近水樓台 (已結業)

裝修豪華嘅《近水樓台》，一直係機場員工嘅高級食店，最近，<近水樓台>亦都因應抗疫情況, 為員工提供外賣自取。適時嘅應變，呢個實時都10分便利員工👍🏻我講返食物質素啊 食物嘅主菜食材都比較多，例如是日叫咗咖喱薯仔炆雞, 飯很大碗，雞嘅數目都有接近10件，價錢CP值高$42…查看更多

近水樓台最出名係佢個停機坪無敵 view,可惜今日煙雨朦朧，乜都睇唔到😅呢個廣東點心套餐，每位盛惠$180，另加茶界$35。個雞絲燕窩羹得過鹹字，點心拼盤欠鮮味；order左蜜餞欖角骨同豉椒咸酸菜炒牛肉，味道賣相均欠佳。仲要個侍應態度非常敷衍，價錢和服務成反比👎🏻…查看更多

今日lunch 無帶飯，之前聽同事講office樓上果間中菜廳做外賣，價錢實惠，第一次買外賣用mastercard俾錢可以減30蚊。佢普通一個外賣賣緊60蚊一個，宜家30蚊可以成交，真係好吸引。我早十五分鐘用OpenRice app落order, 佢每日都有4-5個choices, 而我今次揀左滑蛋涼瓜炒牛肉配絲苗米，飲雀巢檸檬茶 （佢仲有烏龍茶揀）佢好準時就有得拎。食物份量算多，飯同餸分開上，前菜有yip青瓜，好食😋呢個肺炎疫情咁緊張關係，呢個外賣選擇算是唔錯啦😌…查看更多

我係用美國運通卡果個優惠，本身2大1小，有兩張卡，到達方知原來三歲以上要有卡或需要付費食同一套餐，否則不能入，亦未能叫其他野，當時條款係無寫。但佢又比外賣喎，最後我們便係街食左個餐了。其實幾歲小孩，成個餐跟本食唔曬，唔係錢問題，係浪費。而比我外賣，亦不環保，要知道小孩入內，最多坐多個坐，食物無多到，亦唔䁛有成本分別，不似一般候機室任食。如果唔係信用卡包，都唔會知哩間無生意餐廳。再者，而家都唔會再去，處事太差了。…查看更多

不嬲都有用Amex張Cathay Pacific card，相信唔少人都知用個張卡同boarding pass可以入Plaza Premium Lounge，今次本身諗住去T2個個，點知裝修，不過門口有告示牌話可以去呢間近水樓台食一個餐，咁所以我地就去喇要出另一棟大樓再搭lift，唔算好遠但抽住行李就有啲麻煩。上到去個環境都唔錯，應該係平時飛行學校/寫字樓啲人食野既地方，算靚既代替lounge entry既就係食一個set，有湯有點心同埋可以揀一款小菜，我揀左菠蘿咕嚕肉，朋友就揀左蝦球。湯我地都揀左粟米蟹湯羹，幾好飲。點心方面都一般啦，唔係好高質個隻，都似平時係lounge任攞個啲質素。小菜我覺得都ok，算係正正常常，蝦幾大隻。總括而言，用信用卡優惠食都算ok，係機場等既時候坐下填下肚飲下茶都唔錯…查看更多

旅遊達人教路加信用卡大幅推廣用信用卡優惠加登機證就可以享用膳食一餐。剛好中午機抵港就去嘗試一下。地方有點遠要去另一個office 中午食飯時間加上免費我們也預左要等。企門口reception有一男一女。女既nice 男既同我地講企埋一邊排隊就ok 不用攞飛，要等大約45分鐘，唔等可以入番機場貴賓室。態度不友善，而且有點睇唔起人。結果等左十五分鐘就入得去食了。野食來講算ok, 加上免費有一點心小食，小菜，湯及甜品。算係好高cp 總括而且，各員工很有禮，環境及野食ok 美中不足就是有一個睇唔起人既男員工破壞了整個氣氛。建議餐廳改善一下員工的心態。因為信用卡優惠係您地自己提供的。如度不想提供，就唔好做promotion. 員工態度希望可改善…查看更多

