通記海鮮酒家

簡單點，去到西貢食海鮮，如我的題目，我揀西貢通記。 一來老字號，由以往不認識，由朋友介紹開始， 到現在每次來，都是西貢通記。 原因沒他，每次食都保持到水準，用料食得出的靚，用 真。新鮮海鮮， 多少人食都有不同餐配搭，又或者可以以人頭消費價錢叫店家寫菜都得。 食，是食人情味； 食，是食老行專。 ----- 我自己偏愛室內版的老鋪，因為有「冬暖夏涼」，亦都靜一點。 當然有人喜歡碼頭旁邊的分店，為了食氣氛，而且遊完船河落地， 第一間就見到，腳程短，又燈火通明，自然吸引。 至於2間店的出品，我覺得相約，都有水準。 ----- 是日頭盤，因為人少少，所以清清地幾款新鮮刺身開下胃。 西貢通記的刺身，其中特別在於三文魚是即點即切，不是切定， 所以魚肉身上的光澤及魚香會更濃郁。 人多的話，不妨添隻個龍蝦做刺身，保證「正」。 ----- 二人前系列： 清蒸扇貝﹑椒鹽賴尿蝦﹑芝士龍蝦伊面 … 要鮮有鮮，要脆有脆，要香口有香口，要爽滑彈牙也有， 加埋樽裝可樂配海鮮，一個字：「好嘆」！ ----- 機會黎啦飛雲，重點必吃推薦： 黃金鮑魚 黃金蝦就食到悶，鮑魚清蒸冰陣飽魚都食得多… 食黃金鮑魚真係好囂張！ 那些「流金」配合煮得剛剛好的鮑魚，香濃咸蛋黃味加鮑魚既咬口… 呢味我絕對會再幫襯！！！ ----- 最後亦是最前應該介紹的，就是煮家靚湯。 對於獨居的我來說，對湯水的渴望是非常強大的， 本身打算點西貢特產「爵士湯」（即螺頭加豬及其他用料煮成的手功滋陰湯水）， 但當日我遲了，售罄 （哭） 所以退以求用料一樣足的海鮮湯。 兩位女士，竟然可以把一個面盤大的湯水全清，都認真誇張證明有幾正。 ＊醒目仔提示，大家如果要去的話，記得要先預留爵士湯，以免錯失好湯！ ----- 地址：西貢萬年街98-102號地下 電話：27927453 重點推薦：爵士湯﹑黃金鮑魚x100000000﹑任何時令海鮮…查看更多

因為有外國朋友到港, 所以本想帶他們去食美食, 可惜不但未能留有美好回憶, 反而他們誤以為香港的海鮮是如此不好吃是晚由本人作安排去了一間以前間唔中會光顧的海鮮食店, 因為比較有信心, 因為之前感覺雖然不是十分出色, 但起馬勝在水準平均, 沒有太大落差, 價錢可以, 這次點了椒鹽賴瀨尿蝦, 薑蔥炒蟹, 鼓汁蒸勝子, 清蒸海斑, 蒜蓉扇貝, 薑汁炒芥蘭, 炒飯最令人氣憤的椒鹽賴瀨尿蝦 : 我點了5隻, 因為方便大家食, 要求一隻開4件, 但因為上檯時我正和朋友傾談, 沒有留意份量, 到大家都夾了食時, 我至發覺數量好似有點不足, 因為應該有20件, 可惜點計都係得16件左右, 明顯少了1隻, 我搵伙記問清楚是否只有4隻份量, 他沒有經任何思考, 亦沒有細心睇份量, 已經好隨口答, 係5隻, 啱架喇, 我話, 唔係喎, 點都無20件, 佢就態度好惡劣話, 你地都食左咁多, 好難計番D殼, 因為有外國朋友在場, 佢又不明白我們的中文溝通內容, 佢已感覺到我們好似想吵架, 為免他們不快, 所以我都沒有再去理論了第二令人氣憤的薑蔥炒蟹 : 食食下覺得D肉未熟晒, 所以通知伙記, 佢地攞回廚房番煮, 可惜一番煮, 殼上占上 "湖湖" 的口感, 我們都不明白點解會咁, 都算了第三令人氣憤的鼓汁蒸勝子, 蒜蓉扇貝  : 過熟, 好硬及好老, 同伙計反映, 他說, 你們之前厭D蟹生, 所以專登叫廚房留意, 乜都煮熟D, 我聽完立即呆了, 吓...........我要求係合理的熟, 是食了不會肚痛的, 不是佢地口中煮熟D, 令海鮮失去鮮味和口感清蒸海斑,  薑汁炒芥蘭,  炒飯 : 基本野, 已經沒有什麼可以講了因為朋友都沒有影食物習慣, 所以沒有相片可提供 (而且一開始已一肚氣, 更沒心情影), 但提交此文, 希望大家唔好誤入不老實的店鋪而有不愉快的經歷…查看更多

