農民泰菜 (已結業)

呢間泰國餐廳係以快餐既形式黎運作，首先先喺收銀處比錢，然後等叫號碼，之後再自己去取餐，好方便，同埋出餐都好快。野食方面，同出面既泰國餐廳一樣都係好多野揀。價錢亦都好實惠。紅咖哩豬頸肉飯 $64紅咖哩好好味，幾乎完全唔辣，好岩我同朋友唔係太食得辣既人，如果鐘意食辣既就可以揀青咖哩。紅咖哩撈飯食好好味，轉下眼就食哂一碗飯！滷水雞脾冬蔭湯 $57冬蔭湯好惹味，因為入面落左好多料，有少少辣，雞脾好嫩滑，正啊！我地叫左一樣小食，就係紅棗黨參雞腳湯，估唔列喺泰國餐廳都可以食到咁中式既野食。呢碗湯好滋潤，好岩冬天飲，可以養下身。野飲方面，我地叫左青檸梳打同珍多冰。青檸梳打有少少酸，珍多冰既椰子味超濃，好好味，強烈推介。

沙田新城市周圍都多人，去到好運中心呢間新開既泰式餐廳唔使等位就試下，全自助形式，落單後等叫號碼。店內巧妙地將店面分為左右兩大部分，與其他舖不一樣，好闊落，一點濟逼的感覺都没有。叫左海南雞飯及滷蛋豬手冬陰金邊粉，海南雞太正，係 去骨，好嫩滑的正宗海南雞，油飯超香但唔油我膩，加上海南雞醬汁，一個字正！ 朋友點的滷蛋豬手金邊粉，我試左少少，滷蛋有2個半邊，豬手真材實料，好入味，配埋個冬陰公湯底酸酸味味好醒胃，大愛！我地仲點左小食沙嗲雞肉串燒，兩串一人一串，沙嗲配雞肉好好味 ：）下午茶配飲品凍飲特飲都係加少少錢，試左龍眼冰同凍咖啡，都唔錯！龍眼冰有半杯龍眼大大粒龍眼肉，正啊。如果下次黎開沙田，一定會再試埋其他飯，價錢好公道。

第一次行去好運中心覓食，估唔到好多食肆，價位都較鄰近既新城市廣場低好多，平平地食個lunch，呢度絕對係個唔錯既落腳點😚行左一圈最後黎左呢間泰國餐廳！食物選擇好多！原來佢係快餐店黎，先拎餐牌入去搵位坐低，然後再出門口order，等嗌號碼取餐。 快餐對我黎講唔難食就OK了，唔會抱太大期望佢係好好食，十分鐘內所以食物都拎得，好快速😆《雞肉炒金邊粉》$55炒得唔會過淋同埋黐埋一舊，味道唔會太甜，金邊粉帶點彈牙，重點係一啲都唔油膩，整體真係幾唔錯，雞肉份量都多又大件，係配料少左啲😆《燒豬頸肉荷包蛋飯》$49賣相真係好普通，但係味道真係出乎意料之外！呢個燒豬頸肉好好味，爽口唔乾身，肉質有彈性，同埋唔會好肥膩，而且淋上既醬汁味道都好好，呢個價錢真係好唔錯！《炸蝦餅》$48有六件，好抵食，炸得好香脆，入面既蝦膠好彈牙😋😋《熱羅漢果茶》$12唔甜，感覺好天然無加任何調味，甘甘地甜甜地，好飲！ 以快餐黎講，呢間真係幾有誠意，食物食得出一點都不馬虎，性價比真係幾高！！

晚上工作完沒有住家飯食，所以出外晚餐。*青木瓜沙律 ($52)青木瓜絲和紅蘿蔔絲不太夠熟，口感較硬；沙律汁偏辣。*紅咖哩豬頸肉 ($64)紅咖啡不會太辣，味道偏咸；不過豬頸肉煮得很淋；唯蒜蓉包不夠香脆。*冬陰湯雞絲金菇金邊粉 ($50)冬陰公湯酸味重過辣味；金邊粉煮得剛好；金菇很爽口和雞肉不過不失，餸的粉量都適中。*熱羅漢果茶 (+$12)媽媽點的，不錯。*熱龍眼水 (+$12)龍眼水很甜，很潤。