今日家人同細佬在機場餞行, 行李CHECK-IN完大約5PM左右見仲有時間剩, 媽媽就打電話去近水樓台BOOK枱，並詢問持有CX AE ELITE卡同BOARDING PASS 是否可換取免費套餐一份, 操英語的女接線生回答"是， 同行賓客可以散叫小菜 (A-LA-CARTE)"。 於是家人一行6人推著手提行李去餐廳。當時餐廳門口有２位男職員，當媽媽詢問是否有散叫小菜 (A-LA-CARTE)時, 其中一位態度極度冷漠地回答沒有散叫，所有客人一定要叫$198/位的套餐 (除細佬有BOARDING PASS和AE卡外) 。媽媽已經表示願意支付5人套餐，但這位職員繼續諸多留難，不准家人推手推車入餐廳，也不准手推車停泊在餐廳門口，堅持家人先把手推車送返地下大堂，令家人深感遭受不禮貌對待，似是不歡迎客人領取免費套餐。最終一行人放棄在餐廳用膳。其實只希望一家人齊齊整整食餐飯，最後留下一肚氣，真係十分難受！…查看更多

今晚同媽咪搭夜機去旅行，諗起好耐無去機場世貿中心7樓食飯，所以決定帶媽咪去一次，印象中一直都覺得該中菜廳好貴，但今次去到見到餐牌上面都係大眾化價錢，味道不錯，個咕嚕魚真係超好味，不過我地掛住食無影到相，上機前可以靜靜地享受假期既開始，餐廳內仲有落場玻璃，果日我地六點鐘去到，天都未黑，一路食飯一路望住飛機升降都係一個唔錯體驗，當晚客人唔多，上菜速度亦都好快，已決定同媽咪回港果日再食多次下次四個人去仲可以食$980呢個餐 夾埋都係大概二百幾蚊一個人，超值…查看更多

機場, 一個交通繁忙嘅地方... 如果想一落機近近地飲杯野, 會去邊到? 嗜杯中物嘅我, 一落機通常都會去附近嘅酒店例如富豪, 萬豪, Novatel等等... 但可惜無得食雪茄 😵最近發現到一個新地方, 叫近水樓台 <<近水樓台先得月, 向陽花木易為春>> 當您踏入呢一個地方就會深深感受到呢兩個說話... 一步入酒吧, 幾張高枱, 幾張梳化枱, 人流唔算多, 但係我就被一個露台吸引, 一個無可能喺租金昂貴嘅香港出現嘅露台就活生生喺我面前 二話不說立即坐低, 叫一杯生啤釋放一身嘅悶氣, 人有好多釋放壓力嘅方法, 由入行至今不知不覺已經9年, 有得有失, 有高有低, 但係we always stay positive 💪💪💪💪除左嗜好杯中物之外, 雪茄係另一樣我愛嘅, 而呢一個酒吧露台絕對值得我由我Humidor拎一枝Trinidad Robusto出黎享受獨處嘅時間, Trinidad無論Robusto T, Robusto Extra停產嘅停產, 難搵嘅難搵, 未必以正常嘅價錢買到...不知不覺, 日落黃昏... 感受完全不一樣, 我完全估唔到機場入面都有呢一片綠洲!如果下次落機再有時間, 呢間酒吧會係我number one嘅選擇!!…查看更多

今晚真開心，泰國旅遊返黎，啱啱落機，想要醫肚，響飛機上面就掛住呢幾日食唔到嘅廣東菜，諗食啲乜嘢，好快就決定響去「近水樓台」食餐百份百正宗傳統廣東菜，平、靚、正...一流水準！兩仔爺食飽飽，都係四百幾！餐廳環境就唔使多講，360度睇曬香港國際機場全景，仲有睇埋3跑嘅位置同港、珠、澳大橋。下個禮拜12號母親節正日，一定要帶老婆細路過黎再食過...佢地一定開心，響最近嘅距離睇曬啲飛機升降，全港就只係呢度先有！…查看更多

