通記海鮮野味酒家 (已結業)

本身勁喜愛吃海鮮的我, 平時飯局都經常的蝦蟹貝刺身吃個不亦樂乎, 早前老闆請食飯, 才真正明白什麼是吃海鮮吃到飽星期六放工後, 我們浩浩蕩蕩的一行17人, 向着西貢的通記出發~~~!入坐後首先出場的是什錦刺身兩大盤, 刺身款式勁多, 而且更有龍蝦刺身坐鎮, 未開動已口水流 刺身很新鮮, 全部都很鮮甜, 正!!!之後再來的是有我半個巴掌大的避風塘鮑魚, 老實說, 未食過這樣的煮法, 想不到鮑魚配上避風塘味道如此驚喜! 鮑魚非常彈牙, 而且每人不止一隻, 真的不用客氣~!然後是豉椒聖子皇, 聖子大隻到不得了, 鮮甜彈牙又惹味, 吃過才知道什麼才稱得上"皇"!第四道上桌的蒜蓉蒸帶子也非常新鮮, 隻隻都"黏殼"到不得了, 可惜前幾道菜都比較濃味, 所以顯得這味有點太清淡, 如果餐廳可以細心留意一下上桌次序會更好!跟着出場的是龍蝦伊麵, 龍蝦肉仍然鮮甜彈牙, 而且份量十足, 不會是"殼多過肉"之流可比! 伊麵略稔, 不過不失.再來薑蔥炒蟹, 這個我比較少出街吃, 因媽媽煮得一手好蟹, 而且不會走油也沒有落生粉, 令我不喜歡外面那種煮法... 不過這一道也很惹味, 最重要是蟹大大不特止, 膏還非常

優點: 唔使等,大把位,上菜快,有位泊,7個人價錢每位$300,但份量足夠,招乎OK缺點: 總體上可以,但沒有驚喜,魚實在唔掂,較為好的是剌身,甜品都OK,酒水自備,下次唔好帶咁多酒,食完全部人半醉半傻!

是晚是男友的父親牛一，訂了西貢通記大嘗海鮮宴，雖然明知沒有冷氣，但各位家庭成員都好似不介意 … 好>>> 熱就熱啦 … 出發!! 幸好，最後仍被安排在有微微冷氣的位置…. (因為其實都是露天地方, 所以冷氣都是意思..意思罷了)/// 開始上菜啦… 嘩嘩…. 真的可以吃那麼多嗎…. ??? 可能嗎….?? 姑勿論好吃與否，真是排場都嚇親 !! 但最厲害是…居然清了9成多…. 佩服..佩服 !!! 1.) 鹽水雞腳 – 好味.. 可能有點餓.. 第一道前菜都吃了2隻。2.) 白灼蝦 – 個人覺得用基圍蝦是普普通通。3.) 芝麻雞 – 皮薄無油帶很香的芝麻 ，因始終是採用冰鮮雞，師傅作品真的已算不錯! 4.) 椒鹽瀨尿蝦 – 重有膏添，香口… 真是太好吃了。(My Favorite...YEH!!) 5.) 辣酒煮花螺 – 不只有點辣…是很辣 ，但…為何總令人想吃啊…! 6.) 上湯龍蝦伊麵底 – 嘩.. 正…真是又爽又多肉…. 如果採用芝士會更香!!!! 7.) 豉椒聖子 – 聖子很肥美，稍嫌”獻汁”較厚及欠缺青紅椒。8

遊完船河...大家都經已筋疲力竭了...很期待這晚的海鮮大餐!!我們一行二十多人，要分兩圍枱才坐得下呢。先來一客鯛魚刺身...與一客三文魚拼象拔蚌刺身...眼見大大盆的造型...最初我們都很興奮，紛紛拿相機、iPhone出來拍照!!可是細看之下，才發覺鯛魚都是雪到結了冰的!! 全無鮮味可言!!至於三文魚拼象拔蚌刺身...三文魚淡而無味，象拔蚌則尚算爽口，不過與三文魚一樣，味道欠奉!!黃金大蝦...總算是正正常常啦...蝦亦算大隻!!海膽炒飯...尚算淸香，炒得夠乾身，飯粒分明!! 不過實在很難吃得出那裡有海膽呢!!椒鹽瀨尿蝦...夠惹味!! 不過老實說，這道菜應該很難可以做得難吃吧?! 芝麻雞...全晚唯一真正好吃的一道菜!! 雞皮夠薄身，脂肪不多，而且很脆口!! 芝麻味很香!!芝士焗龍蝦伊麵...龍蝦有點老!! 而且芝士味不夠香濃!! 淡而無味的!! 失望!!蒜蓉蒸扇貝...蒜蓉不夠香...而且扇貝似乎也蒸過了頭!! 又韌又實!! 白白浪費了一道好菜!!全晚最"精彩"的，是兩道"一菜兩食"的餸菜...分別是鯛魚刺身引申而來的椒鹽鯛魚，與及象拔蚌刺身引申而來的炸象拔蚌膽!!兩道菜都很腥