西貢食海鮮。老字號通記海鮮酒家大件夾抵食好耐無入西貢, 入得西貢緊係要食海鮮啦~^^~西貢特色海鮮街, 以海鮮為主題, 幾乎間間都可以俾你直接挑選生猛海鮮~沿著西貢市中心海旁行見到間間都坐到人山人海, 忙得不可開交本來想入去幫襯的又無位, 俾人訂晒台, 再沿途行過一條街, 發現了同名海鮮酒家,上網查萬年街通記海鮮酒家原來係總店添~總要係老字號, 開左30幾年了~緊係入去試下啦~有些人喜歡坐街有風味D, 我就喜歡坐室內, 有冷氣涼有電視睇, 環境又靜 D 舒服 D~我地其實無乜心水唔知食咩好, 問下老闆有咩好介紹, 老闆介紹刺身是即叫即切, 保證新鮮所以就點左個刺身拼盤, 不過驚太大盤食唔晒, 老闆話可以幫我地就返份量~嘩! 嘩! 嘩! 咁大盤既~我地兩個女仔之喎~哈哈~~睇得起我地既食量~哈哈~~象拔蚌真係好新鮮, 食到索索聲~帶子鮮甜可口老闆介紹話三文魚是即叫即切, 保證新鮮, 新鮮香口的油份依然看得見~食完剌身我地點左個海鮮湯嘩~估唔到咁足料, 食埋D湯料真係驚會好快飽左~哈哈~~好清好鮮的海鮮湯, 啖啖鮮甜, 有蝦有魚的鮮味蒜茸粉絲蒸元貝, 永遠都覺得吸盡鮮味的粉絲係最好味既~哈哈~~調味剛剛好, 沒有蓋過元貝的鮮味, 蒸既時間也恰到好處一直心掛掛想食椒鹽賴尿蝦, 緊係要點, 好大隻的椒鹽賴尿蝦香味撲鼻既椒鹽賴尿蝦, 椒鹽味滲透入賴尿蝦中, 嫩滑鮮甜好滋味~食到呢度, 個腦就浮左兩隻字出黎~「可樂」咁香口既美食緊係要配可樂啦~仲要係支裝~正~ 諗住飽肚就點左個芝士焗龍蝦伊面底龍蝦手掌咁大隻, 吸了芝士味的龍蝦肉爽口彈牙無得頂, 芝香味濃 伊面好細心應該剪短左, 好易夾唔會彈到D汁周圍都係最令人期待的黃金鮑魚終於來啦~^^~ 香味亦撲鼻而來是通記海鮮野味酒家新菜色黎架~平時已經好喜歡食黃金蝦, 蛋黃香到不得了~今次仲要同鮑魚 crossover 好正呀~~色澤金黃既汁真係無得頂, 不停回點再點再點~~好好味~鮑魚彈牙鮮味無窮, 入口鮮味久久不散, 令人回味再回味芒果布甸, 好滑, 有少少芒果肉, 唔錯今餐真係食得好滿足~好想帶媽咪黎食~除左點菜, 大家還可以自行挑選喜愛的海鮮, 再交由餐館內的廚師加工烹調 通記海鮮野味酒家總店︰香港西貢萬年街96-102號分店︰香港西貢海傍廣場11-15號地下…查看更多

我哋一行60幾人一齊慶祝公司宴會快樂的星期五可以去西貢食海鮮一個價值回憶非常好的快樂星期五其實今晚嘅食品好多我啲相係影唔晒（因為掛住食）你望到個份量， 同埋個價錢，你就會覺得好抵400蚊一位！刺身拼盤經常都有不過裏面加埋新鮮嘅象拔蚌就唔多地方有啦蒸嘅時間恰當好處粉絲同埋蒜蓉比例啱啱好肉質鮮嫩啲鮑魚應該以往係細細隻但係質素絕對唔馬虎爽口彈牙龍蝦的細細隻不過肉嫩味味個麵煙銀彈牙，芝士醬非常掛麵，非常邪惡賴尿蝦都係細細隻我有啲spicy我見啲同事食唔停口食完一粒又一粒應該好好味…查看更多