終於開始寫我第一篇食評由於工作關係成日去機場機場嘅餐廳都食得7788但近水樓台之前只係食過一次仲好耐之前上次黎已經覺得唔錯今次再嚟水準仲keep到環境同服務都好好餐廳嗰邊雖然睇唔到飛機升降 但都望到terminal嗰邊 好開揚今次叫咗廣東點心套餐$180一位其實一啲都唔貴有三樣點心一個湯再加一人揀一個餸再加白飯甜品全部都好好食 樣樣熱辣辣係個番薯糖水普通咗啲 不得不提係佢個XO醬雖然佢唔係最好嘅XO醬 但都幾香幾足料如果去開機場又唔知食乜又有時間絕對值得推介 …查看更多

作為東涌居民，在東涌和附近地區 "揾食" 是我經常要做的事情。OpenRice 的網上搜尋器，上至青衣，下至赤鱲角一帶的地區都給我瀏覽透了。不過有一間食肆，不知何解一直聯絡不上，使我對它的興趣日加濃厚。某天，終於給我聯絡上了，原來每逢星期天和公眾假期均是它的休息日，怪不得它的 "行蹤" 會是那樣撲朔迷離！近水樓台就在赤鱲角機場的世貿中心內，透過廣闊的玻璃窗，可近距離看到飛機的升降及飛翔。餐廳的隔音設備完善，安坐於用餐區，環境安靜、舒適。XO醬最初推出市面時，標榜用料矜貴，售價亦頗高昂。但不久後，XO醬便在市場上氾濫地推出，二、三十元也可購買一瓶，當然質量成疑！近水樓台的 XO醬，把當年真材實材的質量重回舌尖上。滿口盡是乾瑤柱、蝦籽等精華，味道鮮濃惹味，老公和我也感到滋味無窮！近水樓台中午提供點心、幾款點心套餐和散叫的菜式。老公和我決定嘗試一個廣式點心套餐，然後再補加一些點心。當天的會所明火靚湯是青紅蘿蔔煲豬肉，湯味清淡、甜味一般，可取之處是無添加的製作。廣式點心套餐包括潮州蒸粉果、羊肚菌燒賣和芋絲脆春卷三款點心。潮州蒸粉果的粉果皮黏軟，質感跟同湯丸皮相約，頗為特別。而餡料包得扎實，不過稍嫌香氣不足。很喜歡羊肚菌燒賣的豬肉餡，鬆軟富彈性，肉汁澎湃，非常美味，也許羊肚菌份量不多，致使羊肚菌的香氣甚為薄弱。一試芋絲脆春卷，脆薄香而不油的春卷皮最為動人，證明炸功與火喉控制出色；芋絲餡猶如芋蓉般軟滑，芋香亦不錯！廣式點心套餐內有八款小菜選擇，可任擇其一，我們選了西蘭花鳳片花枝。西蘭花鳳片花枝是一道平凡的菜式，但近水樓台卻在平凡中使出的不平凡的功架。西蘭花保留爽脆口感，菜莖子同時滲出恰好的上湯的滋味，因此菜香與調味同時並重，與鳳片和花枝終如一家人般，混為一體，沒有分離的感覺。鳳片嫩滑細緻，花枝片富彈性，調味適中自然，三款食材均能達到平衡融合之效，令人稱心滿意！廣式點心套餐還附有精選甜品一客，我要了清怡滋潤的蛋白杏仁茶。杏仁茶順滑流暢、甜度適中，杏香亦不弱！近年支持環保，甚少主動挑選魚翅作食材，但看到秘製魚翅灌湯餃名列餐牌最前排的正中位置，想必在眾多點心中具過人之處，於是打破慣列一試。灌湯餃不是最傳統、考功夫，餃包著上湯的模樣，而是改良版的上湯浸著餃子的形式；上湯內一邊是大大的餡子，而另一邊就是小梳的魚翅！一呷清澈的湯頭，鮮甜濃厚，湯香迫人，這上湯肯定是老火足料泡製的傑作。魚翅的份量要比預期為多，由兩至三梳小魚翅組成，密度超凡、爽勁彈牙，光是上湯與魚翅已值回票價。大大的餃子，皮薄軟棉，餡料由豬肉和蝦肉等釀入，效果不過也不失！鵝肝炸芋角也是廚師表現炸功的點心，跟芋絲脆春卷有著同樣出色的火喉，鬆化的外層，不油且香，相當不錯！炸芉角的芉蓉餡飽滿、軟滑兼富有芉香，唯鵝肝的香氣淡然，淡得幾乎嚐不出味道來。陳皮牛肉球的質感過軟，缺乏彈性，牛香與陳皮的香氣未能予人美好的印象。芙蓉帶子餃賣相白白嫩嫩，以蟹籽和香葉作點綴，還隱約看見帶子的影蹤。將芙蓉帶子餃盛於碟上，突然間芙蓉彷彿幻化為高山上的雲層。一試這如雲的芙蓉帶子餃，只感到味道很清淡，而帶子也許太薄了，只能製造出丁的口感，鮮味欠奉，幸好有出色的 XO醬調味。小小的酥皮蛋撻是即叫即焗的甜品，製作需時。酥皮雖然不算酥鬆，但蛋香濃郁、一咬還有丁點流心的蛋漿溢出，有著心太軟異曲同工之妙，小心燙傷嘴巴！經理也向我們推薦近水樓台的合桃露。合桃香氣濃厚，質感滑溜，甜度也適中，連平日不太愛合桃露的老公，也感到非常滿意！經理又為我們送上貴花榚，令我們飽上加飽、蠢蠢欲睡。雖然如此，但味蕾並未有半點鬆懈，貴花顯著的清香、自然的啫喱感，與及輕甜的滋味，全都印在腦海裡。近水樓台的點心達中上的水平，唯尚有進步的空間。而唯一嘗試過小菜，卻突出了細膩的廚功，有機會的話，下次會多嚐近水樓台的小菜。雖然當天的天氣不算太理想，但置身於優雅的環境，和細緻的服務下，讓人心情得到放鬆與平靜。作為東涌居民，就是近水樓台先得 "悅" 了！…查看更多

