連和燒味餐廳

營業中

休息中

真係忍無可忍 可能我下午茶時段買平啲啦 次次叫肥叉飯 都因為佢比既叉燒好瘦好難食 由其有個紮馬尾女人斬既真係一舊都食唔得落肚買個飯 當係乞食咁 今舖柴到乾屍咁忍無可忍 有圖有真相 只想食過安樂茶飯姐 其實洗唔洗咁 ？

成日經過諗住幫襯下，叫左個燒鵝飯，我見到門口寫$90，之後佢就話冇呢個價錢，跟住我就問佢有咩好食，佢介紹我食燒腩加燒鵝，就話$95連杯嘢飲，仲幫我寫咗係食燒鵝胸會多肉啲，幫我買完之後我拎返公司食，一打開我忍唔住，即時打返去呢間舖頭度同佢講，問佢個價錢先，佢同我講係$50 ，但後來又話$90，佢一路話要收線，又話幫你對單，留左電話都唔會覆，呢間野，唔會有下次，唔好再幫襯

林住行開經過想買舊叉燒番屋企加餸，點知買之際個阿姐態度極差😤我點知你點賣姐，唔知以為我得罪你，真係激到一肚氣😤你甘樣既態度我一定唔會幫襯你囉，你簡直倒你公司米差差差差差

50蚊叫咗個切雞燒肉飯，首先肉嘅份量係非常少，一隻雞全翼+5舊燒肉，燒肉分量大概一隻半手指咁多，雞冇雞味，燒肉好鹹。老實講我知銅鑼灣租貴，咁我寧願你收多少少，你收我50蚊，但係比一碟望落10蚊嘅飯我，我真係覺得你係呃緊我

食咁多年燒味，今日第一日知叫燒肉雙拼，燒肉上面塊皮，要叫佢比先有。好態度叫姐姐幫我換，個姐姐竟然同我講可以佢斬冇睇，之後仲打算唔換，如果唔係堅持換，我就係食緊豬肉雙拼。差！真係好差！下次不了

話說果日想食燒味，響銅鑼灣小巴街（我唔認到街名），本身想食棋哥，經過見到呢間d 燒腩幾靚，就比引左入去，入到去都冇乜野，一貫燒味店格局，咁叫野食啦，見餐牌，四十幾蚊，心諗咁抵，叫啦，想食燒腩，同阿姐講，呢就話嗰啲係燒腩骨，要加錢，$78 喎，果刻想食既，貴少少就貴少少啦，點知黎到，係咁x 樣，左邊果3 舊根本係燒肉，得右邊果兩舊仔係燒腩，真係心諗搵笨實，當人傻仔咩，老實，你貴$30 蚊，比哂燒腩比我 我都服，點知你一半腩 一半燒肉，咪成$10 舊燒腩，咁我就接受唔到喇，食完，走人，如果普通燒味$48 有野飲，ok 啦，但特別要求就唔好喇

當日有嘢做，行吓行吓咁啱經過店外面，睇見個燒臘師傅斬緊燒肉，望落啲燒肉皮好似好脆咁，應該會幾好食，於是吸引咗我入去整番個下午茶。 燒肉米粉送到，哇！真係希望越大，失望越大…啲燒肉好肉酸，啲皮又唔脆，嗰啲肉又瘦又柴。啲米粉普普通通。可能係下午茶，會配搭啲渣嘢。雖然中伏，但下次我都會冒險再來一次，除咗燒肉仲有其他燒味，或者試吓其他燒味。三十零蚊一碗嘢，再加一杯飲料，係咁上下啦，唔好要求咁高，但求食飽個肚。

午餐時間剛巧在銅鑼灣，見有間餐廳都四四正正咪入去，叫左過油雞飯加凍檸茶，個飯來到個賣相都ok，仲係近雞脾位，點知一食落去，雞肉好似好老咁，𡁻極都吾得，d飯又有少少硬，仲有吾少碎骨係入面，食既時候真係要好小心，最後，基本上成碟飯只食左白飯及少少肉，其餘果d都食吾到，仲要食到個口好攰，因為𡁻吾爛，怕胃痛，杯檸茶算正常，其他食物係點就吾清楚，不過估計應該不會再來第二次。個人感覺大家樂果d燒味可能仲好過佢

