邁爵斯 (福華街)

營業中

休息中

有日同朋友去食，入到去店內環境有啲逼。而落單途中，店員態度似乎係不耐煩。 食物方面，炸洋蔥圈口感唔錯，不過就無乜味道。墨西哥卷（煙肉）入面就有片似係火腿多過煙肉嘅嘢，同大量芝士。成卷嘢都係芝士，味道認真麻麻，但勝在價錢唔貴。 最後令人最失望嘅係環境差，唔衛生。音樂超嘈，連落order都聽唔清楚，導致落錯單，幸及時發現。喺店內有一張細枱，提供餐具同碟，應該係畀客人自己去拎。拎果陣發現啲刀叉、碟，竟然好似無點洗過咁，仲有食物殘骸喺面。第一次見到一間餐廳放啲咁污糟嘅餐具出嚟，唯有揀幾隻睇落乾淨啲嘅，用紙巾抹下先用喇...而家個時勢要用咁污糟嘅餐具，認真有啲擔心。 唔推薦

邁爵斯在嘉頓山渡過了一個中午後，決定在附近的餐廳渡過一個晚上，跟兄弟暢談近日生活瑣碎事。邁爵斯，名不經傳，位處在深水埗的橫街窄巷，且燈光昏暗，旁人應該未必會看見，但亮眼的卻是那個價錢。完全是超級平民的價格！食物方面四個字：性價比高。點了1）蜆肉意粉；2）墨西哥薄餅配薯角。先來了蜆肉意粉，意粉份量十分足夠，看下去還大過小編的臉，而且，蜆肉是數不盡，也可以說吃下去的每一口也有蜆肉。另外也來了墨西哥薄餅配薯角。薯角炸得卜卜脆沒有太多粉而且十分剛剛好，喜歡熱氣的朋友相信也會喜歡這個。而且，薄餅也弄得很好，但這個「主角」就略嫌變了配角。總結來說，用窮人恩物來形容就絕對適合不過，住在太子近深水埗的讀者可以多多留意此店。日期：2020.7.11

朋友介紹呢間大件夾抵食仲要係好食，一於去試下😇下午時間去，都多人等位，所以都要等一陣。未有位之前，睇下食乜先，嘩好多野想試呀😋不過朋友話好大份，所以唔好叫咁多野，因為驚食唔晒，我地唔可以做大晒鬼🤓入到去，都好有驚喜喎，雖然舖頭細細，但係入邊嘅擺設都好有心機，好鍾意佢嘅美式佈置。我地試咗個 ，真係好大份呀😂影唔出黎咁大份😂好在我地今朝未食野😂好欣賞佢有好多蕃茄，雖然價錢平，但都好足料，意粉咁大份但啲配料都醬汁都好夠，佢仲可以自己加芝士粉架😉跟住嘅超級吸引呀，首先牛角酥都仲脆脆地，因為加咗碎蛋有啲汁醬，但都無話會搞到個牛角酥好淋，碎蛋亦係好足料，份量好夠，而連皮薯角都好好食，好香口，建議唔洗加茄汁，因為就咁都好好食😁我地叫咗一杯，一杯 ，2杯都大大杯，真係超抵呀🤣味道ok嘅，咁嘅價錢真係無咩好挑剔😌

喺Google search大碟意粉就會出左邁爵斯呢個result，位於深水埗呢間出名大大碟，幾時去都坐滿人～以自助形式，自己去櫃枱點餐、拎餐具、斟水。入正題啦！香蒜白酒蜆肉意粉 （$35）份量非常多，絕對夠兩個人食！仲要勁多蜆肉，意粉炒得好香，又唔會十山乾身，充滿蒜味。都只係$35！熱情果柚子梳打特飲 （$26）蜜桃乳酪特飲 （＄26）兩款都好推介！最鐘意唔太甜嘅飲品，唔會有罪惡感！熱情果柚子梳打 有粒粒果肉加上氣泡，夏天飲真係好爽！蜜桃乳酪有打碎左嘅桃肉好正，好清甜，唔似罐頭水蜜桃，加上乳酪好正，酸酸甜甜咁！呢間個份量真係好大份，建議唔好自己一個去啦，搵多個人陪你啦，除非你好大食啦！