若非朋友相約,沒有留意到機場也有一個世貿中心,起初還以為朋友相約在銅鑼灣吃飯,一囗答應;怎料要老遠跑到機埸吃一頓飯,市區選擇多的是,起初真有點後悔,況且車費並不便宜.但想到自己絕不會去,食肆名字雅緻有心思,放棄機會或有所失, 於是如期赴約.原來機場世貿是一私人會所, 設計走傳統殖民地路線,顏色沈實,走廊滿掛照片油畫,放置了不少古董擺設,我們的貴賓房內還有一對紅色大對聯: "安居之宅春常在,積善之家慶有餘", 很有家的感覺. 原來此處大廚岑師傅,亦曾得數行美食大獎,鮑汁是師傅的拿手之作. 桌上的碗碟及花盆擺設卻十分新派, 突顯香港華洋雜處之特色. 大廳一面被大玻璃包圍, 早上可以府覽機場景色,我們晚上遠望只見一片漆黑. 餐廳的另一面有陽台,可供客人到室外把酒暢談,適合包場酒會;此外朋友告知會所提供存酒及雪茄之服務, 方面商務旅客, 他也正在考慮入會.友人早已訂下菜式, 務求品賞懷舊手工菜及岑國光師傅之手本名菜. 八道菜式, 每位$568, 再加茶水服務費及$300開瓶費, 結算時每人$700, 略貴! 以下是我們品嚐了的八道菜：懷舊蝦多士每逢有飯局以懷舊菜為題,總是少不免有此道殖民地年代流行的香港化西式小吃.要做得好,炸功要出色. 蝦肉要拍成膠,調味後混入適量豬肉; 多士沾上蛋白麵包糠後鋪於多士上同炸,要炸到蝦膠緊貼多士不離身,香脆之餘唔油膩,恰到好處,少一分恆心,少一分經驗也不成.這兒的,香脆惹味, 顏色金黃悅目, 蝦膠份量飽滿, 雖不及陸羽及香港大學校友會的好,亦算是中上水平了!蜜汁燒金錢雞舊式燒臘店必備的燒味, 現在也許已成絕唱, 知道的只有數家食肆願意做, 例如得龍, 蓮香, 鳳城等等. 大家用的材料大致一樣, 竅門在於如何令冰肉(即肥肉)入囗不膩, 但齒夾留香; 亦有一些食肆採用新派做法, 會以馬蹄代替肥豬肉, 減少油膩. 是晚吃到的是傳統做法, 一片油潤的肥豬肉作為頂層, 夾心的是雞肝, 放底是一片叉燒, 但沒有見到薑片, 不詳是否燒好後拿走了, 水準接受, 滋味好吃, 但略為油膩及欠缺惹味, 估計是廚房燒爐設施所限及燒味非大廚專長之原因!陳皮香菜燉老鴨 :)出色的老火湯, 有陳皮香, 湯水醇厚清甜, 整只老鴨足料足時烹調, 正好解去剛才兩道菜的膩, 清清味蕾.附上的湯渣, 香菜可吃, 老鴨原只上, 可看不可吃, 肉已無味, 而且大家當然讓胃納留下空間, 以作品嚐餘下菜式.古法焗釀響螺 :)古法焗釀響螺,也許亦是殖民地時代的混血菜式創作, 不詳何謂古法,一向喜歡焗釀這類原只貝殼類海鮮菜式, 所以當朋友建議點此道菜時立刻舉腳贊成. 喜歡它原因有三: 愛它的造型, 鮑滿的醃料釀在整只響螺連殼上,見到已覺是佳品; 二則是香氣, 淡淡螺肉香,牛油香及葡式咖喱香, 增進食慾; 最後當然是那豐富的口感,鮑粒螺肉粒粒實在有嚼囗, 薯蓉及洋蔥增加辛味及軟棉感, 一匙匙吃, 精華所在, 盡是滿足.