影片
以上資料只供參考, 請與餐廳確認詳情
我同朋友去荔枝角搵好野食，呢間迎麵車仔麵店就係地鐵站附近,位置便利。食物同員工質素都好高，真係要大力推介! 佢地有個5秒必回客人挑戰，如果客人有需要搵店員，佢地5秒內應唔切就會送魚蛋，員工個名牌係用食材名, 例如“魚蛋”哥 。香港特色食物最岩我地口味。 呢間迎麵主打瑤柱金湯底, 每日以5小時足料熬製, 用左5個唔同豬部位同雞, 非常濃郁, 啖啖精華, 要親身試下先感受到幾咁正。揀左個5餸車仔麵(牛筋,炸魚皮,自家制韭菜餃,豬皮同魚腐)配油麵，樣樣材料我都地都覺得好味道, 自家制韭菜餃，入面韭菜好新鮮,魚蛋哥話係要吹乾韭菜先會夠香, 加上肥瘦比例豬肉餡, 同餃子專門店個D一樣咁正; 炆得軟腍入味嘅牛筋同爽彈豬皮就最得我心, 叫佢影張相都等唔切; 炸魚皮夠晒脆, 點湯食吸下湯汁, 正呀! 另一碗同樣一流, 個豬大腸入味又鬆軟,外皮又有少少爽口, 好食。重點係呢到真係清理得非非非常乾淨, 我要盛讚一下係我so far 食過最乾淨一間餐廳。豬軟骨用日本味噌烹調,入味得黎唔鞋口,味道岩岩好。牛丸仲係用振興牛丸, 對食材真係有份執著。豬油渣浸一浸黎食，好酥脆，豬油香爆登。韭菜豬紅又係好滋味, 真係細個食風味, 豬紅口感比坊間出色, 而且份量都多! 記得點埋自家製奶茶同檸茶, 奶茶幼滑濃香，凍檸茶好夠檸,茶底又香,清爽好飲!!
繼續閱讀
今次我地放假帶bb黎荔枝角呢邊玩play group，玩完之後就順便係呢邊食埋飯先番屋企，見到呢間新開既車仔麵店門口畫緊副牆幾靚咁，入面都乾淨企理，又夠闊放埋bb車入去就入就去食啦🍜佢地係用門口既點餐機自己揀好野食比埋錢先入去坐低等食，呢度店員好殷勤，見我地帶bb就安排左坐位比我地坐低先再出黎點餐，仲細心介紹有咩好食同點用部機點餐😄佢地既麵一律都係用招牌瑤柱金湯，湯底用上雞，豬，瑤柱去煲，熬足5小時製成，相當鮮味，另外仲有自助蔥花同菜脯自行調味😋特盛迎麵（8款指定餸）（$78）呢個就好似過橋米線咁，唔洗揀就包曬大部分好食既餸，分別有牛腩，豬腸，豬皮，豬油渣，魚蛋，滷水蛋，蘿蔔，菜心，可以話車仔麵應有既餸都齊，當中我最欣賞係豬油渣，一粒粒又香又脆，另外牛腩，豬腸等等佢地係自己整既，水準都有番咁上下😍4餸麵（轉蘿蔔底）（$60）自己包韮菜餃（+$4）佢地既麵底除左可以揀唔同粉麵仲可以轉菜底或蘿蔔底，老婆就揀左蘿蔔底，餸就揀左魚肉春卷，瑞士汁雞翼，自家製韮菜餃，冬菇，個韮菜餃雖然要加$4，我覺得都值，用料新鮮又大隻，魚肉春卷就幾有特色，瑞士汁雞翼夠入味，冬菇就正常質素🥟手拉凍奶茶（跟餐+$7）手作凍檸茶（跟餐+$7）兩款自家製既樽仔飲品，唔會加冰影響左個味，奶茶夠滑，檸茶雖然冇放塊檸檬入去，仍然飲到鮮檸檬味🧋呢間車仔麵店可以話係高級版車仔麵，食物質素同員工質素都好高，佢地仲有個5秒必回客人挑戰，如果客人有需要搵店員，佢地5秒內應唔切就會送魚蛋，我覺得幾有趣，不過我冇機會試，因為一入餐廳店員見到我推住BB車已經立即招呼我地，平時食西餐要加一服務費，呢度雖然唔洗加一，但我覺得佢地服務好到我覺得好值得加一🥰
