輝記潮州粉麵

營業中

休息中

有日去朋友屋企附近食飯，呢間餐廳主要做街坊生意，佢成日都幫襯開就係度開飯。餐廳環境比較細間，無卡位，坐得唔太舒服。不過都知道香港租金貴，粉麵店好多都係咁格局。餐牌種類都唔算太多，但基本野都有齊既。朋友叫左碗雙拼豬手牛筋麵，份量都算OK，豬手同牛筋都煮得幾淋都易咬開。雙併雲吞牛筋麵啲雲吞略嫌有少細粒，一粒雲吞半隻蝦都無，肉餡有啲少，有啲到喉唔到肺感覺。而且雲吞餡裡面啲花生油香味都唔係好夠。麵既質地還好，如果蔥花上面加多少少炸蒜蓉會更加香。牛筋都燉煮幾淋既，而且份量都夠。呢個都值得一讚。油菜呢度要講下，味道一般般啦。如果有啲菜葉個部份會好啲。香港都特別多粉麵舖，呢間質素不過不失，起碼無食到未煮熟既雲吞先。如果要比較既話算係中規中舉個種，如果自己一條友諗唔到去邊食，都係一個不錯的選擇黎既。

附近一帶都係做街坊生意，而石排頭路成條路都有好多茶餐廳同埋潮州粉麵。其中呢間輝最令我感到驚喜，而我亦都返頭幫襯過幾次。最令我心掛掛嘅係佢魚蛋，非常彈牙香口，唔會食到成口粉咁👍🏻👍🏻 另外魚皮同埋豬手都唔錯，值得一試👍🏻 不過雲吞就不建議，因為入面嘅餡料少之餘仲有啲乾😾 奶茶檸茶就不過不失啦👌🏼

住附近，一路有幫襯開，其實我都知嗰頭d餐廳多蟲鼠，今日食完成碗麵（外賣）先發現有隻死小強🤢🤢🤢🤢🤢🤢🤢🤢🤢🤢太嘔心，無影相，日後唔會再幫襯🥲🥲🥲🥲🥲🥲

買三碗粉面比一盒仔辣椒油，我話三碗嘢喎，咁佢話比盒大嘅我，大嘅原來都係多少少，咁如果我分開三個地方食，我點分盒辣椒油呢？佢就叫我買樽辣椒油，咁唔通人地做地盆嘅帶埋樽辣椒油開工咩？

好喜歡來輝記食港式粉麵因為平靚正😋😜上次試過貢後，一試難忘事關唔係到到的貢丸都咁入味所以今次必叫而牛坑腩，這裡抵食，份量多又味道不錯在我心中現時排第三位😂😂😂但絕對係選擇啊😄😋😁今次食河粉唔食米粉#一來減肥放下break 二來已經乖左好耐無食河粉啦，放肆下啊🤭加埋微辣菜譜及三匙辣椒🌶️醬再叫杯凍檸茶少冰正正正😋

小小的麵店，一眼看清，但客人源源不斷。要了一碗牛腩牛筋麵($40，有6件牛腩和4件牛筋，份量十足又入味，而且有彈性又有咬口)和魚片麵($29，魚片有6片左右，較軟身，尚算入味)。枱上有自製的菜脯，由於原本的湯底都很夠味，所以加入菜脯後會有點偏鹹。還有鮮炸魚皮($15)，正常的酥香和鬆脆。

呢間輝記好似唔係開咗好耐，見到每逢午飯時間，都有好多學生嚟食或者叫外賣。放學我都諗住試吓。發現其實佢都幾抵食，價錢唔係好貴，叫咗個面都十分之好食。唔怪得有咁多人幫襯。

又係 #男友好伙食系列位於屯門翠林花園地鋪，一間睇落好普通既粉麵鋪，入面試過既野食都好好味！而今次因爲都有一段時間無去，未去到已經同男友講：我真係唔知點揀好，樣樣都想食，豬手，牛腩，仲有各式丸丸丸丸丸！坐低之後，男友果斷地滿足我4個願望！兩個雙併，牛丸牛腩麵x墨丸豬手麵！呢道既丸真係唔會令人失望！牛丸口感偏硬，咬開肉汁既香味就出哂黎，連埋肉汁！正！墨魚丸都係誠意之作！唔係一般既多粉丸，除左墨丸有墨丸味之外，仲有墨魚肉粒！正！至於豬手，真係不得了，一咬落去就Feel到將住將住！唔知係骨膠元定脂肪喇，總之啖啖皮加肉，感覺大滿足！最後到牛腩，雖然係咁多樣餸入面係排到最後，但都係好味之選黎架！肥瘦間住間住，咬落肉質鮮美多汁，又唔會痴牙！正！

今天超想吃碗粉麵，無聊在朋友家附近找找有甚麼好吃的，看見新開業的輝記潮州粉麵頗受學生歡迎，無論堂食或是外賣都源源不絕，我決定午餐就吃它。這裡有星期一至五供應特價午餐可選，並包括飲品一杯，而且有二十款選擇，亦可加七元雙併，或配油菜一碟。我點了牛腩雲吞麵，生菜與熱西洋菜蜜，相信可以令我吃飽飽。生菜有著翠綠的新鮮菜色，非常爽脆，另外蠔油沒有可怕的死鹹，微甜微鹹的，與生菜挺搭配。熱騰騰的西洋菜蜜溫潤舒喉，甜度剛好，頗合我的味兒。牛腩雲吞麵的配料比我預期豐富，因為大多雙併粉麵雲吞只有兩顆，牛腩數塊，上桌時看見滿滿的一碗，雲吞四顆，挺驚喜的。原汁牛腩肥瘦相間，雖有厚厚的脂肪層，但沒有絲毫的油膩感，牛肉肉質軟嫩好咀嚼，嚐得牛腩的原汁原味，滿口肉汁。至於雲吞小巧迷你，而皮亦夠薄，內餡豬肉跟蝦肉比例各半，豬肉味鮮香十足。雲吞有一定彈性，儘管未到超級彈牙的嚼感，但挺爽口的。麵條處理不俗，沒有討厭的鹼水味，軟硬度恰到好處富彈勁。