急不及待, 盛滿小匙大啖吃之, 鮑粒螺肉火腿薯蓉及洋蔥混合一起, 囗感豐富有層次, 是晚的螺肉粒結實彈牙, 也許只是雪藏材, 但烹調工夫了得, 我給予中上的評分. 荷香八寶雞 :):)荷葉包裹著雞烹煮, 整只雞起骨釀入八寶卻又要保持原貌, 功夫菜式, 談論容易, 製造要技巧及時間, 步驟繁多, 若非預訂, 不會堤供.八寶材料豐富, 包括蓮子薋實白合冬菇乾瑤柱火腿絲鮑粒肉粒, 全部煮至腍軟, 盡吸收了雞之精華, 同吃之雞肉卻又帶有荷葉香, 囗感豐富, 十分滋味.需然滿意, 但也許是先入為主的關係, 跟海景軒的類似菜式一品四寶魚肚湯比下去, 略為遜色.家鄉蒸星班柳古法蒸魚, 加上薑蔥果皮肉絲鼓油蒸, 魚汁原汁原味, 班肉新鮮彈牙, 合格的海鮮菜式.秘制鮑汁遼參扣鵝掌伴飯 :):) 期待了半天的富豪碟頭飯終於送到面前, 是近水樓臺的招牌菜. 大家即時忙於拍照, 然後嗅嗅食物, 果然鮑汁味濃, 仔細看看, 碟上湯汁豐富, 密度甚高, 先吃一囗海參, 炆煮軟腍且鮑汁味濃, 鵝掌皮爽肉彈, 吃得滿唇膠質, 生菜爽嫩, 生熱程度恰到好處, 伴以白飯, 囗感被膠漿黏貼之餘又覺米飯粒粒分明, 極有'豪'感, 頓覺吸收了不少骨膠原, 皮膚即時滑溜了, 此鮑汁膠質濃郁之至, 從未在其他地方嚐到, 果真貨真價實, 就此一味, 已經值回票價. 話雖知此, 醬汁濃度, 各有所愛, 建議白飯宜分開上, 以免米飯浸在湯汁太久變腍及涼, 二則可讓客人利用白飯調教鮑汁濃度吃.岑師傅解說, 鮑汁需以20隻老雞,南非鮑魚,土耳其花膠,金華火腿,上等赤肉等鮮料共80斤, 餚製一日一夜, 得鮑汁精華10斤而成, 材料如此豐富, 湯汁怎可能不濃郁滋味.秘制鮑汁遼參扣鵝掌伴飯, 原來有段古, 話說有位中東富豪, 晚膳閒談中對香港食肆評價略遜. 岑師傅銳意平反, 把扣鮑魚的鮑汁配以遼參鵝掌拌飯上, 鮑汁與碟上的材料所拼發的囗感及味道, 令富豪讚嘆不已, 之後更多次命人由港·專機外賣送返回國.蓮蓉布甸伴傳統皮旦酥布甸甜度恰到好處, 軟棉好吃, 鋪面的蓮蓉略焦, 成功地增添香囗囗惑. 皮旦酥亦酥脆可囗, 甜品不過不失. 大家飽吃一頓後, 依然開懷暢談, 不覺已到十時多, 服務員竟然刻意提醒會所要關門, 我們亦隨即結脤. 離開時大家好奇地走進露臺, 打算逛一逛便離去, 正在回程途中, 又有另一位服務員走出來請我們離開. 大家對會所的評分即時大打折扣, 絕對是管理出了問題, 五星級的價錢卻未能提供五星級服務, 高級食肆怎會趕客走, 踏出食肆門囗只是十時半左右,自覺非常合理. 嘗菜後的結論是，環境及菜式質素符合私人會所要求，宴客不會失禮，但驚喜欠奉, 服務態度又佷大改善空間。…查看更多

