辣媽酸菜魚麵 (已結業)

第一次入來食，點左個招牌酸菜鱸魚麵及芥末魚皮。酸菜份量好少，而且好碎，對於鐘意食酸菜既我來講非常失望，與圖片相差太還魚片份量ok，湯底也不錯。芥末魚皮不過不失，略嫌魚皮不夠爽脆。

前幾天試了覺得幾好食，今天專程帶了老公來試，可能今天星期六的關係，很多人，幾乎滿座，上次試了酸菜鱸魚，今次一於試下其他款式，都唔錯。人多的時候，座位之間就比較迫。養生藥膳雞湯飯養生唔只係女人的專利，男人一樣可以養生，藥材味超重，有紅棗、杞子、蟲草花、雲耳等，雞肉亦好滑，每一粒飯就浸滿湯的味道。蕃茄桂花魚麵蕃茄湯底濃郁，有新鮮蕃茄粒係湯入面，桂花魚比鱸魚更鮮甜嫩滑，所以價錢會貴一點，手工麵非常幼細彈牙。

酸菜鱸魚麵香港人相對黎講唔係好食得辣，呢到嘅酸菜魚都唔辣，但夠酸，湯底濃，我叫左刀削麵，好煙韌但有少少硬，如果想食辣可以試水煮魚。口水雞個雞好夠滑！個汁世界級正，又夠辣，回頭率高紅糖糍粑個面有啲硬，唔太痴牙，都夠煙韌。

經過門口比藥膳呢2個字吸引住，坐低發覺都好多選擇3個人一人一碗麵，2個小食一碗藥膳雞湯麵，淡左少少，麵都幾煙煙unum蕃茄桂花魚手作麵，湯底偏酸，麵煙煙unun，魚有少少腥另一碗唔記得左咩湯勁大碗食唔晒，下次3個人叫2碗就夠3個都叫左特飲，夠晒大杯，水果茶果杯有d酸，另外2杯柑桔正常，唔太甜，對女士嚟講好大杯紅糖糍粑~個人十分欣賞，建議趁熱食，凍左會痴埋晒一舊分唔開，好似食緊燒年糕咁，外脆內軟煙煙unun唔痴牙大愛

最近好多人番大陸食酸菜魚，但其實香港都有酸菜魚食嫁，辣媽就係其中一個選擇啦。佢有兩種魚揀，鱸魚同桂花魚，味就有水煮、蕃茄同酸菜魚。我就揀左酸菜鱸魚🐟，不過食嘅時候要小心啲骨同魚鱗，同埋酸菜魚同大陸食個啲唔同唔係紅色同好辣，不過整體黎講啲魚都幾薄同鮮味，啲麵都好質感，整體唔錯。☺

今晚夜左放工，返到元朗已經10點幾，好多店舖都已經關門，見到辣媽仲開緊，反正成日經過都想試下，今晚終於有機會，可能因為已經好夜，所以入到去其實都係得返一兩檯客。店舖裝修簡潔得來又有點格調，座位不算多。點了招牌的酸菜鱸魚麵，湯底又濃又鮮甜，很惹味，鱸魚亦好滑，而且冇骨，麵底是幼的手工麵，非常彈牙，份量都唔小，加$4有飲品，香港人的習慣，一心以為每一間餐廳都會有凍檸茶，所以冇睇到餐牌就直接叫飲品，點知原來呢度冇，最後叫了金桔梨茶，都唔錯。

朋友話食左幾次辣媽酸菜魚，趁假日買老婆餅順便去試下～招牌酸菜魚（鱸魚）$53，桂花魚$69，店面裝修明亮簡約，坐得舒適。同朋友分別一個酸菜鱸魚，一個酸菜桂花魚，魚片入口叫做爽滑，手工麵口感普通。食得辣嘅可以自配辣椒油～跟餐可以加$9 order特飲一杯～仲有養生藥膳雞湯可以選擇～價錢味道可以接受，唯一缺點就係食完之後真係好鬼頸渴，唔覺意落多左味精？😂抵唔抵食真係見仁見智😌！個人比較抗拒重味精嘢食哈哈～