繼續閱讀
迎麵主打招牌瑤柱金湯，足料嘅金湯用足五小時餚製，濃郁滋味，絕對係可以飲嘅湯底。配上自家製嘅豬油渣為湯底提解鮮提香，不得了呀😜😜😜😜😍😍😍😍⭐招牌瑤柱金湯4餸米線⭐🔆牛腩，豬腸，生菜，難翼尖🔆手拉奶茶牛腩同豬腸夠入味，豬腸清得乾淨，完全唔覺有異味，支裝奶茶茶底香濃，奶味十足⭐招牌瑤柱金湯7餸米粉⭐🔆豬皮，豬軟骨，魚蛋，自家製韭菜餃，蘿萄，牛根，冬菇🔆手作檸茶一定要點自家製嘅韭菜餃，滿滿嘅餡料塞爆隻餃子，每一啖都食到韭菜嘅辛香；牛筋骨膠原十足煙韌得嚟食到香濃嘅鹵水味；手作檸茶表現不俗，唔會太甜，建議加點餐廳環境舒適寬敞，店員好友善，好耐心咁教導客人點餐，抵讚👍🏻👍🏻👍🏻🎊🎊迎麵長沙灣長沙灣道883號億利工業中心地下9號舖#迎麵 #瑤柱金湯 #美食 #香港美食 #米線 #米粉 #手拉奶茶 #韭菜餃 #豬油渣 #舒適環境 #好友善 #美味 #點餐 #長沙灣#香港餐廳 #高性價比 #打卡餐廳 #網紅餐廳 #必食餐廳 #香港美食 #香港餐廳 #香港必食 #美食推薦 #約會餐廳 #聚會餐廳 #餐廳推薦 #香港博主 #香港探店 #車仔麵 #老火湯
繼續閱讀
荔枝角新開咗間好有誠意嘅車仔麵，招牌金湯瑤柱湯底用咗五種部位嘅豬骨, 瑤柱同雞. 湯頭極度濃郁! 入口有黏性, 骨膠原爆燈💡💡💡💡💡配料由老字號許記嘅魚蛋類製品，自家製韭菜餃等等。size同份量大到驚訝左，未見過咁大粒嘅豬紅🤣 每碗仲附送大大粒嘅豬油渣，連埋湯頭同麵食真係好邪惡啊😝服務質素一樣誠意爆燈。推行5秒必回挑戰。如果5秒都冇服務員照來嘅就送一份魚蛋真係全港首見。另外新增獎勵機制，如果邊位服務員你覺得值得嘉許嘅可以留少少貼士落佢哋個Tips box到，或者寫張Memo紙讚賞一下，令佢哋更有動力去提供好服務👍
繼續閱讀
億利附近開左間新車仔麵，天氣開始熱 食呢d 岩哂，店入面有卡位，位與位之間都闊落，坐得舒服，店員主動提出餐廳入面位置會涼快d，怕熱可以坐入面。入到去同點餐機落 order 同比錢，之後就坐低等叫 number 拎野食。佢地既招牌瑤柱金湯底都好濃郁，叫左米線同油面，都吸味幾正。份量適中，胃口大既 未必夠。有叫炸魚皮 但唔脆，浸淋食味道都可以，其實d 餸 overall 都唔錯，推薦豬大腸同蘿蔔，好入味又夠淋。$5x 三餸，我覺得算係咁，仲有個自動出牙線既機玩下，幾好。
繼續閱讀