輝記工房 (已結業)

今日中午放飯, 去咗葵盛東街市食晏。間舖位於葵盛東冷氣街市旁邊, 午飯時間人流頗多, 有附近學校嘅學生打工一族 地盤工人。 我叫咗日式三文魚炒飯, 三文魚已經切碎配埋炒香嘅白飯, 畫龍點睛嘅係隻半生熟嘅太陽蛋, 蛋汁配上三文魚, 味道可以媲美連鎖餐廳, 價錢連埋嘢飲都只係40蚊, 足足畀連鎖餐廳平咗一大截, 價廉物美。

今日我專登黎食酸湯雞米線ga~因為唔系次次都有得食，要系早一日落order叫老闆準備的確無令我失望，酸辣的味道真系會令你食慾大增，配上適量的的酸菜，無骨嘅雞肉，最適合怕"累"骨嘅我，我連湯都飲曬丫~yummy 加上牛筋肉分明，一d 都唔韌，值得介紹比大家。。最愛飲凍鴛駌，好飲味濃。凍飲都只系加2蚊雞咋~今時今日咁嘅價錢，你話去邊到揾呢？？

見佢新開張，仲喺公司附近。咁就來試下新野啦!估唔到會咁多人排隊買外賣。好彩我一早打定電話，落定order...呢間店平均消費30-50蚊左右，仲包嘢飲(大部份都不用加錢)。我今日就點左麻辣雞米線加凍奶茶。。麻辣雞味道幾好，不太辣。適合香港人口味，只系多左d 骨(老闆娘話會調整下)。牛肚口感剛剛好，都幾冧而有彈性。至於精華在米線，我未試過有咁好食咁米線，它幼細而滑溜。老闆又把湯，粉分開裝，唔怕整到d 粉冧曬。幾十蚊都已經超水準啦。。一定會再來幫襯