逢甲台式火鍋吃到飽 (已結業)

唔錯，性價比高嘅火鍋選擇。$148就食到和牛，牛肉好味，每位有兩碟牛肉再加任食火鍋料，雖然牛肉唔係好多，但可以食吓丸子都唔錯。真心推介牛丸同寬粉其實lunch 嚟講真係好滿足。不過60分鐘有少少趕。。。

今日見新開火鍋店，又唔洗排隊，滿心期待，如其名入去吃到飽，點知，失望到一個點🥲公道講環境寬敞，但木質椅唔算坐得舒服。飲品多選題，但挽救唔到非一般既服務同食材嘅差。🤦🏻‍♀️服務方面唔關店員質素事，係佢規條諸多限制，每次只可選8款食物，每隔4分鐘先可再叫。要多張濕紙巾要多收$2。我叫咗E餐，御選，$308/位我選咗香濃白湯，話濃厚湯頭，滿滿骨膠原，但嚟到湯底無乜味，好稀，無感受過膠質，貨不對板🙃牛小排、安格斯肥牛、牛五花，份量少，肉雪得有D硬，牛既質素一般。海鮮方面，蝦無鮮味，青口、蜆、魷魚差到一個點，有沙唔彈牙，海鮮絕不能稱得上合格。🤦🏻‍♀️蔬菜類正常，魚滑、蝦滑一般。丸類好一般，豬肉丸尤其難吃，一大陣雪藏味。鴨血正常。甜品好失望，😣無雪糕之餘，雪耳糖水好稀，我最愛既芋圓好粉唔Q彈，得豆腐花、啫喱正常D。總括來說係一次差既體驗，可能如其名吃到飽，一肚氣同裹腹的飽，無食物質素可言，唉！☹️

喺OpenRice搜尋康城有啲咩好食 咁啱見到有間台式火鍋 諗住去試吓 去到大約6:30左右 見到入邊冇乜人 心諗真係着數 唔使等位😌點知原來唔使等位係有原因🫠見佢澳洲和牛嗰個set 啲牛肉好似好靚 咁就直接食呢個餐 點知 啲牛肉好似雪左成個世紀咁 而且仲會有啲係有黑色邊嘅 個品質完全唔似係和牛品質 每一碟嘅份量都好少 而且佢100分鐘限時 但係每次落單只能夠選擇八樣嘢 下一次落單要等4分鐘 所以其實根本唔能夠食到好多 外面自助區嘅選擇唔多 仲要試過幾次啲菜冇晒都冇人補🫨環境衛生都係麻麻 有烏蠅亦都有蚊 飲品選擇唔多 仲要好多係紙包飲品🧐埋單唔知點解有discount 兩個人食咗$590 連埋+1 但係咁嘅質素同埋環境 真係冇下次😅

餐廳提供6款100分鐘放題供食客選擇。今次食左C套餐。同大多餐廳一樣，食客要用手機點餐。有趣的係，系統set左每次只能order 8項食物，而且每次order要相隔3分鐘。雖然有限制，但要讚下佢哋嘅上菜速度好快。頭幾轉order 有刻意留意吓時間，大約一分鐘就上齊。而且，店員亦做到頻頻收碟，令食客有舒適的枱面空間食嘢！👍🏻👍🏻👍🏻至於食物，總括不過不失。💁🏻‍♀🥬🥩🍤 🙅🏻‍♀⚪️🔘蔬菜肉類滑都好食，但丸類就好一般。豬肉丸、魚旦都幾難食。飲品就有好多選擇。甜品可惜無雪糕，只有雪櫃任拎的糕、mobile order 的紅豆芋圓仙草和豆腐花 (當日sold out)。試左仙草，唔甜，比較一般，因為份量細，所以食下無妨😃

今日入咗康城探朋友，朋友知我鍾意打邊爐，帶我去咗間新放題火鍋，見佢個lunch價錢都好平吓喎，玩到$58 自助區任食任飲 😂 即刻入去試1試，環境都幾舒服，麻辣湯 中規中矩，唔太辣，問咗staff可唔可以加辣，佢話冇得加辣🥺不過湯底配料都幾足料，鴨血好味😋好滑，所以我同朋友都追住食，出面配菜都大眾化，可惜冇蟹柳 豆腐 沙拉丸，肉嘅質數都唔錯，都唔會話紙咁薄，飲品都幾多選擇，上湯底會比埋1壺高湯你可以自己加湯，staff都會主動幫我哋換湯壺，服務都唔錯👍🏻 甜品出奇地冇雪糕😨，不過就有芋圓紅豆涼粉 豆腐花，桂花糕，椰汁糕，椰汁糕撥打好有椰香味，我同朋友每人都食咗3件 😁 埋單都只係2百零蚊，真心抵！可以再嚟 ～ 😌