禮拜三去左遊船河由於呢間最近個碼頭, 大家又冇咩所謂就第一間坐底左了~9個人, 大人話事, 叫了一個名為「八仙過海」的八人套餐~蒸蝦: 正常既水準(豉椒炒蟶子: 怕辣+本身已經好飽, 冇食到)芝士焗龍蝦伊麵: 本人十分喜愛的一樣食物, 超多芝士, 正啊!!!蒜蓉蒸扇貝: 十分好味, 蒜蓉極香, 夠多!!鮑魚: 味道是可以的, 但十分困難才能把殼拿掉!!!!! ><楊州炒飯 - 正常啦~ 但太飽, 打包了另外有隻雞, 遲遲未上, 結果成隻打包生果盤: 紅色皮的東東, 以為係柚, 點知係橙.....=.=最後唔知係咪因為隻雞遲左十世, 催左十年先到佢送左個芒果布丁比我地, 係魚形的, 十分特別!但食落覺得麻麻地, 佢冇真的芒果 (最憎呢D假野!!><)而且入面有層似係冰的物體, 一D都唔好食!!!整體上呢間野OK的, 味道服務都可以!

呢日下午入到西貢碼頭同朋友打算食海鮮就四處行下格價行到通記門口位知客小姐話午市免茶咁我地就坐低咗點咗一個海鮮套餐又將楊洲炒飯改乾炒牛河(雖另加$10)雖然免茶但花生、蕎頭、豉油就續碟計有理冇理已經一人一碟豉油(消委會有講過,客人可要求唔要花生、醬介, 但好難做到)***椒鹽鮮魷、龍蝦伊麵好入味, 芝士焗得剛剛好. 乾炒牛河都不錯, 很乾身. 結賬前告知侍應生送來水果但遲遲未送上三摧四請先送黎結賬時居然計咗茶錢細問之下侍應生話市午冇免茶仲問邊個同我地講唉 ! $6 一位茶錢啫位知客小姐咁樣遲早出事咯通記喺西貢咁出名無謂咁做丫(p/s 我坐室外, 見唔少客人帶同犬隻同枱, 不知室內是否一樣容許寵物內進?)

西貢出左名係食海鮮既地方, 今次揀左通記, 感覺唔錯, 最欣賞既係象拔肨同龍蝦刺身, 好新鮮! 炒聖子, 蟹都好好味, 炸魷魚好好味, 佢唔會同其他舖咁用好多炸粉, 因為有啲舖整炸魷魚會落好多炸粉, 食落口好似食炸粉, 冇左食魷魚既感覺, 但佢呢到就唔同啦, 炸粉薄薄魷魚就好厚, 好有口感! 瀨尿蝦就有好多糕, 如果鍾意食布甸既朋友, 呢到有布甸魚做甜品家, 但要預早訂因為都有好多fans一早就訂晒, 如果即場叫可能就冇!