約咗友人食飯，佢有推介呢一間，話CP值Max。佢之前挑機過意粉，太大碟食唔晒。今次我就唔食意粉食其他啦。Burrito就黎有我前臂咁長，上面有蕃茄汁，仲有蜜糖！Burrito最邊位烤到脆身。一切開就見到拉絲芝士，喜出望外。一望入面塞滿左芝士同埋煙肉，一啲空位都冇。就芝士嘅顏色黎睇都已經有兩款，不專業估計係mozzarella 同埋車打。每一口都大滿足。薯角炸得脆口，就算識咗好耐都唔會淋曬。薯角本身調咗味，唔會淡茂茂，最滿意係佢面頭有蜜糖。分量大得驚人，係M記3-4倍。如果唔係肚皮有限，I can do this all day！所以配餐係一個正確嘅選擇。雖然飲品冇得轉特飲，但係食食下就發覺杯紅茶嘅重要性，因為需要消一消濟。唯一一個「錯誤」嘅決定係叫多咗個薯蓉share食，好飽啊！冇錯連玫瑰雞翼薯容都係mega size，雞翼都足足有六隻。可惜雞翼冇乜特別，冇玫瑰味亦都冇經過燒烤嘅味道，雞皮亦有啲太淋同油，所以雞翼係較遜色。但薯蓉又有驚喜，因為又有芝士。成大片片裝芝士半溶喺薯蓉面頭。薯蓉口感亦都比坊間好，因為佢除咗打到蓉曬，仲有少少粒粒嘅薯仔。比起只係口感順滑嘅薯蓉，我更加鍾意呢一種。好

如果有黎過都會知呢間意粉份量好多，價錢唔貴，好抵食！但味道黎講就比較港式～ 之前黎過食過佢嘅意粉，今次就試下其他野食～•🥢 咸牛肉芝士牛角酥$26第一啖係甜甜的蜜糖味，牛角包幾酥脆，有牛油香味，中間餡料嘅芝士味好濃，雖然咸牛肉味唔太突出，但加埋芝士同牛角酥都幾夾•🥢 脆炸芝士薯波 $28呢個薯波係薯餅質地，炸得好脆，而且乾身唔太油，芝士加埋本身薯餅嘅調味會有少少太鹹，但幾鍾意佢芝士加薯餅嘅配搭😍•🥢 忌廉雞肉長通粉$45配料有粟米、芝士同雞肉，香蒜同香草味好出，冇咩忌廉嘅感覺，叫香蒜粟米雞肉長通粉會貼切啲🤣 同埋呢個係最後上菜，但黎到唔夠熱，芝士都未熔晒😞

2019年已經好興 好平嘅餐廳一人份嘅價錢 二人份量 非常大碟一碟絕對夠兩個女仔食🤭當然呢間餐廳咁平 就唔好對佢好高期望始終一分錢一分貨味道正常 志在幾十蚊滿足到兩個人好抵💜CP值幾高 絕對係月光族恩物🤓🤑 卡邦尼意粉 $39🤑 趣味薯角 $23

