連和燒味餐廳

營業中

休息中

好耐無食過潮州野，今晚難得約左朋友食飯，就諗住揾間好啲嘅試😋其實上環都好似好多潮州野食，但見陳勤記係咁多年米芝連，就忍唔住去試下😆舖頭唔算大，係好乾淨嘅傳統中餐廳擺設！店員超有禮貌安排我地坐低，雖然係一個星期三晚，但都幾full！一見到個餐牌都覺得正！超多選擇，可惜得兩個人😫下次多啲人一齊食可以試多啲唔同野～喺門口等見到個涼瓜排骨湯就已經好想試，叫左一碗「每位」用嘅，都唔少，好彩share飲，如果咪會飽都食唔到野，好！好！飲！呀！完全無味精味嘅老火湯👍🏾再叫左個鴨腸拼盤，一啲都唔油，點埋個酸汁，好出色！其實鹵水鵝好吸引，但好大碟，兩個人應該食唔哂！再叫左檸檬烏頭，正！

如果來到銅鑼灣，又想吃燒味，我多數會選擇來這間連和吃一吃，佢地方方便，銅鑼灣站F出口一出就係，雖然晚餐時間吃較貴，但今次我吃下午茶餐，都算抵，$38 雙拼瀨粉，加$4有野飲（熱同凍同價），而且份量同平時正餐一樣大，都吸引到唔少附近工作既打工仔或遊客來捧場以$80左右2個人來到這區食，算又飽又抵。較為推薦：燒鴨，切雞衛生方面就嘛嘛，一般燒味店既情況員工服務都尚可，不過不失座位格局較迫食物選擇都係個既味

寫於2018年年末房價的高位，出街食嘢乜都貴，乜都比以前難食，完全對唔住價錢，簡直係出街幫人交租。但係都有一兩間良心鋪，對得住價錢，對得住食客，一齊抵抗高樓價高租金。今日依間便是如此。燒鵝飯57蚊，分到鵝髀，皮烤得脆，肉又嫩，汁又多，冇得彈。燒排骨飯47蚊，肥瘦比例剛剛好。食落好味又多汁，冇得彈。兩樣嘢都分量好足，完全可以食得飽。服務阿姐熱情又大方，上菜快，冇得彈，應該會再翻嚟。地點喺銅鑼灣，日後都會支持啊。

今天突然癮起想食燒味，所以行到這條街的燒味店食，我覺得燒味係好多香港人都鍾意食，而我對幾款燒味都愛不釋手，好似叉燒、燒肉、燒鵝、油雞等等。這店出面有人等，以為入面滿座，但望入面又有位，原來外賣飯盒有特價，我就入去坐，仲叫了四寶飯同一碗例湯，飯夠熱，四寶有咸蛋、切雞、燒肉同紅腸，整體不錯，燒肉肉質咸咸地幾有味，皮仲有少少脆，雞肉夠嫩滑不嚡，唔錯。整體來說味道唔錯，若果下次再癮起想食燒味的話此店可再嚐無妨。

之前路過幾次看到很多人排隊取外賣 今天午餐時間決定來試試 叉燒油雞飯 加一小份菜 58加凍飲$4 買單62叉燒太瘦了 又硬又柴 不好咬 失望油雞非常嫩 輕輕一咬就肉骨分離 好吃另外這家店的豉油非常甜 以至於飯 時菜都是甜口的 第一次吃覺得有點怪 勝在價錢便宜 不是會想再來的店店員的態度也不好 幾乎完全沒有耐心剛坐下就不停的問吃什麼 店內不知道有沒有經過打掃 地面非常滑 可能是油？ 反正走路的時候也要很小心 空調非常非常冷 冷氣開到最大 用餐過程中被凍到不行

放工之後有事做，所以在銅鑼灣想食個快飯平時好少出街食燒味，因為覺得唔抵，就咁餸加飯，街市都可以買完餸自己加飯，但因為要快，今次唯有食燒味飯叫左碟叉雞飯可能太耐冇出街食燒味飯無論叉燒定雞都真係幾好味，餸既份量都算多佢最好就係單雙併都同價這餐算係有點驚喜

