遂興粉麵餐廳

營業中

休息中

最地道的魚蛋粉，很久沒有吃過這樣的味道，就像我小時候吃到的魚蛋粉一樣好味，不是翠華那種過分修飾工場製作的味道，而是用心烹調的小店風味，吃完再問問原來他們全部都是自己手打的魚蛋，不會過分彈牙完完全全是用心製造。唯一缺點就是店舖比較狹窄，不過沒有所謂了，吃一碗魚蛋粉最多10分鐘吧，這方面絕對可以妥協。

有晚係油麻地附近搵食， 又唁想食大集團個d 茶記， 因為多數只有單點， 我比較鍾意有 set, 唔駛煩嘛。突然行行下見到呢間🍜麵鋪， 但其實呢間🍜麵鋪唔多起眼㗎。 係門口裝下， 見都有人食緊就入去食， 見到餐牌， 有驚喜喎， $34 有碗粉仲包支樽裝可口可樂 / 郊外油菜一碟。 咁我兩公婆一人一個餐就可以又有樽可口可樂飲又有郊外油菜食啦， 正呀！我地左碗🍜牛肉丸米粉， 🐮牛肉丸都彈牙， 米粉又唔會"林" 到爛晒咁， 仲只左碗🍜招牌🥟雲吞河粉， 🥟雲吞都好食👍🏻

滋味不一定要食貴野，平民飯餸大眾化價錢同樣食出滋味，今日同事帶我去食午餐，就在油麻地上海街碧街口附近，一間舊式粉麵茶餐廳，店子不算大故最好早去或者1:30 後比較好點。足料例湯今日冬瓜薏米煲塘排係呢個夏天飲正好消暑排濕。叉燒荷包蛋飯圍邊是煎到焦香的蛋白，中間是留心的蛋黃，像這樣的荷包蛋只是在童年時食過，現在的集團式或是普通茶記都難找到。叉燒炒蛋飯這碟是我的叉燒炒蛋飯，Very yummy ,雞蛋加入蔥粒煎香加肥瘦適中叉燒，再配合整碟飯的靈魂自家調製「豉油」，真係食飯都食出仙氣來。$36 一碟叉燒炒蛋飯加碗例湯/熱飲，無得輸喇！而家香港地食份早餐都要呢個價錢！最重要係咩？係事頭婆份情啊！熟客仔實記得你飲開咩唔使講！

一個人住在附近，有次好想飲薯仔蘿蔔蕃茄湯，上網搵見有人opensnap呢間的湯，就吸引咗我黎試。門面係細細一間粉麵茶餐廳，所以我一路都無為意呢間。嗌咗個外賣$36豬扒雞翼飯，送例湯或飲品，我當然揀咗湯啦！今日的湯係紅蘿蔔豬𦟌湯，都幾足料，好有家的味道。一個人在外頂住先啦！當油麻地d餐廳一個碟頭飯都起碼$40時，呢間算抵食，起碼有靚湯飲。而且晚飯同價。我會keep住黎買飯食尋晚想試埋魚蛋粉，不過魚蛋賣晒，買咗個魚片河外賣，$32同樣有湯飲，係老火湯黎，不過唔記得影相。

今早到油麻地看雪櫃，還未拿定主意，就想去吃東西。行了一會……我和朋友都不知附近有什麼東西好吃，因為大部份舖頭都是賣廚具的。。然後，無意間在對面看見有粉麵檔，寫著……那就過去了~在門外看看……然後有位嬸嬸跟我們說：「呢度D野幾好食架！」跟住就入去了~在門外看以為無人，怎知已坐了九成位置。。幸好還有枱真係好隱世呀～睇下有咩食先~很出奇地有靚湯飲有飯、有意粉、有麵食選擇。。同埋都幾抵食！我們選了「魚蛋河+靚湯+菜」、「牛丸河+靚湯+菜」~今日係蕃茄薯仔排骨湯，好好飲～好有住家感覺下次經過再來飲碗湯先

放工時間人流多，試左碗牛筋河，牛筋炆得幾林，河粉硬度又煮得啱啱好，　可惜味道偏向淡口，配菜的竟系芽菜，比較少見，另揀左配大大碗例湯（可選擇熱飲），今次系蓮藕章魚唐排，味道較淡但感覺真材實料，唔似有味精，大大碗又多湯渣，套餐三十蚊埋單！！見人地d魚蛋魚片幾正，下次要再試！

