輕鬆一下 (已結業)

未試過食生菜魚肉，全碗都係湯，加價就不停加，料就不停少！ 我問侍應點解會咁少材料，佢仲答我係咁㗎😠😠😠其實我都食左佢左咁多年，有時諗唔到食咩，都會食下，睇住佢越做越差，又不停加價，材料又少，服務又差，我真係諗唔到再點可以幫襯佢！

行開葵芳 口很想食碗仔翅 又無乜選擇 唯有去輕鬆一下加左價 不過好彩都系加$1 叫左碗菜翅 系呢度我淨會食碗仔翅同魚肉湯 因為佢d面系幾貴下 四十幾蚊一碗 本人覺得唔值今次個菜翅都幾滿意 生菜份量夠足最愛加上辣菜莆 好有口感

今日黎葵芳揾個朋友食飯，跟住為左揾個地方好好坐低傾下偈，就費事周圍揾野食，一上openrice就見到呢邊有多間食野嘅舖頭，於是就去左簡下有邊間好食，行行下見到呢間舖，作為小食發燒友嘅我地，就簡左呢度開飯喇。腸粉腸粉都算有口感，入口都算已經令人滿足嘅。不過呢份量就真係太小喇，雖然只有十蚊，但點都應該整厚啲喇，今次嘅體驗都算幾好嘅，但比起一般舖頭都有好多位應該做得更好更加到位，食材亦都更加好，但係有小小失望囉希望有機會會再黎喇

喺上面掃完街但唔多夠飽，落樓下食多少少野！最底有兩間小食店，見輕一下多野揀d就入咗去叫咗兩樣野碗仔菜翅同腸粉個翅幾好食，不過啲菜太大塊好難入口腸粉就勁幼！雖然啲醬幾好食，但好似比平時啲腸粉少成個圈！將貨就價！

今日放工去左葵芳買衫, 買完去到葵涌廣場地下, 見到有間車仔麵店叫"輕鬆一下"~ 個名幾特別同埋平時見到都OK多人,所以就去左試下啦~ 今次咁岩見到個新飯"香辣梅菜扣肉飯"~ 自己又鍾意食扣肉, 所以就諗都唔諗就叫左黎食啦! 梅菜扣肉平時就食得多, 但係衣個加左辣汁就真係第一次食~估唔到連埋個辣汁食又真係幾特別~辣辣地~幾刺激! 但係D 扣肉就好一般了~ 4塊扣肉入面大部分既肉都好硬, 一D口感都冇~都幾失望下。 所以總結黎講, 香辣梅菜扣肉飯 個辣汁係幾OK 既, 但係如果OVERALL 黎講, 我下次就會選擇食返車仔麵算了~

行街行到餓，食碗麵豬頸肉麻辣豬肚生麵!豬頸肉比平時食開硬身，唔彈可能因為佢既做法令質感變左，但好入味好好食。麻辣豬肚較細條，但用麻辣煮得好夠味爽口，十分惹味。生麵最好，夠爽口彈牙。價錢貴，要34，如果24就perfect

回到充滿回憶的葵涌廣場，依舊人多、貼地、年輕-- 唯一老了的是我。遊走年輕新食的L3後，我來到地下的輕鬆一下。平民的setting, 平民的輕食, 兩人點了一碗面和一個淨餸加兩杯飲料- 人均$50+, 講真算貴。鹵水雞脾麻辣肉碎粗面：鹵水脾夠熱，略老麻辣味夠麻，整體有點單調凍奶茶略澀，一般四餸小食：非常一般，$10一款，價格彼貴整體來說都是「Ok la」，以主打中學生和街坊生意來說，競爭力不合隔壁的車仔面或小雨天或L3的小食店。大概，大家吃的都是感情和風味。

每次途經 都會食個煎釀三寶 可能人流多都新鮮炸～味道不錯價錢都係咁！ 現正食串魚旦也要8-9元的年代 那食個煎釀三寶比較抵吧腸粉好滑正每次必食！ 凍OT 也不過不失 全單60元左右 都ok 啦！

香港特色除了燒賣、魚蛋，就是煎釀三寶、碗仔翅。輕鬆一下的食品，沒有令你很意外的能力，地道服務小小不整潔的環境、唔咸唔淡廣東話的職員，非常「香港」特別推介煎釀三寶的豆腐，大大件、好香豆味。