第三次光顧～💕🙈味道依然保持水準一入到店內，店員就即刻安排座位👍🏻👍🏻餐廳以自助形式服務，需要客人自己去收銀櫃點餐，拎餐具拎碟。失望既係，D餐具依然咁污糟，洗左但係洗唔乾淨仲有D食物殘渣係個碟或者叉度。（唯有自備餐具或者用濕紙巾擦乾淨）環境：雖然而家有限聚令，但係枱與枱之間距離唔太夠，差唔多張張枱都坐爆（好似冇人流管制咁）大約等左5分鐘就上左個芝士薯波同荔枝玫瑰特飲（上菜好快速👍🏻👍🏻）芝士薯波熱辣辣，感覺到都係即叫即炸，好有芝士味，份量夠多好抵食👾👾荔枝玫瑰梳打特飲，玫瑰味好突出，而且有玫瑰花瓣係入邊，好靚可以用黎打卡😼，幾好飲，好清新一啲都唔假甜。雙重芝士牛角酥好香好脆，配上蜂蜜，好搭牛角酥💕💕不過可惜裏便啲芝士冇溶到，唔係嘅話個口感同香味會再升一層。蜆肉蒜香意粉份量好足，蜆肉一大堆，但係唔夠新鮮（平價貨係咁）意粉入味，不過食耐左有啲厭因為真係好大碟。

呢間野大碟到出曬名，但一路都未親身見識過，所以專登拖個friend一齊試試佢🔥先唔講份量，呢個價錢已經無得輸😂我地兩個本身都幾大食，果日行左好耐又肚餓，所以除左意粉，仲叫多左兩個小食，結果後悔了😂1️⃣香蒜白酒蜆肉炒意粉意粉真係高到嚇死人，呢張相係未能真實反映佢嘅份量👽我地一路食嘅反應係，點解食極都仲係咁高嘅😂😂窮L必食✅講返味道，佢唔會話特別好食，但唔差囉，正常香蒜肉絲意粉味，$35仲想點😎🤣2️⃣香烤雞肉墨西哥捲餅餅皮稍微韌左啲，整體一般🤔如果$35可以食到唔錯嘅意粉，呢個$28嘅性價比就比較低啦🔆3️⃣脆炸薯條M記薯條放大版，同friend一路吹水一路咬下都唔錯嘅😎整體嚟講，兩個人埋單$80幾蚊兼食物質素正常，真係超級抵食同開心🤣但有兩樣野要改善‼️我行去收銀處落單果陣，見到收銀對出個天花板定冷氣位不停滴水，留意返，係不停‼️雖然位置唔係廚房/客人坐嘅地方，但呢樣野真係會令人有啲擔心衛生情況，如果可以儘早解決，一定可以更上一層樓💪🏼另外，建議可以再請多兩個人手，事關我果日企係收銀處頗長一段時間先有同事幫手‼️(亦都係因為咁先會特別留意到滴水嘅情況😹)

之前朋友大力推介，專程過來食意粉山。叫左2碟意粉: 蒜蓉炒蜆肉意粉同羅勒蕃茄意粉。蜆肉意粉炒得好香，蜆肉又夠晒多，一啲都唔孤寒。 蕃茄意粉好重蕃茄，好juicy! 當然2碟都真係多得好緊要，2個男人差啲都食唔晒呀。之前朋友大力推介，專程過來食意粉山。叫左2碟意粉: 蒜蓉炒蜆肉意粉同羅勒蕃茄意粉。蜆肉意粉炒得好香，蜆肉又夠晒多，一啲都唔孤寒。 蕃茄意粉好重蕃茄，好juicy! 當然2碟都真係多得好緊要，2個男人差啲都食唔晒呀。

個卡邦尼意粉大碟到2個人都食唔落，以哩個價錢黎講味道係唔錯，意粉十分足料，全部野食既份量都好大。哩度主打係份量超大份，我見每枱都係2個人share食一枱意粉黎食🍝小編2個人食，最後係食唔晒要打包個長通粉走。餐廳環境十分舒適，唔會有好趕既感覺，可以同朋慢慢傾計一邊享受美食。適合同朋友或另一半黎聚會既好地方。服務：⭐️⭐️⭐️⭐️⭐️價錢：⭐️⭐️⭐️⭐️⭐️食物：⭐️⭐️⭐️⭐️性價比：⭐️⭐️⭐️⭐️⭐️

