影片
以上資料只供參考, 請與餐廳確認詳情
我同朋友去荔枝角搵好野食，呢間迎麵車仔麵店就係地鐵站附近,位置便利。食物同員工質素都好高，真係要大力推介! 佢地有個5秒必回客人挑戰，如果客人有需要搵店員，佢地5秒內應唔切就會送魚蛋，員工個名牌係用食材名, 例如“魚蛋”哥 。香港特色食物最岩我地口味。 呢間迎麵主打瑤柱金湯底, 每日以5小時足料熬製, 用左5個唔同豬部位同雞, 非常濃郁, 啖啖精華, 要親身試下先感受到幾咁正。揀左個5餸車仔麵(牛筋,炸魚皮,自家制韭菜餃,豬皮同魚腐)配油麵，樣樣材料我都地都覺得好味道, 自家制韭菜餃，入面韭菜好新鮮,魚蛋哥話係要吹乾韭菜先會夠香, 加上肥瘦比例豬肉餡, 同餃子專門店個D一樣咁正; 炆得軟腍入味嘅牛筋同爽彈豬皮就最得我心, 叫佢影張相都等唔切; 炸魚皮夠晒脆, 點湯食吸下湯汁, 正呀! 另一碗同樣一流, 個豬大腸入味又鬆軟,外皮又有少少爽口, 好食。重點係呢到真係清理得非非非常乾淨, 我要盛讚一下係我so far 食過最乾淨一間餐廳。豬軟骨用日本味噌烹調,入味得黎唔鞋口,味道岩岩好。牛丸仲係用振興牛丸, 對食材真係有份執著。豬油渣浸一浸黎食，好酥脆，豬油香爆登。韭菜豬紅又係好滋味, 真係細個食風味, 豬紅口感比坊間出色, 而且份量都多! 記得點埋自家製奶茶同檸茶, 奶茶幼滑濃香，凍檸茶好夠檸,茶底又香,清爽好飲!!
繼續閱讀
今次我地放假帶bb黎荔枝角呢邊玩play group，玩完之後就順便係呢邊食埋飯先番屋企，見到呢間新開既車仔麵店門口畫緊副牆幾靚咁，入面都乾淨企理，又夠闊放埋bb車入去就入就去食啦🍜佢地係用門口既點餐機自己揀好野食比埋錢先入去坐低等食，呢度店員好殷勤，見我地帶bb就安排左坐位比我地坐低先再出黎點餐，仲細心介紹有咩好食同點用部機點餐😄佢地既麵一律都係用招牌瑤柱金湯，湯底用上雞，豬，瑤柱去煲，熬足5小時製成，相當鮮味，另外仲有自助蔥花同菜脯自行調味😋特盛迎麵（8款指定餸）（$78）呢個就好似過橋米線咁，唔洗揀就包曬大部分好食既餸，分別有牛腩，豬腸，豬皮，豬油渣，魚蛋，滷水蛋，蘿蔔，菜心，可以話車仔麵應有既餸都齊，當中我最欣賞係豬油渣，一粒粒又香又脆，另外牛腩，豬腸等等佢地係自己整既，水準都有番咁上下😍4餸麵（轉蘿蔔底）（$60）自己包韮菜餃（+$4）佢地既麵底除左可以揀唔同粉麵仲可以轉菜底或蘿蔔底，老婆就揀左蘿蔔底，餸就揀左魚肉春卷，瑞士汁雞翼，自家製韮菜餃，冬菇，個韮菜餃雖然要加$4，我覺得都值，用料新鮮又大隻，魚肉春卷就幾有特色，瑞士汁雞翼夠入味，冬菇就正常質素🥟手拉凍奶茶（跟餐+$7）手作凍檸茶（跟餐+$7）兩款自家製既樽仔飲品，唔會加冰影響左個味，奶茶夠滑，檸茶雖然冇放塊檸檬入去，仍然飲到鮮檸檬味🧋呢間車仔麵店可以話係高級版車仔麵，食物質素同員工質素都好高，佢地仲有個5秒必回客人挑戰，如果客人有需要搵店員，佢地5秒內應唔切就會送魚蛋，我覺得幾有趣，不過我冇機會試，因為一入餐廳店員見到我推住BB車已經立即招呼我地，平時食西餐要加一服務費，呢度雖然唔洗加一，但我覺得佢地服務好到我覺得好值得加一🥰