見到網上雜誌介紹, 知道葵涌廣場有好多美食, 今日決定去瘋狂掃街, 第一站嚟到呢到, 經過條巷好多人坐晒喺到食野, 好彩行過有一邊有好多位, 我地叫咗個碗仔翅, 煎釀三寶, 腸粉腸粉 - 唔知點解太耐冇食, 好想叫碟腸粉食, 呢啲腸粉喺酒樓食唔到既, 一定要去啲車仔檔, 11蚊有4條, 8蚊有3條, 唔知係咪座位樓上有部冷氣直吹定本身佢已經唔係熱, 食既時候係凍既, 雖然味道係不錯, 但放涼咗囉煎釀三寶 - 有炸魚蛋, 青椒, 茄子, 紅腸, 上枱時係暖既, 味道可以, 魚肉都好彈牙碗仔翅 - 食咁多樣野, 最熱都係呢碗啦, 熱得嚟係入到口既, 但又唔係暖囉, 好足料, 好多冬菇, 味道偏咸總結 : 食物凍咗就係難食, 雖然係入到口, 但如果食物係熱既, 就算運送過程路途係遠既, 上到枱都會係暖而唔係凍

輕鬆一下本身喺葵芳廣場有另一間分店，不過好似結了業。未食素前喜歡上海擔擔麵，可惜宜家唔食得，因為有pre-mixed肉碎。 唔怕，叫麻醬擔擔麵一樣ok😁。加返幾味菜~豆卜、紫菜等就搞掂！食頭一淡真係好好味，但愈食愈濃、下午食完晚上唔洗食飯都得啦。因為太多花生醬啦，而且啲麵偏粉，可彈口少少更佳！我自己就會落啲免費既辣配菜落去，令碗麵既味道更出，仲可以有加料效果添！

每次到葵涌廣場都要到吃它的魚蛋。今次仲試埋佢哋嘅煎釀三寶㖭！我哋揀咗矮瓜，青椒同魚蛋，質素亦算不俗呢！尤其是青椒起碼係熟嘅，我食過好多出面嘅檔口件青椒係生勾勾的！而佢嘅魚蛋質感好煙韌又有咬口，有魚味得嚟又唔腥，佢嘅辣魚旦仲係麻辣味添好正㗎^_^不過記得上次車爸爸食到滴晒汗，所以今次唯有要唔辣嘅魚蛋啦， 不過同樣好味道的*^O^*

葵廣地下呢間店好多食物種類可以選擇，今日見唔係好餓，就去食下小食生菜魚肉湯，好唔中意佢d魚肉，無味又唔好食！個湯又淡無咩味煎釀三寶好大件，夠熱同埋好新鮮！叫左青辣椒，第一次食，嘩！好辣呀～青椒同茄子都好清甜，仲有d juicy!!!!!魚肉嘅份量都幾多，不過都好多粉滷水雞中翼好夠味，偏咸...肉質幾嫩滑，仲有肉汁原味嘅魚蛋，質感一般，唔係彈牙，不過好特別既醬汁，算係佢地既招牌之一。食咁多樣野先$92！都幾抵😝

葵廣好多小食店同街坊餐廳，呢間輕鬆一下可話係去過葵廣既都唔會唔識，佢地野食既味道唔係特別好出色，但係勝在種類多！開放式餐廳，有冷氣，位置多，不過店員都係一d呀姨，無咩服務態度可言。叫左個車仔麵走麵牛百葉好爽口，本身無味，要加腩汁先好味！豆卜、金菇都無咩特別，最主要係個腩汁，其實個汁好味，咩餸都會好味淨餸一d都唔平！叫左4樣野都要$36！份量又唔算多！

今天於葵芳附近工作，下班已差不多十時，又累又餓，想吃又不想吃太多。心思思想吃麵線，行了兩圈也不見有的，唯有吃生菜魚肉雲呑取代。份量是足夠的，索價$40，不便宜啊！生菜剪得剛好，沒有太大片，也算新鮮。魚肉膠質很重，沒有魚腥，幾好味！雲呑內是菜和肉，皮多薄，不過只得三粒，有點不夠飽。