不嬲做開CD-Rom，今次真係忍唔住要比個劣評。星期四的晚上8:30，好運附近食店大多要等位，見呢間新開泰菜有不少好評，又唔使等位抱住試下既心態。點知一食就出事，真心後悔唔去對面商場譚仔，兩餸加辣都只係$40大元。是晚我點了冬陰功肥牛配生菜金邊粉盛為$54元，如果選擇清湯的話好似$47。熱飲另加$5元，凍飲另加$7。呢個價錢如果好食的話唔算貴，但見到碗粉就心知不妙。有相為証，相片的所謂冬陰功只能夠話係一碗超酸同少辣既水，淨飲兩啖難以入口，只有一股酸味同少辣味。十足十水加辣油同醋一樣，揾渾成個湯底，冬陰功應有既配料一d都揾唔到。檸檬葉、南薑就揾唔到，香茅一小段，但飲落啖湯係無呢隻味的。湯底唔掂就緊架啦，最慘連配菜都唔掂。相中碗麵係未食過的，只係‘了’左兩下，又柴又乾又韌既肥牛得兩小舊，生菜3片。一路食就一路後悔無入譚仔，呢度食野仲要係自取，無人送餐的。當麥當勞晚市都有送餐服務既時後，就真係覺得更唔值。😂😂😂😂😂

沙田依家日日都好多人行街，最近都比較少出去咁啱今日要出嚟買野，又唔想等到番屋企先食飯，所以喺新城市附近揾下有咩好野食因為周圍都人多又要等位，最後行到好運中心度，見到呢間叫農民泰菜嘅鋪頭唔洗等好耐就有得食，就本住試一試嘅心態入去試下唔知係咪因為佢有D似出面大集團快餐店形式，係自己買飛攞餐，所以唔洗花好多時間就有得食，啱哂我呢D肚餓又唔洗等位嘅人去食牆上面有個電視會show番number，咁就知幾時有得攞野食今次我叫左個冬蔭功海南雞金邊粉，湯底好濃郁，酸辣比例適中，雞既份量都好足料，肉質嫩滑，金邊粉淥得啱啱好。另外叫左個泰式蝦餅，有三大件好厚肉好 juicy 配泰式辣醬，好味。飲品叫咗龍眼冰，唔會太甜，有龍眼肉可以食，感覺幾健康。

尋日出左沙田行街，可能臨近新年嘅關係，周圍都係人，想搵間餐廳食飯都唔易行到好運中心，見到呢間餐廳幾得意係食泰國菜，不過係用快餐形式落單同食野，覺得幾有新意，所以就入去試下首先喺出面個大餐牌度睇下食咩好選擇都幾多，有飯有麵，連火鍋都有叫完嘢食就睇下個屏幕，顯示自己個號碼就可以拎嘢食成間餐廳都係行自助形式，想拎熱水、紙巾或者餐具都可以喺度攞到小朋友鍾意食麵，所以揀咗個雞肉炒金邊粉開頭見到個麵有啲嚇親，因為見到個麵係紅色，擔心會好辣點知原來食落一啲都唔辣，小朋友都啱食而且分量都好足， 我唔太肚餓，同小朋友share食都覺得好飽佢啲雞肉嘅份量都好夠，大約好似一塊雞扒嘅份量另外叫咗個小食，呢個係自家製炸蝦餅蝦餅好厚身，份量十足飲品揀咗龍眼冰食落有粒粒圓肉，飲落個感覺似食緊糖水，幾好味另外想讚下樓面嘅服務員，執嘢好快手，我地坐低一陣就好快執乾淨上一手嘅餐具，我地食完又會執起D碟，等我地飲野飲得舒服D