此店位處上海街地區，賣的並不是高檔格調，亦不是高尚菜式，反之是極之平民化之豬扒、牛腩、腸仔、雞蛋等飯。我是平民中之平民，街坊中之街坊，能成為我其中一所飯堂，皆因店子賣的是人情味！今天去完電視台導演朋友之追思會，回程已是晚飯時間，沒有甚麼心情，於是又走入飯堂，點了其中一味慣常點的「豬扒牛腩飯」加例湯。今天肥媽(店員)已下班，肥貓(很像忌廉哥)亦未夠鐘現身(晚上十時後才可見)，陶大宇老闆(男老闆很像陶大宇)管店。今天的例湯是「陳皮西洋菜羅漢果唐排湯」，我可以斗膽地說：在此區要喝例湯就只有此店能喝到家中的老火湯風味，皆因全是真材實料，絕不欺場！「豬扒牛腩飯」永遠是吃得飽的，我亦習慣會「走汁」，貫徹我樸素不愛花巧的作風，豬扒及牛腩從來水準都一流，今天亦無例外，不用多談。如論衞生、環境、服務等方面，其他吃慣米芝蓮食店的朋友一定會不習慣。雖然今年過年後又提高了收費，但今餐結帳還只是三十元，別處是無辦法找到了！

就是這間外表普通到不得了的餐廳我是頭一次去 是我男人帶我來的 初初我也跟普世一樣 以為這間普通茶餐廳有啥大不了看看menu也跟一般的茶餐廳沒兩樣呀男人幫我叫了這個 炒蛋豬扒飯我太心急飯一到馬上吃了兩口才記得拍照天呀~~~~~~~~~~~~那炒蛋好香好滑好好吃拍完照我已經自己一個吃吃吃 這麼大一碟我自己一個吃完耶!!!!!!!!!!!!!!!!!果然對著美食 平日肚子窄的我依然裝得下還有那個湯也不錯喔 只是沒有這炒蛋令我驚為天人!!!推薦啦 不錯喔><(((我詞窮了.....而且這家也一貫茶餐廳特色 效率超高的我很怕叫了菜還要等好久的 接著我們就到了尖沙咀 到九龍公園走走逛逛嘻嘻 好簡單的食評喔 新手 多多指教喔

當天往那裏樓上的工聯會進修中心上課, 隨便吃個便餐, 於是乎入了這間荼餐廳, 地方呢, 比較狹窄, 門面不起眼, 價錢很街坊, 食物選擇不多, 以粉麵餐及快餐為主, 心裏想期望不要求太高了, 叫了個麵餐, 魚旦河尚有水準, 驚喜是杯咖啡, 直覺有極高水平,味道香濃 , 奶啡比例平衡, 沒有苦澀味, 很多茶餐廳都找不到, 每次到這裡我都會心思思, 為了咖啡選擇在這裡吃飯

今日見要留O係屋企做野,咁就落一落街諗住食個飯盒醫醫肚.平時一向冇食開呢間野.咁就諗住是但食下喇叫左個茄汁豬扒腸仔飯,心諗咁大路既飯應該唔會差得去邊.等個飯既途中見到D阿姐淨係掛住傾計喎.都唔知聽唔聽到我話要茄汁!!咁返到屋企一開個飯盒係冇茄汁.得白飯, 豬扒半件, 同兩條腸仔囉.成個飯超乾唔好食囉.真係以後唔會再幫襯啊!

我對食魚旦都幾高要求,每電視推介邊間好味,我都會走去試,發覺好多都是不外如事,例如有間夏?記,蔡瀾話好味就去試,吃落沒有想像中咁好味,漁旦都O.K.,漁片真是有點太咸,因為本人喜歡成條吃,一口咬落去,真是很咸,所以這間漁旦都只是一般...... 而有一次行過油麻地上海街,發覺有間粉麵茶餐廳,門口掛着自制魚旦,咁就入去試試,起初都已為由外邊交來,行過厠所才發現有個工塲仔正在做漁旦,咁樣真係自家制,咁就立刻回位叫了碗漁旦河,先吃粒漁旦,發覺好彈牙好爽,好有口感,重好D明牌,原來有時想食好嘢未必一定要睇電視推介......