好多時都經過, 今日星期六得閒, 同屋企人黎試下. 本身唔鐘意食辣野, 所以最初睇佢個舖頭名都唔會想試, 後來睇到佢門口張poster既養生藥膳雞湯, 就想黎試試.養生藥膳雞湯飯, 黎到已經好香藥味, 隔離枱聞到都後悔無叫, 我本身我鍾意食藥材味重既野, 所以呢個真係啱晒我. 雞都好嫩滑. 其實可以配麵, 不過我都係覺得湯飯最正.蕃茄桂花魚麵 (除左蕃茄, 仲有酸菜同埋水煮魚湯底揀), 味道都唔錯, 魚質鮮味, 我印像中桂花魚係無乜骨, 原來都唔係, 都幾多骨喎, 如果骨少d, 食既時候就開心d….

聽不到🙉「Ed Sheeran」撘車返到元朗已十點幾吹左咁耐風雨梗係要食熱野暖吓身難得辣媽未收檔又肯收客就拿拿聲坐低咦！ 有新野養身麵我鐘意黃油雞配蟲草花木耳手工麵補湯做湯底，飲多幾啖夠曬營養一上枱就有微微補湯味雞肉係看得到的黃油雞，脹卜卜，又唔鞋，最啱連湯上酸菜桂花魚麵- 飲得出的濃味湯頭酸菜魚夠新鮮有彈力配埋刀削麵層次豐富湯味濃到要KO 半大碗呀！加$9連特飲咁平，明知中和左個濃湯都係想飲返啖鹹檸七同柑桔青檸一向都係解喝必備，今次柑桔青檸勝去辣媽食野，不點辣也不可惜，間唔間中食吓野養生也很不錯

上次食老馮茶居嘅時候朋友同我講隔離辣媽酸菜魚麵幾好食今日自己食飯就過咗唻價錢唔費 選擇幾多嗌咗個毛血旺平時去譚仔我食開三小辣以為自己都算食得辣但都唔敢掉以輕心大中小辣嗌咗小辣點知都係太過睇小佢食幾啖麵我已飲咗半杯咸檸七唯有叫店員俾杯水我成杯倒落個麵度其實個麵嘅料係ok幾足料幾入味牛栢葉係原色唔係白雪雪漂過哂呢點幾好個麵底其實麵算軟靭有致可惜我真係太辣食唔到呢個時候先留意到間鋪係重慶風味講吓湯底自己鍾意嘅辣係香辣/麻辣呢隻湯底就係酸辣而且頗咸不過味道尚可其實麵有辣有唔辣 下次試吓其他

整齊又乾淨既舖面，見到門口大大個招牌，藥膳養生雞湯，就比佢吸引左！藥膳養生雞麵 $52養生藥膳雞湯個名好似好健康咁😂的料望落去好吸引！個藥膳味唔重，有少許雞味，的雞連住好大塊皮，肉唔多，整體來說很普通。不過份量就好多，米線都好滑身，唔太淋。酸菜桂花魚麵 $69招牌酸菜魚係店入面推薦既，個湯好酸好重味🥰桂花魚係嫩滑既，又真係唔錯，係酸菜唔夠多要搶黎食😂炸餃子🥟$36個樣同餐單有的分別，好普通既炸餃子配甜酸醬，餃子味道唔夠！健康水果茶 跟餐+$9好重百香果味同橙味，另外有的雜果椰果可以咬下，唔錯！9蚊咁大杯係幾抵飲既！