早於2010年12月想試試這間食肆,但當時有人包全場,因此延至今年1月才可試到,在網上看見食評都是有讚無彈,因此我都半信半疑去試試,當日到達我們坐近窗邊位,景外不錯,服務也不錯,枱與枱之間非常寬闊,因第一次到訪沒有什麼頭緒,所以我們多點的菜都是廚師推介及得獎作品,首先冷盤三味海哲頭很爽口,跟住金箔白雪藏龍這個真的不錯,再來鴻圖蝦中蝦賣相好看,但味道略為咸左d,另外百花鳳衣齊展翅不是太突出,可能第一個感覺太好蓋過之後果d,但總括來說整體都不錯.最後試埋甜品龍皇蛋白杏仁茶,初初都有點擔心,因為杏仁茶唔係到到好味,有時仲會有些怪味,但試過呢度d杏仁茶便喜歡了,非常香滑美味.:)…查看更多

話說上網無聊.....學人寫食評~~~咁岩睇到呢個中菜餐館~~去佢地個會所website睇到志雲飯局呢個節目係佢地呢度拍~~~其實我不嬲都好想try下佢地節目d野食~~~咁就好奇打去問下~~有無得食番志雲飯局食個d野~~~終於~~終於~~終於~可以滿足到我成日都想食係電視見到既野食啦~~~~我同我媽咪一齊去食~~~好好味呀~~~~~D蛋白燕窩餃~~~好足料....感覺好滿足...值得推介既係金錢雞.....好Juicy.....好特別........仲有仲有.....個蘿蔔絲酥.......d蘿蔔絲....一條一條.....非常值得.......真材實料...又好味.仲有佢地特別既杏仁茶.............非常好飲........非常到位....極香既杏仁味.....絕對好味過d糖水鋪主菜....鮑汁遼参鵝掌飯......好一個飯...簡單利落....而不平凡......好香濃既鮑汁~~~而遼参同鵝掌都正得岩岩好~~~遼参咬感一流.....聽d待應講佢地師傅正既鮑汁好出名....雖然機場有d遠~~~不過絕對值得一去~~~而且我地搭機鐵好快就到.....我地仲要去4D影院睇埋阿凡達先去食~~一日好豊富既行程…查看更多