朋友推介左呢間邁爵斯，話好抵食本身好肚餓，諗住一人叫一個餐，但女朋友話千其唔好，一定食唔晒，所以淨係叫左兩樣卡邦尼亞意粉，份量真係多到令人驚嚇，一碟足夠三個女仔食，見到呢個份量就擔心佢個味道唔知好唔好食，點知係好好味！意粉煙韌度剛剛好，煙肉、芝士、香草嘅份量都好足料，再加埋 d 白汁，真係好正！海苔芥末蝦沙律牛角酥，份量又係非常多，上面嘅牛角酥好鬆脆，加埋芥末沙律蝦，非常好味，下面嘅薯角每一條都係外脆內軟，再加上面的糖漿，真係好味到暈！熱情果柚子梳打特飲，好香熱情果的味道，好飲！最後因為 d 野食實在太多，我地三個飽到頂住都食唔晒，真係好抵！

由於之前做野既Centre係深水埗附近，所以都非常喜歡去搵食! 今次經同事推薦就黎左依間抵食之選。因為佢所有既食物都好大份，而且價錢係好親民! 今次Tea Time，我地就叫左個薯角加牛角包，好開心，因為真係好大份! 三四個人食都覺得份量可以..另外係佢仲好好味，好味在於佢有濃濃既甜芥末Source，煙肉加Chesse既牛角包又真係好Match，可能係因為Chesse同薯條，食落都真心飽! 而且佢個薯角又脆，入面又蓉蓉既口感，好鍾意! 順便一提，依間Restaurant係半自助形式既，所以餐具啊﹑Tissue啊﹑都要自己去拎，同埋點餐都係自己去Counter既，不過其實都好User - Friendly. 依間餐廳講真就真係逼少少，不過人情味十足，又抵食，所以都真係好推薦!

經過深水埗見到呢間意粉店，就行入去試一試價錢非常實惠叫咗卡邦尼意粉，分量多到食唔晒其實味道不錯，有屋企自己煮既感覺但係份量真係好多，如果一個女仔自己食可以分兩餐碎蛋牛角酥碎蛋牛角酥個餡好足個包熱熱地上邊有層好厚既沙律醬入口啖啖都係罪惡感薯角都係啱啱炸起，加咗蜜糖好好食另外在叫咗杯蜜桃烏龍茶，清清地唔太甜幾好飲兩個人食加埋飲品$103分量多到三個人食都可以當然食物質素唔可以同高級餐廳比較但總算大件夾抵食怪不得個個都話糧尾恩物

昨日午飯時間，肚餓見就腳就去咗呢間舖頭食午餐嗌咗一份吞拿魚碎蛋牛角酥配沙律菜+一份炸魷魚圈先嚟魷魚圈，一睇，厚粉咗啲，淋咗少少蛋黃醬，一食，有啲硬，魷魚乾咗啲，味道倒可以，不過都係食唔晒之後嚟個牛角酥，啲餡多到爆出嚟，味道幾好，份量大，再加埋一堆沙律菜令自問食量大嘅我都差啲食唔晒總括嚟講，間嘢係抵食嘅，味道亦唔錯，不過最好都係多幾個人嚟，開心share好啲，因為呢度啲食物份量十足，一個人隨時食唔晒

第一次知道有呢間野嘅存在，主要係佢抵食夾大件，一碟意粉兩個人食都夠晒飽，食過之後，佢嘅意大利粉味道真係唔錯，難怪成日要排隊啦。意粉方面我就唔多講，我想講嘅反而係佢嘅牛角酥，講真，大約$40一份，仲要配一大堆薯角，又或者一大份沙律菜，論份量又係無得輸，而佢嘅牛角酥真係絕不欺場，佢個碎蛋沙律牛角酥比起出面好多法式餐廳都黎得出色，我自己覺得比起佢地嘅意粉更值得一試。美中不足嘅就係佢地無啤酒，尤其是食完一大堆薯角之後嗰種超熱氣感覺，點都應該飲番杯鬼佬涼茶下一下火先得。

意粉山同朋友見到勁多人排隊，咪睇下個餐牌有幾吸引，不得了個價錢，超級抵食又多，就去左試下，一心覺得有機中伏又想試。餐廳用半自助形式運作，去左落單比完錢後，就拎個牌坐低等食。2個人叫左個羅勒鮮茄煙肉意粉（$35）一送到仲以為叫多左份，份量多又唔會太dry。本身都以為會中伏，但個份量多之餘，食物既味道又唔會太差，岩大胃口既人品嚐。仲叫多個墨西哥捲餅套餐（$48）拼薯角，超中意個薯角，有蜜糖既焦糖味又勁脆，捲餅入邊就有肉同栗米，但我就不太喜捲餅既味道，就比左朋友食哂。btw個套餐仲有得無限添飲水同熱紅茶，覺得口渴就飲淡水再食過。但餐廳衛生環境就有待改善，一入到餐廳，枱面抺完都有幾條麵條係枱呢！