第二次去了, 第一次食招牌水煮魚超好味今天三個人去, 食了不同食品, 感覺還是很好這個我是按餐廳廣告相叫的"麻辣雞什拌麵.但來的是"酸辣雞腎撈麵" 連單都係咁打, 但我叫的時候是指住廣告相叫的, 不過我都無換, 反正未食過都係試試新嘢,. 這個酸辣雞腎撈麵 我叫的是中辣,覺得都好好味, 酸辣適中不會只得辣味, 麵底係我喜歡的爽口但雞腎有點硬這個老公叫的佢唔食到辣叫這個"蕃茄鱸魚麵"佢話魚好爽滑,湯底都OK 我寶貝女最喜歡食雞, 叫咗個"海南雞飯"一眼看去雞好滑好有食用, 佢為一覺得美中不足係唔係油飯, 希望下次有改善

啱啱換完身份證唔知有咩好食， 所以就去咗呢間諗住試下啲酸菜魚麵， 見到佢有個 52蚊嘅酸菜鱸魚麵就諗住去食， 點知入到去佢話未有鱸魚， 只有69蚊嘅桂花魚， 無奈地都要食， 碗麵一上到枱第一啖就覺得好重味， 唔知係味精定係酸菜味， 真係非常之濃味， 啲湯一入到口 已經有呢一種嘅感覺， 魚塊普通啦又唔係話特別出色， 佢嘅手工麵都ok嘅， 有啲拉麵嘅感覺 不過 呢個價錢。。。 我都唔知算唔算貴， 下次就未必會再食。 我見其他食客都係叫雞面唔知我係咪揀錯咗呢。

經過左星期一至六嘅洗禮，星期日嘅日子我同男友多數都會頹廢一整天，唔到下晝肚仔餓都唔出動。人生好難愛辣嘅我，想起呢間「辣媽」就帶埋男友黎試試喇。雖然唔係第一次光顧，但自從佢轉左餐牌之後，唔見左我幾歡喜嘅排骨麵，就比較少左黎光顧喇。今天時間剛好，係下午茶時間，價格三至四十多一個餐，價錢合理。牛腩湯麵 $42 小辣 - 呢個男友點嘅，唔好睇湯面顏色咁紅，其實並不是太辣，帶有微麻，但除此以外，個味道偏清淡。牛腩一碗有三大舊，微微un。個人幾鍾意個麵嘅質感，係偏幼身嘅拉麵咁。重慶雞絲涼麵 $36 - 配菜有雞絲，青瓜同大量黃豆，麵身同樣麵係幼拉麵咁。但配埋麻辣醬同鹽水，拌勻去食，屬重口味之選，食時配埋脆身嘅黃豆去食，有雙重口感，滿足，下次我可以進一步試大辣了魷魚鬚 $42 - 呢個價錢相對下午茶黎講係比較貴少少，但上菜後我覺得值！份量唔少之餘，魷魚鬚條條都好粗壯，唔係奀豬！炸得香脆唔油膩，我比五分！飲品我地各加左$6叫特飲金桔青檸 - 偏酸左少少，但只飲到有金桔味，冇青檸味道水果茶 - 微甜，開胃少酸，但冇咩茶味埋單2人$129，算係抵食質素好，可列入日常食飯回頭店之一。同埋平價小店d位都唔會好

我每次到辣媽都係食酸菜魚麵，今日心血來潮轉口味食黃酒鷄麵想驅驅風。麵遠遠捧來時已聞到陣陣酒香，見到時鷄件面油光令令，很嫩滑的模樣。鷄件量算足，仲有幾粒紅棗及數片木耳，除視覺靚D外，仲增加左美味及口感的層次。未食聞酒香都胃口開。鷄整得頗嫩、滑ㄡ多汁，麵係雲吞麵用的幼麵，但好在梘水味不重，是我杯茶，且整得較硬身有咬口，我更鐘意。D湯好濃香，黃酒味很出ㄡ不至于太重，鷄味仍在，兩者比例掌握得很到位，$51這價位可接受。更欣喜水果茶大大杯，味醒胃仲有牛半價，真抵。