去了游船河就想吃海鲜，试了试这家通记海鲜，挺吃的，风景也不错。之前别人说不好吃服务差，可是就觉得并不是，其实挺不错的，气氛很好很多人。而且这家是吃海鲜最老字号的一家，40年历史了。…查看更多

外國親戚來港,帶他們來西貢吃海鮮一坐低,大家先點了可樂炒通菜通菜口感爽脆,腐乳惹味有鑊氣炒飯爸爸最愛,老人家無飯不歡,炒飯粒粒乾身,不錯炒蜆整碟不是粒粒有肉,大約7成有肉,無沙,豉椒味夠濃,蜆肉剛熟有口感魚蒸得剛好,很滑,魚汁好味螺也十分好味,細細粒,吃了很多炒蟶子,一人一隻,肥美又有些辣味,外國親戚大讚好味瀨尿蝦好嫩滑鮮甜,口感十足,非常香口…查看更多

每年家中最年長輩生日，都會去西貢食海鮮。今晚都唔例外，以前都唔會寫，不過我已經兩年無晌香港食，次次都撞正出TRIP，今年一食，發覺有啲好咗有啲就差咗，於是今年就記錄返低。今日我地食左下面東西。海鮮刺身：有三文魚、帶子、希靈魚、八爪魚、赤貝、象拔ＰＯＮ等。除左象拔ＰＯＮ之外，其他都食得出係叫貨返來的，不過算叫做排得幾靚，但以前西貢海鮮舖唔會做呢啲，感覺唔同左白雲鳳爪：無影到，但好唔掂，以前個味無咁差，今次食落去又硬又唔香，扣分白灼蝦：OK，一如以往，好新鮮好甜芝士龍蝦伊麵：好味，淡淡肉，整得唔老炸蠔：炸得啱啱好，外脆肉JUICY ，不過佢個炸漿實在係太厚身喇，有改善空間蒸飽魚仔：麻麻地，多啲陳皮絲會好啲蒜蓉瀨尿蝦：香脆而肉滑，無得彈豉椒炒蟶子皇：火喉剛剛好，咁多年個味都無變過，當然係因為材料ＯＫ，是日最高分上湯粉絲浸大蜆：麻麻地，蜆好硬咁好多炒到個殼碎曬薑蔥炒蟹：材料堅，蟹多羔，夠香，一絕白烚鮮魷：唔掂。唔香、無味、得個硬字三文魚炒飯：飯炒得唔錯，無油，但都係海膽炒飯好食啲炒通菜：唔掂，好多渣總括而言，比以前差左少少，大約得7-8成KEEP到以往水準。但係租金人工食材不停上漲，加上老人家食回憶呢家野，相信下年始終都會食番。…查看更多

刺身拼盤不錯呀！款式夠多!環境都算舒適!避風塘炒蟹太重味，太咸!燒鵝香而不膩!清蒸鮑魚很鮮味。。。但價錢略貴，8個人埋單4仟幾蚊，比酒樓還貴，而且菜式普通，不算突出。…查看更多

一行四人去西貢打算食個開心中午飯,來到簡來簡去,都唔知食邊間,就撞手神去通記由於大家都唔想比太多錢,所以食個套餐就好了,簡左$688 四人豪華龍蝦套餐真係食到飽飽的,龍蝦肉不算好多,但已夠4個人食,尚算新鮮.芝士伊面夠飽肚,芝士汁又夠濃.薑蔥肉蟹就真的不錯,肉厚鮮甜,薑蔥入味,肉蟹仲有唔少膏算係驚喜.埋單每人2舊水,算係咁啦.…查看更多

周未到了通記海鮮野味酒家吃晚飯, 慶祝母親的生日, 我們選了一個六人套餐, 最先來的炸鮮魷很爽脆彈牙, 值得一讚, 接着來的芝士龍蝦伊麵也挺不錯, 芝士味濃郁, 但龍蝦肉不算爽口彈牙, 海鮮湯很鮮甜, 有蜆肉配合白菜和豆腐效果一流, 清蒸扇貝略嫌肉太小, 有點失色, 海上鮮的魚和蟹蒸水蛋也很鮮甜, 大家吃得津津有味, 楊洲炒飯是唯一吃剩的一碟, 因為略嫌太乾, 總括而言, 這一餐六個人吃份量足夠, 水準一般, 但環境不錯, 是共聚天倫的一個選擇.…查看更多