垃圾阿姐，買燒味飯想要多d姜容都唔比，話大陸落唔到黎，下次比。下次食完啦仲洗乜佢比。唔知以為要咩名貴食材。態度又差 西口西面。遲早執笠。疫情期間已經少生意，有生意都咁做，老闆多得佢唔少。

阿姐態度差仲要理直氣壯反怪客人態度差客人落單後加薑蓉 最後沒有加到燒味飯勁垃圾又吾好吃豉油汁俾太少菜小更小，想要喲薑容正常一間燒味店都會俾埋放埋飯內好多時話要收錢的肉乾又太乾了

放工一個人去食飯。叫碟燒鵝飯，啲燒鵝淨係得皮同肥膏，一啖肉都無得食，啲皮又勁淋。對住啲嘢已經冇曬心情，然後有個大媽伙計不斷勁大聲呱呱叫， 把聲又尖又嘈。真係唔會再嚟。 淨係食一碟飯， 感覺好不滿， 又要寫夠200字先有得評分。放工一個人去食飯。叫碟燒鵝飯，啲燒鵝淨係得皮同肥膏，一啖肉都無得食，啲皮又勁淋。對住啲嘢已經冇曬心情，然後有個大媽伙計不斷勁大聲呱呱叫， 把聲又尖又嘈。真係唔會再嚟。 淨係食一碟飯， 感覺好不滿， 又要寫夠200字先有得評分。

宜家夜晚冇堂食，所以就需要買外賣附近渣甸坊見佢寫住35蚊雙拼連例湯，比之前30蚊貴咗，但因為銅鑼灣大多數都係貴嘅餐廳所以依然選擇咗佢嘅燒味。叉燒燒肉鴨雞腸均可以雙併。今次選了叉燒燒肉飯，叉燒超大份量而燒肉就比較乾，個皮咬落去好脆的。飯嘅份量亦都好夠，相信連男士亦都夠飽。總括而言都份量好大好夠飽，但燒肉就比較乾、叉燒都幾好嘅。

昨天需要過去銅鑼灣有事辦，因為忙到抖唔到氣，最終要到4:00pm 先可以食中午飯，一直都知道連和燒味餐廳的燒味，終於可以一試，行到去佢哋餐廳嘅門口，發現佢哋有燒味嘅下午茶，我點左燒肉油雞河粉，燒肉嘅皮脆卜卜，有雞好嫩滑，蔥油很香，河粉也很滑，另外再點左杯凍檸檬茶，茶底真係好香港茶餐廳的味道，超愛 👍🏻係我食緊下午茶嘅時候，我見很多主婦嚟呢間燒味餐廳度買外賣，然後我就八下買乜嘢，大部份都係買燒肉，有雞和叉燒，最後我都有幫襯佢哋買咗半斤半肥瘦叉燒，返到屋企，媽媽食完之後都話叉燒好林，好抵食，叫我下次去開的話，都可以再買返屋企食 😋

有日無啦啦行過，諗住試下，點知好有SUPRISE。結果連和變左最近lunch 飯堂$47 蚊，正常人都要叫少飯(少左飯都係好多好多架) 叫左瘦叉油雞飯，跟湯加$8- $10。瘦叉都好林，放心，怕肥嗌瘦叉都唔怕唔好味。油雞又偏肥左少少，都好多膏 唯有走皮食啦但呢個價錢同呢個肉的份量同質素，真係超班！！！！個湯重要好多湯渣，食個陣聽到隔離枱個女人話食湯渣都飽 LOL不過有時要搭枱就坐得無咁舒服，但lunch hour都無得要求咁多食得茶記仔都預左😆

早排係銅鑼灣要搵地方快食一個晚餐，又唔想揀m記個啲，咁啱見到呢間燒味店就入左去。.雖然係銅鑼灣貴嘅地段，但係價錢都幾平民價，單/雙拼飯麵係同價，都係$47，幾抵食。呢到嘅叉燒出名，梗係要試下，我最後叫左叉燒燒鴨飯，我朋友叫左叉燒油雞河粉。整體黎講，佢地嘅燒味真係唔錯，而且幾大碟，餸同飯量都多。叉燒確實係唔錯，舊舊都半肥瘦，燒得幾香，咬落去又唔會好柴，幾好。燒鴨唔會好肥，鴨肉都多，唔會得啲骨，值得推薦俾大家。油雞幾嫩，味道唔會太咸，不過我覺得可以熟多少少。.下次要快食，我都會考慮再去