辛之作手工糖水

營業中

休息中

係太子食完晚飯，食得唔夠意猶未盡，於是去咗食糖水，呢間糖水用料好特別而且好多款都係一般糖水鋪無得賣。 入到去發現地方淺窄，鋪頭大概有5張枱，人多既話可能要排一排隊。叫咗個6號，新鮮海底椰椰汁雪燕桃膠露$48另一個叫咗個15號，日本小山圓抹茶奶凍配紅豆麻糬$38抹茶味好濃而且又唔會太過甜所以啱我口味，失色既地方係奶凍太過結實，如果可以軟身啲就完美。至於新鮮海底椰椰汁雪燕桃膠露，好香椰汁味同埋桃膠浸發時間足夠，口感唔會好硬。不過份量我覺得再多啲就會更好 🙈

呢間辛之作手工糖水好似本身係網店起家，宜家係太子開左實店。見好耐冇食過中式糖水，一於黎試下佢。試左一個腰果露同埋一個芝麻糊，兩個比我既感覺都係好真材實料😳之後會想再試下佢其他甜品。1⃣️滋陰補腎腰果露配腰果粒粒（$42） 唔係好多甜品店有得食腰果糊，就算有多好多時整得好水好稀🙈呢間就好唔同🤩一畢既時候已經feel到有料到！係濃稠既質感，食落都係好濃好香既腰果味。另外仲有一小盤腰果粒粒，雙重口感同埋亦都令腰果味道更加double up！呢個好好好味，值得再次encore～  2⃣️自家製芝麻糊配核桃芝麻脆脆（$38） 芝麻糊都好正～比起一般出面甜品店食到既更加濃稠！果然係真材實料既手工甜品👍另外芝麻糊唔會太甜，呢個亦都係一個加分位。配上核桃芝麻脆脆，啲脆脆係偏甜既，細細碎碎咁倒落個芝麻糊到一齊食會芝麻香入面食到少少甜甜地既脆脆，有種食緊芝麻糖既感覺，好正！係出面食唔到既味道。  

辛之作手工糖水 (旺角)法國栗子蓉椰汁西米露 $40好少地方會有栗子嘅中式糖水😍texture比較稀 但好滑好濃嘅栗子味❤️裡面會有啲栗子粒粒西米唔會好淋 有少少咬口✨栗子控必食日本紅豆椰青芋頭露 $42裡面有啲椰子肉 同紅豆幾特別🤣芋頭露會比栗子西米露甜啲但芋頭味都係好濃texture比較厚身相對起栗子西米露 就比較普通但都唔錯✨整體每款甜品都幾有心思❤️比出面嘅甜品鋪特別！但價格比較進取🙈應該會encore😽😽

想試好耐，不過價錢真係有啲貴聽聞呢間係網店轉實體店，不少支持者由於附近嘅糖水都麻麻地，決定試吓啦個餐牌真係寫得好仔細😂個名好清楚你食緊啲咩🍵日本小山園抹茶奶凍配紅豆麻糬$38抹茶味濃，不過奶凍唔算係好動L，唔食紅豆🫘嘅我就唔試喇☕️日本小山園焙茶奶凍配原粒杏仁榛子粒粒$38焙茶係我叫嘅，焙茶相對上更得我心，不過一樣，奶凍比較實在，加上冇加奶嘅關係，真係差少少。nuts鋪天蓋地咁多，口感多咗咬口但食完整體感覺較乾！最重要份量真係少得可憐，知道係真材實料但就係食完好似冇食過嘅感覺！你睇吓個倒三角嘅cocktail杯咁🍸幾啖就冇，相同價錢性價比返貴價甜品店都少咗有1/3嘅量🥛樹記腐竹薏米白果糖水$30🌰法國栗子蓉椰汁西米露$40+湯圓$10試咗一啖，第一次見有栗子中式糖水，非常特別！平時喜歡食栗子但唔鍾意食栗子蓉嘅我都覺得OK！一定要試！

自從「潮洲人」搬走後，很快便見到新店在裝修中，原來開了一間糖水舖；在網上找資料，原來都幾出名，她先在網上開設店舖，因不惜工本全部用上靚食材，水準自然有保證，所以深受食家們的喜愛，之前在錦上路開設車仔檔，最近才正式喺太子開始鋪頭。最出名又係最抵食嘅，當然係「樹記腐竹薏米白果糖水」$30，食落好香嘅腐竹味，仲有少量未完全溶化晒的腐竹，薏米煮得好淋，真係清甜滋潤又好吃；而且價錢只係 $30元一碗，值得推介。「日本小山圓焙茶奶凍配原粒杏仁榛子粒粒」$38，喜歡吃焙茶嘅朋友，呢款奶凍你一定會喜歡，因採用逾三百年歷史的小山園茶粉，水準自然高人一等；味道濃郁豐厚，香氣馥郁，試過你就知好食；表面鋪滿原粒杏仁及榛子粒粒，不但增加口感，也令層次更加分明，老婆大讚好食！臨走前見櫃面放有「秘製法國鵝肝腸 加 特瘦臘腸皇孖裝」 $108，一於買返去試吓。辛之作手工糖水地址: 旺角界限街12A號興隆大廈地下2W號舖電話: 95594465

得知網上人氣甜品店開左實體舖，當然要趁休息專程去試一試啦～ 果然係一試難忘♥️一入去迎面已經撲來一陣炒栗子🌰既香氣，入面木系裝修，簡潔乾淨明亮。今次試左王牌腰果露，超濃郁超香nuts味，再加上有碎腰果，令口感更豐富！佢個粒粒腰果係on side 自己加上去，所以唔喜歡太多口感都可以唔加🐿除此之外仲試左另一款季節限定，無花果秋梨桃膠雪燕露，非常清新滋潤，啱曬秋冬季節呀🍁