燒味是香港人最喜爱又經常吃的食物。早午晚三餐連宵夜都可食到，由平民小店到五星级酒店中菜㕔都有得食，覆盖面吾講得笑！今晚下班一支公就简简单单来个烧味飯套餐：义燒燒鹅飯跟油菜例湯。例湯：夠熱，烫口；有料好飲。油菜：夠大碟，可惜菜稍为老咗啲主角出場：竟然是燒鹅肶，整定今晚有食神。鹅肉香又嫩，又入味，皮下冇脂肪！义燒有驚喜，瘦中带点肥，肉腍又有炭香味。还有飯面的豉油（烧汁）都是自家調，好味！最后给大家一個貼士：如何吾驶加錢食鹅肶？就是過了午饭或晚饭時段才去吃。因为一般师傅回留肶给客人加錢点，但飯市過後，他就會给平常客人。

Lunch想食燒味飯可以試下連和，雖然好多自遊行去食，環境比較逼，但同區燒味飯嚟講算係咁，肉質起碼比起太x好，價錢又唔太貴（大概係$4十幾蚊），如果係附近番工未食過可以一試

收工遲咗，回家前先去買外賣晚餐，燒味飯係最快嘅選擇！去到先去收銀落單！攞咗票去門口等！燒味師傅快手切好入盒！交比我時我問一句有無落蔥油同芥辣！店員面色一黑，講一句要落單時講，我話落單時已經同收銀講咗！佢無再講說話入去加比我！蔥油因爲我飯盒無雞要特別交代，但燒肉一般跟芥辣，應該唔使特別交代吖！而且店員之間無乜溝通！講咗要求最後都做唔到要番手做！叉燒燒肉飯（$35）叉燒同燒肉份量都多！黃芥辣到回家已經滲透咗！唔及分開一包包獨立包裝即落嘅芥辣好！燒肉淋身幾肥（肥肉多過瘦！皮仲幾脆，叉燒雖然多但嚡口，好多渣痴住口縫！叫了少飯，甜豉油撈飯好味！味道ok!但服務要改進！

經過農曆新年後的銅鑼灣的店鋪，又翻了一翻。吉舖、臨時舖多的是。賣燒味的茶餐廳也有兩間。今晚又來一人麻甩飯局，來到位於渣甸街 「連和燒味餐廳」當晚十成客人也是自由行, 環境也停變得特別嘈雜, 真是嚇得我心都離一離。我為了好好地享受麻甩飯, 所以全程要戴著耳機, 方可以冷靜靜地咁享用我的叉燒飯 $45它上快過寬頻。厚切叉燒是我至愛，我特別要求了瘦叉燒，果然如願以賞，肉質有嚼勁帶肉香, 只欠蜜汁的甜香，邊位略硬但以瘦叉燒來說質素已算不錯。白飯也夠熱，！

收工收夜咗，去買個飯盒做晚餐， 呢間燒味店新開，門面比較平實！普通燒味店格局！最近門口一邊斬燒味嘅地方，去到門口有店員幫我落單， 一般燒味選擇都有，落單後再在門口等一陣，可以見到師傅斬燒味！好快包好比我！普通發泡膠飯盒！  回家打開飯盒，燒味舖滿飯面，色彩繽紛好吸引！ 四寶飯（$45）鹹蛋半隻，蛋黃有油光，鹹香鬆軟，鹹蛋白嫩唔硬，送飯一流，紅腸好大片，軟身唔韌！唔會好鹹，叉燒好多，半肥瘦好滑，有肉汁一啲都唔乾，蜜汁厚厚包裹住豬肉，豉油雞比咗我最愛嘅雞髀，厚肉嫩滑，不過近骨有啲粉紅色，剛剛熟！最驚喜係飯，豉油汁微甜，白飯飽滿鬆軟，好味道！薑茸青蔥為主，微鹹爽口好味！撈飯一流！店員勤快爽手，我攞咗飯盒時行開兩步，回頭再問店員有無比薑茸！店員問清楚我點嘅燒味就答我有！燒味每款都做得好！樣樣都好味！可以encore!

燒鴨瀨粉最唔好就係份量太小呀皮當然唔脆啦，因為浸左湯，但瀨粉煮得剛好，唔會過淋，又唔會太硬食落鴨肉冇so，多汁，唔點醬都好好食喇肉唔鞋，不過皮厚，肥膏適中，唔算厚但份量小小冇嘢飲就45蚊，貴左小小