遊園

營業中

休息中

早幾星期比電視美食節目吸引到，就嚟咗呢度要試試,因為一向對芫荽都有情意結，加上係車仔麵嘅關係,我更加急不及待要試蘿蔔又係情意結嘅食物好腍好甜五香牛筋好香五香粉味，牛筋炆到好腍爽口墨魚丸應該係自家製嘅，有一粒粒墨魚喺入面，有彈性潮州手打牛筋丸口感十足，唔癡牙，有彈性即炸響鈴及炸魚皮新鮮脆卜卜芫荽湯底顏色靚爆，味道比較濃，如果芫茜味再濃啲會更好，因為可能我揀咗牛筋，所以五香味掩蓋左芫荽味，我諗下次揀過第二樣本身冇汁嘅餸會好啲

There are so many new restaurants at XIQU centre.Peony Garden is on the ground floor and offers a wide variety on the menu from simple Hong Kong style comforts to the instaworthy green coriander broth cart noodles.The decor is just the style for the XIQU centre and they also specialize in Chiuchow dishes.They preserve their own lemons which are used in the duck soup.For drinks, had the Soda with Dried Preserved Plum & Tangerine Peel and Lime Soda.Next were the soups which I was really looking fo

中秋節前夕，再來「西九」我的中午飯堂吃晚餐，特別約了好友 ViuTV Pinky 羅沛琪，聚舊一番。同佢幾個月冇見，一碰頭就互 mean 嘴一番，全晚笑到肚痛 ：邊食邊 update 近況。先來地道港式懷舊飲品「脆脆柯華田」$30 和「鹹檸七」$38今晚我哋玩浮誇演技，「鹹檸檬燉鵝湯」$48用由潮州帶來，醃漬已 20年的鹹檸檬燉湯，具下火補肺護喉潤聲之效，立秋後的現在飲最啱，而且係食一粒就無一粒的 20年之寶：配鵝肉作搭檔也少見，味道甚似水鴨湯，潤而不燥：上次來吃過燒味，好得；今次一心想來吃滷水鵝，可惜賣哂 (建議大家預留)。改點「滷水五花腩拼滷水鵝肝」$148呢味好得 Pinky 歡心，成碟差不多被佢佔據。鵝肝粉嫩不膩，要吃：滷水汁屬偏向嶺東風味，用潮州南薑、揭陽醬油、桂皮、川椒、八角、蒜等熬製，另外我相信有加「滷水膽」，放食材滷至入味。吃此五花腩，一定要沾潮州辣椒油及白醋，貫徹風味：另外拼盤已附送鵝紅及豆腐，整整一大盤，陣容相當頂盛：互相呼應，飲完咸柑桔做的凍飲和湯，小菜也來個「咸柑桔肉排」$108味似西檸骨，卻更含蓄，甚有回甘陳皮的那種餘韻。柑桔，還是老的有深度。到 Pinky

鐘意食芫茜既朋友仔一定要黎試下啦！要到一個鐘意食芫茜既朋友真係好難，好彩我就有一個🤫。全部野食都綠色！唔洗講都一定叫晒有芫茜既野黎試！芫茜車仔面 - 就係為左呢個車仔面入去食嫁啦我地！我地叫左牛腩，豬大腸，個牛腩好食，好入味！配左黑粉絲，未試過黑粉絲以為好似普通粉絲咁咁易斷，但唔係喎，有咬口幾好食！重點係個湯底，好香淡淡既芫茜味🥳飲落去又不會很油膩🤫仲有伴上既芫茜，好新鮮！比我地食晒！煙三文魚芫茜三文治 - 原本對佢都有啲期望，但個煙三文魚味太突出，食唔到個芫茜味，有小小失望😞. .