朋友想吃海鮮，我一於奉陪到底次是友人口中「平靚正」的通記海鮮酒家經過熟人帶路,我們便進軍西貢,我初次去泊好車以後到旁邊友人喜歡的海鮮檔口點選都揀左四款海鮮,大蝦4隻大約一斤二重左右蟶子大約一斤重左右4隻南非鮮鮑都頗大隻一條石斑$11/兩約重斤二加個炒飯,時菜海鮮上桌的時候最先那道椒豉蝦看到已是不可不吃大蝦以醬油、辣椒、蒜茸、洋蔥等炒香爽甜的蝦肉雖極惹味但卻掩不了本身的鮮美豉椒炒蟶子也是惹味之作,大蟶子肉十分彈牙醬汁令洋蔥粒更為入味,又是鮮,香,味美的最佳組合吧每人一隻南非大鮮鮑,厚身大隻,蒸後伴以醬油及薑蔥,鮮味無窮石斑蒸得恰到好處,真係好滑,美中不足是蒸魚的調味豉油偏甜,蓋過魚原味,但也不錯個炒飯時菜好一般所以不值一提今晚這一餐海鮮餐真的很恰意這次我們一行四人,結賬時以為很貴,計埋油料錢（加工費）每人只付了二百大元,總算是驚喜隨後老闆送了甜品生果盤每檯都有送,都幾好湯或者果汁任飲,環境企理,煮海鮮技術好,招呼都幾好以下是我自己的個人意見通常有部分酒家會額外收取前菜或油料費先向店方查詢,咁就咪比人据到一頸血

今日我好老豆生日, 定左通記, 我地每次去都會叫套餐, 因為底食d, 而且d海鮮又可以自己簡(當然係佢套餐入面指定果d啦), 所以價錢方面一定可以預算到, 如果大家來緊都去西貢食海鮮的話叫套餐會好d.

初三．大出血的一晚行完山食海鮮，有人已book了檯，12人，坐三樓。我沒有給予意見，有得食就食，誰知一上檯…1) 燒腩仔份量=少過街外$20份量，但居然收我們$98！每人只有一、兩小件，從未吃過那麼小的燒腩仔2) 海鮮豆腐羹像水的稀，一點也不羹，料更是少得可憐，第一碗得『湯』，第二碗先有少少魚肉，my god3) 蜆 - 又超級迷你size4) 碟炒菜細到我都冇機會食比較好：1)椒鹽瀨尿蝦：幾香，算大隻2)聖子：好大隻3)鬚炸魷魚：味道ok但炸得不脆，有少少『林』4)田螺：prefer不加sauce，幾鮮，不過殼有好多鹽!service好差，最後送西瓜上來時我們沒有說任何東西，但阿姐『摺』了一聲說『唉，俾埋芒果布丁你地喇』！當魚形的布丁上檯時呢個阿姐好冇mood說『年年有餘』，那麼不情願就不要說吧。我即刻加句『真係多謝晒』。p.s. 1) 三樓個toilet想不到那麼乾淨 2)收錢的很好service，有x用咩?3) 咁既市道要加二？早知就去不用加二的海解食肆吧（沿途有些說明不額外收service charge）

到西貢晚飯，選了在車站旁的通記。相比起全記和洪記，這邊似乎是地方氣派少了一點。海鮮數款：東風螺，白灼海蝦，豉椒炒蜆，椒鹽賴尿蝦，薑葱炒蟹，砵酒煮桶蠔，辣酒煮花螺，蒜蓉蒸扇貝，果皮蒸泥鯭，炒蟶子，海鮮湯等。其實最重要是材料新鮮和煮法得宜，這兩方面通記都尚算合格，上述菜式，除了薑葱炒蟹的蟹較瘦之外，其他都有水準，加上服務環境都不俗，所以整體來說是可以的。

我們一行8人一早就想去西貢食海鮮啦！今天終於成事。最初想去全記，但朋友帶了小狗一隻，不可進入，所以改了去通記。套餐(包茶及加一、不包芥)：1. 海鮮湯 (有白菜仔、蝦及豆腐)2. 椒鹽鮮魷 (OK啦，食了兩件就有熱氣的感覺)3. 粉絲蒸扇貝 (一般啦)4. 清蒸海上鮮5. 花彫蒸紅蟹 (我個人覺得不夠味，蛋白同蟹都無咩酒味，不過有肉食，賣相唔得，有烏冬在蟹上)6. 芝士龍蝦伊麵 (濃濃的芝士味，正： )7. 炒菜 (可以的，我喜歡食 "林D")8. 楊州炒飯 (味道好食，但炒得不夠乾身，應該用了新鮮飯炒)9. 生果盤 (好食，清了)10. 包六支汽水再另加椒鹽瀨尿蝦8隻(2斤重，賣相大碟)$160，阿姐話食套餐加一味菜(海鮮)不需加油料費，加第2味就要啦！我地坐開面，對住個海。今天又沒有風，所以不凍。至於個餐的份量是OK的，因為我們八個人中有一個婆婆食得非常少，而且只有兩位男士。