最近都愛嚐泰菜 不論是港九又或是新界 只要是好吃都會燃燒起想去試既慾望 跟親愛既鄰居一向愛吃 尤其是泰菜 原來沙田都悄悄地新開了不少 呢間位於沙田好運中心既農民泰菜就係其中一間 雖然位置比較偏 但勝在舒舒服服唔洗同人迫 多好 自助形式點菜 所以沒有加一服務費 價錢大眾化之餘亦顯得非常合理 點了青木瓜沙拉、紅咖哩豬頸肉、雞肉炒金邊粉、熱菊花羅漢果茶以及珍多冰 青木瓜沙拉口感清新獨特 木瓜質感爽脆配上清甜紅蘿蔔絲 拌配花生、蕃茄以及大蝦 搭上充滿南洋風味既醬汁 酸酸地又帶點甜辣 開胃醒神 紅咖哩豬頸肉味道香濃 椰奶味香而且突出 唔食得辣又或者唔中意食辣既可以考慮下 咖哩中仲有紅椒、西蘭花、肉豆 而今次自選了豬頸肉 肉質唔算鞋口 不過未見好突出 雞肉炒金邊粉算是最受香港人歡迎既泰國菜之一 味道不算濃烈 配上花生碎、蝦干更添泰式風味 集酸甜香辣於一身 餐飲點了菊花羅漢果茶 味道濃郁而且仲帶有香甜既菊花口味 清熱之餘仲加添滋潤珍多冰來得甜膩點 不過勝在大大杯 飯後用來平衡一下味覺都尚算不錯

今日與太太來到沙田行商場，這裡一帶的商場行得非常舒適，因為商場連商場，可以不用出街就可連行幾個商場，食飯時間了，見到一間食泰式菜的農民泰菜，與大家樂的形式一樣，先付錢后取餐，都是第一次見食泰式菜以這種形式。餐廳裝修簡潔，優雅舒適。枱上有4款醤料可供自行調味，非常方便。青木瓜沙律$52青木瓜沙律有蝦，蕃茄，花生碎及紅羅卜等，木瓜爽中味道帶少少酸甜。滷蛋豬手冬陰金邊粉$66滷蛋很入味，不過豬手煮得太腍，冬陰金邊粉湯底不錯，冬陰功的味道令金邊湯粉很惹味。青咖哩牛跟飯$54青咖哩牛腩都很腍，青咖哩雖然稍微稀了少少，但與飯很夾，帶青咖哩及奶香，很可口。檸檬七喜$12最後每人要一個檸檬七喜飲品，酸甜好味，為這一餐增添美味。

今晚特別想食泰國菜，行經沙田好運中心，見到呢間農民泰菜燈光光猛、地方企理潔淨，而且價錢仲好抵食，一於試試！農民泰菜近似快餐店，先到櫃檯付款，收據上會有號碼，等叫號碼再自行取餐。餐牌選擇十分多，有海南雞、湯粉、泰式咖哩、飯麵、小食、特飲等，價錢約五十元左右，跟餐亦可加錢配熱飲、凍飲或特飲。約七點半左右入座，當時的入座率也頗高。青木瓜沙律 HK$52兩大隻蝦仁配上青木瓜絲，酸酸辣辣的醬汁，清新爽脆又開胃！海南雞冬陰湯金邊粉 HK$61冬蔭公湯底酸酸辣辣，開胃又惹味，大大碗金邊粉，煙韌彈牙，掛湯一流，無骨海南雞肉質嫩滑、肥瘦均勻。紅咖喱豬頸肉配蒜蓉包 HK$64濃濃的椰香味，略帶微甜，沾滿蒜蓉包非常惹味，汁香味濃，送飯一流！豬頸肉燒得剛好，入口鬆化。好友和我各點一杯龍眼水(熱)及龍眼冰，各加HK$ 12，大大杯，好抵飲！味道清甜不膩，非常足料，有頗多龍眼肉，咬下去軟腍而清甜！兩個人埋單只需二百元，性價比高，有齊兩個主食、小食及特飲，好抵食！

成日食完飯陪男朋友去好運睇GAME 經過都想試下今次諗唔到食咩 決定走去試試食物種類都幾多 而且大多五十幾蚊六十蚊 價錢幾便以泰國菜黎講今次叫咗個 豬頸肉紅咖喱 + 龍眼冰海南雞冬蔭公金邊粉+ 咸檸7同一個小食 青木瓜沙律個紅咖喱一黎已經勁香 本身已經好肚餓蒜蓉包睇個樣都知牛油同蒜落足料浸埋落去個紅咖喱度 每一啖都好滿足入個仲有西蘭花、蕃茄等配料西蘭花係SOK晒所有精華 !!重點係個豬頸肉好香口同惹味最後我哋冇晒蒜蓉包都就咁飲個湯因為太好味海南雞冬蔭公金邊粉金邊粉啱啱好!! 唔好煮到一PATPAT再加上個冬蔭公湯有芫荽 成個湯平時都係食開炒金邊粉 估唔到湯食又幾好味男朋友食唔到呢碟木瓜沙律 太辣但我越食越想食佢仲有啲花生 食落去勁香口 好鐘意!如果黎沙田諗唔到食咩 可以一試 重點係價錢抵質素好!