尖沙咀新地標內又一新餐廳🍴更有兩位資深總廚坐陣，第一時間試一下！但當天去金牌滷水鵝片已賣光！唯有下次再來潮聖一下吧！在街外吃飯也想喝口湯水，點了雪蓮子蟲草花燉竹絲雞，足料又清甜，女士必愛！燒味雙拼點了金牌燒鵝配招牌蜜汁叉燒，燒鵝表皮相當香口、肉質緊實，叉燒對比下比較遜色桂花脆生蠔令人驚喜，香濃的蠔味外皮微脆，配上微甜的桂花醬汁，每咬一口都是肉！但一定要來到熱騰騰時立上吃掉，冷卻後便失去香脆口感。松露野菌雞球煲仔飯一上桌便香氣撲鼻，陣陣的松露香在煲仔上久而不散，吃下去也充滿松露香！最欣賞的是雞球都去了骨，可以大啖大啖吃！必點的手工反沙芋，吃過回味無窮！熱騰騰的芋頭外佈滿幼細的砂糖，超級滿足的！話梅陳皮梳打也推薦！飲品款式還有保衞爾牛肉汁，感覺像淡味牛肉湯，相當有趣，好不好喝即見人見智了哈哈！

※本文以用餐當日的環境、服務和食物質素為準，口味亦因人而異，文章只作參考之用。-唔知大家有無去過柯士甸站既西九龍全新文化地標傳統戲曲中心呢😬 個環境真係好大好靚！純白潔淨既設計、充滿線條既美感，仲望到維港景色🌃 當中隱藏左數間特色餐廳，「遊園·茶記」就係其中一間。「遊園」以港式懷舊茶室作藍本，餐廳環境闊落，有多款港式地道菜式選擇。特地找來多年經驗的潮菜師傅炮製拿手菜式，包括各款滷水菜式。仲有佢地出名既「芫茜湯車仔麵」都非常多人棒場。今次試左幾款菜式、燉湯同甜品。估唔到呢度仲有保衛爾牛肉汁 $22，老公忍唔住試。飲落就好似溝淡左好多既牛肉湯，好唔好飲就見人見智🙈。首創鹹檸檬燉鵝湯 $48、雪蓮子蟲草花燉竹絲雞 $45前者呢款燉湯加入左鹹檸檬去燉煮，飲落帶點鹹鹹甘甘地好似鹹甘桔既味道，頗為特別。小妹就比較喜歡燉竹絲雞湯，裡面湯料都幾多，飲落唔油，很有住家湯的味道，不錯。金牌滷水鵝件雙拼配滷水鵝肝 $148兩款滷水鵝肝和鵝片色澤對辦，鵝肝食落甘香，質感不會硬，能滲出陣陣滷水的味道，不錯；鵝片就略嫌切得比較細件，帶點骨，未能大快朵頤是有點失望。咸柑桔肉排 $108肉排肉質鬆化，帶酸酸甜甜咸柑桔

好朋友之間生日飯，朋友圈都係識食之人，所以絞盡腦汁都唔知同佢食咩好 ，又唔好太寒酸又要好味 ，咁啱見到食評家為食龍少爺推介呢間，咁就出去試吓啦！其實之前見佢好似茶餐廳咁都有啲猶豫好唔好同佢哋去，好似求其搵間茶餐廳敷衍佢哋咁唔係幾好意思 不過戲曲中心咁靚，佢哋都應該未行過嘅（佢哋住香港佢都有啲遠）唔使book 位，其實個格局都有啲似響屋企樓下食小菜晚飯。雖然佢都有啲拿手小菜仲要話俾我哋知有八折添， 店員推介嘅所有嘢我哋都有試：例如燒味啊、滷水、黃鱔煲仔飯啦，鹹柑桔排骨咁。 最後仲要食咗個西多士做甜品添幾款小菜都好食嘅，不過就未至於好大驚喜 。叉燒拼燒鵝我哋嘅食家就話一般，不過店員話係自家燒喎 ，反而個黃鱔煲仔飯食家朋友就話幾唔錯 ，仲有我最愛嘅飯焦添👍🏻其實另外店員仲推介一個蛋黃白飯魚，不過真係食唔到咁多 ！最後有位長輩心思思想食西多士，咁就陪佢地癲一次啦，因為平時我都唔係好敢食呢啲咁邪惡嘅嘢 ，一人一小件啱啱好，間唔中食下都OK嘅，不過幾位長輩就食得好開心🥳p.s 去到嘅時候仲比我撞到為食龍少爺 ，我哋曾經係同事嚟㗎，我諗佢唔記得左😅我全部都冇影相呀