之前食開佳記，呢間新開大概兩個月，之前食過一次之後，不斷幫襯。總結一下，我之前食過幾款甜品：腐竹薏米糖水：腐竹煲到溶晒，唔係一塊塊，非常香滑。但個人口味覺得稍為甜咗少少。腰果露：另一招牌作，好少聽過其他糖水舖有呢款，非常結的糊狀，好香好味。杏仁露：食得出好多磨杏仁口感，非常足料，相對其他糖水，呢隻最少甜，健康人士之選。流心芒果布甸：布甸中間留一層流心芒果汁，幾特別，但坦白講味道分別不大，算係幾好食，不算太驚喜。綠茶奶凍：聲稱係日本綠茶製作，味道偏甘苦，我識得出好濃綠茶味，可能綠茶味太重我覺得麻麻哋。結論：呢間同佳記水準基本相同。糖水我只會幫襯呢兩間。

喺仲未開實體店嘅時候已經喺網上有訂過佢嘅糖水，冇諗到宜家開埋實體店，之後想食就更加方便啊😆佢嘅王牌係腰果露，但由於今日食得太飽，所以就試吓其他新野😆椰汁塗膠雪燕露有好香椰奶味，桃膠同埋雪燕都好多好大粒。龍眼桃膠有好濃厚嘅龍眼甜味，凍食嘅話會更加好食😋最意想不到嘅係黑白雙拼，芝麻糊拼牛奶凍，芝麻糊冇苦味，牛乳奶凍又夠滑，味道一流！舖頭嘅裝修都係偏向小清新風格，好乾淨，坐位闊落，最啱食完飯過嚟同朋友一齊食糖水傾吓計😆

朋友介紹有間好似診所既糖水舖，幾得意幾好食，所以帶我去試下入到黎地方細細，有d診所feel，又有d似日本，有自助加水處，好細心櫃檯同舖面店員都好友善同有禮，會同客人傾計，同隔離枱詳談好多話題，好似老街城咁，好有人情味白果薏米腐竹糖水夠棉滑，唔會太甜，足料白果薏米，好食黑芝麻糊墩鮮奶(黑白配)有凍同熱揀，熱要等幾分鐘，面頭黑芝麻糊夠香濃幼滑，亦唔會太甜，配上奶味香濃既燉奶都幾夾餐牌同牆身上都有好多選擇，期待下次試其他甜品

今晚明明會到好飽，都被店員推介到入去一試，叫做一個美國無花果秋梨桃膠雪燕露，好好味，另一個冰糖燉木瓜雪燕桃膠露，都好味，原本都打算再幫襯，點知見到另一台嘅食客帶咗隻狗入去，佢食完之後又俾佢隻狗喺度lam個碗，見到都覺得好嘔心，$48一碗都幾貴

位置有點遠，但價錢公道，用料均真，用心製作嘅美味小店我叫咗無花果秋梨桃膠雪燕($48)，同行朋友叫咗栗子蓉椰汁西米露($40)。(本身想食抹茶奶凍紅豆麻糬，不過好少甜品店有無花果糖水，所以都係試咗無花果。)無花果同雪梨勁夾，糖水甜，不過唔係死甜，可能就係無花果中和咗，食完覺得幾潤。桃膠處理得相當乾淨，煲到好軟身，口感好似食愛玉咁滑。雪燕份量都相當多，夾埋其他材料，基本上啖啖都有料。十分滿意！老板(？)招呼好好，一開始坐低見我哋揀咗好耐，主動介紹餐牌上的選擇，食客離座後又即刻清潔，感覺好乾淨值得一試再試

今日試咗佢哋幾款甜品，綠茶紅豆奶凍，中！勁濃綠茶味，紅豆ok, 但夾雜細細粒嘅麻薯，煙韌又香滑，幾正。份量一般大，唔係大杯，但材料高質，唔係靠甜味糖份去做甜品，咁先至叫做真材實料，睇得出師傅做甜品好有心，加油！

最近成日想食甜野，可能係用腦過度🤔某一晚收工膽粗粗試新開嘅糖水店！係途中見到比卡超的士👀滋陰補腎腰果露配腰果粒粒$42一睇就知我係養生人士要飲熱架啦😂拿！有腰果露食嘅地方唔多，而且要整得好食亦唔容易！今晚呢碗相當有驚喜！！好香好香嘅腰果味，食落口好滑！加埋啲腰果粒粒落去立刻變成更香腰果味同埋多一份口感！另外，糖水嘅甜度適中！！下次我要食黑白配！我相信自己好快會再黎😎

星期日，抱著期望去探這小店，不但甜品美味，店主更有人情味，試了杏仁露，很香，有質素，濃度佳宜，不含化學香精。妹妹吃了腰果露，一樣有水準吃得出是用心做的甜品。看見飯戲攻心，再加上小店的驚喜，滿足愉快了一天。

好味😋唔太甜🥰又足料嘅糖水，樣樣都好好好食咁，試咗日本小山園抹茶紅豆麻薯奶凍，綠茶拉動好重綠茶味，綠茶空就啱晒啦！好足料！紅豆麻薯好特別，麻薯細細粒好煙韌好好食呀😋雪燕蘆薈綠豆邊馬蹄爽好清爽啊！馬蹄爽口好新鮮，食多幾碗都唔會漏！黑白配都好好食，芝麻糊加蛋白燉3.6牛乳，芝麻糊係自己磨㗎，蛋白又滑又軟，簡直係最佳配搭，又唔太甜，可以食多幾款添！下次我一定要試埋其他好多款！真係好好食呀！已經諗定下次試邊幾款