Fatvava 揾食😋西式餐廳香蒜白酒硯肉炒意粉 $35份量超大碟，2個人share2個人都會飽。雖然賣相偏淺色，但食落有好重既蒜味，有唔少地方既香蒜意粉只有幾粒大蒜頭，偏淡，但呢但應該落左好多蒜粉，都多硯肉既，但意粉有少少偏油。吞拿魚芝士牛角酥配薯角套餐 $45都有驚喜，勁脆既牛角包，入面塞滿左吞拿魚，加上芝士既香味，牛角包面淋上蜜糖，有口感同層次。再加上海量既薯角，都香脆，真係唔會食得晒。最後2個人食唔晒，要打包走d薯角。熱情果柚子特飲梳打特飲 $26熱情果籽都有咬口，底既糖漿非常偏甜，但配梳打水，特飲非常解渴，有少少偏甜左。。📍無左卡邦尼意粉。📍份量係勁多，2人點一個意粉加小食一定夠。📍食完成日都幾d口渴，應該落左唔少味精。

相信好多人都知道呢間糧尾恩物嘅餐廳~🤣咁啱去食就影埋比大家睇啦~不過呢排去食明顯少左人唔洗點排隊~🍴香蒜白酒蜆肉炒意粉($35)溫馨提示未去過嘅朋友仔唔好亂叫佢啲意粉🤣唔係因為唔好食而係真係好好好大碟2-3人食都唔係問題完全對唔住呢個價錢🤷🏻‍♀️味道方便呢個價錢呢個份量其實已經冇乜得挑剔🤣但佢味道係都幾好~而且落足料真係好多蜆肉~但我個人比較推介蕃茄意粉多啲❤️🍴香烤雞肉墨西哥捲餅($28)今次第一次試捲餅~味道就正常啦~如果有加芝士就好🤤😋貫徹餐廳嘅做法都係配左勁多薯角🤣好脆好香👍🏻餐廳以自助形式運作，除左上菜之外其餘落單攞餐具等都需要自己搞掂👌🏻衛生情況就中等啦但呢個時期仲有個店員冇戴口罩傳菜就…大家自行衡量啦😅我覺得如果衛生做好啲就會放心啲~畢竟我間唔中都會去🤣📍 邁爵斯 (深水埗)深水埗福華街15號地舖

今日同🤴🏻、Miss W一齊去深水埗行電腦城，Miss W介紹到M .Y MAJESTY午餐，上網d人話好大碟好低食一定要試！😁😁攞左飛仔等左20mins，入到去環境暗暗地有少少氣氛，但都幾迫下.揀好餐念住叫侍應落單原來係自助形式先比錢後送上食物，指示唔夠清晰，希望可以改善🙂🙂我地兩女一男叫左兩個主餐+一個小食☺️☺️第一款黎嘅就係‘脆炸芝士薯波’$28上碟時已經聞到好新鮮炸脆味，食落粒薯波有濃厚芝士爆出黎咁🤩🤩，記得要襯熱，凍左芝士就唔好食啦😐😐香烤雞肉墨西哥卷餅+菜+熱紅茶$49賣相非常有驚喜，菜量非常之多，齋睇樣雙倍價錢都值呀！可惜食落餅皮乾、雞肉略‘鞋’，主角就去左菜個到，菜🥬🥬夠新鮮，好Fresh熱紅茶就係Lipton 茶包沖泡香辣海鮮意粉$47嘩！真係好大、好大、好大碟，係好味嘅，不過食左2~3口覺得好口渴，亦留意到其實用嘅海鮮料係比較平價貨，咁$47咁大份做到呢種質素仲想點！😊😊，但鹹味可以改改下🤣🤣最後我地三人都係比左$124，心靈同荷包都好滿足呀！😀😀

🍽 Egg Salad Croissant with potato wedges💰 HK$ 40I can’t believe they are selling this at $40 with a cup of hot tea but I have upgraded to a cold drink! This is a fantastic budget restaurant. The taste is above average and staffs are friendly.I recommend you to visit during non peak hours, or order to go, otherwise, you may have to queue for at least half an hour.