約左朋友響沙田傾計，佢話不如去好運食，因為開左幾間新餐廳可以到時選食乜。睇睇吓，最後選左農民泰菜，佢係一間泰式快餐店，而且乾淨寬落，唔會趕人走，傾耐啲都得。 我點左海南雞冬蔭公金邊粉，青木瓜沙律，珍多冰。而佢點左紅咖喱配蒜蓉法包同熱羅果漢茶。冬蔭公湯底味道夠曬濃，香料都算多，一啲都唔hea, 而濛粉夠爽口，唔易short 湯，海南雞無骨而且肉質結實又唔油膩。食泰菜通常都叫個青木瓜沙律，酸mimi好開胃，實的的的木瓜絲除左有咬口之餘仲有佢獨特嘅香氣，清新怡人！ 珍多冰比較上係甜左少少，椰汁味濃，一絲絲綠色的粉條成為點綴，而且增加了飽肚感！ 朋友點的紅咖喱好惹味，香草味出之餘，甜甜地，同蒜蓉包好match!我地仲點多客蒜蓉包點啲紅咖喱添！這紅咖喱絕對值得推介呢！ 農民泰菜沙田橫壆街1-15號好運中心3樓186-192號舖

最近好運中心，原本759個位執咗笠，開咗間新嘅泰式快餐店。一邊網喎泰國、東南亞本地小菜，菜式都係一啲香港人鍾意食嘅口味，一啲都唔難選擇。揀好菜式之後，就可以起身過去櫃檯俾錢，程序就好似大快活大家樂咁樣🤪老闆娘就係後面不停喺度收拾碗碟🤣龍眼水清熱解渴燒豬頸肉，$38一份，平靚正，燒得香噴噴，適合任何時候開飯伴菜一齊食，五叫真係嘥咗😂烏頭魚配白飯自己一鍋烏頭魚，下邊不停滾下滾下，配埋啲魚湯一齊食飯，冬天食真係啱晒。雖然唔係成條魚一齊上，但係$68真係好正，飲番個湯都抵啦青咖喱雞咖喱唔會稀疏，雞肉嘅份量不錯，而且有唔少蔬菜🥬，亦都係一個唔錯嘅小菜選擇咁快就客似雲來，每個人埋單$200唔使，相信好快就會變成沙田街坊至愛💖

沙田市中心都有好多食店，港鐵站行過嚟好運中心好方便，這邊也有經濟之選。今日同老公嚟試下呢間泰國菜，新開冇耐，店內很光猛，裝修很舒適，桌椅擺放也很整齊。購票買餐，取票然後搵個靚位，等螢光幕顯示自己個號碼就可以去廚房窗口取食物。青木瓜沙律，青木瓜絲和紅蘿蔔絲好爽口，新鮮蕃茄鮮甜，也有一些蝦米乾，加了大量花生粒，十分香口，這個前菜酸酸辣辣，非常醒胃。海南雞冬陰公湯金邊粉，海南雞大大件，雞肉嫩滑，正呀！第一次配冬陰功湯金邊粉吃，味道好豐富，冬陰功湯底也不錯呢！紅咖哩牛肉可跟飯或蒜蓉包，牛肉很淋也入味，配料包括南瓜、西蘭花、豆角、茄子、蕃茄及香葉，當然加了椰汁，好香，個紅咖哩汁最可口，正宗泰國風味，好彩跟飯，可吃多點汁。跟餐加$12已經有一杯特飲，龍眼冰清熱，很配合吃辣的，也有一些龍眼肉；老公叫了青檸梳打，不會太甜。平民價錢食到有水準嘅泰國菜，性價比相當高。

下午茶餐，食冬蔭功豬排煎蛋金邊粉，個湯咸到可以一開六。 豬排一小塊切開，只有三條半，個半條係骨。個煎蛋應該煎起有段時間已經硬晒。 我已經係細食居然食完好似無食咁。還好奶茶係正常茶餐廳味道補番少少分。