繼續閱讀
迎麵主打招牌瑤柱金湯，足料嘅金湯用足五小時餚製，濃郁滋味，絕對係可以飲嘅湯底。配上自家製嘅豬油渣為湯底提解鮮提香，不得了呀😜😜😜😜😍😍😍😍⭐招牌瑤柱金湯4餸米線⭐🔆牛腩，豬腸，生菜，難翼尖🔆手拉奶茶牛腩同豬腸夠入味，豬腸清得乾淨，完全唔覺有異味，支裝奶茶茶底香濃，奶味十足⭐招牌瑤柱金湯7餸米粉⭐🔆豬皮，豬軟骨，魚蛋，自家製韭菜餃，蘿萄，牛根，冬菇🔆手作檸茶一定要點自家製嘅韭菜餃，滿滿嘅餡料塞爆隻餃子，每一啖都食到韭菜嘅辛香；牛筋骨膠原十足煙韌得嚟食到香濃嘅鹵水味；手作檸茶表現不俗，唔會太甜，建議加點餐廳環境舒適寬敞，店員好友善，好耐心咁教導客人點餐，抵讚👍🏻👍🏻👍🏻🎊🎊迎麵長沙灣長沙灣道883號億利工業中心地下9號舖#迎麵 #瑤柱金湯 #美食 #香港美食 #米線 #米粉 #手拉奶茶 #韭菜餃 #豬油渣 #舒適環境 #好友善 #美味 #點餐 #長沙灣#香港餐廳 #高性價比 #打卡餐廳 #網紅餐廳 #必食餐廳 #香港美食 #香港餐廳 #香港必食 #美食推薦 #約會餐廳 #聚會餐廳 #餐廳推薦 #香港博主 #香港探店 #車仔麵 #老火湯
繼續閱讀
見到廣告好似好吸引今日抽到時間喺荔枝角咁多年都冇乜為意呢間舖頭經常都係搭地鐵出入，所以路面上面嘅舖頭少之又少留意反而D 2嗰啲就冇興趣😅一向都好鍾意食(車仔麵)嘅我😝食過好多車仔麵都不似預期🤪竟然喺荔枝角有呢間就試吓啦👅今次第一次入去舖頭整潔光猛👍🏻門口都有一幅大油畫（車仔麵）入到去好簡單咁先自己揀咗想食嘅嘢買好飛坐定定都唔使10分鐘已經可以攞得餐枱上已經有齊器皿餐具超方便枱上仲有自動嘅撩牙用具即棄嘅～非常衛生乾淨湯底的確係好特別嘅價錢我都覺得好合理重點係簡單，方便快捷整齊乾淨我叫咗一個五餸，另外再加$7要手工奶茶手工奶茶一定要飲香滑濃郁一定會再食🤭
繼續閱讀
✨ 瑤柱金湯😋不是普通的車仔麵🍜 是滿滿的誠意啊！荔枝角既朋友有福了😆一個湯底徹底顛覆我對車仔麵的認知😚 這湯底是用瑤柱慢火熬製，喝得到鮮甜，絕非味精可比！ 一直以來對車仔麵都無感，總覺得很hea，所以很少主動去吃。但試過這個湯底後，居然有點念念不忘～ 這次選了4款餸：蘿蔔（超清甜！😋）、牛腩、魚片頭和青菜。 另加兩款小食，必試👉🏻 即炸韭菜餃🥟（酥脆爆餡！） 認識呢度嘅老闆，佢哋自設工場，食物質素有保證👍🏻
繼續閱讀