其實一般諗唔到DINNER食乜，又想食得豐富一點都會去食海鮮食海鮮都係會入西貢，入西貢就去通記喇！食開有感情HAHA油鹽水雞腳~~~仍是咁好味，雞腳夠入味又唔會"林"到爛哂蜜汁叉燒~~~肥瘦均勻，肉夠軟林，味道真係冇得頂刺身拼盤~~~睇到都已經好HAPPY三文魚刺身~~~厚切夠肥美希靈魚~~~好甜美魚立魚刺身~~~肉質夠爽口象拔蚌~~~甜美爽口賴尿蝦~~~去哂殼，啖啖肉好方便帶子刺身~~~甜美非常蝦刺身~~~新鮮，蝦肉爽口八爪魚~~~鮮甜辣酒煮花螺~~~辣辣的，花螺煮得剛好，不會過熟而變"UN"，個汁真係好惹味又好味蒜蓉蒸扇貝~~~扇貝大大隻，放左粉絲，粉絲吸哂D汁，正芝士龍蝦~~~龍蝦肉大大舊，啖啖肉，肉質又夠爽口，芝士味又夠濃椒鹽墨魚~~~肉質厚，有咬口，炸得好乾身，一D都唔由椒鹽賴尿蝦~~~好味，我最LIKE油鹽焗奄仔蟹~~~香到呢！睇埋下面張相就明哂睇下D蟹膏邪惡到呢！蟹膏軟綿綿，好甘香，蟹肉又好實好甜，但真係不能吃太多三文魚炒飯~~~飯炒得乾身，一粒一粒的，三文魚碎都唔少架，好味清蒸魚魚~~~好好味的魚魚，肉夠滑，又係蒸得剛好，剛離骨真係飽到不能動，仲有芒果布甸同生果盤…查看更多

想來想去都唔知食咩，最後都係決定嚟通記食海鮮。中午先來book 位，好彩 book 8點半，仲有位，因為之前食客開始離開。店員好殷勤地招呼內進，地方依舊整潔，由於已經肚餓，於是很快地叫餸，仲叫佢 落左一打 沙薑雞腳 食住先。雞腳暖暖的，又夠入味，又夠諗，好夠膠原感覺。之後很快到碟，薑蔥炒蟹， 熱辣辣香噴噴，好吸引，食落好新鮮，味道剛好，有濃濃的蟹味之餘，仲有好香的 蔥味。而且隻蟹仲有好多 滑滑的蟹膏。好大隻的元貝，上面有 蒜蓉粉絲， 元貝肉很爽身， 啖啖肉。魚，唔算好大條，但蒸到剛剛好，所以 肉質上算嫩滑，正常餸菜。刺生 : 新鮮，但等的時間較長，首選 三文魚腩 夠肥美，象拔蚌，好爽口。椒鹽鮮魷，正常野。椒鹽瀨尿蝦，炸得十分香脆，唔覺油膩，肉質好爽滑，脆卜卜好香口。芝士龍蝦 : 份量十足，芝士味唔算太濃，有些像上湯，但都好好味，ps 如果可以轉 生麵，比較脆身D 會好D。海膽炒飯，海膽份量少，唔多覺，像普通炒飯。…查看更多

今日放假在家大婦除，真係好倦呀！執到咁倦當然要慰勞下啦！好耐都冇去食海鮮喇，約埋家姐一齊去食先刺身拼盤三文魚~~~好肥美呀帶子~~~又是鮮甜之選牡丹蝦~~~好美味又爽口賴尿蝦~~~第一次食，超多膏，肉質好甜好味八爪魚~~~鮮甜芝士龍蝦伊麵底~~~好香濃的芝士香，龍蝦肉好爽口蒸扇貝~~~好大隻呀！肉又好厚喎！豉椒炒聖子王~~~大大隻的聖子，肉質好爽口彈牙蜜汁叉燒~~~肥瘦均勻的叉燒，好食到不得了 薑葱炒蟹~~~蟹肉好實好甜，又炒得好惹味清蒸斑頭腩~~~魚肉好厚，鮮味十足海膽炒飯~~~飯炒得好乾身，味道又剛好真係食得好飽飽…查看更多