💜 第一次去到柯士甸嘅戲曲中心！建築物設計都好有特色☺️之前聽過游園茶記都係因為佢好出名嘅芫荽湯車仔麵，但係今日去到發現原來除咗車仔麵，仲有好多好味嘅潮州菜式！💕重有潮州來的陳師傅坐鎮👍🏼💜 首創鹹檸檬燉鵝湯雪蓮子蟲草花燉竹絲雞兩款燉湯都超清甜，超好飲😋鹹檸檬燉鵝湯比較特別，聽說是用醃了20年的鹹檸檬🍋煲的~如果你鍾意鹹檸檬既味道，我都會推薦你試吓呢個湯☺️💜 金牌滷水鵝件雙拼潮州既滷水又係必食嘅！除咗平時既鵝件，仲有其他選擇例如：滷水五花腩, 滷水鵝腸, 滷水鵝肝, 或滷水無骨豬手~ 我今次揀咗鵝件同鵝肝！平時食煎鵝肝就食得多，滷水鵝肝都係第一次食😳食落去感覺覺得啲鵝肝好滑，亦都唔會太膩💜 懷舊鬼馬雙星第一次睇呢個名完全唔知道係乜嘢食物😂原來係用油炸鬼包住墨魚肉同鯪魚滑炸出來的!😍🐼聽到就話想試，好開心食到新嘅菜式！味道亦比想像中好！😋 亦都冇想像中咁油膩。我本身都好鍾意食油炸鬼，另外墨魚肉都好彈牙，超鍾意食呢個小菜！🤤💜 台山興哥手工黃鱔煲仔飯煲仔飯好大煲啊！兩至三個人share都得👍🏼煲仔飯入邊都有好多黃鱔， yummy!💜 最後黎到甜品啦！又係試新野既時候。💜手工反沙芋，反沙芋真係

近排戲曲中心開左呢間茶記，見有吾少Youtuber介紹，所以跟埋舊同事去試下。新張期內8折，優惠做到8月16號。芫荽湯麵個樣真係幾芫荽，綠綠黃黃，上面有吾少生芫荽。我偷飲左啖，芫荽味什有的，但個湯吾夠熱，帶不出芫荽的香味。我個花雕濃雞湯就差少少，花雕味不足，少少雞味，仲有少少酒既苦澀味。個麵我揀左台灣百年老字號手造麵，麵質有咬口，吾易浸淋，幾好食。呢度d西多切成4小份去炸，所以更香口，而且炸得不油膩，好味。腐乳砂糖多士可算係吾少人既童年回憶。我一啖咬落去竟然食到榴槤味，哈哈!

芫茜呀～～～～～芫茜～～～～～～終於見到你喇！嘩～～～好多芫茜呀😍湯底看起來好濃 飲落去有芫茜味 清清的👍🏻我選擇了台灣百年老字號手造麵、麻辣鴨血、五香牛筋 幾十蚊就食到依個質數 比起一般車仔麵真係抵食 就連湯都飲晒 正呀！依件就係花膠 好大件呀😄店員還介紹左一杯 話梅陳皮梳打水 味道不錯 可是個人口味實在太甜 加多點梳打水應該好好味我仲點左份滷水鵝肝 掂呀 切薄一點口感更佳仲有芥茉海蜇頭 好特別 配左番石榴 讚👍🏻 掛住食忘記了影相😓

位於尖沙咀戲曲中心的遊園．茶記，是一間最近很火紅的港式餐廳。購址在香港文化地標，當然要售賣本港的特色美食啦。今天七時半到達，有不少香港人和國外遊客光顧，約八時半已售罄大部份的熱門菜式，建議大家早點到達了哦。餐廳佔地3000尺，以古時驛站為裝修概念，塑造出《牡丹亭》裡《遊園驚夢》的場景，有中式屋頂和門窗，室外坐位，充滿古時中國氣氛。菜式由兩位資深總廚聯手創出，有「大公館」的行政總廚 - 陳偉庭師傅 和  國內潮汕名廚 - 陳澤嘉師傅，美食選擇非常豐富， 包羅萬有。燒味雙拼 $128滷水拼盤和燒味拼盤，勻是餐廳招牌菜，今晩先試試燒味，下次才試滷水吧!雙拼可選: 叉燒丶燒腩仔丶燒鵝丶油雞和香妃雞。招牌蜜汁叉燒，很美味唷。叉燒色澤深濃，邊位燒焦，賣相不俗。肥瘦相間，充滿光澤，肉質腍嫩入味，富有嚼勁和彈性，質素不錯哦。化皮燒腩仔，非常好吃呢。脆卜卜的外皮，放涼後依舊香脆，完全沒有油膩感，咬下軟綿鬆化有肉汁，稱為上品也不過份哦。九層塔薑蔥粉絲蝦煲 $198服務員把蓋子打開，即傳來濃烈的九層塔香氣。大蝦一共六大隻，可惜肉質不彈牙，有點失色。粉絲充滿薑蔥和九層塔的味道，惹味滿分。台山興哥手工黃鱔煲仔飯