10月12日 (星期日)今日完成"海下"之旅,經黃石碼頭轉往西貢...當然又是為了吃海鮮...今次選了通記記得上一次(上個月)吃全記的,海鮮只是一般...一分錢一分貨...所以今次決定試貴一點的通記老公仔讀大學時都有來吃過...不錯呢...我次我們一行六人選了唯一的六人餐,又因有人對蟹有敏感...所以將蟹改為生炒骨菜式如下:龍蝦伊麵...記得上次在全記吃的不太好,無乜肉...今次就唔錯,起碼有點啖啖肉的感覺...而且伊麵加上芝士汁,甚有睇頭生炒骨...排骨都幾入味,而且係"肉多於骨"...絕不是一咬下去會崩牙的那種楊州炒飯...都算ok...飯炒得香,不過不太熱蒸石班...幾新鮮,幾有魚味...而且都頗大條...蒸魚汁都幾鮮甜蒜蓉蒸扇貝...雖然配料幾豐富,但無全記咁好味,咁多肉...肉質一般...腐乳通菜...一般水準呢...不過菜炒得過林椒鹽鮮魷...鮮魷肉不厚,不大有口感,不過都算新鮮,炸得脆脆的生果盆...西瓜尚可...但六個人分半個橙有點苛刻每人還送一支汽水跟全記相比...是好味一點的...不過正如老公仔說...想吃真正的海鮮,非逐樣選,逐樣點不可...每人200元有找...

為慶祝父親大人生日,一行七人慶高彩烈到西貢食餐海鮮,$就預咗洗但真的很失望!!為免食雪嘢唔叫餐,叫了隻兩斤多龍蝦,7隻大聖子,7隻大瀨尿蝦,一條兩斤星斑,報數18XX,話送個海鮮湯,一碟炒菜,因五女二男所以覺得已夠.其實原先母親大人要求全部咁新鮮不如全部蒸或焗啦,原汁原味嘛,但個師父話不如等佢發板,整野味啲會好食啲WOR,咁就是旦啦!人哋係專家信佢啦!!點知事就咁出咗喇個湯只係將幾隻蝦和啲蔬菇等放落碗早已預備啲魚湯內,7隻大瀨尿蝦(椒盬)炒,7隻大聖子(豉椒)炒一般般啦,但最出事係龍蝦(清湯伊麵底)個頭呢??之前海鮮湯都唔見WOR,但呢三味真係食唔出係新鮮貨囉!!幸好條魚叫做合格。到埋單條數成2千5wor, 睇吓張單原來收足烹調費,茶芥加一,但貨就唔知有冇七成,早知去返間出名啲,之前食過啲二人餐$3xx都好味過呢間啲<新鮮嘢>真奇怪,閣位記住落車行多幾步轉埋灣大把好揀p.s 食緊嗰陣啲伙計仲好意思成日問好唔好食~~~~~~~~真冇命

昨天一家八個去了通記食seafood.....d海鮮係我地自己揀再講整法咁煮既....食左有:白妁蝦--> 好鮮甜，好新鮮龍蝦每人半隻 --> 蒜茸開邊，真係好好食，啖啖肉!!d肉好鬆..好好味帶子每人兩大隻 --> 蒜茸粉絲蒸，好好食喎，我不嬲都唔係好鐘意食蒜茸，但今次真係好吁好味尿瀨蝦一人一隻--> 蒜茸炒，香到爆炸，又係好好好好味的，d肉好鮮好香螺一人三隻--> 鹽焗，又係非常good，因為係好螺既原味蟶子一人一大隻--> 豉椒炒，好肥好大隻，d味o岩o岩好，好好肉感另外我地仲叫左雞腳同埋腐乳通菜.....都ok..普普通通。是日因為我地自己買左個蛋糕去，職員問我地係唔係有人生日，就送左碟壽包比我地，有成18個咁多，細細個都不錯的~~~~只係環境比較熱，同埋有d焗，坐近路口應該會好d...d service可以話係麻麻地，因為初時我地叫佢雪個cake，佢話好...但轉頭比我地見到佢只係放左向一張冇人既檯到，之後我地再叫佢要雪，因為融..佢先雪囉~ 不過雪cake就唔使收切餅費呀....今次冇叫飯d男仕都夠飽...太犀利啦~~!!!埋