聞說好多人都話，西貢食海鮮有好食又出名，反正要搵地方慶生，而且叔叔之前食過話得，於是遠渡而離試試。呢度有幾層高，唔算好大一層，但都ok ，起碼地方整潔，店員都幾 nice ，上菜都算快。唔記得叫咩名的蟹，有些小咸，但是可以接受，肉的質地都算爽，蟹膏好滑好香，都唔錯。首先到達的，就係呢個 “龍蝦雜錦刺身”樣子非常之吸引，令我眼前一亮。裏面有 龍蝦肉，三文魚，瀨尿蝦，甜蝦，象拔蚌，魷魚，八爪魚，希靈魚等等，全部都好新鮮，好爽鮮甜，可能都因為見到個樣咁吸引，所以都有些加分。芝士龍蝦伊麵：味道剛剛好讓麵吸收到芝士的味道唔會太傑，龍蝦肉很爽甜易都好新鮮，份量都很多，足夠我們十個人。粉絲蒸帶子：好香蔥油味，粉絲好煙un ，帶子肉質鮮甜，好滑，可能因為剛剛熟。巨型椒鹽瀨尿蝦，炸得很乾爽，瀨尿蝦是剛剛熟的，所以肉的質地很嫩滑，仲有些椒鹽味，加埋一齊，好野味。豉椒聖子皇：聖子好大隻，肉質夠爽，豉椒味剛好，唔會太搶過聖子的鮮甜。海鮮湯，ok 啦。海膽炒飯，可以但唔太特別。甜品：魚形芒果布甸，凍凍的好好味，雖然唔太濃郁，但加左花奶，好香又夠滑但總括嚟講，可以再去，希望下次再嚟食都OK 啦！…查看更多

星期日又係一年一度遊船河時間啦,同去年一樣,都係去食海鮮餐,今年物價高漲,所以價錢貴左,每人要350包餐,其實今時今日要食海鮮,呢個價錢係好抵食的.套餐的菜式跟上年有一點不同,我地今年都有食刺身拼盤,個刺身拼盤賣相都好吸引,同埋好多款式選擇,有三文魚,瀨尿蝦,螺片,帶子,唔知咩魚,甜蝦,八爪魚,仲有中華海浙.佢地話唔夠凍呀,不過我覺得都OK,幾爽甜呀.蠬蝦伊麵都好大碟,係波士頓蠬蝦,幾好味呀,蒜蓉粉絲蒸扇貝都OK,幾大隻的,啱啱熟呀,幾大隻的.瀨尿蝦都好大碟,我食左一件都OK呀,但係原來有些未熟架,同仕應講叫佢再炒下因未熟,之後好快就嚟,其實以為佢地會換過一碟,因有兩件係食過,已同仕應講食過但佢原碟炒完攞番上嚟,連果兩件食過的都一齊炒,真的唔知講咩好,但係仍然未熟,之後嚟左一碟炒聖子,但係原來佢地話都未夠熟,咁就搵個話事人一次過反映下,點知話事人話聖子係要咁先好味架喎....瀨尿蝦D羔係咁架喎,D人係咁食的,佢既解釋係令你冇得反駁佢....隔離枱話佢地食唔晒俾我地就唔使再整,但係原來隔離枱的都未熟囉,D羔未變色,係半熟狀態,同埋切開D肉係半透明狀態,入面係凍的啊,即係冰鮮既瀨尿蝦啦....今次真的太過份,再叫話事人嚟,佢已經唔理我地,只派另一個人嚟,跟住話幫我地再整...第三次又係一分鐘攪掂攞番碟嘢嚟,但仍然未熟,想點呢?????話事人可能覺得我地太麻煩,所以話攞左幾隻再整俾我地喎,份量係細左好多,應該係新鮮的,但係真的莫明奇妙,咁細隻都唔熟,個火定個廚有事呢???!!!我地已經放棄再跟仕應講..有個仕應小姐見我地好似好慘咁,就話幫我地蒸熟佢,今次真係熟晒啦,但係冇晒味呢.蒸魚,係養魚嚟架,好大條,不過佢地話梗係海魚好味好多啦炒蟹,好大碟,味道都OK,但係冇人問津,唔知係咪因為攪瀨尿蝦都攪到冇晒食慾了....炒飯,冇食唔知椒鹽鮮魷好薄的粉漿,睇到晒入面既鮮魷,麻麻地炒青菜,正常,起碼係熟的甜品及生果都係芒果布甸,橙西瓜.味道OK其實我地都知道食呢D團餐係一定唔會好好味,但只係要求煮熟佢都好似係好過份既事情,依家咁既服務態度係唔得架啦..........…查看更多