熱愛芫荽嘅我，知道有芫荽料理點會唔沖去試呀。聽到尖沙咀戲曲中心間遊園茶記有芫荽料理就即時去食。我的天呀～叫左個芫荽湯底車仔麵，個芫荽湯底好正，超級濃郁嘅芫荽味，差啲飲晒個湯底個三文魚芫荽蛋三文治亦都有好濃烈嘅芫荽味，不過好野嘅係啲芫荽味無蓋過三文魚同蛋嘅味道，三隻味道並存，very good餐廳裝修好靚，唯一美中不足嘅係非常唔夠冷氣，好熱，本身想叫杯凍飲，不過聽到啲職員係後面講無食用冰，只左人去附近超市買，所以我地都放棄左叫凍飲，諗住快快食完出去買野飲。

今天去食了車仔麵，老實講，太多味精，咸到我只食左一半，牛丸豬腸牛根，也是失望的，其實不吃也沒損失。室內裝修清潔大方，服務員有禮，這是優點，奶茶倒是不錯，頗香濃，19蚊。

位於柯士甸站附近的戲曲中心，除了有戲曲表演，原來還是覓食好去處！最近，與大公館屬同一集團的 遊園·茶記 於此開業，並由集團大廚監製，質素應該有保證，這晚就來小試牛刀！店子裝潢優雅，如置身客棧一樣，座位也挺舒適闊落的，打開餐牌，除了港式茶餐廳的菜式，還有燉湯、燒味、鹵水以及甜品供應，種類繁多，應有盡有！在家少湯水，難得這裡也有燉湯供應，當然要試，我倆分別點了店家大廚自創的 鹹檸檬燉鵝湯 以及 雪蓮子蟲草花燉竹絲雞，最初對前者也有點猶豫，怕味道奇怪，但出來的效果卻挺不俗，湯頭帶檸檬香，喝罷開胃解悶！後者則是滿滿濃郁的雞鮮香，不感油膩，滋補非常燒味雙拼，選了 招牌蜜汁叉燒 及 化皮燒腩仔，叉燒軟腍度剛好，邊帶焦香，肉質鬆化，味帶蜜甜，燒腩仔的脂肪和肉的比例剛好，皮香脆鬆化，唯一不解，是為何燒腩會浸於醬汁中哩~另一另人驚喜的，是 九層塔薑蔥粉絲蝦煲，選用了大蝦，蝦頭更有濃郁鮮香的蝦膏，蝦肉爽身，非常彈牙，粉絲則盡吸大蝦甜鮮，令人吃不停口不過，餐牌中最令比利著迷的必數 台山興哥手工黃鱔煲仔飯，黃鱔肉已切成幼條，飯也是炒過的，每口也盡是鱔魚的香氣已經飽到不行，但甜品環節仍有亮點，不能錯過，說的是 

會嚟呢間餐廳，主要係在網上見到呢個吸睛嘅芫荽湯車仔麵， 青翠碧綠的芫荽放滿車湯麵碗上，非常上鏡，好適合拍照打卡。所以今晚開完會，我就拉了朋友來試。原本想食車仔麵之餘再加點小食， 不過朋友細食立馬制止我怕我眼濶肚窄😅。好在啫， 車仔麵麵底的份量比我想像多， 看來朋友真的有先見。我想當然的點了芫荽湯底， 餸點了腩肉、黑枝竹、牛筋、牛丸，大堆頭芫荽好新鮮，所以味道特別香， 而湯頭就較清，有淡淡的芫荽香味。黑枝竹很好味，推介牛筋因佢好厚身有膠，腩肉肥而不膩，其他的配料就不過不失。食完都飽哂，下次先再來試其他野吧。