通記一品菜館 (已結業)

經過朋友介紹，落去九龍城試一試間中菜館，嗌左幾樣餸，有啲仲係老闆介紹添，試左幾樣，手勢唔錯，鑊氣都夠，近期聽講近期會有優惠，下次會再落黎，因為性價比都好高，會再介紹朋友落黎食飯。

閨蜜2人豪華海鮮晚餐😋 好味晚餐，抵食，超值，好味！💗💗💗💗💗💗💗💗💗💗💗行緊搵嘢食途中，見到有個妹妹喺街口度派傳單，拎左張傳單一睇寫住98蚊海鮮餐！？便到我唔信😳 妹妹話原來餐廳做緊推廣，呢個98蚊餐係每日6點前。 98蚊位有5樣野食，3款係海鮮🤩🤩 諗都唔諗即刻要call朋友黎試呢個餐！朋友已介紹其他人，講明會再次來襲！

今日約左3個朋友落去通記食飯, 早2日打去訂枱. 原先想去食泰國菜,但見到通記有200蚊餐,好似好抵食！所以臨時變陣 轉食海鮮餐！朋友開頭見200蚊都會擔心個質素, 咁點知食完呢 ,大家都望到啲相啦！ 😋😍😍 係十分之好味既, 然後真係二百蚊一個人, 呢個價錢係超抵食！！！！物超所值！！會繼續嚟食！！🤩🥳

原來餐廳改左個招牌門面，仲以為轉左手。😛回歸正傳，復活節再同居企人黎食，全部都好正😋😋😋😋，今次黎同上次食完嘅一樣好評，食到好飽，媽媽滿意讚賞，任務完成！

中午係九龍城做完野，順便係到食晏就搵下有啲咩餐廳平又抵食，行咗半個九龍城幾條街大部分都係泰國菜或者茶餐廳，經過衙前塱道行到行尾小曼谷前少少見到有間餐廳叫做通記一品菜館。餐廳左邊有個大魚缸差唔多一半門口咁大，見到有好多大大細細嘅魚但唔知叫咩名，另一邊缸重有龍蝦又有蟹連象拔蚌都有，就算平時少食海鮮見到咁多種類都覺得好吸引，門口右邊玻璃貼住張二人海鮮餐見到好多野食可以簡，每位都係200蚊重包埋茶芥加一，應該幾抵食，得閒搵埋朋友過黎先都幾好。入到去問一問原來佢地係夜晚做海鮮，平時晏就做飯餐，枱面一大張紙寫住午市堂食飯餐$32，見到呢個價錢真係嚇親，重要有例湯送！除咗每日唔同之外外賣自取重要平多2蚊姐係$30！而家要搵平過40蚊嘅晏就都好難呢到重要係$32，重要有例湯送埋真係唔知點做到。除咗$32飯餐之外重有得簡其他，最貴都係$55（豬扒、火腩、牛腩個種），其他都係$48樓下就有得開餐，今日試咗個乾炒牛河，朋友就試咗個揚州炒飯。乾炒牛河係廚房明爐即炒出黎，聽住廚房啲炒鑊一路聽個肚一路叫，幾時先可以食到。見到上到枱出曬煙就知道真係即叫即整無呃人，重要咁大碟真係好抵食，有鑊氣之餘味道都唔錯，河粉一條